عنقاء وريمية وعذرا وبتوله/لبوماجد(جديد) ..... حله ( ابو ماجد ) ... الحل (انتاركتيكا)

[ال-رايق]

السلام عليكم ورحمة الله وبركاته
اخواني:
الزعيم ابوماجد,,,, الله يجزاه خير وجّه لي لغز عنوانه(من اقصده مابيننا جاء مثوله//ابو مهند صار للنت عايد),,ولم اتمكن من مجاراته جرّاء بعض الظروف وقلت له ابشر بالعوض ,,وهاأنذا أوفي بوعدي ..وعلى نفس القاف ...والله يساعدنا على رد الجميل وان وفيت فباجتهاد مني ارجوا ان يسامحني وانتم معه على القصور,,كما انني اتمنى ان يقرأه الجميع وهم بأتم الصحه والعافيه..كذلك اللغز مفتوح الرمع للجميع:

ياطير بالله خذ مع الجو جوله=روّح كفيت الشر,, من كل صايد
ولاجيت عنيزه لد بادنى حقوله=وتشوف بيت بين حدب الجرايد
بيت لبوماجد اوي من حموله=هل السلوم الطيبه....... والعوايد
ثم سلّم اللي طيبات(ن) فعوله=خط زهت به ,صادقات القصايد
والشعر تبرك,, لبوماجد ذلوله=وانحورها ... تزهى بحلو القلايد
قصيدة(ن) فيها المعاني شموله=روضه ..وفيها نايدات الطرايد
عنقاء وريمية,, وعذرا وبتوله=عندن, وحايش.. ماقفن قرن قايد
مرباعهن ضلع(ن)يطوق سهوله=عسر المراقي محدبات السنايد
وقفيتهن.. والرجل ماهي كسوله=والساق احثّه لجل طوي البعايد
ومن الوحش والشمس يمّي افوله=احبي سواة الورع عقب المهايد
وسقت السهوم بقطر عين ودلوله=ماهوب صيد موقّظين السهايد
وانا اتنقى الجزل, واروز زوله=واقيسها بالشبر .. جوز وفرايد
ودربي طلوعه عسر كنه نزوله=صعب على من لاضرا بالجلايد
والركبي والله ..مايساير رحوله=الاّ ,ان عقرها قبل طرح الشدايد
ثمّن ضويت بصيد وكفي نقوله=والصيد مايسوى ,,,, بليّا موايد
مع السلام اللي غطس بحر توله=حالي كما العسّال قطر الشهايد
لك يالزعيم , بكل حرف وقوله=مع المثايل والحكم ,, جود جايد
ولغز عساه ايجيكم على أصوله=والبيت مايثبت ,,,,, بلياّ عمايد
اللغز:
ياويش بنت حكم عشرين دوله=مع مثلها واكثر من النص زايد
اللون , أبيض حيّها من يطوله=يرجع مثل ماجاها والدرب نايد

وسلامتكم/
أخوكـــــــــم/ال-رايق
مكشات/خيمة الألغاز

[ناصر العلي]

وعليكم السلام ورحمة الله وبركاته
سلمت يالغالي
وصح لسانك
وماشاءالله عليك على هالنظم
كل بيت يقول الزود عندي
لافض فوك
وغالي ومسند على كفو وغالي
وأنت يمكن تقصد تقول
ياويش بيت حكم
وأنا أقول
البيت الأبيض والولايات المتحدة
وعلى ضلعي المحبوب وديني

[راعي العجراء]

صح السانك صح السانك صح السانك
يالذيذ يارايق
جزل وماتجيب الا الجزل وعوايدك
والشعر تبرك,, لبوماجد ذلوله
..... وانحورها ... تزهى بحلو القلايد
ياسلام عليك يالرايق
ابيات تطرب الراس والكيف والمخيخ
وغالي ومسند على غالي ويستاهل ابو ماجد الاسناد
وجاري التفكير
مع السلامه

[ال-رايق]

وعليكم السلام ورحمة الله وبركاته
سلمت يالغالي
وصح لسانك
وماشاءالله عليك على هالنظم
كل بيت يقول الزود عندي
لافض فوك
وغالي ومسند على كفو وغالي
وأنت يمكن تقصد تقول
ياويش بيت حكم
وأنا أقول
البيت الأبيض والولايات المتحدة
وعلى ضلعي المحبوب وديني

هلا بك يابوعلي الغالي
عدد من هلا ورحب
وتسلم لتجاوبك الله يطول عمرك واشادتك فخر واعتزاز
وحكاية على ضلعي المحبوب لايكون تبي مثل هالضلع اللي فيه عنقاء وبتوله(يابوقلب فوشي)..مالك الا ضلع ابوفيصل ولا يهون ابومحمد راع الضلع.
على العموم بنت جعل والديك في الجنه وليس بيت.
وشكرا

[ال-رايق]

صح السانك صح السانك صح السانك
يالذيذ يارايق
جزل وماتجيب الا الجزل وعوايدك
والشعر تبرك,, لبوماجد ذلوله
..... وانحورها ... تزهى بحلو القلايد
ياسلام عليك يالرايق
ابيات تطرب الراس والكيف والمخيخ
وغالي ومسند على غالي ويستاهل ابو ماجد الاسناد
وجاري التفكير
مع السلامه


هلا بخلف جدي وحي وميت
هلا بالمملوح من الصغر حتى الكبر
ويالله ان تحييه
وصح بدنك وان بغيت الصدق ماترتقي ابياتنا المتواضعه لمستوى ابداعات قريحتكم المبجله
ولكن ابعتبر اشادتك دفعه للامام وتاج راس وليس خط اقلام.
بانتظارك ومرماعك الله يوفقك

[ذيب الفقارة]

وعليكم السلام ورحمة الله وبركاته

يا سلام على هذه الرائعة التي يستحقها حبيبناوفارسنا أبو ماجد

اختيار موفق من جميع الجوانب ما شاء الله عليك وهذا ليس بمستغرب على شاعر مثلك

الرمعة

جاري التفكير فيها

تحياتي وتقديري واحترامي

[ال-رايق]

وعليكم السلام ورحمة الله وبركاته

يا سلام على هذه الرائعة التي يستحقها حبيبناوفارسنا أبو ماجد

اختيار موفق من جميع الجوانب ما شاء الله عليك وهذا ليس بمستغرب على شاعر مثلك

الرمعة

جاري التفكير فيها

تحياتي وتقديري واحترامي


الله يسلمك وماعليك زود اخوي ابوعدنان
وكلامك والله انه زادني سرور الله يمتعك بالصحه والعافيه والسعاده
والرائع تواجدكم وردودكم
بانتظار مرماعك الطيب
الله لايهينك

[صقر السديرات]

الله الله الله الله
صح لسانك يا لذيذ يا رايق
الحقيقة اقف عاجزا امام هذا العملاق
ماشاء الله تبارك الله ابداع بكل ما تحمله الكلمة
والصيد ما يسوى بليا موايد
احسنت احسنت احسنت
وفارسنا وحبيبنا ابو ماجد يستاهل الطيب وكل خير
رجل ملكنا باخلاقه وطيبته وتواصله
كفو يا ابو مهند
دمت بخير

[ال-رايق]

الله الله الله الله
صح لسانك يا لذيذ يا رايق
الحقيقة اقف عاجزا امام هذا العملاق
ماشاء الله تبارك الله ابداع بكل ما تحمله الكلمة
والصيد ما يسوى بليا موايد
احسنت احسنت احسنت
وفارسنا وحبيبنا ابو ماجد يستاهل الطيب وكل خير
رجل ملكنا باخلاقه وطيبته وتواصله
كفو يا ابو مهند
دمت بخير


وش ابركها من ساعه اذا ملح وحلاوة مكشات (ابوفيصل)يرد علي بهالرد الالماسي اللي والله انه زادني بسط وسرور اضافة لتواجد راعيه عسانا مانتبدل فيه ولا في شرواه.
---------------
تسلم يابو فيصل وماعليك زود
وصح كلك اخوي الغالي
ولاهنت على مرورك اللي عطر الجو تعطير

[ناصر العلي]

طيب يالغالي
ماتصير
الشريعة الإسلامية
وعدد الدول الإسلامية سبعة وخمسون دولة

[ذيب الفقارة]

يمكن :

كما أشار أبو علي

منظمة المؤتمر الاسلامي ( منظمة التعاون الاسلامي )

وعدد دولها 57

تحياتي

[ابو ماجد 2]

ماشاء الله تبارك الله
سلمت يداك وسلم فكرك وسلمت كلك
والله ان فيني من الارهاق مافيني تعرف كبر واثر سفر ولكن هالابيات اطربتني وجلت الصدر من اثر الكلل
ابو مهند
مازلت في نشوة الطرب سأعيد قرائتها مرة ومرة ومرة
سأتلذذ بجمالها
واما اللغز فالفكر مازال في نشوة الاعجاب
صح لسانك ملايين
تغيب وتاتي بالدرر ماشاء الله عليك

[هيل]

[center]هلا بخلف جدي وحي وميت
هلا بالمملوح من الصغر حتى الكبر
ويالله ان تحييه
وصح بدنك وان بغيت الصدق ماترتقي ابياتنا المتواضعه لمستوى ابداعات قريحتكم المبجله
ولكن ابعتبر اشادتك دفعه للامام وتاج راس وليس خط اقلام.
بانتظارك ومرماعك الله يوفقك
ماشاءالله عليك جزل جزل جزل مايختلف عليه اثثنين غالي ومسند علي غالي وغالي راع العجراء ابشركم حلق الشنب ورفدناه بصقاله من ورا خوف يطيح
مرور اعجاب وسلام
تحياتي[/centerِ]

[ابو اسامه 2]

وعليكم السلام ورحمة الله وبركاته

صح لسانك ملايين يا الغالي

وبيض الله وجهك

والحمد لله على السلامه

وانا اقول ليه الخيمه منوره

حياك الله عد ما سال سيل يا الغالي

وابو ماجد يستاهل وانت تستاهل كل خير

بيض الله وجهك

ورمعتي

دولة الامارات

تحياتي لك

[عطري]

و عليكم السلام و رحمة الله و بركاته
صح لسانك أبا مهند ، ماشاء الله تبارك الله أبيات جميلة و رائعة كصاحبها .
و غالي و مسند على غالي
يستاهل أبو ماجد كل خير ، الله يحفظكم جميعاً.
مرور سلام و إشادة ، أخاف ينقطع النت و لا الحق أرد.
جاري التفكير ، إن لم تصب رمعة الأخوان.

[النبهاني]

وعليكم السلام ورحمة الله وبركاته
الله الله الله على هالطرب
صح لسانك واعتلا شانك
ولله درك يابو مهند
غالي ومسند على غالي وكفو ابو ماجد والله يستاهل
رميعه صوب الضلع
لعبة البلوت ( 52 )

[ال-رايق]

طيب يالغالي
ماتصير
الشريعة الإسلامية
وعدد الدول الإسلامية سبعة وخمسون دولة


ياهلا بالعميد أقين وأقين
والاتجاه صحيح بالنسبة لمشاركة الدول
كرر المحاوله
وشكرا

[ال-رايق]

يمكن :

كما أشار أبو علي

منظمة المؤتمر الاسلامي ( منظمة التعاون الاسلامي )

وعدد دولها 57

تحياتي


يامرحبا ببوعدنان كمان وكمان
كرر المحاولة بعد قراءة ملاحظتي لبوعلي
شكرا

[ال-رايق]

ماشاء الله تبارك الله
سلمت يداك وسلم فكرك وسلمت كلك
والله ان فيني من الارهاق مافيني تعرف كبر واثر سفر ولكن هالابيات اطربتني وجلت الصدر من اثر الكلل
ابو مهند
مازلت في نشوة الطرب سأعيد قرائتها مرة ومرة ومرة
سأتلذذ بجمالها
واما اللغز فالفكر مازال في نشوة الاعجاب
صح لسانك ملايين
تغيب وتاتي بالدرر ماشاء الله عليك




وأقول وش هالدبيك المحبوب بالساحه واثر الفارس موجود
مليار مرحبا بك يابو ماجد
ويعلم الله ان اخوك /ال-رايق مبسوط يوم شاف معرفك
ويالله ان تحييه
وصح بدنك وماعليك زود,,,,,,,وكل حرف تكتبه بحقي والله اني اتفيخر واعتز فيه الله يرفع مقامك.
وماسوينا الا الواجب ونتبع اثرك فأنت ماتخلي احد الا وتسأل عنه سألت عنك العافيه
بانتظارك ومرماعك يالغالي

[ال-رايق]

[center]

ماشاءالله عليك جزل جزل جزل مايختلف عليه اثثنين غالي ومسند علي غالي وغالي راع العجراء ابشركم حلق الشنب ورفدناه بصقاله من ورا خوف يطيح
مرور اعجاب وسلام
تحياتي[/centerِ]


وأنا أسأل نفسي (وش هالصهيل اللي يوسع الصدر)أثر ابو عبدالله شرف المنتدى:
مليار ارحب ياخونا الهيل ولاتعبتوا والحمدلله على السلامه
ويالله ان تحييه
وصح كلك يالغالي
وماعليك زود ونتبع اثركم فانتم سبقتونا بالشعر والالغاز وحسن التعامل والطيب كله لاعدمتكم.
--------------
وحلووووووووووووووووه السقّاله...وفعلا سمعت انه حلق اشنبه لأنه سكن بشقة فوق محل حلاقه ومن كبر شنبه يحاسب الحلاق بالشهر والحلاق اذا بغى يحلقه راح للبطحاء وجاب من الامواس الاصليه وشهر يحلق فيه لين قواه........والدميجه كبيره مالومه لو سقّل وردف صنقره.:D

[ال-رايق]

وعليكم السلام ورحمة الله وبركاته

صح لسانك ملايين يا الغالي

وبيض الله وجهك

والحمد لله على السلامه

وانا اقول ليه الخيمه منوره

حياك الله عد ما سال سيل يا الغالي

وابو ماجد يستاهل وانت تستاهل كل خير

بيض الله وجهك

ورمعتي

دولة الامارات

تحياتي لك


ايوه ايوه والنور دا هوه
يامرحبا بالمشرف الغالي
الأخ المثالي
طالب العلم العالي(الله يوفقه)
==
مليار ترحيبه فيك اخوي ابو اسامه
والساعه المباركة يوم شرفت متصفحي جعلك تسلم
--------
وصح بدنك ووجهك دوم ابيض الله لايهينك
وشوي مما عندكم فانتم قلتم الشعر من الصغر ماشاء الله وانا اامشي باثرك يالغالي.
-----------
والرمعه هي اطيب رمعه للآن.
حاول مرة اخرى
وشكرا

[ال-رايق]

و عليكم السلام و رحمة الله و بركاته
صح لسانك أبا مهند ، ماشاء الله تبارك الله أبيات جميلة و رائعة كصاحبها .
و غالي و مسند على غالي
يستاهل أبو ماجد كل خير ، الله يحفظكم جميعاً.
مرور سلام و إشادة ، أخاف ينقطع النت و لا الحق أرد.
جاري التفكير ، إن لم تصب رمعة الأخوان.


الف مليار ترحيبه
واقول ليش احنا بالصباح والدنيا مساء
هذا لأن ماشاء الله تبارك الله العطر الفواح وبكل اريحية مشارك بالردود جعله يسلم.
حياك رب العالمين
واشادتك وسام صدر يتركب عليه وليس في دولاب الذكريات.
الله يمتعك بالصحه والسعاده
ورمعات الاخوان قريبه بعيده
تحياتي

[ال-رايق]

وعليكم السلام ورحمة الله وبركاته
الله الله الله على هالطرب
صح لسانك واعتلا شانك
ولله درك يابو مهند
غالي ومسند على غالي وكفو ابو ماجد والله يستاهل
رميعه صوب الضلع
لعبة البلوت ( 52 )



وانت الله الله عليك بعد يابوسالم/
تراني انتظر هاللحظه وجابها الله /انتظر الغالي/اخونا النبهاني يشرف الله يرفع مقداره
واللي يعجبك والله اني ما اقبل السوم فيه لو يباع
مليارات التراحيب براعي الطيب
وصح كلك جعلك تسلم
وماشاء الله عليك تشطف العدد لكن الرمعه بعيده
شف ردي على ابو اسامه والبنت فعلا يديرها دول
تحياتي

[رحال و مسافر]

وعليكم السلام ورحمة الله وبركاته
صح لسانك ملايين يابومهند وماشاء الله تبارك الله
وغالي ومسند على غالي والزعيم صاحب الألفين يستاهل كل الخير
جاري التفكير فيه بعد رمعات الأخوان
حفضك الله

[ابوماريا]

صح السانك مليوووون يابو مهند
إبداع ماشاء الله عليك
وأبو ماجد يستأهل هذا الابداع

الدول اللي طالبت بإحالة ملف سوريا للجنائية الدولية

[ناصر العلي]

سلمت يالغالي
إن ماصادت رمعة الغالي أبوفايز
أقول ماتصير البنت
أفغانستان

[ابو ماجد 2]

صباح الخير يابو مهند
رمعة ابو ماريا ماشاء الله حلوه
وان ماصابت
لعلها الدول التي تمارس تجارة الرقيق الابيض
وهي عملية بيع الفتيات بنات دول فقيره او مضطربه سياسيا لاستغلالهن جنسيا بدول غنيه
وقال التقرير: إن ضحايا عمليات البيع عادة ما يكن من البلدان الفقيرة أو من البلدان التي تعيش نزاعات مسلحة، مشيرا إلى أن هناك 51 دولة تنتشر فيها تجارة الرقيق الأبيض بكثافة، ومن بينها: أرمينيا والبوسنة والهرسك وكوريا الشمالية وكوبا وجورجيا واليونان وهاييتي وكازاخستان وليبيريا وأوزباكستان والدومينكان وسورينام وتركيا وبليز.

[النبهاني]

ان ما صادوه البوارديه
فاقول يابو مهند ممكن
منظمة الكومنولث ( دول عدم الانحياز )
وعد الاعضاء 53

[ال-رايق]

وعليكم السلام ورحمة الله وبركاته
صح لسانك ملايين يابومهند وماشاء الله تبارك الله
وغالي ومسند على غالي والزعيم صاحب الألفين يستاهل كل الخير
جاري التفكير فيه بعد رمعات الأخوان
حفضك الله


الله ان تحييه وتبقيه مثلما نور المتصفح بوجوده
يامرحبا مليار باخونا/رحال
وصح بدنك وكلامك على العين والراس وفخر واعتزاز الله يعزك بطاعته
----------
وبانتظارك الله يطول عمرك

[ال-رايق]

صح السانك مليوووون يابو مهند
إبداع ماشاء الله عليك
وأبو ماجد يستأهل هذا الابداع

الدول اللي طالبت بإحالة ملف سوريا للجنائية الدولية


مين؟؟؟؟؟؟؟؟؟؟
المثالي!!!!!!!!!!!!!!
الف مليون ترحيبه بك ياخوي/ابوفايز
ويالله ان تحييه حيث شرف الله لايهينه
والابداع في تواجدك وردك يالغالي
----------------
والرمعه مالك لواء
ولاتهمل جانب ان البنت بيضاء
تحياتي

[ال-رايق]

سلمت يالغالي
إن ماصادت رمعة الغالي أبوفايز
أقول ماتصير البنت
أفغانستان


مرحبا اقين للي له مشتاقين
ورمعتك وابوفايز غير صحيح
لاتنسى واعتبر هذا تغشيش ان هناك حي من يقربه يرجع للوراء در مثل ماجاء
بي سمارت ماي كزن لايك يو وير
ماي ريقاردز

[ال-رايق]

صباح الخير يابو مهند
رمعة ابو ماريا ماشاء الله حلوه
وان ماصابت
لعلها الدول التي تمارس تجارة الرقيق الابيض
وهي عملية بيع الفتيات بنات دول فقيره او مضطربه سياسيا لاستغلالهن جنسيا بدول غنيه
وقال التقرير: إن ضحايا عمليات البيع عادة ما يكن من البلدان الفقيرة أو من البلدان التي تعيش نزاعات مسلحة، مشيرا إلى أن هناك 51 دولة تنتشر فيها تجارة الرقيق الأبيض بكثافة، ومن بينها: أرمينيا والبوسنة والهرسك وكوريا الشمالية وكوبا وجورجيا واليونان وهاييتي وكازاخستان وليبيريا وأوزباكستان والدومينكان وسورينام وتركيا وبليز.



صباح النور والسرور اخي الزعيم
ورمعة ابوفايز هذي ماقريتها (حقت الرقيق)وينهابوه ؟الله يسلمك
على العموم لم يحالف الرمعات الحظ وفي ردودي الاخيرة بعض التوضيح
تحياتي

[ال-رايق]

ان ما صادوه البوارديه
فاقول يابو مهند ممكن
منظمة الكومنولث ( دول عدم الانحياز )
وعد الاعضاء 53


يابقبق عيني ابو سالم
لم يحالف الرمعه الحظ
البنت يابسة وبعيده:D
شكرا

[ناصر العلي]

طيب يالغالي
ماتصير
المدينة البيضاء بتل أبيب
أو
الدار البيضاء

[ابو اسامه 2]

طيب يا الغالي

نقول

روسيا البيضاء


تحياتي لك

[أبو ذيب 77]

صح لسانك يالشاعر الرايق ..

كفووو ومسند على كفووو

وش تقول في عدد نجوم علم امريكا 50 نجمه

[ذيب الفقارة]

السلام عليكم ورحمة الله وبركاته

يمكن :

دول الكومنولث البريطاني 53 دولة

[ال-رايق]

طيب يالغالي
ماتصير
المدينة البيضاء بتل أبيب
أو
الدار البيضاء


هلا وغلا ببوعلي
ابعد جزاك الله خير عن المأهول سكانيا

[ال-رايق]

طيب يا الغالي

نقول

روسيا البيضاء


تحياتي لك


حبيب الكل
انظر ردي لبوعلي
شكرا

[ال-رايق]

صح لسانك يالشاعر الرايق ..

كفووو ومسند على كفووو

وش تقول في عدد نجوم علم امريكا 50 نجمه


وأقول الساحه بها صوت اهرافة ذيب
واثر اخونا/أبوذيب
قد شرف جزاه الله خير الموقع
مليار ترحيبه بالغالي
وصح بدنك لاهنت
============
والرمعه بعيده خلك بالارض وليتك تشوف الردود السابقه خصوصا الاخيره
تحياتي

[ال-رايق]

السلام عليكم ورحمة الله وبركاته

يمكن :

دول الكومنولث البريطاني 53 دولة


هلابك اكثر واكثر
بعد/وعليكم السلام ورحمة الله وبركاته
=
ليتك بعويناتك الصغار اللي تولع احمر بالليل
http://www.mekshat.com/pix/upload05/images252/mk211399_wols.jpg
تشوف ردي على الغالي ناصر العلي

[ناصر العلي]

سلمت يالغالي
ماتصير
القارّة القطبية

[ابو ماجد 2]

صباح الخير يابو مهند
ممكن
قارة
أنتاركتيكا

الغير مأهوله

[ال-رايق]

سلمت يالغالي
ماتصير
القارّة القطبية


هلا بالعميد الغالي
وياقربك منها
والحل عند من سندناله اللغز
شكرا

[ال-رايق]

صباح الخير يابو مهند
ممكن
قارة
أنتاركتيكا

الغير مأهوله




أحلى حاجه يسند لك اللغز وانت تجاوب عليه
نعم يابو ماجد وكفو ملياااااااااااااار
---------
الفارس وعوايده/أبو ماجد
الحل/انتاركتيكا
التوضيح/
ياويش بنت حكم عشرين دوله ×
× مع مثلها واكثر من النص زايد
==عشرين ومثلهاعشرين=40واكثرمن النص=10/50دوله
حيث انها تدار بهذا العدد-50-
اللون , أبيض حيّها من يطوله ×
× يرجع مثل ماجاها والدرب نايد
بيضاء=من الثلج
حيها=البطريق
من يقترب منه مسافة 4 او 5 امتار يطرد من انتاركتيكا وهذا القانون
وكم من الشعوب يتمنون من حكامهم احترامهم كما يحترم حيوان البطريق او اقل حتى
حسبنا الله ونعم الوكيل
وشكرا

[عطري]

صح لسانك أبا مهند ، و لله درك

و كفووووووووووووووووووو
يا أبا ماجد

ماشاء الله تبارك الرحمن ، ثقافة عالية ، الله يزيدك.
لا تقول قوقل ، سألته عن البطريق و مكان تواجده كنت شاك فيه ، ما عطاني
هالاسم توهني.
و تستاهل أنت و أبو مهند كل خير،،،

[ابو ماجد 2]

أحلى حاجه يسند لك اللغز وانت تجاوب عليه
نعم يابو ماجد وكفو ملياااااااااااااار
---------
الفارس وعوايده/أبو ماجد
الحل/انتاركتيكا
التوضيح/
ياويش بنت حكم عشرين دوله ×
× مع مثلها واكثر من النص زايد
==عشرين ومثلهاعشرين=40واكثرمن النص=10/50دوله
حيث انها تدار بهذا العدد-50-
اللون , أبيض حيّها من يطوله ×
× يرجع مثل ماجاها والدرب نايد
بيضاء=من الثلج
حيها=البطريق
من يقترب منه مسافة 4 او 5 امتار يطرد من انتاركتيكا وهذا القانون
وكم من الشعوب يتمنون من حكامهم احترامهم كما يحترم حيوان البطريق او اقل حتى
حسبنا الله ونعم الوكيل
وشكرا


صح بدنك
وصح لسانك
على فكرة اللغز واثرائنا بمعلومه
وصح لسانك على حبكة الغطو فيه
وصح لسانك على الحس الشعري

[هيل]

السلام عليكم ورحمة الله وبركاته
هلا وغلا ببو مهند والله يابرمع رمعه بس مابي الضلع الحمر ابي قبرص
وش رايك يالغالي بالمركبه الروسيه مير اصبحت لستخدام اكثر من دوله
:lr

[ابو ماجد 2]

صح لسانك أبا مهند ، و لله درك

و كفووووووووووووووووووو
يا أبا ماجد

ماشاء الله تبارك الرحمن ، ثقافة عالية ، الله يزيدك.
لا تقول قوقل ، سألته عن البطريق و مكان تواجده كنت شاك فيه ، ما عطاني
هالاسم توهني.
و تستاهل أنت و أبو مهند كل خير،،،


هلا بالعطر الفواح
كفوك الطيب ياطيب
والثقافة وين وانا وين
انا اعرف ان انتاركتيكا قارة غير ماهوله
واما البقية فالبركه بابو مهند