استفسار لاهل الخير والخبره ( عن ماطور كهرب ) جزاكم الله خير

[m7pq]

السلام عليكم ورحمة الله وبركاته

اخواني مسيكم بالخير ،،،،


انا ابي اشتري ماطور كهرب لـ مخيم او بالاحرى عزبه

وابي رأيكم في مواطير الكهرب الممتازه الاستخدام بالاضافه الاقل خراب والاكثر استخدام

علما اني ابي اشغل عليه لمبات و مكيف و ثلاجه


يالربع رحت لمحلاتهم الي يبيعون المواطير وكلن يقول انا الممتاز وانا احسن واحد وكلن له رأي


وحبيت اخذ رايكم جعل من جابكم الجنه ، للي جربها


وعلى كم اسعارها ااذاا جديد او مستخدم


في انتظاركم

[بدوي502]

عليك بالهوندا وذا ماتبي ازعاج خذ الي كاتم صوت

[m7pq]

عليك بالهوندا وذا ماتبي ازعاج خذ الي كاتم صوت

طيب يالذيب ، وش النوع الزين لانه انواع ،

يالربع تكفون ابي افاداتكم بواقع تجربــــــهـ في المواطير

[web]

لاتعدا الهوندا او روبن واحرص على الياباني
وعليك بالتشييك على الزيت وتغييره بالستمرار وتنظيفه كل فتره بيكد معك
واذا بتهمله ماهو مطول معك مهما كان نوعه

[m7pq]

لاتعدا الهوندا او روبن واحرص على الياباني
وعليك بالتشييك على الزيت وتغييره بالستمرار وتنظيفه كل فتره بيكد معك
واذا بتهمله ماهو مطول معك مهما كان نوعه

بيض الله وجهكـ

وجعل من جابك للجنه


وفي انتظار اقتراحات الربع

[m7pq]

وينكم يا اهل الخبره

[هآوي الصيد]

مثل ماقالو الاخوان هوندا .. بس اتوقع اغلب الي بالمحلات صناعته ( هندي ) لكن ماعليه كان عندي حليو

بس حجمه كان 650 شمعه اتوقع ماراح يشغل ادواتك الي عندك الثلاجه ووو إلخ ..

يعني لازم تدور لك ماطور كبير ولاتشتري صغير ماراح يشغل اشغالك الي عندك وراح توهق ..

لكن معندي خبره كم مقاس الي بيشغل عزبتك ..

* ملاحظه .. انتبه من الشمس + الزيت واهم شي غطاء الزيت لايخش معه رمل يدمر الماطور على طول ..

يعني ركب له غطى من فوق اما بلكاش ولا صاجه تكون مرتفعه عن الماطور عشان يجيه هواء ويبرد تخبر القيض جاء لازم نحط ظل للمواطير وحنا اقرب حوض نعبيه مويه .. وسباحه لين الله يفرجها ههههههههههه

[عبدالرحمن101]

ماحد فيكم جررب ياماها الجديدة اللي لونها ازرق؟؟؟؟؟

[m7pq]

بيض الله وجيهكم على المعلومات الطيبه وجعلها في موازين حسناتكم ،،

وبجرب الهونداي على كلامكم و ان شالله خير تجربه وياكم ..

[m7pq]

up
up
up
up
up
up
up
up

[مالقيتمعرف]

ماحد فيكم جررب ياماها الجديدة اللي لونها ازرق؟؟؟؟؟

هلا اخوى عبدالرحمن

عندى واحد 6600 اخذته مستعمل من احد الاخوان بالموقع

اشغله 7 ساعات متواصله استخدامه ممتاز جداا بس ان صوته عالى شوى

ياخذ التانكي تقريبا 10 لتر بنزين يكفيه حوالى 5 ساعات

بصراحه انا عاجبنى وسعره جديد حوالى 5200 ريال عند وكيله الدريس

ااه نسيت اقولك يشتغل على سلف وهندل

اتمنى انى افدتك

[m7pq]

هلا اخوى عبدالرحمن

عندى واحد 6600 اخذته مستعمل من احد الاخوان بالموقع

اشغله 7 ساعات متواصله استخدامه ممتاز جداا بس ان صوته عالى شوى

ياخذ التانكي تقريبا 10 لتر بنزين يكفيه حوالى 5 ساعات

بصراحه انا عاجبنى وسعره جديد حوالى 5200 ريال عند وكيله الدريس

ااه نسيت اقولك يشتغل على سلف وهندل

اتمنى انى افدتك


هل يشغل مكيف ؟؟؟

[mosamohd5516]

هل يشغل مكيف ؟؟؟
ماطور 6500 يعطي 5KVA اي ما يعادل 4KW صافي
بناء على ما سبق نعم يشغل مكيف 18000وحدة+ انارة خفيفة ولكن بشرط يكون المكيف جديد

[يتيمة الدهر]

ماطور ٧كيلو يشغل مكيف فريون واحد اذا تريد مع باقي طلباتك خذ ١٠ كيلو يشتغل مرتاح واختار ماركة طيبة ويليت يكون ديزل وابعد كل البعد عن الصيني من واقع تجربة

[jabnet]

عن إذن صاحب الموضوع ..
الهواندا الهندي ٦٥٠ هل هو جيد ؟ حصلته ب ١٣٥٠
أنا ما حصلت الياباني . هل هو مقطوع من السوق ؟ وكم أسعاره

[صعب لاكن مميز]

اخوي انا عندي مخيم من 9 سنوات وجربت4 مواطير لا تشتري الا روبين ياباني والله من اروع مايكون كانك تبي راحة البال وجربت الصيني 6 كيلو ونص الاحمر والله ماشفت منه شي والان انا شغال عليه هوندا ماتحصل كل القطع ونت شف رايك والله اجل واعلم