المساعد الشخصي الرقمي

مشاهدة النسخة كاملة : مزرعة سنتر فالكون لاهنتو عطونا العلم الاكيد*****


أبو فااارس
03/03/2013, 02:28 PM
مساكم الله بالخير ياجماعه وشلون اتوصل للشخص اللي يبيع جيرة فالكون سنتر ومتى اقدر احجز وهل الكلام صحيح انهم يرفقون مع الطير مقطع لهدده؟ واسعارهن أتمنى اللي مجرب الطريقه يشرح لنا حتى يستفيد الجميع
دام عزك
04/03/2013, 05:20 AM
موضوع صراحه رائع كم وانا اسأل ولا احد افادني

وين اهل الخبره وين اهل الفزعه ننتضر من وجيه الخير واذا فيه ارقام للموردين ياليت تحطونها
أبو فااارس
04/03/2013, 02:14 PM
ياشباب اللي عنده العلم لا يبخل ويابو مشعل لو تنقل الموضوع لخيمة الصيد بالصقور يكون افضل لاهنت

**********
ابشر بسعدك
ينقل بامرالله
(هزاع)
طيار قطر
04/03/2013, 11:39 PM
السلام عليكم
اتوقع انه مافي حجز للطيور مسبق بالنسبى للفيديو يطلع لك صور الطيور كلها فالهاك ومايبين طيرك منهم لانها تتشابه فاللون وتعرف التصوير مايكون من قريب واضح هذا عن تجربتي معا شركه المانيه معروفه اما بالنسبى لفالكون سنتر ماجربت اتعامل معاهم ونصيحه الفيديو الااحرا انه مهب الطير الي معروض في شركات كل سنه تشغل لك نفس الفيديوهات وتقولك هذا تبع السنه هذي واتوقع من التجار مهب من الشركه نفسها والله اعلم
رداد المهاريب
05/03/2013, 11:51 AM
مزرعة فالكون سنتر تعرض طيورها في مركز ند الشبا في دبي والأسعار تتفاوت من طير الى طير على حسب الوزن والحجم واللون وبالنسبة لهذه المزرعة بالذات يوجد طيور فيها حجلين وطيور فيها حجل واحد والناس ترغب عندنا في الامارات ابو حجلين لانه تفريخ المانيا اما بوحجل يتوقع انه تفريخ اسبانيا
هذا مالدي من معلومات وأرجو العذر
(هزاع)
05/03/2013, 06:48 PM
ارسل رساله
للاخ الفاضل المشرف ابوسيف (ربع خالي)
ولاعمره يقصر بالاستشاره والفزعه على الخير وبيفيدك باذن الله
جير دبي
05/03/2013, 11:06 PM
هلا اخوي يبدا عرض طيور فالكن سنتر ...
نص من شهر اغسطس
في ند الشبا
وتوصل الطيور على شكل دفعات في معرض ند الشبا
مع العلم ان ارقام التواصل لشركه يبدأ مع بدايه
شهر اغسطس ..
وبخصوص سؤالك عن مرافقه مقطع الهدد للطير
تقوم بعرض عام لطيور ولا تخصص طير بذاته
ولا يكون مرفق لكل طير ..
تحياتي لك
واتمنى اني افدتك
مخبأي دبي
06/03/2013, 12:38 AM
امرحبا يا اخوان اللي قالوه الشباب انه الطيور تنعرض في سوق ندالشبا واظيف على كلامهم ان المزرعه خاصه للشخ محمد بن راشد ال مكتوم توصل الدفعات عندهم وياخذون اللي يبونه من الطيور والباقي يروح السوق وشكرآ
أبو فااارس
06/03/2013, 07:53 AM
لاهنت يابو مشعل وماقصروا الاخوان أفادونا بمعلومات طيبه وننتظر إذا فيه معلومات جديده من الربع
THE SNIPER H
07/03/2013, 12:12 AM
اين يقع معرض ند الشبا ؟
ولكم جزيل الشكر
وارث الكرامه
07/03/2013, 12:32 AM
معرض ند الشبا في دبي ،،

هو سوق فيه أكثر عن 6محللات للصقور

وكلام جير دبي صحيح
ابوصالح .
07/03/2013, 12:46 AM
وين في دبي بالضبط ؟
أبو أمين
07/03/2013, 12:54 AM
وين في دبي بالضبط ؟


دبي طال عمرك من احد اهم المدن السياحيه والاقتصاديه فالامارات او بالتحديد فالامارات العربيه المتحده الواقعه على ساحل

الخليج العربي (احد دول الخليج) اللي هو شرق شبه الجزيره العربيه اللي متواجده في

الشرق الاوسط اللي متواجد في قاره اسيا اللي متواجده في هالعالم اللي متواجد في الكره

الارضيه اللي متواجده في مجره درب التبانه اللي متواجده في هالكون والباقي ربي

اعلم به .