جيب عشه 82 مكينة جمس 350 استفسارات

[copeh]

السلام عليكم

كيف الحال أخواني
لقيت لي جيب عشه 82 مركب مكينة جمس 350 ريال وجنوط عريضه طاره عادي بدون مكيف
وكل شيء فيه تمام لكن فيه بعض الخرابات وهي
- يحتاج كلبليتر جمس لأنه يقول نظفه لكن مانفع
- صلايب قير
- رديتر
- حرارة من تحت ويقول يحتاج تلبيس عازل من تحت
- الأسطب اليسار مكسور
- غطا الدرج مكسور وحاط عليه شطرطون عشان مايطيح كل شوي
- يحتاج تلميع من جوه

وبرأيكم كم يسوى بهذه الحالة
والخرابات السابقة كم تكلف

فياليت اللي يعرف أسعار الخرابات السابقة يضعها لا هنتم لأني نويت الشراء وقاعد أحسب ميزانتي

لا هنتم جميع

[ls1.5700]

انا اقول ماينفع لك هج عنه
مافيه غير الخساير اللي ماله داعي ولا هو مستاهل
وكل يوم ماغير كوارينه طاقه
اتمنى انك تتركه ولا تفكر فيه

[copeh]

مشكور على النصيحة
لكن مافيه سيارات دفع رباعي رخيصة وخرابات قليلة غير العشه
وانا ماخذه للبر فقط يعني يتحرك الخميس فقط

ننتظر المزيد من الآراء

[مركز حراره]

اديتر ومراوح كهرب عندي
ركب اديتر حق كابرس يجي
عريض وقصير ممتاز والمنيوم

[copeh]

كم سعره أخوي
وأين موقعك

[تساهيل1]

تبي نصيحة اخ مجرب 5 سنوات جيب 82 مكية 350 بدون تعديل

طبعأ انا كنت استخدمه كموتر رسمي ماعندي غيره

ملخص التجربه

الملاحظات

1-الدفرنسات غيرتها
2 القير يبلشك بالخرابات بالذات الصحن والدسك كل شوي بلا
3--المكينه تميل لان الكراسي تلحيم وترهيم ويجرش السلف ينشب بحلقك يخرب فجاه وانت موقف في طعس او في خلا لحالك ثم تكره نفسك

4--مايعطيك الاداء اللي انت متوقعه بالممشى صح انه يفرق ويصير خفيف لاكن يخذلك في بعض المةاقف لازم تزويد وتعديل عمدان وكربريتر وخربطه تبي تنفخ راسك
5--توقع يطفي عليك في اي مكان ياكهرب الديلكو او الظفيره يعني نشبه

هذا اللي انا اذكر من ملاحظات والا هي كثيييره


طبعآ في الاول والاخير هذا تجربتي انا وسيارتي
ولا اقول ان كل من رهم واجهته مشاكلي
والله سبحانه وتعالى اعلم




موفق ان شاء الله لكل خير وجميع الاحبه

[مدهوش]

انحش انحش انحش عشة مكينه بلد ابرك وابرك

[escape_man]

بحكم عشقي للمواتر القديمة .. زي هالموتر يعتبر كيــــــــــــــــــــــــف .. يعني مايجيه الا شخص يعشق الموتر وهو

يأدي ولا هو خربان ويصلح لرجال يشتغل بيده خصوصاً باكتشاف الاعطال واصلاح الخفيف منها.

اذا كنت من هالنمونه وتشوف البدي حق الجيب صح صح صح ثلاث مرات فتوكل على الله وسومته بين

7 آلاف -> 9 آلاف

بعضها مرهم صح يباع بالعشرينات وتلاقي بديه كنه سيراميكه.

ويالبيتك منزل صوره نشوف بديه وركزة الموتر علشان نعطيك حقه بالريال

[copeh]

أشكر الجميع على الرد
والحمد لله على كل شيء
تم شراء الجيب اليوم بسعر 14 ألف منقول ومؤمن بإسمي

وهذه صورة للموتر
http://img.haraj.com.sa/userfiles30/2013-02-17/5120cf4b4d59e.jpg

طبعا ياأخوان أنا هاوي الشكل هذا
ولا تهمني الخسائر لأن حاط ميزانية 20 ألف له
يعني باقي الآن معي 6000 ريال راح أصلح أي خراب فيه

لأن لي شهر أدور النظيف يصل إلى 20 ألف او أكثر
فعشان كذا أخذت واحد عليه ملاحظات لكن كلها تتعدل وعسى الله يعطيني خيره ويكفيني شره

دعواتكم

[escape_man]

مبروك ان شاء الله .. دامك شريت فلعاد تنشد عن القيمة :)

الكلبريتر الي عندك امعطه وانطله وركب كلبريتر هولي .. مر محل 4500 الي بالربوه مدري الروضة وخذ العلم منهم.

الرديتر المنيوم حق كابرس صابونه

[كلاش2500]

انا اقول الله يعطيك خيره ويكفيك شره.....لكن ترى الكربرتير غثا ...مجربينه وياما عانينا منه.....انا من رايى تبيع مكينته وتشوفلك مكينة LT1
حقت كابريس ابوغزالة 96 ......تراها انشط بكثير وبخاخات...واهم شى تراها رخيصة بس دور النظيف.....
والدعوة سهلة عندك فك وركب...تحتاج مع المكينة ظفيرة وتركيبها سهل .....اتوقع التكلفة كلها ماتتعدى 4 الاف....
واطرب نفسك.......
بالتوفيق ....

[تساهيل1]

الله يجعله مبروك ويعطيك خيره ويكفيك شره

بس 20 الف تشتري واحد ب 10 وتشتغل ب 10 شامله مكينه وتجديد بويه وتناجيد وكل شي
وتحت يدك وباشرافك

مير الله يوفقك ويبارك لك

[سلاطين]

الف مبروك أخوي يعطيك خيره ويكفيك شره

[ابو حسان الجنوبي]

أنصحك بالإنظمام إلى فريق
www.saudi4x4team.com (http://www.saudi4x4team.com)
كل الفريق مواترهم من هالمزيونات وخبرات ورحلات وشي يحيه قبلك


تقبل مني ازكا التحايا

[copeh]

أشكر الجميع على المشاركة
ولله الحمد تم شراء السيارة بقيمة 14 ألف منقولة ومؤمنه بإسمي وكذلك مشحونه للمدينة اللي أنا فيها
من القصيم إلى تبوك

بخصوص اللي يقول تشتري بـ 10 وتصلح بـ 10 هههههههههه والله مالقيت
لي شهرين أدور مالقيت بهذا السعر أقل شيء وخرد بعد يبغى فيه 15 ألف
فهذا طيب مرهم جاهز ومنقول بإسمي ومؤمن ومشحون لتبوك وصل 14150 ريال ولله الحمد
يعني طلع سعره حوالي 12500 ريال
نقل بدون فحص 500 ريال لأنه مرهم
تأمين 400 ريال
معرض 100 ريال
معقب 100 ريال
شحن بسامي 500 ريال


والسيارة شاريها للبر طلعات وكشتات ودخول أودية ومن هالأمور
والتطعيس لابد منه لكن ليس الهدف الأول من شراء السيارة
إن شاء الله تكون المكينة نفس اللي متخيله لأن هذه المكينة جربناها زماااان على جمس سوبربان ماشاء الله قوية
فكيف على جيب ربع وزنه أقل من الجمس شيء أكيد بتكون قوية ( والله أعلم )
السيارة بتصل تبوك بعد كم يوم إن شاء الله

السؤال الآن ياأخوان

هل أشتري كلبليتر جديد ولا طقم إصلاح لأن لقيته جديد أمريكي 800 ريال وطقم إصلاح 120 ريال أصلي
بخصوص الرديتر كلمت راعيه يقول مافيه شيء بس يقول فيه حرارة داخل السيارة فتوقعته يقصد الرديتر فطلع الرديتر مافيه مشكلة
بخصوص الحرارة داخل السيارة بحط عازل وأنجد لكن ياليت لو فيه نوع معين أو فكرة معينة أتمنى إتحافي بها :)

أيضا يقول فيه تهريب زيت بسيط في الدودة يقول يمكن من الليات

كذلك يحتاج كفرين كم تتوقعون أسعار نفس الكفر اللي في الصورة

أيضا أتمنى لو فيه أفكار أخرى أضيفها على السيارة تخليها أفضل كشكل أو قوة إلخ ,,,
وأبشروا بالصور والفيدوهات للمزيون أول ماأضبطه

لا هنتم جميع

[escape_man]

الكلبريتر مثل ماقلت لك ..
شاور حقين الترهيم في تركيب كلبريتر هولي 650

الامريكي الي تقول عنه هذا مجدد
والجموس ماينفع فيها التجديد ..
الا خرب شي فارمه وركب جديد وترتاح من

الخرابات سنين ..

اهم شي هالحين .. تشيك على التانكي حق البنزين ..
نزله ونظفه و نظف مواصيره وركب بينه وبين الكلبريتر

صفاية كابرس موديل 86-90 ..
هذا بالاضافة لصفاية الكلبريتر ..
ترى هالفكرة ريحتني بالجموس ونصحت

فيها ربعي وبحول الله ما عاد خربت كلبريترات
مواترهم ابد .. لانه خراب الكلبريتر من الاوساخ.

الدوده كان مشكلتها لي فغيره بالمخرطه واكبس لي جديد
وكانه الدودة فغير اصلاح .. امرها سهل ان شاء الله .

[copeh]

لا هنت أخوي بن غييثات

إن شاء الله أول ماتصل
السيارة بنجربها ونشوف
والكلبيتر غالي جدا
لكن لما تصل السيارة نشوف هل تحتاج
طقم إصلاح وألا الله يعين على الجديد

أشكرك ياغالي :)

[الحارثى محمد]

ننتظر تكملة الموضوع
كيف الجيب معاك بعد مرور ثمانية سنوات
هههه

[الجوال0]

الظاهر أنه عزله من زمان :)