سؤال عن مواصفات الباترول ..

[N.m.a]

السلام عليكم
الاحظ في مواقع السيارات
مكتوب مثلا
باترول سفاري رقم 1
باترول رقم 2
ياليت توضيح وش معنا
سفاري و سوبر سفاري
و رقم واحد ورقم 2
ووشو الى يجي منه قير عادي ؟

هل يجي 4500 من 2007 وفوق ؟

---
معلومة واحدة تفيديني ,, شكرا جزيلا

[لاتكب البيالة]

من 2002 وفوق يجي مكينة فتك 4800 ويجي مكينة 4500
ابرز الفورقات
الباترول مكينة 4500 وله درجات
السفاري 1 مكينة فتك وداخليه رمادي وجنوط 16وطبلون ماهو ليزر
السفاري 2 مكينة فتك وداخلي بيج وجنوط 17 ويزيد عليه السوبر بعض المواصفات
وكلهن يجي عادي وتماتيك

[N.m.a]

الله يسخر لك ويوفقك

[N.m.a]

ياليت الزيادة والتفصيل
تخشب او مثبت و تحكم بالدركسون و مثبت سرعة ( يجي للقير العادي ) ؟
مكيف او مكيفين ؟

[abo.suliman]

وعليكم السلام ورحمة الله وبركاتة ..

مواصفات الباترول مثل ماتفضلت انت وقلت رقم 1 ورقم 2 وسوبر سفاري .. سياحي ونص فل وفل كامل

نجي للفروقات ..

رقم واحد يجي مكيفين ثلاجه بدون زينون وبدون تخشيب وجنوط حديد ولون الداخلية من 2002 الى 2004 بيح مايفرق اللون عن رقم 2 والسوبر لكن من 2005وطالع صار رصاصي غامق ورفارف سود ويقولون انه يجي رفارف نفس اللون لكن ما ادري عن هالنقطة

رقم 2 يجي تخشيب والطبلون عادي واعتقد بدون زينون ويجي فتحه وثلاجه ومكيفين وجنوط كروم .

السوبر سفاري يجي طاولات اكل من 2006 وطالع طبعاً .. ومعروف السوبر طبلونه ليزر وزينون وفتحه وتخشيب والجنوط من 2005 للسوبر سفاري تغيرت ..

هذي الفروقات حسب نظريتي ..

[abo.suliman]

ياليت الزيادة والتفصيل
تخشب او مثبت و تحكم بالدركسون و مثبت سرعة ( يجي للقير العادي ) ؟
مكيف او مكيفين ؟

نعم اخوي .. يجي تخشيب ويجي تحكم بالدركسون ويجي مثبت سرعة لكن للقير العادي ما ادري هل يجي او لا , اعتقد يجي بالسوبر قير عادي

[N.m.a]

يعني كل باترول فتك يجي مكيفين

الله يعافيكم جميعاَ

[N.m.a]

من 2005 وطالع

--
تقريبا كم سعر ال 2008 او 2009 ممشى اقل من 100
سياحي قير عادي ؟ < الى هو سفاري 1

[ابوسند9]

يعني كل باترول فتك يجي مكيفين

الله يعافيكم جميعاَ
لا يا الغالي
فيه نوع يجي مكيف واحد وبا الغالب موجود في قطر

[ابوسند9]

من 2005 وطالع

--
تقريبا كم سعر ال 2008 او 2009 ممشى اقل من 100
سياحي قير عادي ؟ < الى هو سفاري 1
والله يا الغالي السعر يختلف
حسب الممشى والنظافه واللون
وطبعا انت تقصد 4800 مكيفين وثلاجه ومثبت سرعه وفرش اسود
لكن حسب معرفتي وموديل 2009 من 110000 الى 120000 حسب النظافه والممشى واللون وخذ الفرق من موديل 2009 ونازل بحدود ال 10 الاف
لكن انصحك بالقير التماتيك افضل واقل اعطال وصوت مكينه هادئه

[abo.suliman]

من 2005 وطالع

--
تقريبا كم سعر ال 2008 او 2009 ممشى اقل من 100
سياحي قير عادي ؟ < الى هو سفاري 1


ولد عمي ماصار له فترة بسيطة شاري 2008 وارد عمان

رفارف سود مكيفين ثلاجة دفلك قير عادي .. طبعاً سياحي لكن يجي العماني دفلك

ماخذه بـ 97

والـ 2009 تبي تلقاه حول الدعوه ..

[abo.suliman]

حسب رغبة الرجال , قير عادي او تماتيك ..

وانا من رأيي الفتك مايصلح تماتيك لان الموتر طرب وزينته لا جاك عادي .. وجهة نظر

[N.m.a]

لا والله حلات القير العادي لا في النفود ولا في الخطوط واتوقع الفرامل في السيارات القير العادي اقل استهلاك

[ابوسند9]

لا والله حلات القير العادي لا في النفود ولا في الخطوط واتوقع الفرامل في السيارات القير العادي اقل استهلاك
اخوي
اللي اقصده
انك مثلا لو تمشي بالقير التماتيك 160 الضغط على 3 وهنا الراحه
بينما القير العادي لو تمشي 140 الضغط على 4 وهنا الازعاج بسبب ان دفرنسات القير العادي اكبر
لكن اذا انت بمدينه زحمه زي الرياض الله يعين رجلك على الكلتش
اما الفرامل اذا تقصد الفحمات فا راح تنسى شي اسمه فحمات ولا تحسبه زي التايوتا في استهلاك الفحمات
انا مشت معي فحمات شد بلد 225 الف
واللى مركب الان ماشيه 155 الف طبعا القير تماتيك
والله يكتب اللي لك فيه خير واهم شي انتبه لان اغلب القير العادي وخاصه الخليجي البعض منها قد ركب لها تيربو فا اهم شي افحص المكينه لاتكون مفكوكه وانتبه للرفرف اللداخلي لايكون فيه خروم للتيربو

[صالح ابو لمار]

حسب رغبة الرجال , قير عادي او تماتيك ..




وانا من رأيي الفتك مايصلح تماتيك لان الموتر طرب وزينته لا جاك عادي .. وجهة نظر




اخوي الكريم انا معي قير تومتيك
وثنين من زملائي معهم عادي

في النفود ولا بالخط اروح عليهم
مع العلم بالخط اي موتر تومتيك يحن

للمعلوميه الفتك التومتيك حقك يجي قيرين
بمعنى انه عادي تومتيك
في الطعات ارج اي نمره وريح الموتر وقت مابي
وبسرعه اسرع من راعي العادي


لاكن المشكله هو اذا احتمى الموتر مره الله يخلف على القير
فلازم تحط تبريد للقير العادي وباذن الله معليه اخلاف

اخوك مجرب ولله الحمد مافيه اي مشاكل :good2:

[abo.suliman]

اخوي الكريم انا معي قير تومتيك
وثنين من زملائي معهم عادي

في النفود ولا بالخط اروح عليهم
مع العلم بالخط اي موتر تومتيك يحن

للمعلوميه الفتك التومتيك حقك يجي قيرين
بمعنى انه عادي تومتيك
في الطعات ارج اي نمره وريح الموتر وقت مابي
وبسرعه اسرع من راعي العادي


لاكن المشكله هو اذا احتمى الموتر مره الله يخلف على القير
فلازم تحط تبريد للقير العادي وباذن الله معليه اخلاف

اخوك مجرب ولله الحمد مافيه اي مشاكل :good2:


العادي وانا اخوك يعتمد على السواق , فيه ناس تبديلاتهم سريعة وبهالحاله انس انك تجيبه وانت تماتيك وفيه ناس تبديلاتهم بسيطه وعادية وبهالحاله يمكن تجيبه وتتعداه بعد .

لكن من ناحية الطرب , فـ صدقني العادي بالنفود يطربك

ان كانك راعي مكشات وساعة صدر وتحب النفود , جرب العادي .

[شلش 1896]

السلام عليكم
صباح الخير
يالربع انا ودي اشتري الفتك الجديد ولاعرف عنه شي هل تنصحون فيه ابي خطوط وديره وبر خفيف وشهي مواصفاتهن ياليت تفيدوني

[كن متفائلا]

السلام عليكم
صباح الخير
يالربع انا ودي اشتري الفتك الجديد ولاعرف عنه شي هل تنصحون فيه ابي خطوط وديره وبر خفيف وشهي مواصفاتهن ياليت تفيدوني

وعليكم السلام ...

بعد توصية ومشورة من أهل الخبره والبحث في النت
شريت أمس فتك 2014 سفاري فل كامل ب 158 الف من العيسى شامل التأمين
مازال في الميناء تحت أجراءات التخليص ثم الفحص والتجهيز والأستمارة والتأمين
كنت ناوي أشتري لاندكروزر جي ولاكن أستخرت
بعد مقارنه مع الجي تويوتا وجدت أن الفرق في صالح النسيان من حيث المواصفات والسعر

المواصفات سفاري
فتحة سقف - ثلاجة - قير تماتيك - رفارف نفس لون السياره أبيض لؤلؤي
دعسات جانبية - خزانين وقود - أنوار ضباب - غطاء للأستبنه - مكيفين خلفي وأمامي بتحكم مستقل
تخشيبة طبلون وأبواب - مثبت سرعة - شاشة معلومات وخرائط ملاحة مع مشغل صوت سي دي
المرتبه الأخيره غير متقابله - اللون الداخلي رمادي

الفتك الآن كل فئاته 4800 سي سي بقوة 280 حصان
فئة ستاندر S - بدون أضافات
فئة جي ال GL - جنوط المنيوم - دعسات جانبية - مساكات الأبواب والمرايا الجانبية فضية اللون
المرتبه الأخيره غير متقابلة
فئة سفاري وهي أعلى فئة وذكرتها سابقا وتتنوع بفتحه وشاشة أو بدون
لايوجد فئة سوبر سفاري كما هو سابقا

وبالتوفيق