أستفسار : ربع باترول وصرفية البنزين + الموتر مخنوق

[Tyer_shalwa]

بسم الله الرحمن الرحيم

السلام عليكم ورحمة الله وبركاتة

أسعد الله اوقاتكم بكل خير وسعادة ..

إخواني أنا معي باترول ربع موديل 2005

ماشاء الله تبارك الله الموتر ممتاز بس فية مشكلتين

الأولآ :-

هي صرفية البنزين .

يمكن المشكلة ماهي من الموتر يمكن مني انا لاكن صورت لكم يوم افلله :
http://im34.gulfup.com/tTgjH.jpg

أستخدامي طالت اعماركم :) مرة من المرات أتاخر عن المحاضرة <-- راعي جامعة

وصراحة أحن للموتر وأكتم له الين مايبي يتفتف ثم اعطية نمرة ويفحط :) الين ماوصل الجامعة لان الدكاترة ماترحم والعب على الحرمان :(

المهم هاذي الحالة صارت مرتين معي ...

واول مافللت له مثل ماتشوفون الساعه 9 الصبح بعدها رحت للنفود :eek:

فللتة يوم الخميس وولعة اللمبة اليوم :)

http://im31.gulfup.com/P1vOT.jpg

الموتر مشي حووول الـ 324 كيلو فقط :(

والمشكلة الثانية ..

الموتر احس أنة مخنوق

بمعنى أني اذا تفتفت التفتفة بطيئة أحس الفلتر مسكر مافية هوا يدخل المكينة

ماهو مثل الربع التايوتا ولا اي موتر تفتفة ثقيلة ..

وثاني شيء عزمة ردي بالحيل انا اتوقع 100% انة من الفلتر مافية هواء يدخل المكينة

يوم اغير زيت اخلي العامل ينضفة بس يمكن البلا من الفلتر نفسة

فـ قلت اني استشيركم وش رايكم اركب فلتر + انتيك k$n ?

وهل له اضرار على الموتر ؟ هل يعدمة أو ينقص الزيت ؟ ووين بالله احصلة بحائل ؟ وكم قيمتة وافضل نوع

والمشكلة الثالثه ~

مرة طفاء بي الموتر .. طبعاء كل اسبوع اشيك على الزيت والماء

لاكن هالمشكلة صارت لي غريبة

فية خرطوش يوصل الماء من اللديتر الى المكينة

منشق من تحت ولا دريت له يوم رحت للجامعة

طفاء بي والحرارة طبيعية وكل شيء طبيعي

فتحت الكبوت لقيت القربة فاضية والرديتر فاضي !

من زود السفاة شغلتة وحطيتة بنمرة 2 وخليتة يمشي بدون لا ادعس له وكان الجو بارد بالحيل الصبح

ياما وصلت محطة قريبة حول كيلو ونص

وعبيت الموتر كلة بموياء عادية واشوف ان الحرارة ماهي مثل اول ارتفعت شوي

لان الماء الاخضر رااااح كلة وش رايكم افضية واعبية اخضر مع ماء عادي ؟ سمعت ان النسبة هي 30% اخضر والباقي ماء ..

+

ودي اركب اسطبات باترول فتك وين القاهن بحائل ؟

ياليت الافادة ..

واسف على الاطالة ...

[هيتاشي]

الله يعين موترك

تسوي فيه كذا وتبي البنزيم يطول معك الا ماقصر موترك مشاك 300 كم وانت ماترحمه
اما عن التفتفه فعليك بتغيير البواجي وتنظيف البخاخات لانك ماتعبي بانزيم الا اذا صفر التانكي
وتغيير فلتر الهواء
وان باذن الله تزين اموره

[أبوخالد501]

وانا اخوك اول شي عيوني تشتكي من كبر الصور :D


وثآني شي كان معي بآترول ربع 2007 وكان صرفيته عاليه شوي فهذا شي طبيعي بس انت شكلك ماترحم الموتر رفقا بهه لا بكرة يجيب لك علل :p


وباالنسبة لثقل عزمه غير التالي (فلتر وكالة - بواجي اسلاك بواجي - صفاية بنزيم - نظف بخاخات ) وبتشوف اختلاف


ولا تلعب بالموتر بالكي ان والتزاويد والله قروشه ركبتها ما قعد اسبوعين الا زيت المكينه محترق :eek:


فا زين الموتر وكالة والباترول موتر وعزمه جيد بس يبي اهتمام


ونصيحة لا تجور على الموتر انك ما تغير الا بتفتفه لن النحاسات بتنعدم عندك خاصة لنمره 3 و 4 لنها ما تستحمل فامش عادي وغير اذا وصل الضغط 4 وبالخامس بيجيب طبلونه وزود وتوقع على الموتر ترا يا رجال ماشي 340 :D


موفق

[Tyer_shalwa]

الله يعين موترك

تسوي فيه كذا وتبي البنزيم يطول معك الا ماقصر موترك مشاك 300 كم وانت ماترحمه
اما عن التفتفه فعليك بتغيير البواجي وتنظيف البخاخات لانك ماتعبي بانزيم الا اذا صفر التانكي
وتغيير فلتر الهواء
وان باذن الله تزين اموره


الله يعزك أخوي ..

بس والله أني جوري علية بسبب عدم التأخر عن المحاضرة ..
وبأذن الله بغير البواجي وأنضف البخاخات

بس وش رايكم اغيره وكالة ولا احط بواجي ثاني ؟ <- حسب علمي فية انواع عديدة من البواجي .. وكم يكلف تغيرهن وتنضيف البخاخ ..

ماقصرت اخوي وجزاك الله الجنة

[Tyer_shalwa]

وانا اخوك اول شي عيوني تشتكي من كبر الصور :D


وثآني شي كان معي بآترول ربع 2007 وكان صرفيته عاليه شوي فهذا شي طبيعي بس انت شكلك ماترحم الموتر رفقا بهه لا بكرة يجيب لك علل :p


وباالنسبة لثقل عزمه غير التالي (فلتر وكالة - بواجي اسلاك بواجي - صفاية بنزيم - نظف بخاخات ) وبتشوف اختلاف


ولا تلعب بالموتر بالكي ان والتزاويد والله قروشه ركبتها ما قعد اسبوعين الا زيت المكينه محترق :eek:


فا زين الموتر وكالة والباترول موتر وعزمه جيد بس يبي اهتمام


ونصيحة لا تجور على الموتر انك ما تغير الا بتفتفه لن النحاسات بتنعدم عندك خاصة لنمره 3 و 4 لنها ما تستحمل فامش عادي وغير اذا وصل الضغط 4 وبالخامس بيجيب طبلونه وزود وتوقع على الموتر ترا يا رجال ماشي 340 :D


موفق



آسسسف والله يالغالي ماحسبت انها تطلع هلون

وبخصوص اني مارحم الموتر والله اني أحيانا عند تأخري عن المحاضرة لازم اشدد علية

وبخصوص هالنقطة

" وباالنسبة لثقل عزمه غير التالي (فلتر وكالة - بواجي اسلاك بواجي - صفاية بنزيم - نظف بخاخات ) وبتشوف اختلاف "



اغير فلتر الوكالة الى إي فلتر , وش تنصحني فية ؟

وبخصوص البواجي أي بواجي ولا تنصحني بنوع محدد ؟

وأتوقع أن صفاية البنزين مالها دخل بس إن شاء الله راح اغيرها نجرب ..

وبخصوص اني امشي به عادي وبجيب طبلوني هاذي من المستحيلات

لأني مركب جنوط جي تي عراض وأخر شيء وصلت له 165 وبلعنت جدف الموتر مخنووق

لاكن ان شاء الله اني راح اسوي الي قلتو وبأذن الله تضبط ..

الله يوفقك ماقصرت اخوي

[abo naser 1]

السلام عليكم

أخوي معي بترول ممشاه 200 الف فقط كنت أعاني من ثقل في العزم وخصوصاً بعد RBM 3000 تقل الموتر ماسكة شي ودة ينطلق بس فية شي ماسكة أخذت راس هدرز اماراتي مستعمل وعندي دبة يوكن مستعمله فصلت مواصير 3 انش طبعاً ماله صوت نهائي بس بعد التجربة الموتر انطلق ماشاء الله عزم جبار مايقارن بأخوته حتى اني فكرت بالبيع سابقاً بس بعد التركيب أضفناه باالتابعية

[sgl2002]

بالنسبة للصرفيه هذي الجيوب كلها

كل ماتدوس في بطنها كل ماتشرب

بالنسبة للكتمه شكل الشكمان او الدبه مسدودة عندك

لاتخلي الما

[سفاري959]

غير فلتر رياضي وشوف دبه التلوث فرغها لأنها تكتم


الموتر وان اضفت راس هدرز بيتغير عليك الموتر بالعزم


واجد


بالتوفيق

[Tyer_shalwa]

السلام عليكم

أخوي معي بترول ممشاه 200 الف فقط كنت أعاني من ثقل في العزم وخصوصاً بعد RBM 3000 تقل الموتر ماسكة شي ودة ينطلق بس فية شي ماسكة أخذت راس هدرز اماراتي مستعمل وعندي دبة يوكن مستعمله فصلت مواصير 3 انش طبعاً ماله صوت نهائي بس بعد التجربة الموتر انطلق ماشاء الله عزم جبار مايقارن بأخوته حتى اني فكرت بالبيع سابقاً بس بعد التركيب أضفناه باالتابعية



وعليكم السلام ورحمة الله ..


الله يسعدك أخوي ,

وبخصوص الهدرز والله اني فكرت فية وقال لي احد الاخوة مجربة قال يحرق معك الزيت على طول .

لاكن مالة اضرار جانبية الا بالاستخدام السيء ..

جزاك الله الجنة أخوي ماقصرت

[Tyer_shalwa]

بالنسبة للصرفيه هذي الجيوب كلها

كل ماتدوس في بطنها كل ماتشرب

بالنسبة للكتمه شكل الشكمان او الدبه مسدودة عندك

لاتخلي الما

صدقت والله

الضاهر البلا من دبة التلوث عندي .

بأذن الله ماراح افرغها واندم راح افكها واركب ماصورة أو أغيرها لدبة يوكن وأركب هدرز

جزاك الله خير يالغالي

[Tyer_shalwa]

غير فلتر رياضي وشوف دبه التلوث فرغها لأنها تكتم


الموتر وان اضفت راس هدرز بيتغير عليك الموتر بالعزم


واجد


بالتوفيق




أخوي سفاري اكيد الفلتر والهدرز راح ينشطن الموتر لاكن لهن اضرار

وبخصوص تفريغ الدبة سمعت به ونصحوني اني أما أن اركب دبة يوكن أو أشيل دبة التلوث واركب ماصورة لانهم يقولون انها تخفف صوت الموتر ولها فوايد ثانية ..

جزاك الله خير

[باترول 4500]

وعليكم السلام ورحمة الله

الباترول 4500 معروف تفتفته بطيئة لأنه 12 بلف مهما سويت ماراح تقدر تخليه سريعة مثل الفتك أو الربع التويوتا

إذا تبي نشاط ركب مراوح كهرب + فلتر + هدرز كامل
وتأكد من خرطوش الهواء اللي بين الفلتر والمكينه دايم ينشق ويسبب ضعف بعزم الموتر لف عليه بشطرطون

بالتوفيق إن شاء الله

[صريح المقال]

السلام عليكم ورحمة الله وبركاته :)

ما شاء الله تبارك الرحمن ما قصروا الاخوان ونصحوك وأنا بأضيف نقطة من واقع تجربة شفتها وأنا ما بعد امتلكت باترول :)

فكر بدفلك تفصل فيه الدبل وبيتغير معك صرف البنزين يمكن 100 كيلو أو أكثر حسب استخدامك بس إذا بتطير عليه وتحن الموتر ماظنه بيتغير واجد :)
وانتبه تركب التجاري الي منتشر فيه أعضاء بمكشات مجربينه ويحذرون منه يفرط معك وخطير يمكن يسبب حادث أـو انقلاب .. دور الأصلي ولا تبخل على نفسك .


أنت المسئول الأول عن صرف الموتر وكل ماعرفت متى تعشق ومتى تريحه كل ما وجدت فارق مهوب بسيط في صرفية البنزين ..

وأفضل سرعة للإقتصاد بين الـ80 وحتى 120 كيلو .. قبل الـ80 صرف بحكم ان المكينة تحرك السيارة من حالة السكون وتعتمد بشكل كامل على طاقتها، وبعد الـ120 يبدا يزيد الصرف مرة ثانية بحكم مقاومة الهواء وأمور ثانية ما أقدر أفيدك فيها أخي الكريم :)
.
.
ابحث عن طريقة تنظيف حساس تدفق الهواء MAF
MAF = Mass Air Flow
وهذا مهمته قياس تدفق الهواء وعلى أساسه يعلم المكينة بمقدار البنزين المطلوب والعزم الناتج وحسبه معقده نوعاً ما والي يهمك تعرفه انه إذا ماقدر يقيس بشكل صحيح الموتر بيموت عزمه أو ينتفض أو أو ... إلخ من مشاكل ضعف الأداء :)

وبتلقى بخاخ مخصوص لتنظيفه أو بخاخ تنظيف الالكترونيات بينفع معه بس انتبه لا تستخدم بخاخ قوامه زيتي مثل بخاخ تنظيف الثروتل والكلبريتر وكلهن يباعن في عالم ساكو ومقاطع باليوتيوب كثير تشرح طريقة التنظيف من الألف للياء .
.
.

ونفس الشي للثروتل (الخانق - حلق المكينة) Throtlle
وله بخاخ غير حق الكلبريتر وخاص فيه .
ومقاطع تنظيفه أيضاً كثير وإذا مالك بالصيانة الله يعينك رح للورش والله يطرحك بواحدن أمين ما يغشك :)



هذا ما لدي فإن أصبت فمن الله وحده، وإن أخطأت فمن نفسي والشيطان .

والسلام عليكم ورحمة الله .

[فيصل البهيشي]

ولاقصور بمن رد لكن غير القطع الاستهلاكيه وفلتر المكينة ونظف الثروتل .. الثروتل هو القطعه الي بين المكينة والفلتر البوابه انت اكتب طريقة تنظيف الثروتل وفيه شروحات بالفديو

وبالتوفيق

[Tyer_shalwa]

وعليكم السلام ورحمة الله

الباترول 4500 معروف تفتفته بطيئة لأنه 12 بلف مهما سويت ماراح تقدر تخليه سريعة مثل الفتك أو الربع التويوتا

إذا تبي نشاط ركب مراوح كهرب + فلتر + هدرز كامل
وتأكد من خرطوش الهواء اللي بين الفلتر والمكينه دايم ينشق ويسبب ضعف بعزم الموتر لف عليه بشطرطون

بالتوفيق إن شاء الله




والله ياخوي باترول 4500 , شفت راعي باترول يتفتف والله ماشاء الله تبارك الله طرب

وبخصوص المراوح الكهرب خطيرة بمعنى أذا خربت مادري لها :(

أفضل المروحة الميكانكية .. والفلتر والهدرز الكامل إن شاء الله تعالى أني راح اركبهن + بواجي وأسلاك بواجي رياضية + تنضيف البخاخات وفحص الموتر بالكامل

ووقصدك بالخرطوش " للي الاسود الكبير "" الي يوصل راس الفلتر بالمكينة ؟

والله ماقد شيكت علية وبفحصة أن شاء الله تعالى

جزاك الله خير اخوي ويلومووووووني بمنتدى مكشات الله يبيض وجيهكم

[Tyer_shalwa]

السلام عليكم ورحمة الله وبركاته :)

ما شاء الله تبارك الرحمن ما قصروا الاخوان ونصحوك وأنا بأضيف نقطة من واقع تجربة شفتها وأنا ما بعد امتلكت باترول :)

فكر بدفلك تفصل فيه الدبل وبيتغير معك صرف البنزين يمكن 100 كيلو أو أكثر حسب استخدامك بس إذا بتطير عليه وتحن الموتر ماظنه بيتغير واجد :)
وانتبه تركب التجاري الي منتشر فيه أعضاء بمكشات مجربينه ويحذرون منه يفرط معك وخطير يمكن يسبب حادث أـو انقلاب .. دور الأصلي ولا تبخل على نفسك .


أنت المسئول الأول عن صرف الموتر وكل ماعرفت متى تعشق ومتى تريحه كل ما وجدت فارق مهوب بسيط في صرفية البنزين ..

وأفضل سرعة للإقتصاد بين الـ80 وحتى 120 كيلو .. قبل الـ80 صرف بحكم ان المكينة تحرك السيارة من حالة السكون وتعتمد بشكل كامل على طاقتها، وبعد الـ120 يبدا يزيد الصرف مرة ثانية بحكم مقاومة الهواء وأمور ثانية ما أقدر أفيدك فيها أخي الكريم :)
.
.
ابحث عن طريقة تنظيف حساس تدفق الهواء MAF
MAF = Mass Air Flow
وهذا مهمته قياس تدفق الهواء وعلى أساسه يعلم المكينة بمقدار البنزين المطلوب والعزم الناتج وحسبه معقده نوعاً ما والي يهمك تعرفه انه إذا ماقدر يقيس بشكل صحيح الموتر بيموت عزمه أو ينتفض أو أو ... إلخ من مشاكل ضعف الأداء :)

وبتلقى بخاخ مخصوص لتنظيفه أو بخاخ تنظيف الالكترونيات بينفع معه بس انتبه لا تستخدم بخاخ قوامه زيتي مثل بخاخ تنظيف الثروتل والكلبريتر وكلهن يباعن في عالم ساكو ومقاطع باليوتيوب كثير تشرح طريقة التنظيف من الألف للياء .
.
.

ونفس الشي للثروتل (الخانق - حلق المكينة) Throtlle
وله بخاخ غير حق الكلبريتر وخاص فيه .
ومقاطع تنظيفه أيضاً كثير وإذا مالك بالصيانة الله يعينك رح للورش والله يطرحك بواحدن أمين ما يغشك :)



هذا ما لدي فإن أصبت فمن الله وحده، وإن أخطأت فمن نفسي والشيطان .

والسلام عليكم ورحمة الله .



وعليكم السلام ورحمة الله وبركاتة ..

الله يديمكم ياخواني وعز الله انكم ماقصرتو أبداً ولايجي منكم قصور ..

وبخصوص الفرار " التحضيرة " فكرت بها وبأذن الله بركبها بس ببداء خطوة خطوة
ولكم حق أني انزل تجربتي في تحسين اداء الموتر وإن شاء الله انزل عنه موضوع حتى يستفيد منة الاخوان ..

وصدقت اخوي الدعسة هي تفرق معك بالبانزيل ..

وبخصوص الـ " MAF " والله يالغالي ماعندي اي خبرة فية وبأذن الله راح أروح لأقرب ورشة ينضفة لي المشكلة اني بحائل ولا من تطورات من ناحية صيانة السيارات ..

والثروتل ان شاء الله راح اشيك علية

وكل هالاشياء تدريجياً ان شاء الله تعالى مع تصوير التجربة وطرحها بالمنتدى ..

الله يجزاكم الفردوس الاعلى والله ماقصرتم يا خواني

[Tyer_shalwa]

ولاقصور بمن رد لكن غير القطع الاستهلاكيه وفلتر المكينة ونظف الثروتل .. الثروتل هو القطعه الي بين المكينة والفلتر البوابه انت اكتب طريقة تنظيف الثروتل وفيه شروحات بالفديو

وبالتوفيق



جزاك الله خير على الافادة أخوي فيصل ~

[ابونبيل]

كلتش المروحه وش وضعه ك اذا ملاحظدفيه حنه وصرفيه وردى عزم اتوقع منه

[hail_ksa]

ابنصحك بشيئين ياولد ديرتي

ركب فرارات (تحضيره) الموتر بيخف كثير ويطير تحس إنه قلب ددسن هههههه
+ تابع هالموضوع ( هــــنـــــا (http://www.mekshat.com/vb/showthread.php?t=561599) )

[Tyer_shalwa]

كلتش المروحه وش وضعه ك اذا ملاحظدفيه حنه وصرفيه وردى عزم اتوقع منه


والله بشيك عليها ان شاء الله .. جزاك الله خير

[Tyer_shalwa]

ابنصحك بشيئين ياولد ديرتي

ركب فرارات (تحضيره) الموتر بيخف كثير ويطير تحس إنه قلب ددسن هههههه
+ تابع هالموضوع ( هــــنـــــا (http://www.mekshat.com/vb/showthread.php?t=561599) )


والله اني افكر بالتحضيرة ورحت بركبها أمس وأستشرت الربع قالو لي دور الاصلية أو شف احد مركب اصلي يدلك من وين شراها ومن وين ركبها ومالقيت احد مركبها عشان أنشدة ..

ياليت الي ركبها م حائل يدلني على المحل ومن ركبها لوه