مشاهدة النسخة كاملة : لغز 2000 . مسند للرايق ... حله ( راعي العجرا ) ... الحل ( حبل ماقف القرآن الكريم )
ابو ماجد 2
04/03/2013, 10:07 AM
بسم الله الرحمن الرحيم
السلام عليكم ورحمة الله وبركاته
اللغز مسند لحبيبنا ابو مهند ( الرايق )
الرايق وزملائنا الافاضل نزوده لعله ينحل
يابو اسامه لغز الالفين أعده=ياعله يشمل كل عضوٍ نوده
نشده لهذا ويضا هذاك نشده=بس العشم تاتي حلوله خفيفات
يابو مهند والعشم منك حله=لغز خفيفٍ هقوتي بك تدله
اوصافه لو طالت ابد ماامله=لكن مثلك عارفٍ بالاشارات
كِنِّه ترى عِنٍ تشدّه ايادي= في راس من هو جاهلٍ فيه غادي
لو هو يقودن ماعلي انتقادي =لي الفخر كل مادعيته لوقفات
ان قلت زوِّد . ماتوانى أزودك=ماهو من اللي من تهيّأ يفودك
من بعد مده مهما طالت يقودك=يعطيك علمٍ ماولج فيه لولات
مع تحيات ابو ماجد
منتديات مكشات . خيمة الالغاز
صقر السديرات
04/03/2013, 10:37 AM
صح لسانك واعتلا شانك ابو ماجد
اليك هذا المرماع
وسنة
جاثوم
دمت متقدا نشيطا
ذيب الفقارة
04/03/2013, 11:24 AM
وعليكم السلام ورحمة الله وبركاته
صح لسانك أخوي أبو ماجد
يمكن :
الشعر
تحياتي
ابو ماجد 2
04/03/2013, 11:56 AM
صح لسانك واعتلا شانك ابو ماجد
اليك هذا المرماع
وسنة
جاثوم
دمت متقدا نشيطا
صح بدنك يابو فيصل
شرفنا تواجدك
مالك لوى يالغالي
ابو ماجد 2
04/03/2013, 11:57 AM
وعليكم السلام ورحمة الله وبركاته
صح لسانك أخوي أبو ماجد
يمكن :
الشعر
تحياتي
هلا بك يابو عدنان
صح بدنك
مالك لوى يالغالي
في انتظار مرماعك القادم
ابو ماجد 2
04/03/2013, 11:05 PM
زملائي الافاضل
هاللغز يطلب منكم الشفقه عليه والمرور لو جبر خاطر
ملاحظه اخشى ان يكون فيها التباس
كنه عنٍ .. اي كأنه عنان
ال-رايق
05/03/2013, 12:18 AM
تسلم يابو ماجد وبقول لاهنت=بالواقع ولا في صفحة النت
واللغز بعد اني نظرت وتمعنت=ذكرت ربط الموتر بالجلنطات
ان صادت الرمعه والا يكفّي =اني ,,,بردت بهالبويتين شفّي
وارحب باللي ..دايم امتحفي=الفارس , اللي له علينا جميلات
الفارس اللي ., ماتهوّد لغوزه=مثل المبارز دايم يثبت بروزه
سيفه ,, ياويل منهو يهوزه=على العدا حرب وللربع سلامات
طربان يمتعني ومنه اتسلى=ولا ضاق صدري ضيقته تنتجلى
معه معه من وين روّح وحلا=مثل الحيا لوطالت به المسافات
و عليكم السلام و رحمة الله و بركاته
صح لسانك أبا ماجد ، و زادك الله من فضله.
و يستاهل أبو مهند كل خير
و صح لسانك أبا مهند على المجاراة.
مرور سلام و تقدير للشاعرين القديرين،،،
و الرمعة يجيبه الله.
ابو ماجد 2
05/03/2013, 09:23 AM
تسلم يابو ماجد وبقول لاهنت=بالواقع ولا في صفحة النت
واللغز بعد اني نظرت وتمعنت=ذكرت ربط الموتر بالجلنطات
ان صادت الرمعه والا يكفّي =اني ,,,بردت بهالبويتين شفّي
وارحب باللي ..دايم امتحفي=الفارس , اللي له علينا جميلات
الفارس اللي ., ماتهوّد لغوزه=مثل المبارز دايم يثبت بروزه
سيفه ,, ياويل منهو يهوزه=على العدا حرب وللربع سلامات
طربان يمتعني ومنه اتسلى=ولا ضاق صدري ضيقته تنتجلى
معه معه من وين روّح وحلا=مثل الحيا لوطالت به المسافات
هلا ومليون هلا
اللغز امس مكسور الخاطر ويتشكالي من الهجران
واليوم اشوفه غاز صدره ويجر ذيل الخيلاء
يقول مرني مكحل الالغاز وكحلني
صح لسانك على ماسطرت وعاداتك التألق والابداع
والرمعه ماصادت يابو مهند
ابو ماجد 2
05/03/2013, 09:28 AM
و عليكم السلام و رحمة الله و بركاته
صح لسانك أبا ماجد ، و زادك الله من فضله.
و يستاهل أبو مهند كل خير
و صح لسانك أبا مهند على المجاراة.
مرور سلام و تقدير للشاعرين القديرين،،،
و الرمعة يجيبه الله.
اقول العبق الطيب من وين جاء
واثره العطر الفواح شرفنا بمروره
صح بدنك يالغالي
وابو مهند مسميه مكحل الالغاز ومسميه الفتان ( حقت المزوح )
واليوم اشوفه يزهى اللقبين
اقول العبق الطيب من وين جاء
واثره العطر الفواح شرفنا بمروره
صح بدنك يالغالي
وابو مهند مسميه مكحل الالغاز ومسميه الفتان ( حقت المزوح )
واليوم اشوفه يزهى اللقبين
تسلم أبو ماجد
هذا من طيب عودك
كن جميلاً ترى الكون جميلاً
ما شاء الله عليك ، ما تشم إلا الطيب.
رميعة : حزام الأمان
جاري التفكير في غيره.
ناصر العلي
05/03/2013, 12:39 PM
وعليكم السلام ورحمة الله وبركاته
سلمت يالغالي
وصح لسانك
وأبومهند كفو ويساهل كل خير
مايصير
شد شراع السفينة بالحبال
أو
مضلة الطيّار
أو
العلم وساريته
http://www.3seer.net/contents/newsm/6283.jpg
ابو ماجد 2
05/03/2013, 02:52 PM
تسلم أبو ماجد
هذا من طيب عودك
كن جميلاً ترى الكون جميلاً
ما شاء الله عليك ، ما تشم إلا الطيب.
رميعة : حزام الأمان
جاري التفكير في غيره.
سلمت يالغالي
مدام ربعي مثلك وشرواك فلن اشم غير الطيب
الرمعه مالك لوى يالغالي
ابو ماجد 2
05/03/2013, 02:55 PM
وعليكم السلام ورحمة الله وبركاته
سلمت يالغالي
وصح لسانك
وأبومهند كفو ويساهل كل خير
مايصير
شد شراع السفينة بالحبال
أو
مضلة الطيّار
أو
العلم وساريته
http://www.3seer.net/contents/newsm/6283.jpg
سلمت وصح بدنك
والفتان يستاهل وانت تستاهل
مالك لوى يابو علي
وفيه كلمه تحدد مااريده بالظبط
ذيب الفقارة
05/03/2013, 07:09 PM
طيب ما دام هدت الأمور
نقول يمكن :
الحبل اللي يصعدون فيه النخل
آسف ما أعرف اسمه
تحياتي
ابو ماجد 2
05/03/2013, 09:04 PM
طيب ما دام هدت الأمور
نقول يمكن :
الحبل اللي يصعدون فيه النخل
آسف ما أعرف اسمه
تحياتي
هلا بك يابو عدنان
تقصد الكر
مالك لوى يالغالي
ال-رايق
05/03/2013, 09:22 PM
ابو ماجد الله يسلمك
مايكون/
حبل الموده
او
الدش وسلوكه
وشكرا
ابو ماجد 2
05/03/2013, 09:30 PM
ابو ماجد الله يسلمك
مايكون/
حبل الموده
او
الدش وسلوكه
وشكرا
سلمت يالغالي
مالك لوى
وفيه كلمه او شطر يفتح باب الحل بمصراعيه
ال-رايق
06/03/2013, 12:48 AM
ابو ماجد...........هالمحاوله ,,,,,,,,,,,ولا عاد اعودها:
خيط الجزمة/كرمتوا
وشكرا
ابو ماجد 2
06/03/2013, 09:35 AM
ابو ماجد...........هالمحاوله ,,,,,,,,,,,ولا عاد اعودها:
خيط الجزمة/كرمتوا
وشكرا
صباح الخير يابو مهند
مالك لوى يالغالي
وان شاء الله تعود بالقاتله
ناصر العلي
06/03/2013, 10:02 AM
طيب يالغالي
مايصير
الحلاق
يقولك لف راسك....عدل راسك....إرفع راسك
ولو قلت له وقف....وقف على طول
وخصوصاً طريقة النتف بالخيط
صقر السديرات
06/03/2013, 10:41 AM
صح لسانك ابو ماجد
نعاود الرمع
الستارة اللي يغطون به لوحة المشروع ويجي المسؤل ويفتتح المشروع بشد الحبل واسدال الستار
دمت بخير
ابو ماجد 2
06/03/2013, 10:56 AM
طيب يالغالي
مايصير
الحلاق
يقولك لف راسك....عدل راسك....إرفع راسك
ولو قلت له وقف....وقف على طول
وخصوصاً طريقة النتف بالخيط
طاب فالك يابو علي
ابعدت يالغالي
انتظر مرماعك القادم
ابو ماجد 2
06/03/2013, 10:57 AM
صح لسانك ابو ماجد
نعاود الرمع
الستارة اللي يغطون به لوحة المشروع ويجي المسؤل ويفتتح المشروع بشد الحبل واسدال الستار
دمت بخير
صح بدنك
هلا بك يابو فيصل
مالك لوى يالغالي
انتظر مرماعك القادم
مساك الله بالخير
طرا لي العقال .
ابو اسامه 2
06/03/2013, 11:18 AM
وعليكم السلام ورحمة الله وبركاته
صح لسانك يا الغالي ملايين
غالي ومسند على غالي
وش رايك في
عنان الفرس
راس جاهل = الفرس
تحياتي لك
ابو ماجد 2
06/03/2013, 11:59 AM
وعليكم السلام ورحمة الله وبركاته
صح لسانك يا الغالي ملايين
غالي ومسند على غالي
وش رايك في
عنان الفرس
راس جاهل = الفرس
تحياتي لك
هلا بالغالي
صح بدنك يابو اسامه
شرفنا تواجدك
مالك لوى
ولم اقل في راس جاهل ولكني قلت
في راس من هو جاهلٍ فيه غادي
يعني الذي كأنه عن في راس رجال
ومن جهل بهالرجال الذي في راسه العن فهو غادي
انتظر مرماعك القادم
ابو ماجد 2
06/03/2013, 12:00 PM
مساك الله بالخير
طرا لي العقال .
هلا بالعطر الفواح
مالك لوى يالغالي
طيب سير مكينة الماء أو الطاحون أو سير الأمتعة .
ابو ماجد 2
06/03/2013, 01:06 PM
طيب سير مكينة الماء أو الطاحون أو سير الأمتعة .
هلا بالعطر الفواح
لايزال طليق يالغالي
ناصر العلي
06/03/2013, 01:35 PM
طيب يالغالي خذ هالرمعة ولول إن مالك بالطيور
برقع الطير
http://www.albdoo.info/uploaded2008/9039/01206570382.jpg
أو
خيط الطائرة الورقة
http://cdn1.albayan.ae/polopoly_fs/1.1722941.1347139002!/image/712157372.jpg
ابو ماجد 2
06/03/2013, 06:28 PM
طيب يالغالي خذ هالرمعة ولول إن مالك بالطيور
برقع الطير
http://www.albdoo.info/uploaded2008/9039/01206570382.jpg
أو
خيط الطائرة الورقة
http://cdn1.albayan.ae/polopoly_fs/1.1722941.1347139002!/image/712157372.jpg
هلا بدكتورنا
مالك لوى يالغالي
انتظر مرماعك القادم
ابو ماجد 2
06/03/2013, 06:48 PM
الرايق وزملائنا الافاضل نزوده لعله ينحل
يابو اسامه لغز الالفين أعده=ياعله يشمل كل عضوٍ نوده
نشده لهذا ويضا هذاك نشده=بس العشم تاتي حلوله خفيفات
يابو مهند والعشم منك حله=لغز خفيفٍ هقوتي بك تدله
اوصافه لو طالت ابد ماامله=لكن مثلك عارفٍ بالاشارات
كِنِّه ترى عِنٍ تشدّه ايادي= في راس من هو جاهلٍ فيه غادي
لو هو يقودن ماعلي انتقادي =لي الفخر كل مادعيته لوقفات
ان قلت زوِّد . ماتوانى أزودك=ماهو من اللي من تهيّأ يفودك
من بعد مده مهما طالت يقودك=يعطيك علمٍ ماولج فيه لولات
مع تحيات ابو ماجد
منتديات مكشات . خيمة الالغاز
النبهاني
06/03/2013, 09:54 PM
وعليكم السلام ورحمة الله وبركاته
صح لسانك يازعيم ويسعد مساك
غالي ومسند على غالي
محاوله
النيفيقيشن القارمن
او سهيل او الجدي
ابوماريا
07/03/2013, 12:12 AM
صح السانك يابو ماجد
غالي ومسند على غالي
رشا البير
ال-رايق
07/03/2013, 02:26 AM
أبو ماجد جزاك الله خير
اول ماطرى علي الماجلان===لكن كلامك كانه عنان ويشد بالايدين الثنتين وحتى ان اتجاهات كل الاخوان راحت لشي شبيه بالحبل
اذا كان كذا لي تحفظ الله يجزاك خير على المنحى اللي سببته
ارجو تقبل الموضوع بشفافيه/او اني استعجلت بالحكم وانتظر اجابتك او التوضيح
تحياتي
ابو ماجد 2
07/03/2013, 11:13 AM
وعليكم السلام ورحمة الله وبركاته
صح لسانك يازعيم ويسعد مساك
غالي ومسند على غالي
محاوله
النيفيقيشن القارمن
او سهيل او الجدي
هلا بالغالي
صح بدنك يابو سالم
شرفنا تواجدك
وابو مهند غالي ولو انه فتان ولكن هذا مايغليه زياده
الرمعه مالك لوى
انتظر مرماعك القادم
ابو ماجد 2
07/03/2013, 11:16 AM
صح السانك يابو ماجد
غالي ومسند على غالي
رشا البير
هلا بالمثالي
صباح الخير
مالك لوى
انتظر مرماعك القادم
ابو ماجد 2
07/03/2013, 11:24 AM
أبو ماجد جزاك الله خير
اول ماطرى علي الماجلان===لكن كلامك كانه عنان ويشد بالايدين الثنتين وحتى ان اتجاهات كل الاخوان راحت لشي شبيه بالحبل
اذا كان كذا لي تحفظ الله يجزاك خير على المنحى اللي سببته
ارجو تقبل الموضوع بشفافيه/او اني استعجلت بالحكم وانتظر اجابتك او التوضيح
تحياتي
كلامك عسل ياعسل
نعم تشبيهه بالعن بالراس
يبعده عن مراميع القارمن وغيره
واما قولي يشد بالايادي
اي قصدي ان طبيعته يشد بالايادي
ولا يقتضي ذلك ان تكون الايادي مجتمعه على شدة بوقت واحد
كقولنا الطاقيه توضع على الروس
اي طبيعتها توضع على الروس وليست تجمع روس بوقت واحد
راعي العجراء
07/03/2013, 11:25 AM
صح السانك يابوماجد
ويستاهل الرااااايق الاسناد
محاوله
القلم ومايمليه عليه الفكر او القلم والتوقيع
ادري اني قاضب جاده للضلع
بس التمس منك يد التشجيع بالرمعه
والا ودني عند المطوع ابو فيصل يقرا علي
ابنك الصغير راعي العجرا
ابو ماجد 2
07/03/2013, 11:29 AM
صح السانك يابوماجد
ويستاهل الرااااايق الاسناد
محاوله
القلم ومايمليه عليه الفكر او القلم والتوقيع
ادري اني قاضب جاده للضلع
بس التمس منك يد التشجيع بالرمعه
والا ودني عند المطوع ابو فيصل يقرا علي
ابنك الصغير راعي العجرا
هلا بالغالي
مالك لوى
وانت شفت الهيل ركد عقب القران قلت لعلي اركد مثله
بس تبي الصحيح اخاف على ابو فيصل لو اوديك يمه
راعي العجراء
07/03/2013, 11:42 AM
هلا بالغالي
مالك لوى
وانت شفت الهيل ركد عقب القران قلت لعلي اركد مثله
بس تبي الصحيح اخاف على ابو فيصل لو اوديك يمه
الهيل يابوماجد ماركد بالحيل اشوفه يلاحق البساس
بالشوارع ويدور جرابيع على الرصيف اللي عند بابه
على نور الولاعه
ولكن هو احسن من اول عقب القرايه
من اول يلاحق البساس من بيت الى ببيت ماهنا بيت ماطمر على جداره
والحين عقل شوي يطق على بيبان الجيران يقول عطوني بستي مسطحه عليكم بكل ادب واحترام
ليته يبتل على هالوزنه
ابو ماجد 2
07/03/2013, 11:50 AM
الهيل يابوماجد ماركد بالحيل اشوفه يلاحق البساس
بالشوارع ويدور جرابيع على الرصيف اللي عند بابه
على نور الولاعه
ولكن هو احسن من اول عقب القرايه
من اول يلاحق البساس من بيت الى ببيت ماهنا بيت ماطمر على جداره
والحين عقل شوي يطق على بيبان الجيران يقول عطوني بستي مسطحه عليكم بكل ادب واحترام
ليته يبتل على هالوزنه
هههههههههههه
هذا هو يالغالي انا قلت ركد ولم اقل ظبط
وعقبالك
ال-رايق
07/03/2013, 04:39 PM
كلامك عسل ياعسل
نعم تشبيهه بالعن بالراس
يبعده عن مراميع القارمن وغيره
واما قولي يشد بالايادي
اي قصدي ان طبيعته يشد بالايادي
ولا يقتضي ذلك ان تكون الايادي مجتمعه على شدة بوقت واحد
كقولنا الطاقيه توضع على الروس
اي طبيعتها توضع على الروس وليست تجمع روس بوقت واحد
هههههههههههههههه
تراني يابو ماجد(خبل وموصى)والدليل بعض الناس قرصتهم قلوبهم وحضروا,,,بيني وبينك سير علي بعد العشاء هو وضيف غالي ودار الحديث قلت ابوماجد حط لغز مسنده لي محتار فيه قال رد عليه وقل والله ماعندك سالفه يابوماجد وكلام واجد قلت خاف يزعل الزعيم ثم يزعل المنتدى كله,,قال لايهمك..والدليل علمني باللي داير بينكم هاليومين=الحاصل ماطعته وقلت بعض الشيء وشف اللي يثبت كلامي انه جاك مومي خايف اقول الكلام الي قال لي.
دمت لغازا شاعرا رجلا بماتحمله هذه الكلمه من معاني وحنا تلاميذك.
شكرا
ال-رايق
07/03/2013, 04:41 PM
ابوماجد
انت وراع العجرا
جوزوا عن الهيل احسن لكم
الله يقطع الغيرة-الختيارية-:D:good2:
ال-رايق
07/03/2013, 04:44 PM
الزعيم الله يوفقك/
مايكون:
اشتراك السيارة
او
الونش حق السحب
وكلها تصلح للضلع
ابو ماجد 2
07/03/2013, 05:38 PM
هههههههههههههههه
تراني يابو ماجد(خبل وموصى)والدليل بعض الناس قرصتهم قلوبهم وحضروا,,,بيني وبينك سير علي بعد العشاء هو وضيف غالي ودار الحديث قلت ابوماجد حط لغز مسنده لي محتار فيه قال رد عليه وقل والله ماعندك سالفه يابوماجد وكلام واجد قلت خاف يزعل الزعيم ثم يزعل المنتدى كله,,قال لايهمك..والدليل علمني باللي داير بينكم هاليومين=الحاصل ماطعته وقلت بعض الشيء وشف اللي يثبت كلامي انه جاك مومي خايف اقول الكلام الي قال لي.
دمت لغازا شاعرا رجلا بماتحمله هذه الكلمه من معاني وحنا تلاميذك.
شكرا
يعني جاي معبأ
مافيك حيله فتان
ههههههههههههههههه
وياخوي من تقصده انا من أول لاشفت الشنب صابن رعب
واثر الشنب هو اللي مهبطه
ههههههههههه
نترك المزوح جانبا
ترى ان اول واحد تلحقه شكه اذا لم يحل لغزه
لكن ركز على قولي
في راس من هو جاهلٍ فيه غادي
لي الفخر كل مادعيته لوقفات
ماهو من اللي من تهيّأ يفودك....من بعد مده مهما طالت يقودك
يعني تهيأه ليخدمك لاحقا بعد مده متفاوت مقدارها
ابو ماجد 2
07/03/2013, 05:40 PM
ابوماجد
انت وراع العجرا
جوزوا عن الهيل احسن لكم
الله يقطع الغيرة-الختيارية-:D:good2:
يئتل الأتيل ويمشي في جناااازته
انت اللي فتنت على الهيل
ابو ماجد 2
07/03/2013, 05:45 PM
الزعيم الله يوفقك/
مايكون:
اشتراك السيارة
او
الونش حق السحب
وكلها تصلح للضلع
ابو مهند
لنناقش المرماعين لترسيخ فكرة اللغز
اشتراك السياره من تشده تنتظر فوده مباشرة
وليس بعد مده ولو طالت يقودك
كذلك ونش السحب تهيأه للخدمه
ولا تنتظر مدة قد تطول
والونش والاشتراك لايقودن انا او يقودك
ال-رايق
07/03/2013, 10:25 PM
والله اللي ماقصرت بالشرح
لكن متأكد بعد الحل ان الواحد قريب بالحيل
على العموم بنحاول لاهنت
ناصر العلي
07/03/2013, 11:20 PM
نعاود المحاولة يالغالي
مايصير
جهاز التمارين يفيدك بعد مدة بحرق الدهون والسعرات الحرارية
ابو ماجد 2
08/03/2013, 06:32 AM
والله اللي ماقصرت بالشرح
لكن متأكد بعد الحل ان الواحد قريب بالحيل
على العموم بنحاول لاهنت
صباح الخير يالغالي
مازلت اقول ان اللغز احيانا مراميعه الاولى تطوح فيه بعيدا عن الحل
ابو ماجد 2
08/03/2013, 06:37 AM
نعاود المحاولة يالغالي
مايصير
جهاز التمارين يفيدك بعد مدة بحرق الدهون والسعرات الحرارية
ابو علي صبحك الله بالخير
السير من تبدأ التمارين عليه يفيدك بالتدريج لغاية ماتتخلص من الشحوم
وما اقصده
فوده ما يبدأ الى فيما بعد
يعني مثل النجفه اللي تضيء عند انطفاء الكهرب
تضعها وفودها يأتي بعدين بعد انطفاء الكهرب
ابو ماجد 2
08/03/2013, 10:52 AM
الرايق وزملائنا الافاضل اللغز اصبح يدور اول رماع
يابو اسامه لغز الالفين أعده=ياعله يشمل كل عضوٍ نوده
نشده لهذا ويضا هذاك نشده=بس العشم تاتي حلوله خفيفات
يابو مهند والعشم منك حله=لغز خفيفٍ هقوتي بك تدله
اوصافه لو طالت ابد ماامله=لكن مثلك عارفٍ بالاشارات
كِنِّه ترى عِنٍ تشدّه ايادي= في راس من هو جاهلٍ فيه غادي
لو هو يقودن ماعلي انتقادي =لي الفخر كل مادعيته لوقفات
ان قلت زوِّد . ماتوانى أزودك=ماهو من اللي من تهيّأ يفودك
من بعد مده مهما طالت يقودك=يعطيك علمٍ ماولج فيه لولات
ياقف مواقف بنت ياهي قديمه=كم شفتها في ماقفٍ له مقيمه
واليوم بالماقف اشوفه عديمه=واللغز اصبح للمفتح دلالات
ال-رايق
08/03/2013, 04:52 PM
لاهنت على الزياده ,,زادك الله من فضله
طرت لي رمعه صدقني من زمان ودي اقوله/
المحراث ورى البهايم /تقريبا كذا ناسي اسمه
تحياتي
راعي العجراء
08/03/2013, 05:26 PM
صح السانك مرات عديده
ويستاهل الراااايق الاسناد
ونعاود المحاوله
الحبل في المصحف في راس من هو جاهلٍ فيه غادي
واول كانت ريشة النعام ومعاد نشوفها
مع السلامه
ابو ماجد 2
08/03/2013, 07:02 PM
لاهنت على الزياده ,,زادك الله من فضله
طرت لي رمعه صدقني من زمان ودي اقوله/
المحراث ورى البهايم /تقريبا كذا ناسي اسمه
تحياتي
هلا بك يابو مهند
مالك لوى
والحل جابه ابو ... عديم الشنب
ابو ماجد 2
08/03/2013, 07:13 PM
صح السانك مرات عديده
ويستاهل الراااايق الاسناد
ونعاود المحاوله
الحبل في المصحف في راس من هو جاهلٍ فيه غادي
واول كانت ريشة النعام ومعاد نشوفها
مع السلامه
كفووووووووووووو كفووووووووووو كفوووووووو
صح لسانك ملايين
نعم
حبل ماقف القرآن الكريم
http://www.taghribnews.com/images/docs/000024/n00024137-b.jpg
لله درك يالغالي
وبما ان اللغز طول اسمحوا لي بشرحه
كِنِّه ترى عِنٍ تشدّه ايادي= في راس من هو جاهلٍ فيه غادي
تشده يدي ويدك لمعرفة ماوقفت عليه بالتلاوه في راس القرآن الكريم ومن جهل بالقرآن غادي
لو هو يقودن ماعلي انتقادي =لي الفخر كل مادعيته لوقفات
يقودن ولي الفخر كل ماوضعته بالماقف
ماهو من اللي من تهيّأ يفودك
انت تهيأه بالماقف ويفودك متى مااردت معاودة القراءه
من بعد مده مهما طالت يقودك=يعطيك علمٍ ماولج فيه لولات
حتى لوطالت المده يقودن للماقف ويعطين علم عن ماوقفت عليه ولا تنتابه شكه
والباقي بينه راع العجراء
كفو ثم كفو ياراع العجراء
ابوماريا
08/03/2013, 11:25 PM
ماشاء الله
لغز كايف وماهي غريبة عليك يانور المنتدى
ورمعة رائعة من مبدع
كفووووووثم كفووووووو
ياراعي العجراء
ابو ماجد 2
08/03/2013, 11:31 PM
ماشاء الله
لغز كايف وماهي غريبة عليك يانور المنتدى
ورمعة رائعة من مبدع
كفووووووثم كفووووووو
ياراعي العجراء
هلا بك يابو فايز
شرفنا مرورك وكلماتك الطيبه
تحيتي لك وتقديري
Powered by vBulletin® Version 4.2.3 Copyright © 2024 vBulletin Solutions, Inc. All rights reserved, TranZ by Almuhajir