لغز 2000 مسند لذيب لابو سالم ( النبهاني ) ............. حله ( عطري ) .. الحل ( هندل )

[ابو ماجد 2]

بسم الله الرحمن الرحيم

السلام عليكم ورحمة الله وبركاته

اللغز مسند لحبيبنا ابو سالم ( النبهاني )


يابو اسامه لغز الالفين أعده=ياعله يشمل كل عضوٍ نوده
نشده لهذا ويضا هذاك نشده=بس العشم تاتي حلوله خفيفات
ورعٍ يابو سالم ودوره قديمي =مضرب مثل من لاغدى مستقيمي
فعله في بنتٍ فزعة يافهيمي =الياعثرت نوبٍ بهالورع منجات


مع تحيات ابو ماجد

منتديات مكشات . خيمة الالغاز

[ذيب الفقارة]

وعليكم السلام ورحمة الله وبركاته

صح لسانك أخوي أبو ماجد

يمكن : خزيمة بن بشر ( جابر عثرات الكرام )

تحياتي

[ابو ماجد 2]

وعليكم السلام ورحمة الله وبركاته

صح لسانك أخوي أبو ماجد

يمكن : خزيمة بن بشر ( جابر عثرات الكرام )

تحياتي


هلا بمرعب الالغاز
صح بدنك يابو عدنان
مالك لوى يالغالي
ولاحظ ان حصرت فزعته في بنت لاعثرت
وبعدين يضرب به المثل في رجال عديم الاستقامه

[ال-رايق]

صح لسانك يابوماجد
صح لسانك يامغرد الالفينيات /الله يعطيك طولة العمر
ومسند على غالي الله يمسيه بالخير
=========
وش رايك بالعمود للخيمة
او
العود=لاسلم العود الحال تعود
وشكرا

[ال-رايق]

به رمعه اخرى
-العرجون والنخله
وشكرا

[النبهاني]

وعليكم السلام ورحمة الله وبركاته
صح لسانك يازعيم
والله يمسيك بالخير ومن شارك ومن حضر
والله يرفع قدرك ويعلي شانك
محاوله يابو ماجد
محراث ضو

[ناصر العلي]

وعليكم السلام ورحمة الله وبركاته
سلمت يالغالي
وصح لسانك
وغالي ومسند على غالي
ويش قولك بـ
منقاش الخباز
أو
المخّلب

[ذيب الفقارة]

يمكن :

الجمل ما يشوف عواج رقبته

[ناصر العلي]

يمكن :




الجمل ما يشوف عواج رقبته


ويقولون بعد ياأبوعدنان
الجمل مايشوف حدبة سنامه

[ابو ماجد 2]

صح لسانك يابوماجد
صح لسانك يامغرد الالفينيات /الله يعطيك طولة العمر
ومسند على غالي الله يمسيه بالخير
=========
وش رايك بالعمود للخيمة
او
العود=لاسلم العود الحال تعود
وشكرا


هلا بك يابو مهند
صح بدنك
وجزاك الله خير ومتعك الله ببدنك ومالك وولدك
مالك لوى يالغالي

[ابو ماجد 2]

به رمعه اخرى
-العرجون والنخله
وشكرا


مالك لوى
انتظر مرماعك القادم

[ابو ماجد 2]

وعليكم السلام ورحمة الله وبركاته
صح لسانك يازعيم
والله يمسيك بالخير ومن شارك ومن حضر
والله يرفع قدرك ويعلي شانك
محاوله يابو ماجد
محراث ضو


هلا بالغالي
صح بدنك
وانت تستاهل معلقات ولو انك ماتحب المدح بس شي بالقلب لازم اقوله يالغالي
محاوله حلوه
وما اعنيه من حيث المثل
كقولنا ايام ريفيلينو وشوتاته الشهيره اللافه ( موزه )
انتظر مرماعك القادم

[ابو ماجد 2]

وعليكم السلام ورحمة الله وبركاته
سلمت يالغالي
وصح لسانك
وغالي ومسند على غالي
ويش قولك بـ
منقاش الخباز
أو
المخّلب


سلمت وصح بدنك
مالك لوى يالغالي
وشف ردي على ابو سالم يمكن تتضح الفكرة اكثر

[ابو ماجد 2]

يمكن :

الجمل ما يشوف عواج رقبته


هلا بك يابو عدنان
مالك لوى يالغالي
والمثل اقصد فيه التشبيه
وشف ردي على ابو سالم

[ذيب الفقارة]

يمكن :

ضلع أعوج

[النبهاني]

هلا بالغالي




صح بدنك
وانت تستاهل معلقات ولو انك ماتحب المدح بس شي بالقلب لازم اقوله يالغالي
محاوله حلوه
وما اعنيه من حيث المثل
كقولنا ايام ريفيلينو وشوتاته الشهيره اللافه ( موزه )
انتظر مرماعك القادم




الله يابو ماجد ذكرتنا بريفو والكعبي وتميم الحزامي
يوم الكوره له طعم
تراك فتحت جحور عمي
ويوم اقول محراث اعني الورع
والبنت الضو
والمثل محراث ضو يقال للي يحدث الفتن بين الناس
هل اللغز مفهوم من خلال الرمعه

[ابو ماجد 2]

يمكن :

ضلع أعوج


مالك لوى يابو عدنان
لا تنس قديم عتييق يمكن ماله وجود الآن
فعله ببنت فزعه اذا عثرت

[ابو ماجد 2]

الله يابو ماجد ذكرتنا بريفو والكعبي وتميم الحزامي
يوم الكوره له طعم
تراك فتحت جحور عمي


تصدق ذيك الفترة يالغالي رغم عدم توفر الامور الماديه كما هو الآن
الا انهم استطاعوا ان يستقدموا محترفين على مستوى كذلك مدربين لهم صيتهم عالميا
وكذلك لاعبينا الوطنيين كانوا متمكنين ويمتلكون مهارات اكثر رغم عدم جود الاحتراف

[برج الابراج]

كبوت الحصان ثم يعتدل ولامن رد ماعده شرد ولامادون الحلق الااليدين
ولا كم غادي ويرا انه مدل ولا الي مايضرك ماينفعك ولا الاسن ميشوف عيبه
ولا زل ابقدمك ولا تزل ابفك ولا رمحن تطعنبه ولا رمحن توعدبه ولاكم عين اطرفتها
يمناها ولا اتق انار ولو بشق تمره ولا عند رفعت السيف فرج ولا لي كل عاثر رافع
برج الابراج

[برج الابراج]

الي امصيبك لوتتقيت مااخطاك @ والي امسايف لوتبينت ماجاك
برج الابراج من كلمات بركات الشريف

[ابو ماجد 2]

كبوت الحصان ثم يعتدل ولامن رد ماعده شرد ولامادون الحلق الااليدين
ولا كم غادي ويرا انه مدل ولا الي مايضرك ماينفعك ولا الاسن ميشوف عيبه
ولا زل ابقدمك ولا تزل ابفك ولا رمحن تطعنبه ولا رمحن توعدبه ولاكم عين اطرفتها
يمناها ولا اتق انار ولو بشق تمره ولا عند رفعت السيف فرج ولا لي كل عاثر رافع
برج الابراج

صباح الخير يابو محمد
مالك لوى يالغالي

[ابو ماجد 2]

بو سالم والزملاء الافاضل نزيد فيه لعله يتضح


يابو اسامه لغز الالفين أعده=ياعله يشمل كل عضوٍ نوده
نشده لهذا ويضا هذاك نشده=بس العشم تاتي حلوله خفيفات
ورعٍ يابو سالم ودوره قديمي =مضرب مثل من لاغدى مستقيمي
فعله في بنتٍ فزعة يافهيمي =الياعثرت نوبٍ بهالورع منجات
ابيات لغزي فيهن الحل فاضح=كد قيل كل قدرٍ بما فيه ناضح
من بعدهن دل الذي جاك واضح=اسمه يجي مدسوس في جوف الابيات

[عطري]

و عليكم السلام و رحمة الله و بركاته
صح لسانك أبا ماجد
و غالي و مسند على .... غالي

لعله الهندل
في المواتر القديمة ، و المكاين مثل اللي عند عمي.

[ابو ماجد 2]

و عليكم السلام و رحمة الله و بركاته
صح لسانك أبا ماجد
و غالي و مسند على .... غالي

لعله الهندل
في المواتر القديمة ، و المكاين مثل اللي عند عمي.


ياحبي لك وياحبي لمرماعك
كفووو كفوووووووووو كفووووووو
صح لسانك ملايين
نعم
هندل

http://www.team-bhp.com/forum/attachments/vintage-cars-classics-india/41512-cranking-handles-practical-starting-old-cars-model_t_front.jpg
واول الشارع اللي عديم الاستقامه يقولون هندل
وحتى فيه شارع بالرياض ان ماخانتني الذاكره يسمى شاره الهندل
والسياره اذا اعثرت يستفزع بالهندل
والحل سقته بهالبيت
من بعدهن دل الذي جــاك واضح .. اسمه يجي مدسوس في جوف الابيات
لله درك يالعطر الفواح

[عطري]

كفوك الطيب اليوم و دوم.
و صح لسانك أبا ماجد على الأبيات الأوله و التالية.
و عقبال الألفية الثالثة،،،
تصدق عاد أبطيت من الصيد - و الحمد لله - ، لا طيور لا سمك لا ألغاز إلا هاللغز جابه الله ،،،

[ذيب الفقارة]

صح لسانك أخوي أبو ماجد

كفووووووووووووووووووووو كفووووووووووووووووووو كفوووووووووووووو

عطري

تحياتي وتقديري

[عطري]

كفوك الطيب يا أبا عدنان ، نجا منك هاللغز ، الظاهر إنك مشغول.
ما عد أشوف لك ألغاز ، الله يسهل الأمور.
و حياك الله في كل حين،،،

[رحال و مسافر]

وعليكم السلام ورحمة الله وبركاته
صح لسانك يابوماجد
وكفوووووووووووو
ثم
كفوووووووو
ياعطرنا الفواح
الحمد لله إنك صدت وحدة من الثلاثة
وهذا فأل خير إن شاء الله للطيور و السمك
بيض الله وجيهكم

[ابو ماجد 2]

كفوك الطيب اليوم و دوم.
و صح لسانك أبا ماجد على الأبيات الأوله و التالية.
و عقبال الألفية الثالثة،،،
تصدق عاد أبطيت من الصيد - و الحمد لله - ، لا طيور لا سمك لا ألغاز إلا هاللغز جابه الله ،،،


هلا بك وصح بدنك
وان شاء الله تصيد مايرجح موازينك يوم لقائه
وهاللغز يصبح غالي لاصار من صيدك

[ابو ماجد 2]

صح لسانك أخوي أبو ماجد

كفووووووووووووووووووووو كفووووووووووووووووووو كفوووووووووووووو

عطري

تحياتي وتقديري


صبحك الله بالخير وصح بدنك يالغالي
شرفنا تواجدك يابو عدنان

[ابو ماجد 2]

وعليكم السلام ورحمة الله وبركاته
صح لسانك يابوماجد
وكفوووووووووووو
ثم
كفوووووووو
ياعطرنا الفواح
الحمد لله إنك صدت وحدة من الثلاثة
وهذا فأل خير إن شاء الله للطيور و السمك
بيض الله وجيهكم


هلا بقناص الليل
صح بدنك يالغالي
تحيتي لك وتقديري

[عطري]

وعليكم السلام ورحمة الله وبركاته

صح لسانك يابوماجد
وكفوووووووووووو
ثم
كفوووووووو
ياعطرنا الفواح
الحمد لله إنك صدت وحدة من الثلاثة
وهذا فأل خير إن شاء الله للطيور و السمك

بيض الله وجيهكم


هلا بك قناص الليل
كفوك الطيب ياراع الصيد
و الخير يجيبه الله ، و الخيرة فيما اختاره الله .

[عطري]

هلا بك وصح بدنك

وان شاء الله تصيد مايرجح موازينك يوم لقائه
وهاللغز يصبح غالي لاصار من صيدك


أحسنت أبو ماجد ، الصيد هو اللي ما ذكرت
أسأل الله لي و لكم الاخلاص في القول و العمل و القبول من رب العالمين.