طبع السلقة مايصلح

[hgsvphkd]

يَاخواني عندي سلقة عمرها سنة و3 شهور طبعها مدوخني .

1- ماتلحقني لمشيت ابدا
2- لركضت ماتعمل شئ
3- الجعر ينابحون عليها وهي مطنشتهم وش السالفةة

ليه كذا وشلون اعدلها

[hgsvphkd]

وربطت رقبتها بمقود مخصص لهـا ماتمشي وراي

[رامي الصيده]

يقول المثل جوع كلبك يتبعك الشي الثاني شف اذا هي طيبه انتج منها وياليت تصورها نعطيك علمها هاذي راعيها لاهي عنها اكيد اليوم الي قبل تطلعها خلها على اكل خفيف او حليب طبيعي وتمر عشان تطلع معك خفيفه وتركض صح والشجاعه زي الادمي في الطيب وفيه الردي والبهايم نفس الشي فيها الشجاع وفيها مش الشجاع عندي سلقه لاشافت الجعر جت تحتي وفيه وحده لوقدامها اسد راحت له تعارك معه

[ابو هشام]

كﻻم اخي رامي الصيده صحيح.

البهائم اطباع. واذا كبرت وطبعها فاسد مالها حل.

المفروض من كانت جرو ما تاكلها لين تطيعك.

[بواردي سلمى]

اختلـف مع اخواني بأن السلوقي اذا كبـر وما درّب ، ما تقدر تدربـه !

السلوقي تقـدر تدربه وهو كبير ، بس راح يتعبـك ويلهدك ، ولكن بالنهايه راح يتعلم

الذيخ الي عندي سحاب ، جاني وعمره سنه او سنـه ونص

ما يعرف شي ابد !

وغير كذا مدعوس ، يعني يزاول السياره ، وكان يضرب ، فـ صـآر ما يداني السياره والادمي

ولكن هالحين اتحـدى به ، لامن ناحية الطبـوع ، ولا من ناحيـة الصيـد !

ولكنـه اتعبــن اتعبـن بالحيل !

لكن الخوف يا اخ hgsvphkd (http://www.mekshat.com/vb/member.php?u=267167) ان الي عنـدك سـدآده

ترى السداده هذي مواريه ، كمخه وخبل ولا يركض ولا يفهم ولا يطيع ، يدربي راسه على ما منش

ممكن صور لاهنت ؟؟

[ابو هشام]

اختلـف مع اخواني بأن السلوقي اذا كبـر وما درّب ، ما تقدر تدربـه !

السلوقي تقـدر تدربه وهو كبير ، بس راح يتعبـك ويلهدك ، ولكن بالنهايه راح يتعلم

الذيخ الي عندي سحاب ، جاني وعمره سنه او سنـه ونص

ما يعرف شي ابد !

وغير كذا مدعوس ، يعني يزاول السياره ، وكان يضرب ، فـ صـآر ما يداني السياره والادمي

ولكن هالحين اتحـدى به ، لامن ناحية الطبـوع ، ولا من ناحيـة الصيـد !

ولكنـه اتعبــن اتعبـن بالحيل !

لكن الخوف يا اخ hgsvphkd (http://www.mekshat.com/vb/member.php?u=267167) ان الي عنـدك سـدآده

ترى السداده هذي مواريه ، كمخه وخبل ولا يركض ولا يفهم ولا يطيع ، يدربي راسه على ما منش

ممكن صور لاهنت ؟؟


والله كﻻمك على خشمي

يمكن تقدر تدرب الكبير ولكن طبعه ينزع.

انا دربت سلوقي ﻻقيه مع شباب جايبينه لسوق الغنم رابطينه بحبل برقبته.

دفعت لهم مية ريال اذا هم أطلقوه. ولما أطلقوه أخذته.

المهم أنه أتدرب ولكن عنده حركات تظهر فجأه. مره عض الولد لو ما كنت قريب عليه كان قطعه تقطيع

وفي كﻻب أغبياء يعني مهي قضية صغير وكبير مهما دربته ما يفهم.

الشاهد ليش اضيع وقتي مع سلوقي تدريبه صعب ونسيانه سهل.

[بواردي سلمى]

والله كﻻمك على خشمي

يمكن تقدر تدرب الكبير ولكن طبعه ينزع.

انا دربت سلوقي ﻻقيه مع شباب جايبينه لسوق الغنم رابطينه بحبل برقبته.

دفعت لهم مية ريال اذا هم أطلقوه. ولما أطلقوه أخذته.

المهم أنه أتدرب ولكن عنده حركات تظهر فجأه. مره عض الولد لو ما كنت قريب عليه كان قطعه تقطيع

وفي كﻻب أغبياء يعني مهي قضية صغير وكبير مهما دربته ما يفهم.

الشاهد ليش اضيع وقتي مع سلوقي تدريبه صعب ونسيانه سهل.


الحمـد للــه على سـلآمة الولـد

فعلا كلامك صحيح ، السلوقي الكبير يتعبك بتدريبـه

ولكـن ليش عض الولـد ؟؟ الله يستـر لا يكـون مغلـوث ؟؟

الذيـخ الي عنـدي ، طبوعـه ميـه بالميـه ولله الحمـد

ولا يطيـع احد الا انا واخـوي الي اصغر منّـي ، اما البقيـه يالله وبالله يطيعهـم ، والبعض ما يطق لهـم خبـر هههههه

بالتوفيـق

[hgsvphkd]

الله يعافيكم وبيض الله وجيهكم ي طيبين الفعل .

والله السلقة ماعرف انزلها ..

هي طويلة حيل..

لونها أغمق من الرمادي فوق ضهرها شعر اسود واذانها كذالك .

نحرها وااسع .

لآكن جتني هدية وتوي داخل بالسلق ولا لي عرف فيها ..

[hgsvphkd]

http://www.mekshat.com/vb/showthread.php?t=229270

آعتذر من الاخ ^^

ولكن سلقتة ( الشعلة ) ضبية . هي وسلقتي والله ماتفرق بينهم آبدآ

والله تقول من اب وام واحد من ولدة وحدة نفس الطول والجسم واللون

[hgsvphkd]

والله كل من شافها انهبل تبيعها تبيعها . ابي منها بطن ووووو

والله لو يدرون بفعلها مايقربونها ..

ولكن امس الفجر طلعت انا وكم واحد من الربع.

معنا ارنب نبي نهدة ومسكت السلقة وخوياي 2 معاهم سلقانهم ..والله يو هدوا الارنب مامسكها الا سلقتي ( مروج)

ولاكن ماقاهرني الا ماتلحقني الا بطلعت الروح وبها خمول زاااايد.

وتركب بس اضرب باب الحوض الا وتركب

[ابو هشام]

الحمـد للــه على سـلآمة الولـد

فعلا كلامك صحيح ، السلوقي الكبير يتعبك بتدريبـه

ولكـن ليش عض الولـد ؟؟ الله يستـر لا يكـون مغلـوث ؟؟

الذيـخ الي عنـدي ، طبوعـه ميـه بالميـه ولله الحمـد

ولا يطيـع احد الا انا واخـوي الي اصغر منّـي ، اما البقيـه يالله وبالله يطيعهـم ، والبعض ما يطق لهـم خبـر هههههه

بالتوفيـق


الله يسلمك اخوي

حادثه قديمه يمكن من 10 سنين وازود