حجم المكاين المسموح فيه من قبل سلاح الحدود استفسار

[حموود]

السلام عليكم
شباب بخصوص حجم المكاين على حجم الطراد (القارب) المسموح فيه
من قبل سلاح الحدود مثلا: طراد 28 قدم عليه مكاين عدد2 (200*200 ) هل مسموح فيه من سلاح الحدود
بجيبه من الكويت ان شاء الله
وشرايكم بصبة اليوسفي 28قدم فيه ناس اصحوني بعدم الشراء
وشكرا

[jwan]

عدمةالشراء ليه
شوف سلاح الحدود ماله دخل في الحجة بس مكائن 200 حتكونن كبيرة ع القارب وع القدح

[مهجول بحري]

بالنسبة للسماح اتوقع عادي بدليل وجوود اكثر من طراد في فرضة الدمام ٢٧ قدم وعليه ثنتين ٢٠٠ والنسبة لليوسفي ماعندي خبرة عنه
ان شاء الله يفيدونك اصحاب الخبرة

[مهجول بحري]

ولو تسأل المواصلات والحدود عن السماح اوفر لك وقت

[wushwush]

حرس الحدود والمواصلات مالهم علاقه مدام مامنك مشاكل وكدا لاكن اللي يسوو مشاكل ويشردو من الحرس على اساس انو المكاين تساعدو يشرد منهم يجبروك تغير المكاين بالذات في الجنوب وبعدين كل قارب لو مواصفات الافضل انك ماتتعداها كتير يجي مكتوب كم القوه الحصانيه اللي المفروض تركبها او اقصى قوه وانا تجاوزتها تكون جازفت بالقدح والبوت كمان لانو في ابوات تجاهلو المواصفات وتأثرت قواربهم من ناحية القدح وممكن تسبب في شعر للقارب من عدة اماكن
وشكرا

[عاشق البحرE]

صباح الخير أخوي حموود ..

بالنسبه للمكاين ما راح يعارضون عنها في في الجمرك ..

حتى لو كانوا 300×300 .. لان الجمرك مجرد تمرير و تسجيل .. و لو جبته للسعوديه أكيد راح تخلص اوراقه في وزراة الموصلات .. و هناك يصير يطلع أحد يشيك عليه من قبل المختصين .. لو كانوا المكاين 200× 200 ما راح يعارضون و بخلصون اوراقك في المواصلات و أمورك عال العال .. بالنسبه للمكاين 250×250 او 300× 300 .. هذا لازم تأخذ منها تصريح استثنائي من قياده القطاع للمنطقه لحرس الحدود .. لانها تتعبر مكاين كبيره ..

نصيحه مني لك اخوي حموود ابعد عن تفصيله اليوسفي لو كنت راعي رحلات داخل الغزير .. لان هذي التفصيله تجيب الراش و تغرف في الموج .. يعني تصلح للاماكن القريبه و البحر الغير الرق .. و لو بتاخذ من الكويت دور الروضان تراه شيخ في البحر او تفصيله الهامور بجميع انواعه ..

لي واحد من اصدقائي اخذ له طراد من الكويت .. اليوسفي 24 قدم و عليه ماكنتين 115 ×115 ياماها و اول نزله كره الطراد بسبب راش المويه و انه يغرف كثير في الموج و ما يرفع صدره ابد .. شال مكاينه و باع القرف لانه ما يصلخ للبحر الغزيز ..
و أسال أكثر >> و هم تجرب الطراد في االبحر و انت تقرر بعدها ..

[الوحش79]

اخي الكريم حدد اي صبه بالضبط
القديمه المشابه للروضان القديم او الدوسري الحالي
ادا كانت
هي المقصوده
فانا ارى اكثر البحاره وليس الهوات فقط ياخذونه لانه ينفع للغزير ويتميز بالعرض
وايضاً بعض الحداقه يرغبون له

بس انامع اخ عاشق بحر في انك تاخذ قرف صبته هامور
افضل للنزاه وينفع للغزير والطفيح
وللحداق


والمكاين مثل ماذكرو الاخوان
والله يوفقك

[حموود]

السلام عليكم
والف شكرا لكل واحد رد على موضوعي

[حموود]

السلام عليكم
والف شكرا لكل واحد رد على موضوعي

[م/عبدالله]

وعليكم السلام ورحمة الله وبركاته

الاخوه الافاضل .... لحظه
الجمارك ما تتدقق .... لكن اذا دخلت الخفجي .. اول مايكشف حرس الحدود على استكر وزن القارب
ويقارن بحجم قوة المحركات ويحسب السرعة .. معك الى 45 عقده بحرية اذا زادت
عقدتين رجوعك وبدون نقاش ولا تتعب نفسك الا ... اذا .!!!!!
هذا ماحصل مع صديق لي وكنت معه على اتصال مستمر عقدوه ورجع الكويت
لانه زايد فوق 45 عقده خوفا من استخدامه في التهريب وفق ما سمع منهم

[Hassan mahdi]

حسب الوزن الاجمالي الى الزورق والمكاين صاحبي توه مركب ثنتين 250 ما واافقو على التسجيل الى بوزن الزورق معى المكاين وانت وشطارتك ثقل الوزن تمشي

[حموود]

السلام عليكم
والله يعطيكم العافية
وجزاكم الف خير
على تفاعلكم

[ابوالشهد]

بالنسبة لقوارب اليوسف ترى أنواع ,من أفضلها 27 -29-31 موديل F

بصراحة لايعلى عليها وحتى سعر ال 27F يختلف عن 27FA تقريبا 15,000

هذا من وجهة نظري المتواضعة ولا يهونون الاخوان الكرام,الله يكتب لك اللي فيه الخير.