القدر الفخار او الطاجن

[ابوفهد سليمان]

السلام عليكم واسعد الله مساء الجميع بكل خير

شريت ياربعي قدر طاجن مغربي حجم كبير من الشفاء .... وطبخنا فيه ماء لمدة ساعه تقريبا

وبعدها سوينا فيه يدام ... فطلع اليدام بنكهة الطين او الفخار نفسه

فسؤالي بارك الله فيكم ... وشلون نتخلص من ريحة الطين قبل مانستخدمة مره ثانيه

تحياتي للجميع ...... ابوفهد

[نقرة خالد]

اخوي لازم تربص الطاجن بالماء لمدة يوم كامل وذا حصل بعد تحط فيه شوي مويه وتخليه على نار هاديه او متوسطه واذا فاح الماء سكر عليه وبس

[nono2020]

عليكم السلام ورحمه الله وبركاته
حسب كلام احد الشباب يقول
تدهنه بزيت او ما تشتريه
والثاني يقول يحط فيه لبن !!!!! بس ما ادري ليش
جرب :confused:

[aziz2727]

فيه طواجن مغربيه مخصصه للطبخ
وفيه محل في المصيف على طريق الامام وانت بتجاه الغرب قبل ما توصل طريق الملك عبدالعزيز بشوي تحصله على اليمين

[نقرة خالد]

ياخون لا زيت ولا خربيط ولا اي شي ياخي انا خبره بالطواجن عندي رف كامل كله طواجن ربصه في مويه لمدة يوم وبس وخل الي كل شوي معطيك راي مع احترامي لشباب لاكن هذي الطريقه معروفه جداً جداً ربصه في مويه لمدة يوم وان حصل حط فيه شوي مويه وخله على نار هادئه او متوسطه لحد مايغلي الماء وسكر عليه وخلاص انتهت المشكله اهم شي ربصه لمدة يوم

[قلقانش]

مثل ما قال اخونا نقرة خالد

نقعه بالماء يوم كامل او ٦ساعات اذا مستعجل

العجيب ان الطاجن لما تشريه جديد وتنقعه بالماء تشوف الطين نفسه يتشرب الماء وكأنه احد يتنفس

هذي بحد ذاتها تسكر المسامات ولا تخلي للهواء فرصه يكسر الطاجن اذا تعرض للنار او الجمر

بالنسبه للزيت صدقني بعد هالتشريب ما اهقى الزيت الا يمطرس لك الطاجن يعني ما راح يتشرب الزيت

وسلامتك تعيش ...