سالفة:نعناع وبقدونس موب تمر هندي..قوافي

[قوافي ( أم نهار )]

http://t1.gstatic.com/images?q=tbn:ANd9GcSetj2O5rTMZlWsX2gmN9oU2MG2v8eLC tso_l5PaR8i_fJ4XMASWA
مشرفينا ،أخواني ،أخواتي ، زوارنا
السلام عليكم ورحمة الله وبركاته
@حياكم @
وأسعد الله صباحكم ومسائكم بكل خير
زمان كان كبار السن يجلسون العصريه بمكان يسمى العاير،،والعاير هي زاويه بناصية الشارع بحيث يرون المار سواء رايح او جاي ،،يفرشون بساط ويقعدون يسولفون عن مايسعدهم و يضايقهم وعن شبابهم وذكرياتهم الجميله واللتي لايمل سماعها منهم ،،وعلى صلاة المغرب يتفرقون لبيوتهم استعداد للصلاة ،،وأضن انهم كانو يجلسون نفس الجلسه الضحى وغالباً أقرب بيت لجلسة الشيبان يطلعون قهوه وقدوع ولا يلزم بها أحد معين..
كان فيه واحد من الشيبان حرمته متوفيه وكل النهار وهو يتوجد على الفراق هم بوادي وهو بوادي غربة زمن،، حيث ان العيال كلن بحياته ساري ولاهي،، وهو ذبحته الوحده وكل ما قالوله :اعرس رفض،، وقال لااا عقب ام فلان مستحيل ..
شارو عليه الشيبان بانه يلهي نفسه بالبيع بسوق الخضره لعل الوقت ينسيه ويبعده شوي عن جو البيت ..
فرش له بسطه يبيع فيها بصل جمب حرمه تبيع بقدونس ونعناع وصار يسولف عليها وتسولف عليه هي بعد أرمله وعيالها صغار وتصرف عليهم من البسطه والحال ماشي ..
وعرفت انه رافض بالمره انه يعرس ثاني وجت مره قالت له:
انت تحتاج حرمه تخدمك وانا احتاج رجال لبيتي وابو لعيالي تعرس علي ولا ابي لامهر ولا شي كل اللي ابيه تساعدن بتربية عيالي وانا اببتل ابسط يعني انا اللي بصرف عليهم ابيك بس والد لهم ،،أنتفض الرجال من الشر وراها تقول هالكلام وقال انتبهي من يوم وطالع لسانتس يطوي لساني،، أو تشوفين شين ماعمرتس شفتيه،، وقام وراح لبيته ومر على شيبانه وشكى لهم ماصار ،، واكثرهم ايد الحرمه وشافو ان العرس من الحرمه هذي مناسب للجميع لكن شايبنا مازال على رايه ومستحيله:(
الحرمه ما يئست وحطت الرجال براسه وسئلت عن بيته ومن عنده ومن يخدمه وعرفت انه لحاله وهو اللي يخدم نفسه وما حوله احد يقوم بواجبه..
بدت من باب ملي البطن بما لذ وطاب فصارت مره ترسل جريش ومره قرصان ومره رز ومصابيب وكل ماتعرف من انواع الطبخ الطيب ،،ولا كان يدري الشايب من اللي يحط الغداء او العشاء عند باب بيته حيث انه تحطه لين راح الصلاة وهو ما اهتم يعرف من،، كل اللي عليه قبل يطلع الصلاة يحط المواعين الفاضيات عند الباب من برا وبس لا أكثر ولا أقل ..
تأكدت الحرمه انه ماياكل إلا اللي هي تسويه وأنه فعلاً يحتري ماترسل عشان ياكل لقمه طيبه ،،جت ووقفت وصارت ما عاد تحط له عند بابه شي :eek:
الشايب سأل أصدقاه من اللي كان يرسل قالو له انهم مايدرون وتحرى غدا وعشا ما جاه شي وصار مايروح للصلاة بالمسجد لعله يشوف احد ويعرف من المرسل ،،ويوم مل رجع ثاني لبسطته بالسوق جمب ام البقدونس والنعناع ،،وطبعاً هي ما كلمته ولا كلمه بناءً على تهديده له وصارت بَحاله وهو بحالُه ونوبه سمعته يقصد باللي حط الغدا والعشاء وعرفت ان الرجال الحين جاهز للخطبه والعرس والمستحيل صار ،،شات أمس
:good2:..
عاد هي لاتعرف تقصد ولا تقول شي مثله وماله إلا البقدونس والنعناع فقالت :
يامدور الطْيب ترى الزين عندي
نعناع وبقدونس موب تمر هندي
وبوادي(بادية رز ) نثري للقلب تثري
نتسبتها(يعني غرفتها بالباديه )من اطيب ما بقدري..
كل هذا قالته بصوت عالي وكأنها تنادي على من يشري من البسطه..
الرجال عرف انه هي اللي كانت ترسل له من اطيب ما بقدره فأرسل من يخطبه وتزوجو وهو تكفل بمراعات عيال الحرمه ودمج البسطتين مع بعض والبيع بالنص وهي تكفلت برعاية الجميع والمستحيل ماعاد له وجود..
تحياتي
اختكم
..قوافي..

[خوي مخباته]

والله خوش ســـــــــــــــالفه اختي الغاليـــــــــــة "" قوافــــــــــي "" ان كيدهن عظيــــــــــــــــــم بعدين الشايب والله انه عبيط
وراز خشمه والا جايب الله له زميلت عمل وحبابه وطييب وطباخه معاد بقي شىء .
يسعدني ان اكون اول واحد يرد على السالفه وهذا شرف لى
............................................ تحياتي وتقديري واحتراماتي ..............................................

[محمد الظاهري]

كل فتره وفتره
فيك تميز للابداع
سالفه رائعه
واختيارك جميل
تحياتي

[أبوفيصل 2007]

وعليكم السلام ورحمه الله وبركاته ،،،

ماشاء الله سالفة زينه بالحيل وسبحان الله كان الرجال عنيد ما يبيها والحرمه عرفت كيف تعرس عليه (الاكل) واو ماشاء الله
بارك الله فيكي اختنا قوافي ع سوالفك القيمة من الموروث الشعبي والقديم :)

[ولد وايل]

ان كيدهن عظيم الله يكافينا شركم

[قوافي ( أم نهار )]

والله خوش ســـــــــــــــالفه اختي الغاليـــــــــــة "" قوافــــــــــي "" ان كيدهن عظيــــــــــــــــــم بعدين الشايب والله انه عبيط




وراز خشمه والا جايب الله له زميلت عمل وحبابه وطييب وطباخه معاد بقي شىء .
يسعدني ان اكون اول واحد يرد على السالفه وهذا شرف لى


............................................ تحياتي وتقديري واحتراماتي ..............................................



هلابك وحياك ربي اخوي خوي مخباته
عز الله مقامك وشرف مقدارك دنيا وآخره وانا من يتشرف بحضورك الكريم..
كيدهم هالمره جا على سنع :D
الرجال وفي بس الحي ابقى من الميت وهذا حال الدنيا..
اسعدني وقوفك بمتصفحي وردك الكريم
دمت بحفظ الله
تحياتي وتقديري واحترامي
اختك
..قوافي..

[قوافي ( أم نهار )]

كل فتره وفتره

فيك تميز للابداع
سالفه رائعه
واختيارك جميل

تحياتي


حياك الله مشرفنا الكريم
الابداع يبدء من عندكم ومانحن إلا تلامذه بمدرستك بارك الله بك ..
اشكرك لحضورك الكريم ووقوفك بمتصفحي
دمت بحفظ الله
تحياتي وتقديري واحترامي
اختك
..قوافي..

[وانت الصادق]

اتصور سبب استيحاشه منها ... احساسه بالفارق الثقافي بينهم :D
هو بسطته بصل
وهي حركات تتكلم لغات اجنبية وتطرب على بقدونس ونعناع وتمر هندي .. من يعرف التمر الهندي >> انا الى هالساعة ما قد شفت التمر الهندي ..

واهم شي النهاية السعيدة واندماج الشركتين وعقبال ما يطرحونها مساهمة ..

[عابر الموج]

الله يعطيك العافية وهالشايب مالقى غير البصل يبسط فية شكله من الربع هههههههه الله يوفقك تقبلي تحياتي

[ابورايف]

ماشاء الله تبارك الله

أبداع *أبداع

والله حرام المفروض يأخت قوافي تجمعين كل هالمواضيع بكتاب

قصه رائعه

وعلى قولتهم أن قيدهن عظيم

شكرا لك

[emm]

وعليكم السلام ورحمة الله وبركاته
سلمت يمينك ع القصة الممتعة والي فيها تحدي قوي بين الشياب عجبني الشايب يوم رفض يتوزج على حرمته الاوليه بس العند شين يوم المره جاته وقدمت نفسها لزواج المفروض ما يعصب عليها بس طلعت كفو وبنت رجال جابت راسه من كرشه .
اشكرك ع المواضيع الرائعة وانتي كذا تجشعينا على البيع بسوق الخضار هههههه.
ننتظر جديدك تحياتي ...

[قوافي ( أم نهار )]

وعليكم السلام ورحمه الله وبركاته ،،،

ماشاء الله سالفة زينه بالحيل وسبحان الله كان الرجال عنيد ما يبيها والحرمه عرفت كيف تعرس عليه (الاكل) واو ماشاء الله
بارك الله فيكي اختنا قوافي ع سوالفك القيمة من الموروث الشعبي والقديم :)


حياك الله اخي الفاضل
اشكرك على الذكر بارك الله بك..
لهم نصيب ،، غير التخطيط والترسيم السليم ميه الميه:D..
بارك الله بك وبحضورك الكريم ومرورك وردك الجميل..
دمت بحفظ الله
تحياتي وتقديري واحترامي
اختك
..قوافي..

[قوافي ( أم نهار )]

ان كيدهن عظيم الله يكافينا شركم

حياك الله اخوي ولد وايل
آمين الله يكافيك شرنا وشرور من بالأرضِ :D
اشكرك لحضورك الكريم وردك الجميل
دمت بحفظ الله
تحياتي وتقديري واحترامي
اختك
..قوافي..

[النبهاني]

وعليكم السلام ورحمة الله وبركاته
الله يسعد اوقاتك ياقوافي
سالفه متكامله من مجاميعه
هالنموذج للحريم ماهي بسيطه
عرفت من وين تبدأ
وعرفت وشلون تفرمته وتبرمجه من جديد والدليل( والمستحيل ماعاد له وجود)
وهو لو عرف له كان من اول واختصر
والوفاء يبقشه ويرفعه بالحفظ والصون
الف الف شكر يا اخيه

[قوافي ( أم نهار )]

اتصور سبب استيحاشه منها ... احساسه بالفارق الثقافي بينهم :D
هو بسطته بصل
وهي حركات تتكلم لغات اجنبية وتطرب على بقدونس ونعناع وتمر هندي .. من يعرف التمر الهندي >> انا الى هالساعة ما قد شفت التمر الهندي ..


واهم شي النهاية السعيدة واندماج الشركتين وعقبال ما يطرحونها مساهمة ..




حياك الله اخوي
يمكن مستاحش :D
أكيد بين البصل والبقدونس والنعناع فارق اجتماعي ومادي :eek:معناته فيه اختلاف موب بسيط..
التمر الهندي كنت احسبه تمر مثل تمرنا ويوم شفته استغربت ليش اسمه تمر وهو ماله اي صله بالتمر ويمكن التشبيه بسبة الشجره الهنديه تشبه نخلتنا..يمكن..
أن شاء الله الله كريم
دمت بحفظ الله
اشكرك لحضورك ومرورك وردك الكريم
تحياتي وتقديري واحترامي
اختك
..قوافي..

[قوافي ( أم نهار )]

الله يعطيك العافية وهالشايب مالقى غير البصل يبسط فية شكله من الربع هههههههه الله يوفقك تقبلي تحياتي




حياك الله اخوي ابو نبيل
الله يعافيك ويحفظك ربي
البصل بعد أذن رب العالمين هو اللي جالب له النصيب يعني صار ورد ماعاد هوب بصل..
(شكله من الربع هههههههه):D:D:D:D
اسعدك الله بالدارين
سرني حضورك الكريم وردك الجميل
تحياتي وتقديري واحترامي
..قوافي..

[اااالرااااكد]

وين النعناع والبقدونس

[ابو صفوق]

الله الله الله ياقوافي
ابداع منقطع النظير
بارك الله بكِ سالفه عن مليون سالفه
ويازين بسطة البصل زيناه أدام من وراها فايده
هين الحريمه قرما اللي عرفت تجيبه وبالنهايه الكل سعيد انا مدري وشوله يرفض
الوفا موجود وبعد الحي ابقى من الميت
تسلمين تسلمين
اشكرك ابنتي الغاليه
والدك
ثنيان بن صفوق الثنيان

[الجرح الحزين]

وعليكم السلام ورحمة الله وبركاته
اسعد الله أوقاتس بكل خير يالغاليه
ما شاء الله تسلم هذا الايادي على ماتسطر لنا من ابداعات والله يبعدها عن النار
ماشاء الله عليها حرمة سنعه تبي الستر ورجال يحفظ العيال ويربهم ويعينها
انشهد بنت ارجال عرفته كيف تجيب راسه
والرجال اكثرهم مايفكرون الي ببطونهم على رايهم قلب الرجل بطنه
بس المسكين مهانت عليه العشره مخلص لذكرى المرحومه الي قليل بهذا الوقت
المهم انهم تزوجوا ولا قصر البصل والنعناع والبقدونس بربط هذا العلاقه ههههههههههههههههههههههه

[قوافي ( أم نهار )]

ماشاء الله تبارك الله



أبداع *أبداع


والله حرام المفروض يأخت قوافي تجمعين كل هالمواضيع بكتاب


قصه رائعه


وعلى قولتهم أن قيدهن عظيم


شكرا لك




حياك الله مشرفنا الفاضل ابو رايف
اشكرك على الذكر جزاك الله خير
الروعه بحضورك الكريم
فكرت اني اجمعهن بكتاب وإن شاء الله عن قريب ،والله يوفق الجميع لما يحب ويرضى..
:D بس الكيد هالمره جا لمصلحت الجميع :D
العفو وانا من يشكرك بارك الله بك ..
تحياتي وتقديري واحترامي
..قوافي..

[المهاجر انا]

حلوه وممتعه وسع الله صدرك

[FJ3230]

قصة اكثر من رآئعة

سلمت يمناك

[قوافي ( أم نهار )]

وعليكم السلام ورحمة الله وبركاته

سلمت يمينك ع القصة الممتعة والي فيها تحدي قوي بين الشياب عجبني الشايب يوم رفض يتوزج على حرمته الاوليه بس العند شين يوم المره جاته وقدمت نفسها لزواج المفروض ما يعصب عليها بس طلعت كفو وبنت رجال جابت راسه من كرشه .
اشكرك ع المواضيع الرائعة وانتي كذا تجشعينا على البيع بسوق الخضار هههههه.

ننتظر جديدك تحياتي ...


حياك الله اخي الفاضل
سلمت من الشر ،
الشايب حاول يكون وفي لكن هذا مفهوم غلط للوفاء لأن الحي ابقى من الميت وهذي سنة الحياة ،، والتحدي خسر أمام دوران عجلة الحياة الدنيا وقبل أي شيئ مشيئة رب العالمين..
اشوى ان الحرمه عنيده وأصرارها من مصلحة الجميع ..
جابت راسه من كرشه .
:D انا ماقلت شي:D
انا من يشكرك ويشكر حضورك الكريم وردك الجميل ،وعليك بسوق الخضره..
دمت بحفظ الله
تحياتي وتقديري واحترامي
..قوافي..

[(هزاع)]

ياشين بيت عقبكم ياهل البيت== ون غابو اهل البيت وش ينبغا به
نعم
مريت على رجال ثري باللحييييييل
ونشدته انت شلونك عساك بخير
قال والله يابومشعل ان كان تقصد الصحه وملي البطن ابشر بخير
ون كان تقصد الوناسه من راحت فلانه والوناسه ما اجدها
كل ماتبينلي زول مقبل اتخيلها وبتسم ويخفق له من بين الضلوع خافق
ولاتبينت يعود الخفوق لهمه وحمد ربي وكثر الاستغفر
**(سبحانك اللهم وبحمدك سبحان الله العظيم)**

[قوافي ( أم نهار )]

وعليكم السلام ورحمة الله وبركاته

الله يسعد اوقاتك ياقوافي
سالفه متكامله من مجاميعه
هالنموذج للحريم ماهي بسيطه
عرفت من وين تبدأ
وعرفت وشلون تفرمته وتبرمجه من جديد والدليل( والمستحيل ماعاد له وجود)
وهو لو عرف له كان من اول واختصر
والوفاء يبقشه ويرفعه بالحفظ والصون

الف الف شكر يا اخيه



حياك ربي اخوي ابو سالم
اسعدك الله دنيا وآخره ..
صراحه انا تعجبني هالنوعيه من الحريم اصرارها على سنع يعني سنعه ..
:D اعادة التشكيل والترتيب والنتيجه من مصلحة الجميع..
هذا حال الدنيا والحي ابقى من الميت واكيد لو هو المتوفي بتعرس إذا لقت اللي يناسبها والوفاء ماله دخل إلا بذكره بالطيب والترحم عليه وحفظ ابنائه وبناته هذا الوفاء..
كما تفضلت الوفا يبقشه ويحفضه بالحفظ و الصون..
انا من يشكرك ويشكر حضورك الكريم ووقوفك بمتصفي وردك الجميل..
دمت بحفظ الله
تحياتي وتقديري واحترامي
..قوافي..

[قوافي ( أم نهار )]

وين النعناع والبقدونس

حياك الله اااالرااااكد
على حد خبري يباع بسوق الخضره:D
اشكرك لحضورك الكريم وردك الجميل
دمت بحفظ الله
تحياتي وتقديري واحترامي
..قوافي..

[قوافي ( أم نهار )]

الله الله الله ياقوافي
ابداع منقطع النظير
بارك الله بكِ سالفه عن مليون سالفه
ويازين بسطة البصل زيناه أدام من وراها فايده
هين الحريمه قرما اللي عرفت تجيبه وبالنهايه الكل سعيد انا مدري وشوله يرفض
الوفا موجود وبعد الحي ابقى من الميت
تسلمين تسلمين
اشكرك ابنتي الغاليه
والدك
ثنيان بن صفوق الثنيان

حياك الله عم ابو صفوق ويامرحبا
الله يرفع قدرك ويجزاك خير على جمال ثنائك..
على انه بصل انقلب وصار عسل..
رفض وفاء وعلى قدر ما يحس لكن الحي ابقى من الميت وهذي سنة الحياة ما غلط بشي ولا عاب واكيد اللي سوته الحرمه ممتاز ومن مصلحة الجميع..
سلمت من كل شر
اسعدني حضورك الكريم وردك الجميل
تحياتي وتقديري واحترامي
..قوافي..

[قد السهر]

اشكرك بعمق

[قوافي ( أم نهار )]

وعليكم السلام ورحمة الله وبركاته



اسعد الله أوقاتس بكل خير يالغاليه
ما شاء الله تسلم هذا الايادي على ماتسطر لنا من ابداعات والله يبعدها عن النار
ماشاء الله عليها حرمة سنعه تبي الستر ورجال يحفظ العيال ويربهم ويعينها
انشهد بنت ارجال عرفته كيف تجيب راسه
والرجال اكثرهم مايفكرون الي ببطونهم على رايهم قلب الرجل بطنه
بس المسكين مهانت عليه العشره مخلص لذكرى المرحومه الي قليل بهذا الوقت


المهم انهم تزوجوا ولا قصر البصل والنعناع والبقدونس بربط هذا العلاقه هههههههههههههههههههههه



ه



ياهلا وغلا حياك ربي أختي الغاليه
سلمتي الله يحفظتس
اسعى ياعبد،، وهي سعت ووصلت..
والرجال اكثرهم مايفكرون الي ببطونهم على رايهم قلب الرجل بطنه
:D:D:D:D:D:D:D
انا ما أتكلم بالسياسه
الاخلاص مطلوب لكن الحي ابقى من الميت وهذي سنة الحياة..
تدرين انا افكر لين صار هذا سوات البصل والبقدونس والنعناع أجل باقي الخضره وش تتسوي:D
اشكرك ياغاليتي على حضورك الكريم والمميز وردك الجميل..
دمت بحفظ الله
تحياتي وتقديري واحترامي
..قوافي..

[قوافي ( أم نهار )]

حلوه وممتعه وسع الله صدرك

حياك ربي اخوي ابو عبدالله
الله يحلي ايامك ويسعدك بالدارين
اشكرك لحضورك ومرورك الكريم
تحياتي وتقديري واحترامي
..قوافي..

[قوافي ( أم نهار )]

قصة اكثر من رآئعة

سلمت يمناك


حياك الله اخي الفاضل
الرائع حضورك الكريم
سلمت من الشر
اسعدني مرورك وردك الكريم
تحياتي وتقديري واحترامي
..قوافي..

[قوافي ( أم نهار )]

ياشين بيت عقبكم ياهل البيت== ون غابو اهل البيت وش ينبغا به

نعم
مريت على رجال ثري باللحييييييل
ونشدته انت شلونك عساك بخير
قال والله يابومشعل ان كان تقصد الصحه وملي البطن ابشر بخير
ون كان تقصد الوناسه من راحت فلانه والوناسه ما اجدها
كل ماتبينلي زول مقبل اتخيلها وبتسم ويخفق له من بين الضلوع خافق
ولاتبينت يعود الخفوق لهمه وحمد ربي وكثر الاستغفر
**(سبحانك اللهم وبحمدك سبحان الله العظيم)**



حياك الله مشرفنا الفاضل
الله يعينه ويجبر خاطره ربي..
اشكرك لمرورك وحضورك الكريم
تحياتي وتقديري واحترامي
..قوافي..

[قوافي ( أم نهار )]

اشكرك بعمق

حياك الله اخي الفاضل
انا من يشكرك ويشكر حضورك الكريم
دمت بحفظ الله
تحياتي وتقديري واحترامي
..قوافي..

[النجم السراي]

رائعه الله يعطيك العافيه

[قوافي ( أم نهار )]

رائعه الله يعطيك العافيه

حياك الله اخي الفاضل
الرائع حضورك ومرورك الكريم
الله يعافيك ويحفظك من الشر
دمت بحفظ الله
تحياتي وتقديري واحترامي
..قوافي..