المساعد الشخصي الرقمي

مشاهدة النسخة كاملة : من منكم لقاله حبارى ميته


الباهي
13/09/2006, 04:27 PM
السلام عليكم ورحمه الله وبركاته

طرا في بالي هذا السؤال مدري ليه

لاهل المقانيص هل قد صادفت في حياتك وانت تقنص او طالع للبر ان قد شفت حبارى ميته موته طبيعيه

يعني مايكون ذابحها طير جارح يعني موته طبيعيه وانت مريت عليها بالصدفه وشفتها

ان كان نعم فاين وجدتها وما سبب موتها مرض او سكته حلوه سكته

اتمنى المشاركه

وشكرا
اخوكم
الباهي
أبو رداد
13/09/2006, 06:20 PM
وعليكم السلام ورحمة الله وبركاته



لا
ماشايف حباره ميته موته طبيعيه
رغم كثرتها عندنا في السنين الماضيه والان
ملاحظه حلوه يابو فهد
لكن تراها تنطبق على معظم الطيور البريه تقريبا
جيتك يابعد حيي
13/09/2006, 06:25 PM
ماعمري شفت حبارى ميته موته طبيعيه
بس أذا لقيت أكيد أبن أدم له دخل ..
جيتك يابعد حيي
13/09/2006, 06:26 PM
ماعمري لقيت حبارى ميته موته طبيعيه
بس أذا لقيت أكيد أبن أدم له دخل بالشي هذا.
ابو عايد
13/09/2006, 09:49 PM
وعليكم السلام ورحمة الله وبركاته







لا ماشايف حباره ميته موته طبيعيه

ملاحظه حلوه يابو فهد
عقاب طويق
13/09/2006, 10:39 PM
هصيادين تاركين طير أو حيوان يكمل عمره الافتراضي
عاشق النحم
13/09/2006, 10:48 PM
لا والله ماحصلي الشرف أشوف حبارى ميته,

لاكن أنا مرة لقيت كرك أقرع مصوب صواب شين وشكلة يحتضر(ينازع)
كان الصواب صواب رشاش(كلاش)والله العالم
ولكن المكان الي لقيت فيه هالكرك ماقد مر علي طيب أبد ولا بالغلط..
Abu Saad
13/09/2006, 11:15 PM
في الجزيرة العربية لا اعتقد انك ستجد حيوان فطري يموت موته طبيعية.
والسلام عليكم
مارشال
14/09/2006, 01:03 AM
نعم

احد الربع شاف له حبارى ميته (خرب ) عام 2002 على جال عرفجه في الدكاك اللي يم خثال , وانا من اللي شافو راس الحبارى

والغريب انه خرب كبير و طول الغلب حول شبر20 سم تقريبا واربع الوان (اسود ابيض اسود ابيض) بعكس الغالب فيهن 3 الوان (اسود ابيض اسود)

اطيب تحيه
أبو فيصل
14/09/2006, 01:09 AM
واحد من الربع لقاها ميته تحت أسلاك الكهرباء (الخشب) طبعآ مهوب الضغط العالي و هاذي ما تعتبر طبيعيه
الرياني
14/09/2006, 01:24 AM
السلام عليكم -- قبل ثلاث سنين عينو الربع ثر حباري حل مسيان المهم دارولها ولعينوها قلت لربع بصبحها وسرح لها واللة مخذيت شوي الى ذيك الحباري المخمر تحت ذيك الرمثة قلت في نفسي حي ذا الشوف حياه المهم وقفت عندها شوي ولا احتركت واهوزها بيدي وبلغتره ولهيب صوبي دريت ان الحباري فيها بلي واحول عليها وانا متعومس الى الماخوذه ميتن في مخمرها واشلها واشيك عليها واقلبها يمين يسار مفيها شي ابدا لاضربت طير ولاعضت ناب واقوم وقطع جنحانها واسرح لخوياي واعلمهم بعلوم حبارهم قالو الربع يمكن جيها ثعل وومروعها والى امهدودن عليها ومن الروع ماتت والله العلم0 0000000000
عاشق البسيتين
14/09/2006, 01:20 PM
لا والله ماحصلي
عبدالله بن فرحا ن
15/09/2006, 12:38 AM
ماعمري لقيت حبارى ميته ,
الباهي
15/09/2006, 12:53 AM
هلا والله بالاخواه الاعزاء





اخي الغالي ابورداد



شكرا لمرورك الكريم بعد غريبه عندكم على كثر الحباري وقله القنوص مافيه شي

يموت موته طبيعيه تعرف ليه قلتلك كذا لان عندنا ربعنا الله يعطيهم العافيه مايعطونها فرصه

تموت طبيعي من يوم توقع عندنا تلقا وراها عشر سيارات ماسكين طابور كلن يبي يهد

تقول طابور الجمعيه



اخي العزيز صفوق



شكرا لمرورك وان شاء الله ماتشوفها ميته الاطيرك اللي ذابحها



اخي الغالي ابوعايد



هلا وغلا وانا اقول ليه الموضوع منور اثرك موجود هاه

اجل ملاحظه حلوه وش اسوي اشوف الوضع ركود قلت اشوف لي مويضيع ينشطنا شوي

شكرا لك

تسلم اخوي



اخوي عقاب طويق



اشكر مرورك ياغالي



اخوي عاشق النحم

الظاهر ماراح تشوف كائن حي عندنا الا ميت بطلقه ربعنا مهوب مخلين شي يتحرك الا

سدحوه الله يستر لا يسدحونا حنا بعد

شكرا لمرورك
الباهي
15/09/2006, 01:06 AM
اخي ددسن 79
والله انك صادق اشكر نرورك

اخي مارشال
هلابك يالغالي وهل الموته طبيعيه ولا فيه اثار رصاص او فارسه طير

اخي ابوفيصل
الظاهر انها طايره في (غدرا) ليله مافيها قمر وظاربه طبلونها وههههههههههوب صفقت في الاسلاك
والله كان ودي اشوفها وهي تصفق عموما انا ماقد سمعت ان احد شافله حبارى ضاربه اسلاك كهرب
لاني اعتقد انها حالات نادره طيب هل وجدتموها سليمه يعني ماجا ها ثعل ولا طير جارح اكل منها
الله يعطيك العافيه اخوي وماقصرت

اخي الرياني

والله ان قصتك عجيبه غريبه وش ذا الحظ اللي عليك بس تصدق والله حاله غريبه جدا
يعني ماتت قبل فتره بسيطه من وصولك وماعرفت سبب موتتها
شكرا لك

اخي عاشق البسيتين
اخي عبد الله بن فرحان

الله يعطيكم العافيه وشاكر مروركم الكريم

ننتظر بقيه الاعضاء الكرام
تقبلو تحيات
اخوكم
الباهي
كحيلان 11
15/09/2006, 09:01 AM
لا والله يا اخوي الباهي ماشفت
الغايب الحاضر
15/09/2006, 10:49 AM
والله يالغالي ماشفت وعساي ماشوفها الا حيه
الباهي
15/09/2006, 01:34 PM
كحيلان
الغايب الحاضر

هلا وغلا ويامرحبابكم وان شاء الله ماتشوفونها الا حيه
((( الحر)))
15/09/2006, 02:31 PM
مشكور اخوي الباهي على هذا الموضوع

الصراحه لقيت في وادي الرشاء .. لقلق... وكرك.. ميته في مواقع مختلفه

اما حبارى ... فعلى قولت الربع ماتوقع ان الحيوانات الفطريه تموت عندنا موته طبيعيه ... لازم يتسبب فيها الانسان

وافر واغلا تحيه
الباهي
15/09/2006, 06:38 PM
هلا اخوي الحر

وشلونك عساك طيب

هذي الساعه المباركه والله

شاكر مرورك الكريم
وتقبل تحياتي
الباهي
مغرم مقناص
16/09/2006, 03:27 AM
لاوالله فيه ثلاثه من الشباب الثقات

في عام الفين وثلاثه 2003 يقصون اثر حبارى تقريبا نصف كيلو وفي الاخير حصلوها ميته على خط ويقولون انهم حصلو ممساها

على الخط وأن احد السيارات الساريه دعمتها وهي في ممساها
ظبياني920
16/09/2006, 02:56 PM
ما عمري شفت حباره ميته موته طبيعيه