المساعد الشخصي الرقمي

مشاهدة النسخة كاملة : سؤال يالقروم


أولمبي
18/03/2013, 06:37 PM
السلام عليكم ورحمة الله وبركاته
عندي إستفسار لاهنتوا .. انا قبل معي شوزن ام بطة وكنت احط النيشان بالصيده وارميها والرش فيها ميه بالميه ... واشتريت شوزن سوبر فنشي بنلي بس طويلة العمر رشها يجي فوق الصيدة اذا حطيت النيشان على الطير يطير ماضره شيء ... بعدين حطيت الحبه تحت الصيده وقطعته تقطع لكن ما ادري هذه هي الشوزن من صنعها كذا ولا فيها بلاء ولا من الفشق ولا وش السالفه مع ان التشوك اللي جربته رقم واحد ارجو افادتي بالشرح الوافي يالوافين ... لا تبخلون علي الله يجزاكم خير
شيخ القناصة1
18/03/2013, 06:56 PM
وعليكم السلام ورحمة الله وبركاته
اخوي فك مخزن البندق الخارجي ونزل الخشيبه الأماميه وتحصل حلقه مربوطه في سنة المخزن الثابت تحت الخشيبه الامامية تحريك الحلقه يرفع الرمي وينزله
إن شاء الله احاول انزل له صوره
أولمبي
18/03/2013, 07:12 PM
أولًا الله يجزاك خير على الرد ويبارك لك في حلالك وعيالك
بس ياخوي السوبر فنشي نظام فكها وتركيبها يختلف اختلاف تام عن كل شوزن مرت عليك قبل يعني تفك ثلاث قطع
فهمني اكثر لان والله مافهمت
واتمنى بعد من الاخوان المشاركة لا تبخلون علينا بخبرتكم جزاكم الله خير افيدونا
شيخ القناصة1
18/03/2013, 07:52 PM
الله يجزاك كل خير على هالدعوه الطيبه
اخوي انا اطلعت على صورتها وتصميمها مختلف اختلاف جذري عن باقي موديلات شركة بنللي
لكن نزل لنا صورة الجزء اللي فيه المخزن
لأني ما حصلت له صوره واضحه
والاخوان إن شاء الله ما راح يقصرون
أولمبي
18/03/2013, 08:42 PM
يعطيك العافية ماقصرت يالذيب
وين باقي الاعضاء وين اهل الخبرة
أولمبي
18/03/2013, 10:07 PM
على كثركم مارد غير واحد
المشكلة ان الله اللي حدني عليكم
مدمن مررقوق
18/03/2013, 10:12 PM
البندق طبيعية والزمة تتعود عليها مع الوقت
احساس الجروح
19/03/2013, 12:13 AM
عادي وانا اخوك شئ طبيعه كثير من الشوازن تزم نزل الحبه عن الصيده شوي هذا نيشانه مافيها مشكله ولا شئ بالعكس الشوزن اللي كذا تعتبر افضل يعني ماعليك ممتازه
أولمبي
19/03/2013, 12:49 AM
الله يجزاكم خير على هذا التجاوب وبارك الله لكم وزادكم بركة
طيب الطيار بيكون صعب على كذا دام هذا نيشانها هل هناك حل لجعل النيشان مباشره في الهدف
ام انها صُنعت هكذا
اشرحوا لنا اكثر الموضوع بيكون للفائدة
ابو السمك
19/03/2013, 06:43 AM
اخوي انت شكلك تستخدم فل تشوك ابونجمه او حرف F
رقم واحد كيف هو يجي عليه حروف او نجوم ؟؟؟؟


الشوازن يا نجوم على التشوكات او حروف البنلي نجوم بس يمكن عندك تختلف عموما تجي كذا (اذا انت تستخدم فل تشوك البندق طيبه ومافيها شي الله يعطيك من خيرها ويكفيك شره )

Full او F = * نجمه فل تشوك للبعيد البندق تسوق تجمع الحلبي تقطع الصيده القريبه منك

IM = ** نجمتين اوسع من الفل شوي يفرش حلبي شي بسيط

M = *** ثلاث نجمات اوسع من الي قبله شفه بالصوره مداه

IC = **** اربع نجمات اوسع من الي قبله شفه بالصوره مداه

C = ***** خمس نجوم اوسع تشوك للقريب جدا و الطيور الصغيره يفرش الحلبي

الصوره من تحت لفوق
http://im21.gulfup.com/2012-08-14/1344909067791.jpg

الصوره منقوله من موضوع ابو بندر
أولمبي
19/03/2013, 08:10 AM
أبو السمك الله يطول عمرك ويلبسك لباس الصحة والعافية أبدًا ما أبقاك حيًا ويجزاك خير
أيه طال عمرك أنا استخدم التشوك اللي عليه حرف F والشوزن تزم تقريبًا مقدار ٨سم لكن مجرد انك تحط النيشان تحت الصيده مباشره تجي فيها ميه بالمية .
ولكن أخوي وش التشوك المناسب الذي تنصحني بإستخدامة
كما اتمنى من باقي الاعضاء وأهل الخبره مشاركتنا في الموضوع يعني ماهي معقوله كلكم تقتنون شوازن عيارها على النيشان اكيد مرت عليكم افيدونا جزاكم الله خير
أولمبي
19/03/2013, 10:12 AM
تتوقع نوع الفشق له علاقة بالموضوع ايضًا
نبي نستفيد من خبراتكم يا اهل الخبره اين انتم
شاركونا الحديث
ابو السمك
19/03/2013, 10:15 AM
أبو السمك الله يطول عمرك ويلبسك لباس الصحة والعافية أبدًا ما أبقاك حيًا ويجزاك خير
أيه طال عمرك أنا استخدم التشوك اللي عليه حرف F والشوزن تزم تقريبًا مقدار ٨سم لكن مجرد انك تحط النيشان تحت الصيده مباشره تجي فيها ميه بالمية .
ولكن أخوي وش التشوك المناسب الذي تنصحني بإستخدامة
كما اتمنى من باقي الاعضاء وأهل الخبره مشاركتنا في الموضوع يعني ماهي معقوله كلكم تقتنون شوازن عيارها على النيشان اكيد مرت عليكم افيدونا جزاكم الله خير

جزاك الله خير على الدعوه الطيبه

لا اخوي بندق ماتزم و لكن هي تصميمها كذا مع فل تشوك للصيد الحذر البعيد عنك والطيور الي تطير مرتفعه
اذا تبي ترمي القمري والحمام وهو طاير الي ما هو مرتفع استخدم ابو ثلاث نجوم او نجمتين وفشق سريع 32 علي ٧ونص انا اشوفه زين

يعني البعيد فل تشوك الي اربعين متر ابو نجمتين من الي ٣٥ متر وتحت ابو ثلاث نجوم يفرش بسرعه قريب بس ممتاز للصيد الكثير بجب بعض

الشوازن تختلف محد يقدر يعطيك اجابه لان شوزن عن شوزن تختلف

لازم تجرب بنفسك
حط كرتون وجرب تشوكات بندقك كل مسافه لها تشوك يناسبها وخل الفشق واحد وقت التجربه (مستحيل كل الشوازن مثل بعض تختلف من شوزن للثانيه ) و انتبه لنظم الحلبي التشوك الي يفرش خله للصيد الكثير غالبا الناس تستخدم نجمه ونجمتين و قليل ثلاث نجوم

ولكن انتبه تستخدم اي فشق مكتوب عليه ستيل لان تشوكات فشق الستيل تختلف فشق الستيل تلقا عليه كلمه steel shot يعني الحلبي ستيل خطير جدا وخاصه بلفل تشوك اذا بترمي بستيل اشتر تشوكات ستيل بندق تحمل الرمي بالستيل

سو مثل هالشايب لين تعرف لكل تشوك ومسافته و نظم الحلبي و بتعرف وزنيه شوزنك و خلاص امسك عليها

http://www.metrogun.com/images/american/IMG_3601.jpg
أولمبي
19/03/2013, 10:19 AM
الله يبيض وجهك ياللحية الغانمة ويجزاك الجنة انت واللي جابوك
كثر الله خيرك ويعطيك العافية
اشكرك أخي العزيز
أولمبي
19/03/2013, 03:04 PM
ابي معلومات اكثر
احساس الجروح
19/03/2013, 03:36 PM
الفشق وأنا أخوك ماله علاقه بالموضوع وفي نظري أفضل تشوك للطيار رقم ثنين ابو نجمتين
والزمه لإتاكل همه سلاحك مافيه شئ ولافيه عيب وتتعود عليها وترى أغلبية الشوازن نفس النظام وفالك الشحم
أولمبي
19/03/2013, 05:22 PM
اي والله انك صدقت رقم ٢ للطيار شيء خورافي يخليك تحس ان فعلا اقتنيت سلاح بس للاسف مافيه صيد ههههه
بس تخبر عاد انا متعود على شوزن وفجأه تخيل من التركي للايطالي وقلت يمكن فيها شيء
لكن بعد البحث والاستفسار لقيتها ميزه وليست عيب
اشكرك على تجاوبك اخي الكريم بارك الله لك في مالك وحلالك