نظام اسواق الطيور

[انور العنزي]

بسم الله الرحمن الرحيم
مساكم الله بالخير هل تطلب بطاقة اي شخص يبيع طير بالسوق بحيث نظيق الخناق على من لايخاف الله في سرقة او اخفى طير من يتحمل المسئوليه في ذالك النظام يقول مايباع شي في سوق السوداء الا ويطلب المشتري بطاقة البائع بحيث لو كانت السلعه مسروقه يطلع منها المشتري وهذا يحد من انتشار السرقه فل نفرض لو اشتريت طير من السوق بسعر وقدره ولم اطلب بطاقة البائع وبعد فتره تعرف على الطير راعيه وجاب شهود ان الطير له انا بالحاله هذي لو اخذت معلومات البائع لابلغت عليه واخذا جزائه وردع واما في حال مشترى سوق بدون طلب بطاقة البائع انا سمحت لهذا الشخص ان يتمادى بدون حسيب هذه نقطه حبيت ان اشرككم فيها لفائده

[لبيه يمنادي]

مرحبا ومسهلا بك ياخوي وبفكرتك .........فكرة طيبة بتحد كثيرا من عمليات السرقة او البيع الغير صحيح ... ولاكن هل تتوقع من الشخص اللي يسرق طير او شي ويريد بيعه يعطيك بطاقته .. مستحيل ياخوي الحرامي يبلغ عن نفسة ... وتراي كثير من الناس تضعف نفوسهم اذا حصلو طير زين عند شخص بيبيعه وسعرة رخيص ... يشتري ويروح علي وجهه ... غير من رحم ربي وخاف الله في تعامله

لك تحياتي

[بن داله]

بسم الله الرحمن الرحيم
مساكم الله بالخير هل تطلب بطاقة اي شخص يبيع طير بالسوق بحيث نظيق الخناق على من لايخاف الله في سرقة او اخفى طير من يتحمل المسئوليه في ذالك النظام يقول مايباع شي في سوق السوداء الا ويطلب المشتري بطاقة البائع بحيث لو كانت السلعه مسروقه يطلع منها المشتري وهذا يحد من انتشار السرقه فل نفرض لو اشتريت طير من السوق بسعر وقدره ولم اطلب بطاقة البائع وبعد فتره تعرف على الطير راعيه وجاب شهود ان الطير له انا بالحاله هذي لو اخذت معلومات البائع لابلغت عليه واخذا جزائه وردع واما في حال مشترى سوق بدون طلب بطاقة البائع انا سمحت لهذا الشخص ان يتمادى بدون حسيب هذه نقطه حبيت ان اشرككم فيها لفائده

ياخوي ما تنفع هالطريقة ابد لان هناك هناس تشتري من هالحرامية وتتصيد لهم لان السوق السوداء ارخص من المحلات ويدرون ان الشريطي الي برى السوق غالبا مايكون من خارج المنطقه وهناك طريقة جديده وهي صبغ الطيور وهذي بعد تسببمشكلة خاصة ان بعض الناس يشكك يمكن البعض يقول مهو معقول انه بيصبغ لاكن انا اقولك من واقع تجربة واحد من العيال صبغ طيره وكثير من الطيور الي مرة مصبوغه بصبغات لاكن راع الطير وشطارته
مانقول الا حسبي الله عليهم ...ضعاف النفوس ما راح تغنيهم هالدريهمات الي ياخذونها ولا الله بموفقهم

على العموم بارك الله فيك والله يكثر من امثالك

[انور العنزي]

عطرتو الموضوع بمروركم ياخواني هذا نظام من وزارة الداخليه في سوق الخرده وحراج الغنم وسوق الجوالات والي مايتقيد بهذى يصبح سارق حتى لو ماسرق لان مثل هالمحلات يصعب الصيطره عليها الا بهالطريقه وهي مايباع شي فيها الا بطاقة الاحوال وصدقني هذي خطه مدروسه وانا ودي اهل المحلات يتقيدون فيها وكذالك المحرجين ايضن

[دولاار]

كلاامك يااخوي انور ماعليه غباروسليم وهاذي الطريقه مهيب جديده او ليست موجوده بالعكس موجوده وهالنضام من زمان وهو موجود
ولااكن وين الي يطبقه يعني طال عمرك اغلب الصقارين الي يشترون طيور من الحراج تلقاه ينحرج يطلب من الي بايعله الطير بطاقته
وانا شخصيآ ماعمري شريت طير من الحراج حتى لو كان الطير اوفى الطيور من جميع النواحي الا من شخص اعرفه او على الاقل من شخص دايم اشوفه بالحراج يعني لو ماكنت اعرفه شخصيآ على الاقل الشخص هاذا دايم اشوفه بالحراج ووجهه مهوب غريب على بالسوق
لسببين الاول مثل ماذكرت لااتفادا اني اشتري طير وبعدين يطلع مسروق وادخل في متهات مع الناس
والسبب الثاني الرجال الي معروف بالسوق مهوب غاشك وكاذب عليك وبيحط فعول في الطير وهي مهيب فيه
لاانه مايبي يخسر سمعته بالسوق او تقابله بعدين وتقوله غشيتني
فالحل الي اشوفه مناسب انك لاتشتري اي طير الا من رجال ياتعرفه او انك تعرف انه من الصقارين الي دايم بالسوق ومعروف لديهم

(( هاذي وجهة نضري ))
والله يبعدنا وياكم عن الناس الي مالها ذمه

[فاارس]

اللي مايخاف الله خف منه ..
والله لو تقول بصم ليبصم لك : وغير هذا اللي مايبي بثباته راح يكون له طريقه ثانيه صدقني ..
والله يكفينا شر الحرام وعيال الحرام وانا اخوك ..

[(هزاع)]

نعم اننا قد شاهدنا طيور معروضه بساحة سوق الخميس وتعرفو عليها اهلها
ولاتقول ورعان لالا على يدين كبار
وشاهدت رجال بالستين من عمره شايل جبليه للبيع فاك الحجل وتعرف عليها راعيها ومزرها من يده
ويوم سألته ولمته بكبر سنه وفكه للحجل قال هذي لقيطه
قلتله ماعاد ورى ذالعمر تعليم
المفاد
انا لاشفت طيري الغادي ولاالمسروق على يد رجال اباخذه ان طاع ولاعن غير طايع
والله الذي لااله الا هوعالم الغيب
من يرضى يشري الطير الغادي ولا المسروق ولا اللي يطمس النور بفك الحجل
(انه مشترك بالجرم وماكل حرام) سواء انه صغير سن ولا شايب

[أحمد الشمري1]

ودي لو العالم تطلب إثباتات جلاب الطير ولا ما اشتري منك والمحرج لو شاف العالم تطلب هالشي صدقوني محد راح يفكر يبيع طير ضايع من اهله

الله لا يهينك أخوي أنور على الطرح

[انور العنزي]

مشكورين على المشاركه زينتو الموضوع بردودكم الطيبه وهذا شي طبيعي لو النظامةهذا طبق حتى بالمرابط اقصد بعض الطيور يتم بيعها بالمربط تكون عند راعي المربط الامور هذي

[قيصوم الشمال]

ولكل شراي بضاعه وسوق

الان اعلن في مكشات انك مسكت طير ولا تعرف نوعه وفيه سبوق بتحصل عشرات تتصل عليك تبي تشتري وهي تعرف ان له صاحب

هذا هو المجتمع فيه الخير وفيه الفاسد
فيه اليبحث عن الحلال وفيه المايفك حلال او حرام المهم فلوس

لكن الانسان الخير رادعه داخلي من دينه واخلاقه

لكن الانسان الفاسد مسؤليته على مشرع القوانين

دمت بود وسلم لي على ابو مضحي

[انور العنزي]

يامرحبا ومسهلا عطرت الموضوع بريح القيصوم الندي ياهلا ابوسلطان