كيف انظف منخر وانف الطير !!؟؟؟ افيدوني ي الربع

[رااعي المعاني]

كيف انظف منخر وانف الطير ودون ما امسك الطير :) ونستفيد من خبراتكم

[الصيخي22]

بنسبة لي كنت انظف منخر الطير بسفنجة اغطها في الموية وامسك منخر الطير بها ثواني بس واشيلها تلقى الطير ينفض راسة كرر العملية اكثر من مرة وان شاء الله ينظف

[رااعي المعاني]

بنسبة لي كنت انظف منخر الطير بسفنجة اغطها في الموية وامسك منخر الطير بها ثواني بس واشيلها تلقى الطير ينفض راسة كرر العملية اكثر من مرة وان شاء الله ينظف

سلمت ي الصيخي :good2:

[ذراع الذيب]

السلام عليكم ورحمة الله وبركاته


هلابك ياراعي المعاني


يالله حيه


اذا كانت مناخر الطير مسدوده بالحيل جيب لك برواز وشيل الابره اللي فيه وحط فيه ماء


وخلي اي واحد يضف الطير وانت معك البرواز وحط ابهامك بوسط فم الطير وانتبه من اصباعك الصغير ان كان اضفره طويل من شان ماتضر عيون الطير


وافرغ الماء في مناخره ولابد يكون الطير منكس على راسه وسوي هالطريقه ثلاث اربع مرات الين ينظف المنخر مضبوط


والمفروض الواحد يجيب له قاروره مويه صغيره ويشق غطاها بأبربه او يجيب بخاخ وكل يومين او ثلاث ايام يرش على منخر الطير بقوه


وهو بوكره من دون مايضفه الين تشوفه يعطس لأن وقت الهدد على الحمام وهي بتزبن الموتر لابد يصيب منخر الطير شي من الاتربه


وغير ذلك وفي وقت العلف لابد تبقى من بقايا اللحم بالمنخر والوقايه خير من العلاج