حايف الليل
12/09/2006, 08:40 PM
غرب الزوين بمعشبـات المسايـل ... سجّيت سجّة واله القلـب مشغـول
جـارٍ عليـه مـن الليالـي دِبايـل ... ياقشرها دنياً على العرض والطـول
تركـت ربعـي بالطّـلاح الظلايـل ... وطاوعت رجليّه على غير مدلـول
ياخذ بي الهاجس جنـوب وشمايـل ... وابحث خفا قلبٍ من الهـم ماهـول
ولا فادني من نابـي الارض طايـل ... رجمٍ من النِشَّـاد والطيـر مدهـول
عديت به والقصـد تبـرى الغلايـل ... من ضامرٍ كنّه على الجمْر مملـول
لو شفتنـي مرتـز فوقـه واخايـل ... برقٍ من الذكرى مع الجو مشعـول
في مزنـةٍ صبَّـت بردهـا جلايـل ...على حزومٍ بالحشا كلّهـا امحـول
يعرض لي الماضي سواة الرحايـل ... من عهدي الميمون جولٍ ورا جـول
مدري انا اذكر ونسـة ايـام حايـل ... ولاّ الليالـي يـم كحلـه ومكحـول
ولاّ اتعلّـى للـرجـوم الطـوايـل ... غربي عويرض يوم الايـام بقبـول
ونـاسـةٍ لمـدوّريـن الهـوايـل ... من دونها لو آصفه يقصـر القـول
طلعة شبب ماهيب كشتـة عوايـل ... مكيالها عِـدّه ورا الالـف مكيـول
راحت كما فيٍّ مع الشمـس زايـل ... والدمع من عيني على الخد مهمول
عَلَـيّْ منهـا كالثيـاب السمـايـل ... الناس تنقدني وانا الوضـع مقبـول
ومن كان مثلـي مايطيـع العذايـل ... وشلون ولي طبعٍ على الصيد مجبول
طبعٍ ورثته مـن كريـم الخصايـل ... ابو خلف جِعْله عن النـار معـزول
ياما معـه عدّيـت روس القذايـل ... الى انصرم هزّاع طيره على الجـول
وانـا صغيـرٍ ماعرفـت المسايـل ... افرح بشوفة جافل الصيـد مقتـول
ننام فـي قفـرٍ بـه الذيـب جايـل ... اثنيننـا ماغيـرنـا بالـخـلا زول
الليل في عيني هكا الوقـت هايـل ... والنجم يرسل لي من الود مرسـول
والى صحينـا يضحكـن الخمايـل ... للورد لامنّه بـدا الصبـح مطلـول
واليوم يوم اني عرفـت الحصايـل ... مازال تذكـاره بالاضـلاع مخيـول
وعوّدت اترجم مبهمـات الرسايـل ... واقرا تعابير الكتابه علـى اصـول
وامشـي دروبٍ ماوطتهـا القبايـل ... ولا رعـت جيّانهـا همّـل الشُّـول
قفرٍ عفت مـن مرمسـات الدلايـل ... أدلّهـا دل القطـا كـل مجـهـول
سكّانهـا ماغيـر ربــدٍ جفـايـل ... وسحمٍ يدوجن في دجى الليل ووعول
معشوقتي عن ضافـرات الجدايـل ... لازم اجيهـا بالخراميـس وآجـول
مع رفقـةٍ مـن كاسبيـن النفايـل ... ناسٍ تصدِّق جملـة القـول بفعـول
ايـام نقضيهـا ولـو هـي قلايـل ... تفتح لنا بـابٍ مـن الهـم مقفـول
ياعـل يسقيهـا حقـوق المخايـل ... لمـا يزهّـر بالحيـا كـل هذلـول
من شان لاجينـاه تبـرى الغلايـل ... من ضامرٍ كنّه على الجمر مملـول
.خالد التومي
جـارٍ عليـه مـن الليالـي دِبايـل ... ياقشرها دنياً على العرض والطـول
تركـت ربعـي بالطّـلاح الظلايـل ... وطاوعت رجليّه على غير مدلـول
ياخذ بي الهاجس جنـوب وشمايـل ... وابحث خفا قلبٍ من الهـم ماهـول
ولا فادني من نابـي الارض طايـل ... رجمٍ من النِشَّـاد والطيـر مدهـول
عديت به والقصـد تبـرى الغلايـل ... من ضامرٍ كنّه على الجمْر مملـول
لو شفتنـي مرتـز فوقـه واخايـل ... برقٍ من الذكرى مع الجو مشعـول
في مزنـةٍ صبَّـت بردهـا جلايـل ...على حزومٍ بالحشا كلّهـا امحـول
يعرض لي الماضي سواة الرحايـل ... من عهدي الميمون جولٍ ورا جـول
مدري انا اذكر ونسـة ايـام حايـل ... ولاّ الليالـي يـم كحلـه ومكحـول
ولاّ اتعلّـى للـرجـوم الطـوايـل ... غربي عويرض يوم الايـام بقبـول
ونـاسـةٍ لمـدوّريـن الهـوايـل ... من دونها لو آصفه يقصـر القـول
طلعة شبب ماهيب كشتـة عوايـل ... مكيالها عِـدّه ورا الالـف مكيـول
راحت كما فيٍّ مع الشمـس زايـل ... والدمع من عيني على الخد مهمول
عَلَـيّْ منهـا كالثيـاب السمـايـل ... الناس تنقدني وانا الوضـع مقبـول
ومن كان مثلـي مايطيـع العذايـل ... وشلون ولي طبعٍ على الصيد مجبول
طبعٍ ورثته مـن كريـم الخصايـل ... ابو خلف جِعْله عن النـار معـزول
ياما معـه عدّيـت روس القذايـل ... الى انصرم هزّاع طيره على الجـول
وانـا صغيـرٍ ماعرفـت المسايـل ... افرح بشوفة جافل الصيـد مقتـول
ننام فـي قفـرٍ بـه الذيـب جايـل ... اثنيننـا ماغيـرنـا بالـخـلا زول
الليل في عيني هكا الوقـت هايـل ... والنجم يرسل لي من الود مرسـول
والى صحينـا يضحكـن الخمايـل ... للورد لامنّه بـدا الصبـح مطلـول
واليوم يوم اني عرفـت الحصايـل ... مازال تذكـاره بالاضـلاع مخيـول
وعوّدت اترجم مبهمـات الرسايـل ... واقرا تعابير الكتابه علـى اصـول
وامشـي دروبٍ ماوطتهـا القبايـل ... ولا رعـت جيّانهـا همّـل الشُّـول
قفرٍ عفت مـن مرمسـات الدلايـل ... أدلّهـا دل القطـا كـل مجـهـول
سكّانهـا ماغيـر ربــدٍ جفـايـل ... وسحمٍ يدوجن في دجى الليل ووعول
معشوقتي عن ضافـرات الجدايـل ... لازم اجيهـا بالخراميـس وآجـول
مع رفقـةٍ مـن كاسبيـن النفايـل ... ناسٍ تصدِّق جملـة القـول بفعـول
ايـام نقضيهـا ولـو هـي قلايـل ... تفتح لنا بـابٍ مـن الهـم مقفـول
ياعـل يسقيهـا حقـوق المخايـل ... لمـا يزهّـر بالحيـا كـل هذلـول
من شان لاجينـاه تبـرى الغلايـل ... من ضامرٍ كنّه على الجمر مملـول
.خالد التومي