لا وعذاب القلب لا وعذابي .................... حله ( ناصر العلي ) .. الحل ( المعاملة )

[راعي العجراء]

السلام عليكم ورحمة الله وبركاته
لغز سهل



لا وعذاب القلب لا وعذابي = الراس شايب والمواعيد بالكوم
يقطعتس دنيا مارفت في شبابي = واليوم راسي باشعل الشيب موسوم
ماصارت الدنيا على كيف مابي = غير اتردد بين اشكال وخصوم
وانقض جروح الضيق وخفي مصابي = وعشرين ليله ماهناء عيني النوم
من شان بنت ماكملت بالنصابي = ادروبها من دونها عقوم وحزوم
صكوا عليها بين ضاحك ونابي = لاوهني لا وقعت عقب هالحوم
واخلوا سيبيله قبل مالراس غابي = في حفرة من فوقه الطين مردوم

[عطري]

و عليكم السلام و رحمة الله و بركاته
صح لسانك راعي العجراء ( أعشى قيس ) ، و أحسنت الوصف لا عدمناك.
تذكرت شيئاً قد مضى لسبيله............ و من عادة المحزون أن يتذكرا
أعاننا الله و إياك على هموم الدنيا.
جاري التفكير ،،،

[راعي العجراء]

و عليكم السلام و رحمة الله و بركاته
صح لسانك راعي العجراء ( أعشى قيس ) ، و أحسنت الوصف لا عدمناك.
تذكرت شيئاً قد مضى لسبيله............ و من عادة المحزون أن يتذكرا
أعاننا الله و إياك على هموم الدنيا.
جاري التفكير ،،،


هلابك يااخي الغالي عطري
وانت معزم على الاعشى ياخوي انا وين والاعشى وين
انا مابيني وبين الاعشى دنيا
دنيا ماطولها ولاحتى بخيالي
وصح بدنك يالغالي
وانتظر مرماعك القادم واللغز سهل جدا اذا تابعت من اول حررف الى اخره

[ناصر العلي]

وعليكم السلام ورحمة الله وبركاته
سلمت يالغالي
وصح لسانك
مايصير
عدم أكتمال النصاب للتصويت على معاقبة السلطة السورية مثلاً

[راعي العجراء]

وعليكم السلام ورحمة الله وبركاته
سلمت يالغالي
وصح لسانك
مايصير
عدم أكتمال النصاب للتصويت على معاقبة السلطة السورية


ياهلا وغلا يابو علي
وصح بنك
والرمعه مالك لوا يالغالي ....... بعيد
هذا شي يخصني او يخصك
مع السلامه

[ابو اسامه 2]

وعليكم السلام ورحمة الله وبركاته

صح لسانك ملايين يا راعي العجرا

وبيض الله وجهك يا الغالي

ابيات قمه في الروعه

والله يبعد عنك كل الم ويحقق لك كل امل

جاري التفكير يا الغالي

تحياتي لك

[ابو اسامه 2]

وش رايك في

ارض او منحه عليها مشاكل

تحياتي لك

[راعي العجراء]

وعليكم السلام ورحمة الله وبركاته

صح لسانك ملايين يا راعي العجرا

وبيض الله وجهك يا الغالي

ابيات قمه في الروعه

والله يبعد عنك كل الم ويحقق لك كل امل

جاري التفكير يا الغالي

تحياتي لك



وش رايك في

ارض او منحه عليها مشاكل

تحياتي لك

هلا بعمنا ومشرفنا ابو اسامه
وصح بدنك والقمه في حضورك عساك تعرس ونحضر عرسك
والعانيه مسدس تدافع عن نفسك من الزوجه وحماتك
والرمعه ماصابت عسى ايامك كلها سعاده
مع السلامه وماتشوف شر

[عطري]

هلابك يااخي الغالي عطري



وانت معزم على الاعشى ياخوي انا وين والاعشى وين
انا مابيني وبين الاعشى دنيا
دنيا ماطولها ولاحتى بخيالي
وصح بدنك يالغالي




وانتظر مرماعك القادم واللغز سهل جدا اذا تابعت من اول حررف الى اخره


حياك أخوي راعي العجراء
لا يضيق صدرك ، هذا من باب التفاؤل و حسن الظن بك ، ما عهدتك إلا وسيع صدر مرحاً .
صحيح أعشى قيس بعيد بالحيل ، لكن فيك صفة من صفاته
تظهر أحياناً في أبياتك ، وتختفي أحياناً.
عموماً :
إن لم تكن بطاقة الأحوال أو رخصة القيادة ( مضلعة بالحيل ) شكلك تسأل
عن ديرة ، خدمة في سن معين.
مع خالص التقدير،،،

[ناصر العلي]

طيب يالغالي
مايصير
عدم إمكانية إصدار رخصة القيادة للإبن مالم يكمل السن القانونية
أو
نصاب القبول بالجامعة للأبناء

[راعي العجراء]

حياك أخوي راعي العجراء
لا يضيق صدرك ، و لكن هذا من باب التفاؤل و حسن الظن بك ، ما عهدتك إلا وسيع صدر مرح .
صحيح أعشى قيس بعيد بالحيل ، لكن فيك صفة من صفاته
تظهر أحياناً في أبياتك ، وتختفي أحياناً.
عموماً : جاري التفكير ،،،


وشلون لونه الزعل احمر والا اخضر الزعل ماعرفه صدري مدرج طيارات
بس قلبي فوشي بالبشمل بالصلصه الايطاليه
خذ راحتك والمزح هاته ولايهمك
واذا بغيتني اعشى قريح ماعندك مشكله نصير الاعشى لو ماعرفه

[راعي العجراء]

طيب يالغالي
مايصير
عدم إمكانية إصدار رخصة القيادة للإبن مالم يكمل السن القانونية
أو
نصاب القبول بالجامعة للأبناء


مالك لوا يالغالي
اتجاهك يدمر اللغز تدميرا تقول مطلق عليه طحلت ضهر

[ناصر العلي]

طيب يالغالي ماتصير
معاملة حائرة لدى إحدى الدوائر الحكومية ومواعيد عرقوب ماعندهم إلا راجعنا بكرا ولاتدري متي يجي بكرا

[عطري]

معاملة حكومية خاصة بالبلدية

[صقر السديرات]

صح لسانك
ابدعت وامتعت لله درك
يمكن الزكاة
او
الحمية
او
الطيبة
او
الغيرة
دمت مبدعا

[ذيب الفقارة]

صح لسانك راعي العجراء

يمكن :

التقاعد

[قوافي ( أم نهار )]

عليكم السلام ورحمة الله وبركاته
صح لسانك اخوي راعي العجراء
القسمه والنصيب
أو
وئد البنات بالجاهليه ودفنها بالتراب
أو
الفتنه
تحياتي.اختك
..قوافي..

[ابو ماجد 2]

صح لسانك
كالعاده
ابداع تألق
محاوله
الهويه الخليجيه الموحده
او مشكلة هوية بدون لقاطني بعض دول الخليج

[راعي العجراء]

طيب يالغالي ماتصير
معاملة حائرة لدى إحدى الدوائر الحكومية ومواعيد عرقوب ماعندهم إلا راجعنا بكرا ولاتدري متي يجي بكرا


ياهلا وغلا وصح السانك يابو علي
ملاييييين وكفو يابو علي
نعم هي المعامله في الدواير
كل يوم ياحمد باكر
وانا قلت
لاوهني لاوقعت وانتهت
وصح السانك
مع السلامه

[راعي العجراء]

معاملة حكومية خاصة بالبلدية


صح لسانك
ابدعت وامتعت لله درك
يمكن الزكاة
او
الحمية
او
الطيبة
او
الغيرة
دمت مبدعا



صح لسانك راعي العجراء

يمكن :

التقاعد



عليكم السلام ورحمة الله وبركاته
صح لسانك اخوي راعي العجراء
القسمه والنصيب
أو
وئد البنات بالجاهليه ودفنها بالتراب
أو
الفتنه
تحياتي.اختك
..قوافي..



صح لسانك
كالعاده
ابداع تألق
محاوله
الهويه الخليجيه الموحده
او مشكلة هوية بدون لقاطني بعض دول الخليج



صح ابدانكم جميع
والحل عند ناصر العلي
اشكركم على مشاركاتكم بالرمعات
مع السلامه

[ناصر العلي]

ياهلا وغلا وصح السانك يابو علي

ملاييييين وكفو يابو علي
نعم هي المعامله في الدواير
كل يوم ياحمد باكر
وانا قلت
لاوهني لاوقعت وانتهت
وصح السانك

مع السلامه


هلا بك أكثر يالغالي
والله لايحرمنا إبداعاتك
وصح بدنك ترليون يالمزيون:D
تحياتي وتقديري
باي باي

[ابوماريا]

صح السانك ياراعي العجراء
وسلمت يالغالي على اللغز

وكفوووووو يادكتورنا المبدع

بيض الله وجيهكم