تكفون ما بقى غير اشاوركم وادفع الفلوس كانا س التركية

[ندفا]

السلام عليكم
المشورة كاناس التركية شوزن فيبر عليها شجر وقطاتين
وش رايكم فيها

[شيخ القناصة1]

وعليكم السلام وحمة الله وبركاته
اللي الناس تمدحها الستوقر من التركيات وهذا اللي اعرفه
يفيدونك الاخوان
فيهم الخير والبركه

[ندفا]

جزاك الله خير

[ندفا]

معقولة عالم مكشات
مايعرفونها

[ندفا]

انا في انتظاركم
باسرع وقت

[فرخ الجني]

انا جربت الكاناس اول ما نزلت واللي جربت خشب والصراحه انها اقوىبندق تندف اكثر من ام حبه ومكينته تشبه البنلي لاكن كثيرة الانشاب يعني اقول انها مقبوله واذا تبي نصيحتي خذ ستوقر 2000 ما شفت الراحه بالتركيات الا يوم شريتها

[ندفا]

جزاك الله خير

[أبوصالح9]

مراميها طيبة واغلب التركيات مراميها طيبة لكن تبقى بكل الاحوال ( صناعة تركية )

مدري بكم لقيتها بس اتوقع انك لقيتها بحدود 8 الاف تزود وتنقص هذا حسب خبري لكن اللي خلاك توصل لهالقيمة مهب ضارك تدفع زود شوي وتاخذ غيرها لك وللزمن - هذي وجهة نظري- والله يكتب لك اللي فيه الخير-اذا تبي رايي التركيات مثل فقاعة الصابون وانت حر
موفق خير

[صقار محترف]

اذا تبي نصيحه مجرب
( أنحـــــــــــــــــــــش )

[ابو خالد 1400]

مع ان الي معي ستوقر اقولك خذ بيكال مع تشك 690 ترلوك ترمي مرامي التركي ومعها قوة صبر

[عزتيلك]

وانا اشور عليك انك تاخذ ارتميس اقوى حتى من البيكال وسعرها رخيص ورميها حار وتنظيمها وعدتها مثل البانلي اتكلم من واقع تجربه

[يحيى 2400]

صراحة ً اشوف الي يمدح التركية على البيكال يطري علي انه شريطي على طول وانه بلشبهن ويبي يصرفهن طبعا انا ما اقصد احد ....

[S3llo]

وانا اشور عليك انك تاخذ ارتميس اقوى حتى من البيكال وسعرها رخيص ورميها حار وتنظيمها وعدتها مثل البانلي اتكلم من واقع تجربه

مهب صحيح الروسيه كملها طالعه ومجربه من ناس واااجد والكل يمدح قوتها وصبرها اما المرمى ما تجي على التركي
والارتيمس مالها الى كم شهر طالعه وتجي تحكم عليها انها اقوى من البيكال
موفق

[mlikhunter]

الكاناس موديل من كرال لكن يعمل بالكاينتك مثل الستوكر وندفها اكبر من الغازي لانه مافي تسريب للغاز فائدتها اقل تنظيف لانه ماتتوسخ كثير
http://www.iraqup.com/up/20130319/X6Aah-7Ya2_957744222.JPG (http://www.iraqup.com/)

[ساري الحربي]

والله خبرتي قليلة بالتركيات بس اشوف اغلب الشباب يمدح الستوقر