تهريب المويه - اكسبلور 2008 أمريكي

[Rakan Al-Otib]

السلام عليكم ..

أخواني أمس تفاجأت بتهريب مويه بسيط من الجهه المينى للسياره

وما أدري هل هو من الأديتر أو من ثلاجة المكيف !


القربه اللي جنب الأديتر عايرتها ليقتها ناقصه كثيررررر

هل هو السبب أم بدخل بدوامات ورش ووجع راس :(


تكفون تراني غشيم بالأمريكي ولا شريته إلا علشانه عائلي

[اكسبلوورر]

ممكن يكون عندك تهريب من القسام حق المكيف الحار تاكد

[ana5005]

السلام عليكم ..

أخواني أمس تفاجأت بتهريب مويه بسيط من الجهه المينى للسياره

وما أدري هل هو من الأديتر أو من ثلاجة المكيف !


القربه اللي جنب الأديتر عايرتها ليقتها ناقصه كثيررررر

هل هو السبب أم بدخل بدوامات ورش ووجع راس :(


تكفون تراني غشيم بالأمريكي ولا شريته إلا علشانه عائلي

هلا اخوي الشغلة بسيطة مرررره توها صارت معي قبل يومين غيرت الاديتر بمبلغ وقدره لان موتري كان استخدام امريكي ثمانية سلنيدر وكان فيه المشكلة الوحيدة تهريب بالاديتر وغيرته وبعد اسبوع بالضبط قلت خلني اشيك ع الموية وتفاجأت انها ناقصه مررره شيكت ابي اشوف تهريب مافي شيء وهذا اللي محيرني وقمت عبيتها مره ثانية قلت يمكن الاديتر لسة ما تشبع مررر ويمكن قلت خلني اشوووف وبعدها باسبوووع طقت معي الحرارة فوق النص الين الخط الا شوي ويالله لحقت علي الموتر قلت خله لين يبرد واعبيه مرة ثانية اشوف وش المشكلة بالضبط اليوم الثاني شيكت الصبح الا واشوف تهريب من تحت المكينة ويوم اشيك اشوف التهريب فوق الكفر الايمين ويوم وديت الموتر قالي عندك لي المكيف الحار في تهريب لازم تغيره او تلغيه قلت اغيره علشان ارتااااح ويوم ادور عليه مالقيته للاسف لاني موتري ثمانية سلندر والوكالة تقول مافي ولا اي فرع ف المملكة بس تبين نطلبه قلت له اطلبه قالي بس يبي له فوق الشهر والنص اوووووووووووف وقيمته فوق 1200 وعليها فكرت شوي قلت ماتسوى علشان المكيف حار ما ابيه عندي ولله الحمدالله تسخين مراتب راح استفيد منها
يمكن تكون شغلتك زي شغلتي واتمنى انها ما تتجاوز اكبر من كذا
واليوم الثاني اشغل السيارة واعبيء الادي

[Rakan Al-Otib]

مشكوووووووووورين أخواني ربي يعطيكم العافيه

بشيك ع لي المكيف الحار والقسام

جززااااكم الله خير

[ابو ناصر 22]

ياغالي اذا تاكدت من جميع الليات والاديتر عندك كوع المويه هو عيب مصنعي والوكاله عدلوا القطعه الى الامنيوم والكوع هذا راكب من الخرطوش الى ثلاجه السياره بتلاقي فيه تهريب غيره بالمنيوم قيمته قي الوكاله ٨٩٠ ريال وتركيب ب١٠٠

[ابو ناصر 22]

واذا ميزانيتك ماتسمح غيره بالبلاستيك زي حق وكالته اللي راكب فيه هذا قيمته ٢٣٠ ريال يمشيك فترهة

[السنترال]

نعم صحيح الهوز حق الهيتر ((المكيف الحار )) ناضر من جهة الكفر الامامي جهة الراكب تشوف هوز على شكل y هذا هو تأكد منه قبل كم يوم صارت معي ولغيته وارتحت منه

[ابوسااامر]

السلام عليكم ..

أخواني أمس تفاجأت بتهريب مويه بسيط من الجهه المينى للسياره

وما أدري هل هو من الأديتر أو من ثلاجة المكيف !







القربه اللي جنب الأديتر عايرتها ليقتها ناقصه كثيررررر

هل هو السبب أم بدخل بدوامات ورش ووجع راس :(


تكفون تراني غشيم بالأمريكي ولا شريته إلا علشانه عائلي




وعليكم السلام ورحمة الله وبركاته



اخي الكريم تأكد من اين التهريب انا كان عندي مشكلة ووجدت المويةتهرب من الغطاء البلاسيتك تبع الرديتر وغيرت الرديتر كامل بس انتبه ثم انتبه تغير رديتر محلات قطع الغيار خذ من الوكالة وريح دماغك اللي موجود في السوق نوعية مضروبه اذاحميت السيارة وحميت زيت القير وراح للمبرد على طول يخلط الزيت بالمويه انا لي موضوع لو بحثت عنه في المنتدى(خروج مادة بيضاء من اللديتر)هذا العنوان تشوف كم عانيت منه بس من فضل الله وتعاون الاخوان الاعضاء انحلت المشكلة