شي يرفع الضغط وقلة حيا

[kharshoum]

السلام عليكم ورحمة الله وبركاته
اولا اسف عالعنوان بس بحكيلم سالفه صارت اليوم بالشرقيه في المزروعية وانتوا احكموا
كنت جالس مع خوي في المزروعيه عند طراده كنا نصلح دينمو المويه هو طراده عبود وانا طرادي سنا وكان الوقت الساعه 10 الصبح ويجيك مجموعة شباب اعمارهم من 16-20سنه ويجلسوا عند طراد بعيد عننا في اول الفرضه اسم الطراد (بركود الرابع 9++9) وكان الوقت جزر والمويه نازله هذاك الطراد لأنه قريب مع الجزر صار الوصول له سهل المهم قامو الشباب وعددهم حوالي 8 راحوا عند الطراد وجلسوا يدفوه وبعدها طلعوا فوق الطراد ورقص وتنطيط فوق الطراد الحين خلينا الشغل انا وخوي وجلسنا نراقب والدم صار يغلي بعدها حاسوا في الطراد ونثروا ستر النجاه واطواق النجاه و3منهم لبسو ستر ونجزوا من الطراد للمويه المهم الوضع خلاص انا شفت المنظر وانعميت وقسم بالله ان راعي الطراد ماعرفه ولايعرفني ولا خوي بعد المهم قفلت معانا ونركب السياره ونطير عليهم وقلنا الي يصير يصير خلاص قفلت معنا :fوهم بس شافونا بنجيهم هربو مثل الفيران وننتظر الي طالعين من البحر فصخو الستر رموها عالطراد وطاروا
بالله هذي اخلاق هذي تربيه تخريب حلال الناس صاير سهل وحلال للدرجه في ناس كذا لاحيا ولا أدب :mad::mad::mad::mad::mad::mad::mad::mad:

[محمد الحبابي]

مـآ حولكم شــوزن ؟؟ ههههههههههـــأإي

الله يهدي شباب المسلميــن { طيش الشباب يلعب دوره } .~

[الفرضة]

والله اني شفتهم وهم لابسين سترات النجاة ويلعبون فيه
وكنت مستعجل جدا والا العادة اني اوقف واسالهم واطردهم
لان طرادي قريب منه ومن طبعي اي احد غريب اروح اسأله ويبين من جوابه هل راعي الطراد والا لا
وبالفعل فرضة المزروعية شي يرفع الضغط والله مره لقيت طرادي مسحوب بسيارة الى التراب سحبوه بالخيه كلها حسبي الله عليهم
وللاسف سلاح الحدود ما عندك احد قبل كم يوم عطوني تعهد لاني كنت اركب حاجة بعد المغرب وتحقيق وسين جيم
مع انهم شافو اثباتي وتاكدو انو طرادي بس ما منهم فايده
وادخل على العسكري المستلم واكثر من ساعة وانا اتفاهم معاه على المعاناه
ويرد علي بكل برود والله في النهار الشمس ما احد يغطيها !!!!!!!
طيب رديت عليه انه للاسف اغلب التخريب في النهار وانتم شغلتكم تطردونا في الليل
يقول العسكري في النهار ما نسأل احد اما في الليل نسأل والله شي عجيب وعدم مسؤولية
والشيء الاعجب ان الناس ماعاد تعترف بحاجة اسمها امانه وحق الناس
والمواقف الي شفتها في وقت صلاة الظهر في الغالب
حسبي الله ونعم الوكيل حسبي الله على كل من ضيع الامانة وعبث بحقوق الناس
الله يصبرنا ويفرجها على الجميع

[عادل الهلباني]

اعذرووني على هالمثل .. بس من كلامكم هالشي ينطبق عليهم "
ان لم تستحي فـ فعل ماتشـاء "

[no fear 78]

مقيوله يا خوي (جنب مب جنبك جر عليه الشوك ) بس لو ايي و هذا طرادي ماله الى المنتب يرقص على جنبهم ما تنلام

[kharshoum]

صادق اخوي الفرضه ولايهون الشباب بيض الله وجيهم وازيدك من الشعر بيت ان حبيت تشتغل في الطراد الصباح او تنظف او تغسل لازم تروح وتعطيهم خبر وتخلي الدفاتر عندهم لين تخلص وتروح تاخذها اما ان واحد يسحب الطراد بالسياره عالرمل والحصى تخيل لو انك مريت وقتها وشفت هالمنظر هذا مو طرادنا وشبت فينا النار ماقول الا حسبي الله ونعم الوكيل:mad::mad::mad::mad::mad:

[هاوي سمك]

عن أبي مسعود رضي الله عنه قال : قال رسول الله صلى الله عليه وسلم : ( إن مما أدرك الناس من كلام النبوة الأولى : إذا لم تستح فاصنع ما شئت ) رواه البخاري .

أخي الحبيب هذا حديث شريف وليس مثل

[accentkool]

عيب والله عليهم يلعبون ويعبثون بحلال الناس
الله يهديهم ويصلحهم

[RED SEA KING]

هذا دلليل ان المرسى لا يوجد به حراسه واهتمام

هذي مشكله المراسى العشوائيه كل الابوات معرضه

للسرقه اعانكم الله

[mosafr]

المفترض أنك اتصلت على الشرطة وكبر حجم الموضوع عشان يرسلون لك دورية بأسرع وقت
وخلهم يشوفون شغلهم

[قناص الهوامير]

علي الحرام لو انا مو جود والله ما اجليهم لا اسلخ واحد منهم واجيب الثانين واجيب صاحب الطراد واقله كذا وكذا وكذا

[يوسف ناصر]

حسبي الله و نعم الوكيل

هذا غير الي يفكون الحبل و يمشي الطراد لين يصدم بالحاجز

و الله مشكله هالعالم الي ما يخافون ربهم

بركودا الرابع صاحبه عضو بالمنتدى نسيت اسمه و كان عارضه للبيع بعد

الله يعوضه خير

مافي الا الواحد يخلي الطراد عند بيته لين يخلصون المنزل الي مو راضين يخلصونه بشتغلون يوم و يوقفون اسبوع

الله يعوض علينا