الجمس فيه نتعه قويه بالقير [الأرشيف]

ls1.5700

13/03/2013, 02:07 AM

السلام عليكم ورحمة الله وبركاته

اخواني الاعضاء عندي مشكله بالجمس الـ 454 موديل 94
في بعض الاحيان لما امشي عليه والموتر بارد ويبدل القير من واحد الى الثاني
فيه نتعه قويه احس القير يبي ينكسر
وفي بعض الاحيان تختفي النتعه نهائي ويرجع طبيعي
الأمر الثاني عندي الدعسه الثانيه لما ادعس عليه يكتم بشكل غير طبيعي 0000
اللي عنده حل لايبخل علينا

sgl2002

13/03/2013, 11:40 AM

اشوف نتعة القير عند المشي وهو بارد طبيعية

salih100

13/03/2013, 01:50 PM

اذا صارت معك طف السياره وخلها خمس ثواني وشغل واذا راحت فهذا حساس بس ولا يلعبون عليك مثلي يقلون توضيب قير تراني ماكلها قبلك

فتك الجنوب

13/03/2013, 07:15 PM

جرب غير زيت وفلتر وتشوف

ls1.5700

13/03/2013, 07:57 PM

اشوف نتعة القير عند المشي وهو بارد طبيعية

هلا اخوي اس جي ال 2002 يالله حيه
والله مادري وانا اخوك هي طبيعيه اولا
توني شاريه ولا اعرف عنه شي
بس شكل النتعه ماهي طبيعيه لانها قويه
اليوم حصلت فيه حساس ملغي مفصول الفنش من الحساس والغريبه الموتر صافي
اللي هو حساس tps sensor هذا حساس الدعسه
المهم شبكته وشغلت الموتر والامور تمام صافي مافيه مشكله
بس عشقت القير وبي امشي يطفي الموتر
عرفت ان الحساس خربان رجعت وفصلته
ان شاءالله بكرى ابي اغيره واشوف يمكن المشكله منه
شرفي مرورك الكريم وزاد موضوعي نور

ls1.5700

13/03/2013, 08:00 PM

اذا صارت معك طف السياره وخلها خمس ثواني وشغل واذا راحت فهذا حساس بس ولا يلعبون عليك مثلي يقلون توضيب قير تراني ماكلها قبلك

ازهلها ابي اجرب اذا جته الحاله واشوف
الف شكر لك على النصيحه
شرفني مرورك الكريم

ls1.5700

13/03/2013, 08:05 PM

جرب غير زيت وفلتر وتشوف

والله صحابه اللي شريته منه قبل يومين يقول مغيره
بس مادري وش الزيت اللي هو حاط له هل هو اصلي او لا
ابي اغيره زيت اسي ديلكو ايش رايك ينفع او فيه احسن منه
شرفي مرورك الكريم

sgl2002

13/03/2013, 08:07 PM

مادام صاحبه توه مغير الزيت شكله مطول ماغيره

ويمكن صارت المشكلة بعد التغيير

ls1.5700

13/03/2013, 08:33 PM

يعني الحساس اللي اشرت انا عليه ماله دخل بالمشكله

ابوماجد-1

13/03/2013, 09:20 PM

ياغالي لا تطفي ولا تبرمج ولاتوضب هذي المشكلة صارت معي

وموتري سوبرمان ٩٤ وقلبت الصناعية قلب اللي يقول بدل فلتر

واللي يقول مح القير وكلهم يبون اقل شئ ٨٠٠ ريال

المهم ربك سبحانه طيحني على سوري يفحص كمبيوتر

الفحص ١٥٠ ريال قلت افحص طلع له خطاء بالفحص أكثر من مره

الرجال نزل تحت السيارة ودقيقه وطلع قال اركب نجرب السيارة

وإلا موتري يعشق طبيعي ولا فيه شئ رجعنا للورشه وقالي

مشكلتك بالضفيره المهم خلاني انزل واشوفها بعيني

لقيت سلمك الله الضفيره تحتك بجرم القير ومنكشفه

الأسلاك ومسبب هالمشكله ...

الحل تغير أسلاك الضفيره أو تنظفهم وتلف عليهم لزاق وسلامتك

بحاول انزل لك صوره الضفيره

ls1.5700

14/03/2013, 01:20 AM

يابعد حيي وميتي يابو ماجد عشت ياطير شلوى هذا العلم الوكاد
بيض الله وجهك
ازهلها بكرى انا بنفسي ابي افحص الظفيره
وقصه سلاك سلاك
وجيب لك العلم
اااااالف شكر لك
وشرفني مرورك الكريم

ملك الفكتوريا

14/03/2013, 05:16 PM

أخوي أنت لقيت الحل بنفسك

المشكلة بحساس tps وهو موجود بالسيارات

الحساس هذا للقير بس مكانه عند الثروتل وأنا فصلته مره وصارت التبديلات قويه مع نتعه

ويوم شبكته طفت السيارة يعني البلا منه

هو يحسب الهواء الداخل عشان التعشيقات واذا صار به خلل يصير القير ينتع معك مثل ما عندك الحين

أو تطفى لانه يحسب الهواء الداخل وتعرف اذا حسب الهواء ناقص شوي تطفى السيارة

على العموم غيره وسعره بالفرود 80 ريال تقريبا

أو نظفه وافصل البطارية وشوف

ls1.5700

14/03/2013, 11:28 PM

كبير ياملك كلامك هو عين الصواب
ابي اغيره ان شاءالله ونشوف
شرفني مرورك الكريم

tiger-ksa

15/03/2013, 06:21 AM

افضل زيت للقير بالذات الجموس القديمه الاسي دلكو اللي يجيك بعلبه بلاستك سودا وعليه لزقه حمراء

وسعره يمكن 15 بالكثير

بالنسبه للضفيره استبعدها اخوي لان

اذا النتعه بس بالغيار الاول والسياره بادره هذا شي طبيعي

اما اذا ينتع بالغيار الثاني والثالث

ولا ماشي انت بالغيار الثالث وهديت ورجع للغيار الثاني وبعدين اسرعت وشبك على الغيار

الثالث ونتع معاك فهذا مخ القير خربان

ls1.5700

17/03/2013, 07:02 PM

لله يمسيكم بالخير

اخواني بخصوص النتعه غيرت حساس الهوى والحمدلله انتهت المشكله وضبط الموتر 100%
اما الكتمه عجزن عنها غيرت الحلابان ووزنت الديلكو مانفع
مادري وش تتوقعون وين تكون المشكله
انتظركم

ملك الفكتوريا

17/03/2013, 11:11 PM

الحمد لله وإن شاء الله آخر الأعطال بس قصدك حساس الهواء اللي بالانتيك وإلا حساس TPS اللي عند الثروتل لأن فه فرق كبير بينهم

وبالنسبه للكتمه كيف يعني لأن لها أسباب واجد

شيك شوف الشكمانات يمكن مسدوده

ls1.5700

18/03/2013, 01:29 AM

الله يجزاك خير ياملك فكتوريا عزالله انك جبت الحل فعلاً كلامك صحيح
طلعت المشكله من حساس tps
ويقال له اسم ثاني هو منظم الهوى
وهذي صوره له

http://im41.gulfup.com/5czRk.jpg

تعرف الموتر قديم الانتيك مافيه حساس قربه مدوره فيه فلتر وخرطوش هوى بلاستيك بس
اما بالنسبه للكتمه ناس واجد قالو لي الشكمان مسكر
بس ماني مقتنع
انا شاك في طرنبة البانزين ابي افحصها بكرى وشوف كم ضغطها
لان الموتر صافي مافيه تفتفه ويمشي الا حد 140 من احسن مايكون بس مايعديها ابد
مجرد اضغط على دواسة البانزين يكتم ولا يعديها ابد

ls1.5700

18/03/2013, 09:13 PM

الحمدلله انتهت مشكلة الكتمــــــــــه
والحل هو صفاية البانزين مسكر
غيرته جديد وضبط

ااااالف شكر لكل من ساهم بالمساعده والمشوره
وفقكم الله وجزاكم الله خير
في امان الله

الهاجري 4800

19/03/2013, 07:51 PM

ههههههههههههه مع اني من ملاك الفتك ولكن متابع لك بصمت والحمد لله انك لقيت المشكلة ههههههههه ياخي تحس انك مسوي انجاز

ls1.5700

20/03/2013, 01:56 PM

هههههههههههههه الله لايوريك احوس ودوس من لي خمسة ايام
واخر شي كنت متوقعه صفاية البانزين
ماهي دخله راسي انه تسوي كل هالمشاكل
لانه صافي الموتر مافيه تقطيع او تفتفه وهذا اللي خلاني استبعد الصفايه
وشكيت بـ الحلابات وطرنبة البانزين
على العموم استفت درس
وان شاءالله غيري يستفيد من تجربتي
شرفني مرورك يالهاجري
في أمان الله

العطاوي a511

20/03/2013, 02:51 PM

شيك على رباطات الدفرنس الجلد بين قوسين

Gm.454

11/08/2013, 12:22 PM

السلام عليكم يا شمري ممكن أستفسار
أنا عندي جمس سوبربان وفيه مشكلة أحيان ؤانت مآشي لمن تدعس له يكتم ويفهي لمن تخفف رجلك عن البنزين يرجع طبيعي

سليمان اليامي

11/08/2013, 01:02 PM

خلي القير فاضي وادعس بنزين ونزل القير على الاول ، جربتها وزبطت معي ومه احد الشباب معه نفس الموتر

Gm.454

11/08/2013, 01:57 PM

[QUOTE=ls1.5700;9275007]الله يجزاك خير ياملك فكتوريا عزالله انك جبت الحل فعلاً كلامك صحيح
طلعت المشكله من حساس tps
ويقال له اسم ثاني هو منظم الهوى
وهذي صوره له

http://im41.gulfup.com/5czRk.jpg

تعرف الموتر قديم الانتيك مافيه حساس قربه مدوره فيه فلتر وخرطوش هوى بلاستيك بس
اما بالنسبه للكتمه ناس واجد قالو لي الشكمان مسكر
بس ماني مقتنع

أنا. عندي نفس مشكلتك إلى وهي النتعه فكيت الحساس ونظفته وراحت النتعه وبقت لي مشكلت التكتيم ليومك هذا محد عرف يحلها غيرت ظرمبت بنزين ؤغيرت صفايه ويعرت أسلاك بواجي ؤغيرت بواجي ووزنت ديلكو ؤمانفع ونظفت بخاخات ؤمانفع وأحيان ونت مآشي تدعس له يكتم ويفهي وتحسه طفا وهو شغال بس مجرد ماتشيل رجلك عن البنزين يرجع طبيعي

شابت امالي

13/09/2013, 07:08 AM

عندي نفس المشكله في جمس 93 مكينة 454 وبصراحه مشكور على طرح الموظوع ومشكورين على الردرو واستفدت من خبرة الشباب وراح اغير الحساس

شابت امالي

13/09/2013, 07:13 AM

من ناحية الكتمه على حسب خبرتي انها من منظم الهوا لان في الجموس تجي شفتين داخل الكربريتر تلاقي وحدة منها مسدوده او مو شغاله عشان تجمع الزيت وقف عمل الفتحه الثانية لان الفتحه الثانية تشتغل مع الدعسه الثانية عشان تزيد دخول الهوا داخل المكينة اما الفتحه الصغيره هي عشان الدعسه الاولى شيك على الكربريتر