راعي العجراء
09/03/2013, 06:12 PM
السلام عليكم ورحمة الله وبركاته
اليكم هذه السالفه من سواليف راعي العجراء
وادري اني مقصر معكم من تالي ولكن ارجو السموحه
قبل حوالي 43 سنه تنقص تزيد مدري وبالعطله الصيفيه توظف راعي العجراء في احد الوزارت دوام صيفي فقط يعني
اربعه شهور فقط براتب وقدره 618 ريال بمافيه النقل وعينوني على وظيفه في الارشيف
وكانت فيه رفوف مثل حقت البقالات فيها المعاملات بارقام متسلسله وتاريخ لسهولة الحصول على المعامله عند طلبها
وكانت هالغرفه (المكتب ) بالطول تقول قراش سياره وكل يوم يعطوني معاملات جديده اخرمها وحطها في ملف وكتب على الملف من رقم كذا الى رقم كذا وكان فيه شناط لترحيل بعض المعاملات القديمه ياخذونها بس مدري وين يودونها وفيه حبال مثل حق الكراث والعلف لفات واجد لربط المعاملات
وكنت متحمس للوظيفه بالحيل وخاصه اذا جاء موظف يطلب معامله اتدلع عليه وارفع خشمي وازمر عليه واحيان اقول له راجعنا بكره مثل بعض الموظفين يعنني لي قيمه وهذا يدخل وهذا يطلع كل ٍ يجدع علي رقم معامله (عاد انت لاتحسبونها ترقيم ) تراه رقم معامله يبيني اطلعها من غبار الارشيف
وفي يوم من الايام ضاق صدري مامرني احد يطلب معامله ولاعندي شغل
قلت ياولد ريح اليوم مد رجليك على طاولة المكتب وريح مخك شوي حطيت رجليني على المكتب
اشوي واشوف حبل الكراث معلق في مسمار قريب من المكتب وانا اسحب الحبل واربط اصابع رجليني بالحبل واشبكها مع بعض اصابع الرجل هذي مع الرجل الثانيه كلها بالحبل ربط مهوب صاحي واعقد الحبل حتى صارت اصابعي ماهيب حمر ولا بنفسجي ولا سود تقول بين عشيوين غايلهن غول ورجليني على المكتب وباقي الحبل بالمسمار نسيت اني في مكتب المهم اني ربط هالاصابع تربيط يبيلي نصف ساعه علشان افكهن
شوي يوم دخل مدير مكتبنا يبي معامله وانا على طول حاولت ان انزل رجليني تحت اغبيهن عنه
لكن ماقدرت الحبل مسك بالمسمار من كثر ماسحبت منه حاولت حاولت ولكن مافيه امل ولا ابتسام
ومن كثر ماحولت اتخلص من الحبل ابعد الكرسي وزليت منه بالارض ومديرنا يتفرج على هالمنظر ويضحك قال فك نفسك قلت ماقدر الحين رح وارجع بعد عشر دقايق اصير فكيت الحبل
قال الاانت فكه وتعال لمكتبي قلت ابشر ورجليني فوق الطاوله بس قدرت اقعد على الكرسي
يوم دخلت عليه ولاه كاتب طي قيد انا فرحت احسبه طي القيد هو طي الحبل اللي عندي
قال رح خذ باقي راتبك ياوليدي انت ماتصلح للشغل رح اقعد عند امك حتى تنتهي باقي العطله
وارجع لمدرستك مابقى الا شهر ريح فيه والعب بالسيكل
قلت ليه علشان ربطت اصابعي خلاص فكيتهن وماعاد اتعوده قال لارح لمك تفكهن انت ماتدري انك بدائره حكوميه رح خذ باقي حقوقك وراتبك قلت سم وابشر وانا اتردد على الموظفين وعطوني حقي
311 ريال
اخذتهن وطلعت مع الباب ادربي الدميجه حتى وصلت سيكلي
انتهت السالفه وقبل الختام سبحانك اللهم وبحمدك لااله الا انت استغفرك اللهم واتوب اليك
مع تحياتي اخيك
راعي العجرا
طبرجل
اليكم هذه السالفه من سواليف راعي العجراء
وادري اني مقصر معكم من تالي ولكن ارجو السموحه
قبل حوالي 43 سنه تنقص تزيد مدري وبالعطله الصيفيه توظف راعي العجراء في احد الوزارت دوام صيفي فقط يعني
اربعه شهور فقط براتب وقدره 618 ريال بمافيه النقل وعينوني على وظيفه في الارشيف
وكانت فيه رفوف مثل حقت البقالات فيها المعاملات بارقام متسلسله وتاريخ لسهولة الحصول على المعامله عند طلبها
وكانت هالغرفه (المكتب ) بالطول تقول قراش سياره وكل يوم يعطوني معاملات جديده اخرمها وحطها في ملف وكتب على الملف من رقم كذا الى رقم كذا وكان فيه شناط لترحيل بعض المعاملات القديمه ياخذونها بس مدري وين يودونها وفيه حبال مثل حق الكراث والعلف لفات واجد لربط المعاملات
وكنت متحمس للوظيفه بالحيل وخاصه اذا جاء موظف يطلب معامله اتدلع عليه وارفع خشمي وازمر عليه واحيان اقول له راجعنا بكره مثل بعض الموظفين يعنني لي قيمه وهذا يدخل وهذا يطلع كل ٍ يجدع علي رقم معامله (عاد انت لاتحسبونها ترقيم ) تراه رقم معامله يبيني اطلعها من غبار الارشيف
وفي يوم من الايام ضاق صدري مامرني احد يطلب معامله ولاعندي شغل
قلت ياولد ريح اليوم مد رجليك على طاولة المكتب وريح مخك شوي حطيت رجليني على المكتب
اشوي واشوف حبل الكراث معلق في مسمار قريب من المكتب وانا اسحب الحبل واربط اصابع رجليني بالحبل واشبكها مع بعض اصابع الرجل هذي مع الرجل الثانيه كلها بالحبل ربط مهوب صاحي واعقد الحبل حتى صارت اصابعي ماهيب حمر ولا بنفسجي ولا سود تقول بين عشيوين غايلهن غول ورجليني على المكتب وباقي الحبل بالمسمار نسيت اني في مكتب المهم اني ربط هالاصابع تربيط يبيلي نصف ساعه علشان افكهن
شوي يوم دخل مدير مكتبنا يبي معامله وانا على طول حاولت ان انزل رجليني تحت اغبيهن عنه
لكن ماقدرت الحبل مسك بالمسمار من كثر ماسحبت منه حاولت حاولت ولكن مافيه امل ولا ابتسام
ومن كثر ماحولت اتخلص من الحبل ابعد الكرسي وزليت منه بالارض ومديرنا يتفرج على هالمنظر ويضحك قال فك نفسك قلت ماقدر الحين رح وارجع بعد عشر دقايق اصير فكيت الحبل
قال الاانت فكه وتعال لمكتبي قلت ابشر ورجليني فوق الطاوله بس قدرت اقعد على الكرسي
يوم دخلت عليه ولاه كاتب طي قيد انا فرحت احسبه طي القيد هو طي الحبل اللي عندي
قال رح خذ باقي راتبك ياوليدي انت ماتصلح للشغل رح اقعد عند امك حتى تنتهي باقي العطله
وارجع لمدرستك مابقى الا شهر ريح فيه والعب بالسيكل
قلت ليه علشان ربطت اصابعي خلاص فكيتهن وماعاد اتعوده قال لارح لمك تفكهن انت ماتدري انك بدائره حكوميه رح خذ باقي حقوقك وراتبك قلت سم وابشر وانا اتردد على الموظفين وعطوني حقي
311 ريال
اخذتهن وطلعت مع الباب ادربي الدميجه حتى وصلت سيكلي
انتهت السالفه وقبل الختام سبحانك اللهم وبحمدك لااله الا انت استغفرك اللهم واتوب اليك
مع تحياتي اخيك
راعي العجرا
طبرجل