المساعد الشخصي الرقمي

مشاهدة النسخة كاملة : لاهل الغنم نبا الشور بارك الله فيكم جميع


ابو نايش
18/03/2013, 08:44 PM
السلام عليكم ورحمة الله


ي اخوان بارك الله فيكم جميعا


حنا راعيين ابل اب عن جد عن جد
ولا لنا في الغنم ابد


انا ي رجال ابي اشري غنم ابا استفيد منها ماديا
وش تنصحوني ي عوال عمي


وش النوع الممتاز نعيمي ولا نجدي ..؟؟!!

كم الكمية المناسبة الي ابدأ فيها كم راس ..؟؟؟!!

وين افضل المناطق الي القى بها الحلال جيد وبـ اسعار مناسبة ..؟!!!

طريقة اعلافها مثلا الشوال الشعير كم يكفي راس
وبلكة البرسيم كم تكفي راس وهكذا ..؟؟!!!


لاااااهنتم جميعا
**nawaf**
19/03/2013, 01:01 AM
وش الغنم اللي تبيها نعيم ولا نجد

جلد ولا رغايث والعدد اللي تبي تبدا فيه كم راس
سهم اكس 10
19/03/2013, 01:42 AM
عليك بالنعيمي ثم الحري
ابو طلال gx
19/03/2013, 12:27 PM
انصــــحك بالنـــعيمي .
وراح تلاحظ الفرق بين تربية الابل والغنم وراح ترتاح كثير .
ويفضل وجود مزرعه ورشاش عشر ابراج برسيم .وبالتوفيق .
ابو نايش
19/03/2013, 02:57 PM
وش الغنم اللي تبيها نعيم ولا نجد

جلد ولا رغايث والعدد اللي تبي تبدا فيه كم راس

آآآآرحب

هذا الي انا ابا اسئل عنه وش المناسب والافضل لتربيه
والي استفيد منه ماديا اكثر ..
ابو نايش
19/03/2013, 02:59 PM
عليك بالنعيمي ثم الحري


الترشيحان هالحينه كلها لـ النعيمي
وآآرحب الفين
ابو نايش
19/03/2013, 03:03 PM
انصــــحك بالنـــعيمي .
وراح تلاحظ الفرق بين تربية الابل والغنم وراح ترتاح كثير .
ويفضل وجود مزرعه ورشاش عشر ابراج برسيم .وبالتوفيق .

آآآرحب ي ابا طلال
والله الابل بها شقى لكن يازينها وزين شقاها وتربيتها
والغنم طيبه والرسول يقول بها ابركه
وحنا نبا نترزق الله بـ الغنم
بس حبيت اسئلك هالحينه بلكة البرسيم
كم تكفي راس من الغنم في اليوم ..؟؟!
مطر وربيع
20/03/2013, 01:12 AM
تستفيد ماديا اذا كان عندك مزرعه الماء بلاش وتزرع لها بعض الزروعات الي تخفف من تكاليف شراء الضرمة
الي لاتستطيع ان تستغني عنها نهائيا
او تكون في منطقة بر خضراء وتفكها وحولها مياه
اما تحطها في شبك وتشتري الضرمة والماء مافيها مكسب نهائيا !!
ابوصالح3
20/03/2013, 10:45 AM
حياك الله يالغالي

شوف طال عمرك ابدأ ب500 راس خمس مية راس

بلكة البرسيم او شدة البرسيم الوحده تكفي لخمسين راس

علف الغنم يوميا بتحط اذا بتكرمها عشر أكياس شعير الكيس الواحد يكفي ل50 راس

وعليك الحساب ووفقك الله يالغالي
ابو_عبدالإله
20/03/2013, 11:03 AM
مع احترامي للي يقول تربية الغنم أسهل من البل ... الغنم يبي لها إهتمام ومتابعه وحرص شديد
أما البل أهون بكثير وصبوره والولاد معروف وله وقته وشقاها على الراعي

النعيم وانا اخوك المية راس تاكل لها خيشتين شعير وربطتين برسيم الشد الناهي .. المطافيل يزاد لها البرسيم وجبه ثالثه

الجلد لا تحرص على البرسيم كثير ... يعني تبن بوجه العدو بدل البرسيم .. وكل رابع يوم عطها برسيم بدل التبن

وضروري أحد فاهم يتابع معك في البدايه وتتعلم منه ورعيان ذيابه .. واحرص على التطعيمات وكل مازاد عدد الحلال كانت الفايده أفضل .. ومن 500 راس وفوق فيها خير كثير والنعيم كل ما اكرمتها أكرمتك وسلامتك
تربة الشمال
21/03/2013, 11:43 AM
اناء ارشح النعيمي لاكن ماتقل عن ميه راس وفالك الخير والبركه