سالفة:سياره بمواصفات بعير..قوافي

[قوافي ( أم نهار )]

http://t1.gstatic.com/images?q=tbn:ANd9GcQw7syqYKQ79T401jKMmEXf7Zt3pCQmk 6pAtMAMlrsknW5qNqeP
السلام عليكم ورحمة الله وبركاته
حياكم الله اخواني وأخواتي
السالفه عن شخص بار جداً بوالده الكبير فكان طوع أمره ولا يخالف له شور ..
الوالد يعيش بصحراء أحد الدول العربيه وكان كبير جداً بالعمر ولا يحب ركوب السيارات وهو متعود بتنقلاته ركوب الجمل،، ومايبعد كثير عن المكان اللي هو ساكن فيه وأن ابعد راح للقريه اللي قريبه منهم..
السيارات كانت قليله وماكان فيه إلا كم وحده يشوفونها مابين فتره وفتره ولا كانت محبوبه عندهم..
بيوم مرض الشايب وما خلو ولا شي اسمه طب شعبي إلا وطرقوه لكن ما فيه فايده ومن تعب لأتعب..
قرر الولد ياخذ ابوه للمستشفى للعلاج و رفض مثل عادة كبار السن ومع اصرار الولد وافق بس بشرط انه ما يركب سياره..
قال الولد وشلون يابوي كيف انقلك للمدينه ؟؟
قال اروح على بعيري :eek: انا ما أحب السياره :l
الولد احتار وش يسوي وهو عارف ان ابوه شديد ومايغير كلمه قاله:good:
قال الولد وان جبت لك سياره طوع امرك:)
قال الشايب:
أنوخها مثل البعير؟؟
قال الولد :ايه تقدر تنوخها مثل البعير;)
وافق الابو وجاب الولد سياره مستاجرها مخصوص للوالد ودافع لراعيها كثير عشان اللي يبيه الوالد يصير..
يوم جا بيركب قال لأ أنا ما أركب لين تنوخها :eek:!!!
كيف يبه هذي سياره قال: هذا شرطي وانا قلت من أول ..
قال الولد مالك إلا اللي يرضيك،،وقم ونسم كفرات السياره الاربعه لين قعدت على بطنها وقال لأبوه خلاص يبه نوخت السياره..
ركب همن نفخ هو وراعي السياره الكفرات والشايب بسط السياره يتفرج ويضحك ،،همن مشو ويوم وصلو للمستشفى و يحاول فيه يحول من السياره من غير تنويخ،، ونفس الشي قال ما أحول إلا تنوخها،،والولد ياحيلة الله قام ونوخ السياره،، والناس تفرج عليهم وش يسوون ذولا،، ويوم حول الشايب قال لولده انا كنت بشوف انت مثلي قوي باس ولا لا وانا مابي مستشافاكم،، ووقف وأشر لسيارة واحد ثاني واتفق هو وياه يوصله لمكانه وركب وراح وخلا ولده مع راعي السياره الأوله يكملون نفخ الكفرات..
مع تحيات
..قوافي..

[ابو صفوق]

ماشاء الله ولا قوة إلا بالله ,الله لايظرك
ابداع وروائع وجمال قصصي وحرفي وكل ما يقال قليل
نجمة الخيمه بحق ولا يهونون الاخوان
الشايب شكله حريف مقالب ههههههه اما ينوخون السياره هذي لحاله حكايه
قعدت اتخيل السياره وهم يامنسمين يانافخين ياوالله الغثا لكن بر الوالد ورضاه اهم والولد ان شاء الله بيلاقي بره بعياله
اشكرك يامبدعة مكشات
والدك
ثنيان بن صفوق الثنيان

[حمد69]

و عليكم السلا م ورحمة الله وبركاته
حياكِ الله أختنا الكريمة
قال الولد وان جبت لك سياره طوع امرك:)
قال الشايب:
أنوخها مثل البعير؟؟ ههههههه الله يقطع بليسه ...مدري ليه حنا الشيبان افكارنا متصلبه وعنيدين بالحيل ...بس ذا الحين فيه سيارات تتنوخ حسب الرغبة.. اوضاع متعددة من الإرتفاعات لكل طريق ظرفه.


ويوم حول الشايب قال لولده انا كنت بشوف انت مثلي قوي باس ولا لا وانا مابي مستشافاكم،، ووقف وأشر لسيارة واحد ثاني واتفق هو وياه يوصله لمكانه وركب وراح وخلا ولده:eek::eek:


دمتي في حفظ الله
أخوك حمد

[emm]

وعليكم السلام ورحمة الله وبركاته
لكي الشكر الجزيل ع القصة الممتعة والله يعين الولد مسكين اكيد انه تعب كثير مع والديه وبذات الاب يكون اصعب من الام لانه يطلع ويشوف كل شي ويبي يسوي زي الي يشوفه وبالنسبة للشيبان الله يعين حالهم بعد 45 سنة اتضح ان الرجال يبدء يهلوس ويبتكر افكار ليست بجيدة مثال على ذلك جدي يبي ينوخ كل شي و بالقوة تفكيره سلبي ويبي يمشي كلامه .
نسئل الله العفو و العافية وحسن الخاتمة وسعادة الدارين.
ننتظر جديدك تحياتي...

[عبدالرحمن101]

ههههههههههه

حلوووووووووووة من الشااايب

[أبوفيصل 2007]

ماشاء الله وش ذا الشايب
غير شكل دبل هههههههههههههههههه
سبحان الله
يعطيكي العافية ع القصة الرائعه والغريبة والشايب الدبل ههههههههههههههه

[خوي مخباته]

ههههههههههههه هذا تعزيــــــــــــــــر هههههههههه الله لا يعذبنا والله صحيح سيارة بمواصفات بعير { ذلوول }
مشكوووووووووووووورر اختناالغاليـــــــــــــــه "" قــــــــــوافــــــــــــــــــــــي "" بارك الله فيتس..... ابداع... و.... امتاع
............................................... تحياتي وتقديري وحتراماتي ............................................

[الجرح الحزين]

وعليكم السلام ورحمة الله وبركاته
أسعد الله أوقاتكم بكل خير
هههههههههههههههههههههههههههههه الضحك الله بنانك يالغاليه
اجل السياره ينوخها مثل البعير
الحمد لله شيبانا موصلوا مثل موصفات شايبهم
الله يجعلنا واياكم من البارين بهم ان شاء الله ويرحم الميت منهم
ماشاء الله تبارك الرحمن أختي من ابداع الى ابداع الله يزيدك من فضله

[قوافي ( أم نهار )]

ماشاء الله ولا قوة إلا بالله ,الله لايظرك
ابداع وروائع وجمال قصصي وحرفي وكل ما يقال قليل
نجمة الخيمه بحق ولا يهونون الاخوان
الشايب شكله حريف مقالب ههههههه اما ينوخون السياره هذي لحاله حكايه
قعدت اتخيل السياره وهم يامنسمين يانافخين ياوالله الغثا لكن بر الوالد ورضاه اهم والولد ان شاء الله بيلاقي بره بعياله
اشكرك يامبدعة مكشات
والدك
ثنيان بن صفوق الثنيان

مرحبابك عم ابو صفوق
اشكرك على الذكر جزاك الله خير
اسعدني ثنائك وما قلته تاج على راسي ووسام افتخر به ..
طوعه لأبوه والحرص على رضاه خلاه ينوخ السياره..
ان شاء الله لكل مطيع جزاء والله يطعمه من بر عياله وكل مسلم..
اسعدني حضورك الكريم وردك المميز
تحياتي وتقديري واحترامي
..قوافي..

[قوافي ( أم نهار )]

و عليكم السلا م ورحمة الله وبركاته

حياكِ الله أختنا الكريمة
قال الولد وان جبت لك سياره طوع امرك:)
قال الشايب:
أنوخها مثل البعير؟؟ ههههههه الله يقطع بليسه ...مدري ليه حنا الشيبان افكارنا متصلبه وعنيدين بالحيل ...بس ذا الحين فيه سيارات تتنوخ حسب الرغبة.. اوضاع متعددة من الإرتفاعات لكل طريق ظرفه.


ويوم حول الشايب قال لولده انا كنت بشوف انت مثلي قوي باس ولا لا وانا مابي مستشافاكم،، ووقف وأشر لسيارة واحد ثاني واتفق هو وياه يوصله لمكانه وركب وراح وخلا ولده:eek::eek:


دمتي في حفظ الله

أخوك حمد



حياك الله اخوي حمد
اشكرك على حضورك الكريم وردك المميز
تحياتي وتقديري واحترامي لشخصك الكريم
..قوافي..

[(هزاع)]

اللهم لك الحمد اني مانا براعي السياره
يوه ياصبر الارض
واجضتي واجوضتي واجضيضي === واقلبي اللي بين الاضلاع جاضي
استغفر الله استغفر الله استغفر الله
هني ذالولد بصبره
وبشر الصابرين
قصه بها العبر للمعتبر

[قوافي ( أم نهار )]

وعليكم السلام ورحمة الله وبركاته

لكي الشكر الجزيل ع القصة الممتعة والله يعين الولد مسكين اكيد انه تعب كثير مع والديه وبذات الاب يكون اصعب من الام لانه يطلع ويشوف كل شي ويبي يسوي زي الي يشوفه وبالنسبة للشيبان الله يعين حالهم بعد 45 سنة اتضح ان الرجال يبدء يهلوس ويبتكر افكار ليست بجيدة مثال على ذلك جدي يبي ينوخ كل شي و بالقوة تفكيره سلبي ويبي يمشي كلامه .
نسئل الله العفو و العافية وحسن الخاتمة وسعادة الدارين.

ننتظر جديدك تحياتي...



حياك الله اخي الفاضل
انا من يشكرك ويشكر حضورك الكريم وردك الجميل..
ان شاء الله على أجر ويراها بأبنائه وبناته..
اكيد الوالد اصعب من الام لأن هو القائد وصاحب الكلمه الأولى ..
الله يحفظهم لنا ويرحم حيهم وميتهم ،،المشكله لين صار مقتنع بمثل كذا ومصمم وش تسوي ،،مالك إلا تطيعه ان كنت حريص على ارضائه بكل شي..
اللهم آمين والله يجزاك خير على دعائك
دمت بحفظ الله
تحياتي وتقديري واحترامي
..قوافي..

[قوافي ( أم نهار )]

ههههههههههه

حلوووووووووووة من الشااايب


حياك الله اخي الفاضل
الله يحلي ايامك بطاعة الرحمن ورضاه..
اشكرك لحضورك وردك الكريم
تحياتي وتقديري واحترامي
..قوافي..

[قوافي ( أم نهار )]

ماشاء الله وش ذا الشايب
غير شكل دبل هههههههههههههههههه
سبحان الله
يعطيكي العافية ع القصة الرائعه والغريبة والشايب الدبل ههههههههههههههه


حياك الله اخي الفاضل
:D شايب وش تقول مالك إلا الطاعه..
الله يعافيك ويحفظك ربي والرائع حضورك ومرورك الكريم..
تحياتي وتقديري واحترامي
..قوافي..

[قوافي ( أم نهار )]

ههههههههههههه هذا تعزيــــــــــــــــر هههههههههه الله لا يعذبنا والله صحيح سيارة بمواصفات بعير { ذلوول }

مشكوووووووووووووورر اختناالغاليـــــــــــــــه "" قــــــــــوافــــــــــــــــــــــي "" بارك الله فيتس..... ابداع... و.... امتاع

............................................... تحياتي وتقديري وحتراماتي ............................................


حياك ربي اخوي خوي مخباته
الله يعين كل من كان عنده والد ووالده على برهم وطاعتهم..
مالك إلا الطاعه وإن شاء الله ماجور ..
اشكرك لحضورك ومرورك الكريم
دمت بحفظ الله
تحياتي وتقديري واحترامي
..قوافي..

[قوافي ( أم نهار )]

وعليكم السلام ورحمة الله وبركاته

أسعد الله أوقاتكم بكل خير
هههههههههههههههههههههههههههههه الضحك الله بنانك يالغاليه
اجل السياره ينوخها مثل البعير
الحمد لله شيبانا موصلوا مثل موصفات شايبهم
الله يجعلنا واياكم من البارين بهم ان شاء الله ويرحم الميت منهم
ماشاء الله تبارك الرحمن أختي من ابداع الى ابداع الله يزيدك من فضله




حياك الله اختي الغاليه
واسعدك بكل خير دنيا وآخره
سلمتي ياغاليه واسعدتني سعادتك وإن شاء الله دوم..
السياره مثل البعير ومانقدر نقول غير السمع والطاعه ..
ماندري يمكن وصلو وازود لكن غاليين مهما صار..
اللهم آمين ويجزاكِ خير وياغاليه..
دمت بحفظ الله
تحياتي وتقديري واحترامي
..قوافي..

[قوافي ( أم نهار )]

اللهم لك الحمد اني مانا براعي السياره



يوه ياصبر الارض
واجضتي واجوضتي واجضيضي === واقلبي اللي بين الاضلاع جاضي
استغفر الله استغفر الله استغفر الله
هني ذالولد بصبره
وبشر الصابرين


قصه بها العبر للمعتبر



حياك الله وياهلابك مشرفنا الفاضل ابو مشعل
الحمد لله على كل حال وراعي السياره مدفوع له والولد ان شاء الله ماجور ويراها بابنائه وبناته بر مابعده بر..
الحمد لله اللي ربي اعانه على طاعة والده وياهناه..
اشكرك كثيراً لحضورك الكريم ووقوفك بمتصفحي وردك الجميل..
دمت بحفظ الله
تحياتي وتقديري واحترامي
..قوافي..

[النبهاني]

وعليكم السلام ورحمة الله وبركاته
حيا الله قوافي
انا اشهد ان هالشايب منسم ويبي رقع راس
اجل يسوي هالسواة بولده ويقول ابشوف قوتة باسك
لكن حظ الولد بعظم الأجر على بره وصبره لبوه
مشكوره اخيه

[قوافي ( أم نهار )]

وعليكم السلام ورحمة الله وبركاته

حيا الله قوافي
انا اشهد ان هالشايب منسم ويبي رقع راس
اجل يسوي هالسواة بولده ويقول ابشوف قوتة باسك
لكن حظ الولد بعظم الأجر على بره وصبره لبوه

مشكوره اخيه



حياك الله وابقاك اخوي ابو سالم
انا اشهد ان هالشايب منسم ويبي رقع راس
:D:D:D:D:D:D:D:D انا ما قلت شي..
كلن ورايه واختباراته والله يعين من اختبر عند واحد مثله..
إن شاء الله على أجر والله يعظم أجره ويبرونه عياله مثل مابر ابوه..
اشكرك لحضورك ومرورك الكريم
دمت بحفظ الله
..قوافي..