تقطيع في السيارة

[oooooo]

أخواني الكرام

السلام عليكم ورحمة الله وبركاتة


عندي سيارة افالون


المشكلة بسيطة


الا وهي اشغل السيارة صباح زي العسل


أمشي ساعة او 2 او 6 تمام التمام


بعد متوقف عند محطة او سوق


وارجع أشغلها يصير السيارة ماهي صافية


وإذا عشقتك ومشيت على الخفيف تطفئ


لازم أتعس وأمسك السريع وإعطائها


بعدين تصفى


عندي لمبة الصفرا بتاعت فحص المحرك اشتغلت قبل امس


بس المشكلة معاي قبل شهر وقبل ما تطلع اللمبه


رحت للفحص وفحصها قال عندك العلبة اللي تجئ فوق الشكمان بتاعت التلوث الآي يجئ فيها زي الفحم اسود


وش تتوقعون هل الخراب منها ولا


المهندس يقول ممكن منها يعني ماهو أكيد


المشكلة سعرها غالي وأخاف اسويها


والتطلع المشكلة لان المشكلة قبل ما تطلع اللمبه

[يكفيني نظرة]

كم موديل السياره وكم ماشيه؟

[oooooo]

1998. الموديل

[يكفيني نظرة]

شيك على الرابط واستفد :
http://www.mekshat.com/vb/showthread.php?t=313596

[ls1.5700]

اخوي انا مادري من وين المشكله
بس افصل اصبع البطاريه السالب فقط مدة 33 دقيقه او اكثر
ان شاءالله ترجع طبيعي
جرب ورد علينا
في أمان الله

[oooooo]

سوبتها قبل مدة واختف يوم ورجعت

[ابوتركي1010]

اخوي فيه قطعه اسمها بوابه الدعسة تجي فوق البخاخ احتمال تكون منها لان كلها حساسات كانت عندي نفس مشكلتك بس كانت في فورد غيرتها وظبط الموتر شيك على بوابه الدعسة واحتمال كبير ان فحص الكمبيوتر صح دور علبة تلوث مستخدمه وجرب اهم شي لا تشتري جديد حتى تتأكد

[حرقوصي]

عندي لك طريقة
اما تفيدك والا ما تضرك ابد
ومجربة وناجحة 100% على سيارتي

خذ قاز مقدار 5 لتر
اذا قرب البنزين يخلص
وقف عند المحطه وصب القاز في التانكي وبعدها اترسه بنزين احمر
بعدها امسك خط سريع وثبت السرعة بمقدار يخلي الضغط rpm يوصل الى 2 ونص
امش لمسافة 70 كيلو
بعدين ارجع وزد السرعة شوي
بعدها بإذن الله كل الكربونات العالقة في الموتر تطلع مع الشكمان مثل طلعة الجني من الآدمي :D
موفق .، :thumbup:

Sent from my Nexus 7 using Tapatalk 2

[فراس الدوسي]

افحص الخمسة هذي وان شاء الله تلقى الخلل
وكل الشك في حساس الكرنك
1)كوييلات
2) حساسات الاوكسجين بالشكمان
3) حساس احد انظمه الهواء كالثروتل
4) حساس الكرنك او بالانجليزي knock sensor
5) اخر احتمال لظهور اللمبه يعني ابعد احتمال يكون صفايه البنزين معدومه