السلام عليكم جميعاا

[ابوناهض.]

السلاام عليكم ورحمةة الله وبركاته ,
صبحكم /مساكم .. الله بالخير جميعاا
ي اخوان بارك الله فيكم
عندي سؤال وابي كل اهل الخبره بالمجال يجون
من الي قال القصيده بالطير ..
البارحه ياحسين مركاي كوعي ..من العشاء لين اذن الفجر ياحسين
هل هو الشاعر الكبير
بدر الحويفي الحربي
ولا
الشاعر
مشعل الحبيني العازمي
ياليت كل اللي عنده علم يفيدنا
والقصديه جزله وتحكي معانات الصقار
اشهد انها عورت القلب
واسواء موقف لنا ي الصقاقير
يغدي طيرك ولا تفقده بمنعى اصح وواوضح
(ملاحظه)
نرجو من الاداره عدم اغلاق الموضوع للاهميه
او نقله لمكان مجهول ههه
فلايوجد قسم قصائد بالطيور مخصص
ف قلنا ان هذا افضل مكان لطرح الموضوع
انتضر ردودكم ياهل العلم والخبره

[عواد الشمري2]

بدر الحويفي

[قرناس وافى]

القصيدة معروفة وهي للشاعر مشعل الحبيني

وبأمكانك الرجوع لهذا الرابط حيث بة لقاء لة في منتدي قبيلتة وقد تحدث عن قصيدتة ومشاركتة بها في مسابقة للشعر بالامارات

http://www.alawazm.com/vb/showthread.php?t=51756

[أبو أمين]

من عيون القصائد في ضياع الطير

وهي للشاعر مشعل حمود الحبيني العازمي من اهل الكويت

وله قصايد كثيره فالطير والمقناص وكلها كفو من وجهت نظر متذوق للشعر

ولا جر القصيده بصوته كلام ثاني صوته نااااادر والحان طواريقه جميله جدا وغير متداوله بكثره .

[ابوناهض.]

ياخي والله غريبه ناس قالو للشاعر بن رفعان وناس قالو للحويفي وناس قالو للحبيني
بسس اغلب صراحه اللي سمعته انها للحويفي وقالها العازمي والله اعلم ..
بالنسبه اخوي قرناس وافي كذالك فيه لقا بمنتدى مع الشاعر بدر الحويفي وقال انها له فبصراحه تحس الدعوا فيها تلاعب من الناس وان فيه ناس ينقولن كلام عن الشعار بعلم غير صحيح
الله لايهينك ي عواد و قرناس وافي والله لايهينك ي ابوامين يشرفني مروركم

[ابوناهض.]

للرفع .. للرفع

[نواف الحارثي]

القصيدة لشاعر مشعل الحبيني العازمي
واخذت المركز الثالث في اجمل قصيدة لضياع الطير عام 2004

[عواد الشمري2]

فيه لقا على اليتيوب مع الحويفي ويقوله واكثر المنشدين يقلون للحويفي
والله اعلم

[أبو أمين]

ياخي والله غريبه ناس قالو للشاعر بن رفعان وناس قالو للحويفي وناس قالو للحبيني
بسس اغلب صراحه اللي سمعته انها للحويفي وقالها العازمي والله اعلم ..
بالنسبه اخوي قرناس وافي كذالك فيه لقا بمنتدى مع الشاعر بدر الحويفي وقال انها له فبصراحه تحس الدعوا فيها تلاعب من الناس وان فيه ناس ينقولن كلام عن الشعار بعلم غير صحيح
الله لايهينك ي عواد و قرناس وافي والله لايهينك ي ابوامين يشرفني مروركم

والله ياخوك انا اللي متأكد منه انها للحبيني ، والحبيني رجال متلزم وملتحي

تتوسم في وجهه الخير نحسبه كذلك ولا نزكي على الله احد فذلك ماهو سارقها

وهو فحل ماهو عاجز انه يقول مثلها

والحويفي شاعر معروف واكل مع الزمان وشرب ولا هو جاي بعد الشيب وكبر السن

الله يمده بالصحه والعافيه يكذب على شان

قصيده وهو في غنى عنها عنده اللي يكفيه وزود ، لكن اللي يبدو لي ان القصيده

ما فيها نفس او بصمه الحويفي بينما تصرخ باسم الحبيني ونهجه .

يمكن ان الناس ملخبطه والشعار بعد لفقت عليهم الاسئله او ما نتبهوا فالاجابه

الوكاد انها قصيده جزله وسلامتك .

[قرناس وافى]

ليتكم تعطونا الروابط اللي تتكلم فيها يالو ناهض عن ان فيها لقا مع الحويفي
وكذلك اتمني من اخونا عواد يعطينا رابط اليوتيوب اللي تكلم عنة
وشكرا مقدما

[ابوناهض.]

الله لايهينكمم جميعا وابوامين ترى الشيخ بدر الحويفي صقار كبير وشاعر له فبحور الشعر صولات وجولات واغلب قصايد القنص والاناشيد له على العموم القصيده وكلماتها بنفس اسلوب الشاعر بدر فحنا مانقدر نحكم الا بجمع الشاعر بدر لحويفي والشاعر مشعل الحبيني هههههههههه وبالنسبه يخوي قرناس اللقاء قديم كان على احدى المنتديات المشهوره وانشالله بلقاه