يالربع تكفوووون الفزعة لاهنتوو

[النو]

السلام عليكم

عندي جيب باترول صالون 98 وفيه عرة وكشفت على عمود كردان وقال المهندس حق المخرطة
فيه طعج
علما إن الصوت يطلع من سرعة 100الي 120 ثم تزول تدريجيا كل ما اسرعت

الطلب وش الحل
العمود جديد غالي حول 2500
المستعمل 850

وش السواة
سمعت ان فيه ترصيص
تكفووون اللي عندة علم ولا خبر يفزع لي وماله إلا الدعاء

[ابوسند9]

وعليكم السلام
اخوي لا تعتمد على كلام الورش والمخارط ولا تستعجل
شيك على صليبات الاعمده
وجرب فك العمود وامش با الدبل ممكن المشكله مو من العمود
وشيك برضو على الكندسه من اولها الى اخرها لانها احينا مع السرعه تدق بالشاص او بالبدي وتظهر صوت عره
وعلى العموم العمود يترصص
واللى شف حد معه باترول وجرب بدل العمود من شان ما تخسر

[mekshaat]

لاتستهين برجة العمود ممكن تخرب عليك
الدفرنس أو القير اذا أهملتها حاول تشوف
لها حل.

[ls1.5700]

مثل ماقالو الاخوان شورهم في محله
بس شيك على البنيون شف فيه فضاوه او لا
وذا كانت العره او نسميها حنا الحره
بالعمود اشوى من تكون من عمود القير الداخلي اللي فيه المجموعه التروس في بعض الاحيان
يكون فيه ميول ويسوي رجه مثل رجة عمود الكرادان
والدبل نفس الشي
اذا تاكد ان الرجه من العمود ماهي من شي ثاني
وديه للمخرطه ويرصصونه ويضبط بأذن الله
الله يعينك وييسر امورك
في أمان الله

[راعي الفيوجن]

ياجماعه أنا نفس الكلام بس ركبت ياي وصار الموتر فيه رجه موب حره لا رجه من ١٢٠ وطالع تبتل معي إلى ١٦٠

[راعي الفيوجن]

وين الشباب يفزعون. لنا

[النو]

وعليكم السلام
اخوي لا تعتمد على كلام الورش والمخارط ولا تستعجل
شيك على صليبات الاعمده
وجرب فك العمود وامش با الدبل ممكن المشكله مو من العمود
وشيك برضو على الكندسه من اولها الى اخرها لانها احينا مع السرعه تدق بالشاص او بالبدي وتظهر صوت عره
وعلى العموم العمود يترصص
واللى شف حد معه باترول وجرب بدل العمود من شان ما تخسر

الله يبيض وجهك يا ابوسند وعزالله إن رايك في محله
شكلي باخذ عمود واحد من الشباب واجرب

لاهنت يالقرم

[النو]

مثل ماقالو الاخوان شورهم في محله
بس شيك على البنيون شف فيه فضاوه او لا
وذا كانت العره او نسميها حنا الحره
بالعمود اشوى من تكون من عمود القير الداخلي اللي فيه المجموعه التروس في بعض الاحيان
يكون فيه ميول ويسوي رجه مثل رجة عمود الكرادان
والدبل نفس الشي
اذا تاكد ان الرجه من العمود ماهي من شي ثاني
وديه للمخرطه ويرصصونه ويضبط بأذن الله
الله يعينك وييسر امورك
في أمان الله

هلابك والله لايهينك على حضورك

شكلي بركب عمود جيب واحد من الشباب بجرب لتاكد أن العله من العمود
وعقب بتوجه للمخرطة اذ المشكله من العمود

لاهنت وبيض الله وجهك الغالي

[النو]

وين الشباب يفزعون. لنا


راعي الفيوجن
مسيت بالخير

انا والله ماعندي علم لكن غديهم إن شاء الله يفيدونك

الله يسهل امورك

[مجالس الرجال]

اذا انت ببريدة رح لمخرطة السالم بالتشاليح يفكون عمود موترك ويركبون لك عمود ثاني واطلع جربه
اذا ماصارت المشكلة منه بتدفع 50 ريال فقط واذا من العمود المشكلة فركب من عندهم مستعمل واظن اللي عنده استعمال ياباني

[النو]

اذا انت ببريدة رح لمخرطة السالم بالتشاليح يفكون عمود موترك ويركبون لك عمود ثاني واطلع جربه
اذا ماصارت المشكلة منه بتدفع 50 ريال فقط واذا من العمود المشكلة فركب من عندهم مستعمل واظن اللي عنده استعمال ياباني

الله يبيض وجهك على هالعلم اللي وسع صدري
وعسى القى عندهم حاجتي

بس وانا اخوك مامعك رقم لهم انا والله مانيب من سكان القصيم
اذا لهم رقم لاهنت

[مجالس الرجال]

الله يبيض وجهك على هالعلم اللي وسع صدري
وعسى القى عندهم حاجتي


بس وانا اخوك مامعك رقم لهم انا والله مانيب من سكان القصيم
اذا لهم رقم لاهنت

للأسف مامعي لهم رقم واقرب روحه للتشليح ان شاء الله اجيب لك رقمهم