تنصحوني اشتري سوجن ارتمس التركيه ؟

[saqr34]

بسم الله الرحمن الرحيم

اسعد الله صباحكم ومسائكم بكل خير

أخواني اعضاء منتدى مكشات اتمنى احد يفيدني عن سوجن ارتمس التركيه لاني بشتري وحده ولا عندي اي معلومه عنها .

الي جربها يفيدني الله يجزاكم خير .. تحياتي

[نديم الخيال]

الشوزن هذي مع اثنين من الزملاء ومبسوطين منها تمامآ
انا شفت رميها حاااااار وتسوق سوق طيب جدآ
اجزائها اجزاء سوبر بانللي وخفيفه ووذفه وتنظيفها سهل جدآ
تجي 3 انش ترمي الى ضغط 56 لكن لاتعديها 40 اضمن لك واطول عمر للبندق والافضل 36
لو شريت استخدم التشك رقم 2 للصيد العادي ورقم واحد للصيد الكبير بعد التدريب على رمي كل تشك حتى تتقن مرمي البندق

[كرم القلوب]

السلام عليكم


نصيحتي لك اشترها وانت مغمض


انا شريتها من فتره وجربتها وبصراحه متميييزه وافضل من الستوقر2000 بمراحل يكفي انها ماتختلف عن نظام البنلي ولا حاجه

وازيدك من الشعر بيت السلاح متميز مافيه قطع او اجزاء فقط مكينه ومخزن وماصوره ولافيه اي شي غيرها
الطفل ممكن يفك مكينتها وينظفها ويرجعها مثل ما كانت باقل من 10 دقايق ...


طبعا لاتنسى انها مكينتها 3 انش وليست 3.5 كما يقول البعض فهي لاتتحمل ضغط فوق ال 50 ولك تحياتي

[رياح الشرق1]

كم سعرها يا جماعه وكم السبطانه حقتها

[آبوعزآم]

على خيره الله
لكن انصحك تشتري شادن التركيه نزلت بعد الارتمس وافضل منها واخف

[يحيى 2400]

والله وهم يتحاشقونه الشريطية شكلهم بلشوبهن

يالرجال بالعقل السلاح ما صارله توه نازل ما يمدي يطلع عذاريبه اي سلاح مهما كان ردي اول ايامه يطربك الكلام بعد سنتين نشوف المشاكل والعذاريب اما التطبيل ذا ما يصلح وكم واحد توهقبهن بسبب التطبيل الزايد

انا ما اقول انكم كذابين كلامكم صحيح سلاح يطرب وما به بلا بس هذا مو مقياس انا مو كل مره ابي ادفع ٨٠٠٠ ريال

[خويك على العز]

ام بطه وام بطتين
والستوقر بعد تجربتي في الجرجس
أثبتت فشلها والصناعة التركية
ماشجعتني

[خليل909]

ام بطه وام بطتين
والستوقر بعد تجربتي في الجرجس
أثبتت فشلها والصناعة التركية
ماشجعتني

كل شي توافيق وانا معي ام بطه قاضيه لزومي وزود بس ممكن ملاحظتك عليها في ايش نبي نستفيد من الي مثلك وشرواك

[saqr34]

اخواني الله يجزاكم خير على المعلومات الطيبه

واستغرب من بعض الاخوان انه يشارك خارج نطاق الموضوع

انا ابي استفسر عن نوع معين من السواجن التركيه ارتمس

لا غيرها ارجوا من الاخوان قراءة الموضوع والدخول في صلب الموضوع

تحياتي للجميع

[الشرطه]

بندق تأدي الغرض شارينها قبل ٨ شهور من الجرده ٧٣٠٠

ومن يد نشيط في يد نشيط والرمي متواصل بدون تنظيف ولايحزنون والشوازل توافيق

قبل اربع سنين شرينا شوزلين تركيات نفس بعض وحده رمينا فيها طلقه وحده وبعناها تشليح واختها نكرفها ليومك بدون حتى تشكيل او خراب ،،

[تزبطي]

ياولد
تركي سلاح تركي انتبه قبل تشتري

ترا نص المنتدى شريطيه اللي يمدح واللي يقول جربت

والدليل شف فيه ناس تمدح.بندق توها نازله

يقولون افضل من الستوقر
وهي.مالها شهرين نازله

مدري كيف حكمو خلال شهرين....؟؟؟؟؟؟

انتبه بس وانا اخوك
انا اشوف انك اذا مصمل على التركيات خذ استوقر 2000
ولا تعدي ضغط 36 ابد ابد وعساها تفلح

وبالتوفيق

[بليزر616]

ستوقر انا مجربها زينه وهذي مااعرفهاوكان السعر ب الثمانيه خد بيكال فيبر

[السسسعد]

أخوي ولا يهونون أخواني

اخذها ولا تشاور

لسببين
الاول لو تقول وتشاور الناس تقولهم وش اخذ بنوراما ولا رنج بيصير اختلاف عندهم وهذا بيمدح الرنج ويذم البنوراما وذاك العكس مع انها ماركات طيبه

والسبب الثاني مهو من كثر الصيد الي عندنا عشان ن تفكر في صناعتها وابشرك انك بتقنص مرات وتعود ماثارت الا على جالون زيت سوبر شل ههههه

من رايي وانا مجربها ورامي بهن انهن جيدات

[يحيى 2400]

كم قيمتها اول ٨٠٠٠ /٨٥٠٠ زد فليساتك وانا اخوك وخذ بيكال لك ولزمن وان احتجت فلوسك لا سمح الله تبيعها براس مالها اما التركية المستعمله ما تجيب راس مالها ومن ناحية الرمي معروف التركي ببراعته بس تضل الجودة شي اساسي في كل سلعة اعتقد كل شي واضح قدامك واستفد من تجارب غيرك وعموم التركي توافيق يعني انت وحظك فا ليش احط فلوسي في شي مو مضمون وبالنهاية انا ناصح لك وللجميع ...

وعلى فكرة ترا انا من اصحاب الشوازن التركية الي ربك ساتر عليهم الى اللحين وهذا انا ابحث عن البيكال مع ان شوزني ما غثتني بالعكس تنوبس بس ما في امان وتدري وش الغبنة الي تنسمى غبنة اذا خربت غليك وانت طالع وتبي تمرح اسبوع وتشوف الصيد قدامك ولا لك حيله وصعب ترجع لانك مرتبط مع الرجال واسئل كل شخص مر بالموقف ذا وش كان شعوره ..

اسف على الاطاله .......و شكراً.

[يوسف العضياني]

والله يأخوي ما أنصحك بالتركيه كلها
امن لك زدها خمسه سته ألف وأخذ لك الإيطالية ولا الأمريكية ولا روسيه افضل لك

[shabah]

السلام عليكم ورحمة الله

لا ما انصحك

[al3an]

السلام عليكم ورحمة الله وبركاته



دربيل التــــاج الياباني الاصلي .


مقاس 30*6

الموقع الدمام


الدربيل اصفى من القزاز مستعمل اخو الجديد بقراطيسه .


السعر : (250)عرررررض خاااااص




الموقع - الخبر - الدمام


للتواصل 0551387999


مكالمة او واتساب


الصور

http://www.mekshat.com/pix/upload05/images252/mk123905_image.jpg

[الهاروج]

خدها ولا تفكر كثير ,,,

عندي أرثمس ماشاء الله تبارك الله ماخيبت ضني أبد

حرارة رمي وسوق لا قوة الا بالله

صايد بها الارنب والكرك الاقرع والقطا والبط الخضاري ومستني القميري ( اليمام ) بفارغ الصبر

رميت بيها كرتونه فشق وخاش ع الثاني (0.3 / 0 / 1 / 2 / 3 / 4 / 5 / 6 ) 32 و 36 غرام

صورة أول صيد للمبروكه ,,

http://sphotos-f.ak.fbcdn.net/hphotos-ak-prn1/558949_489652181057964_1170698291_n.jpg

http://sphotos-b.ak.fbcdn.net/hphotos-ak-ash3/10287_515983841758131_1799111716_n.jpg

http://sphotos-g.ak.fbcdn.net/hphotos-ak-prn1/644235_542483179108197_1989314821_n.jpg

مارح تندم صدقني ,,,,

أخوك الهاروج 116

[الهاروج]

أذا شريتها علمنا نباركلك ,,,,!

[GXR95]

ارثمس شوزن تركيه عالية الجوده 3انش ماغنوم يركب عليها الفشق حتى مقاس 76ملم
ترمي الى ضغط 56 غرام
تعتبر مناسبه جدا في الوقت الحالي للاسباب التالية :
الشكل الانيق
طول السبطانه 32
نظام انرشا درفن مثل البنلي وليست غازيه تبهذلك بالتنظيف مثل البيكال
خفت الوزن فهي لا تتعدى 3كيلو
امكانية تركيب مخزن اضافي
حرارة الرمي
قطع بسيطه جدا تفكها في خمس دقائق وتركبها
سعرها الان 7500 جديده ومتاكد انه قابل للزياده بعدما اثبتت جدارتها
يعلم الله اني من اكثر الناس كره للشوازن التركيه ولكن بعد تجربة هذه الشوزن غيرت نظرتي
اللي يقول ما لها الا شهرين تراك غلطان البندق الان لها حول السنه ولكنها لم تشتهر الا من كم شهر
ادخل على الرابط هذا http://www.arthemisshotguns.com/a9121eng.html
وشف صورة الشوزن اللي موجوده عندنا وهي الفيبر الاسود واقراْ مواصفاتها باخر الجدول
موديل A-912-p
يعلم الله مانيب شريطي ولا لي اي علاقة بالشريطيه واسال الله الرزق الحلال لهم ولجميع المسلمين
ولكن على غلاء الايطالي والامريكي وغيرها مانيب ملزوم اشري بندق ب20الف وفوق مع وجود البديل ولله الحمد

[الهاروج]

ارثمس شوزن تركيه عالية الجوده 3انش ماغنوم يركب عليها الفشق حتى مقاس 76ملم
ترمي الى ضغط 56 غرام
تعتبر مناسبه جدا في الوقت الحالي للاسباب التالية :
الشكل الانيق
طول السبطانه 32
نظام انرشا درفن مثل البنلي وليست غازيه تبهذلك بالتنظيف مثل البيكال
خفت الوزن فهي لا تتعدى 3كيلو
امكانية تركيب مخزن اضافي
حرارة الرمي
قطع بسيطه جدا تفكها في خمس دقائق وتركبها
سعرها الان 7500 جديده ومتاكد انه قابل للزياده بعدما اثبتت جدارتها
يعلم الله اني من اكثر الناس كره للشوازن التركيه ولكن بعد تجربة هذه الشوزن غيرت نظرتي
اللي يقول ما لها الا شهرين تراك غلطان البندق الان لها حول السنه ولكنها لم تشتهر الا من كم شهر
ادخل على الرابط هذا http://www.arthemisshotguns.com/a9121eng.html
وشف صورة الشوزن اللي موجوده عندنا وهي الفيبر الاسود واقراْ مواصفاتها باخر الجدول
موديل A-912-p
يعلم الله مانيب شريطي ولا لي اي علاقة بالشريطيه واسال الله الرزق الحلال لهم ولجميع المسلمين
ولكن على غلاء الايطالي والامريكي وغيرها مانيب ملزوم اشري بندق ب20الف وفوق مع وجود البديل ولله الحمد

هذا الكلام اللي يريح القلب ماشاء الله كفيت ووفيت ,,,,

[الهاروج]

ماشاء الله ,,,,

[جبل الحضر]

يارجال السلاح طيب بحكم التجربه مشتريها قبل 6 شهور
والحمد لله ماشفت عليها ملاحظه مع العلم ان مارميت فيها كثير مره
واليوم السبت حصلتها بالسوق مستعمله 8000 ريال وشادن 9000 ريال

[عشقي بريتا]

اخوي بنصحك لوجه الله وعن تجربه اذا انت للحين تنتظر الاراء

ارتمس خفيفه هادئه الرمي لكن مشكلتها تلك اثناء رمي المخزن كامل تحتاج تنظيف مستمر

يعني بصراحه ما اشير لك فيها خاصه ارثمس الجديده الي مكتوب ع ماصورتها اما الي نزلت قبل سنتين ترى حلوه اما ستوقر 2000 احسن من ارثمس الجديده

واذا تقدر ع الاسبانيه ترى نزل منها ماصوره 30 جدا رائعه

[يحق لك]

يآرجآل خل عنك الشريطيه مسرع جربوها
معروف افضل التركيات ستوقر خذلك ستوقر 2000 طيبه بل الحين تجربتي والمشرفين عليها هم موهندسين البانلي

واحذر التلقيد تأكد من كتابت ستوقر موديل 2000
وسلامتك

[ع العمرو]

استخر والخيرة فيما اختاره المولى.

[المشنقة]

الارتمس مايحتاج من واقع تجربة

انا كنت ابغض التركي

حتى مرة من المرات ثارت ام خمس تركيه في يدي والمخزن انقسم 3 اقسام


وكنت متردد اني اشري الارتمس

لكن الحمد لله شريناها

توزيع رش وحرارة رائعة جداٌ

ومن ناحية السعر

في تركيا سعرها بالدولار اغلى

من سعر البيكال الروسيه

[قنااص المدينه]

الارتمس مايحتاج اخوي رميها حار وتسوق اخذه لا تشاور

[المستشار2000]

بصــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـــــراحه
شراها واحد من الجماعة قبل ثلاثة اشهر ورمابها تقريبا نص صندوق وصارت ما تنتش .
والرجال بلشانبها ,
وصدق من قال (الرخيص مخيس)

[شاهين الشراري]

مافيه شوزن الا فيه عيوب مدحناهن من ناحيه الرمي لكن يوجد مشاكل السبرنك ضعيف الجوده 000 اما المجموعه حقت اللسان والضراب قصدي الديك وزر منضم الفشق والمسمار اللي ماسك كلها مركبه ع قطعه شمع اما بالبيكال يجي حديد

[شراري الكويت]

التركي نوعين ستوقر ٢٠٠٠ المرتبة الاولى. ولثانية ميراج AKM اذا ناوين علا التركيات.