ابي اشتري سياره ومحتار [الأرشيف]

مشاهدة النسخة كاملة : ابي اشتري سياره ومحتار

محتار11

22/03/2013, 09:37 PM

السلام عليكم ورحمة الله وبركاته
ياجماعة الخير انا ابي اخذ قرض من البنك عشان اشتري سياره يعني القرض بزود عليه مبلغ يعني ممكن يوصل المبلغ كله مع القرض 70 أو 75 بالكثير

محتار مدري وش اشتري سياره مابي اندم على شريتها
واحد من الربع شار علي اشتري فياغرا مادري انا قريت عنها ان الهيدروليك مش بالاوكي ( فاللي عنده خبره بهالسياره يفيدني )
يعني مدري وش رايكم فيها من ناحية مواصفاتها وخراباتها وقطع غيارها
واي موديل افضل

انا شايل فكرة المستخدم من بالي لكن المبلغ اللي عندي مايغطي سياره جديده تسوى
يعني مضطر اشتري مستخدم بس مضمون ونظيف

ف ياليت تشورون علي باللي تعرفونه

ابوماجد-1

22/03/2013, 10:03 PM

قبل كل شي نسأل الله ان يبارك لك وان يوفقك في شراء السياره اللي تناسبك

وبالنسبه للمرسيدس يفيدونك اصحاب الخبره فيها

وانا اشوف لو تمر على هونداي يمكن تحصل جديد وكاله بالمبلغ اللي معك

وفقك الله

محتار11

22/03/2013, 10:12 PM

يعطيك العافيه يابعدي لكن انا ابي احد يقولي شي ويكون متأكد منه
بالنسبه للسياره عادي دوام بيت فرفره عالخفيف خطوط ماتوقع كثير مره بالشهر

عرين نجد

23/03/2013, 10:47 AM

والله تبي الصدق وتريح راسك وتفتك من الخرابات انحش من المرسيدس من موديل 99 حتى 2005 مشاكل كثيرة وخصوصا الهيدوليك والمساعدات المساعد الواحد اقرب مطب يضربة عليك وقيمتة فى قطع الغيار 3000 ريال
خذلك سوناتا جديدة ويريح راسك ولا فورد كروان فكتوريا 2011 اخو الجديد وارتح
الله يوفقك ولانسئ صلاة الاستخارة

نجم404

23/03/2013, 11:54 AM

استخير ربگ وعلى ماقالوا الاخوان المرسيدس يبيله صيانه باستمرار

لايكلف الله نفسا الا وسعها والله يرزقگ

هايل العتيبي

23/03/2013, 11:57 AM

اخوي المرسيدس مايصلح الا للخطوط
وصيانته غاليه

خذ لك كامري جديد وريح راسك

أفلاطون العرب

23/03/2013, 12:55 PM

السلام عليكم ورحمة الله وبركاتة

والله ياخوي انا من رايي انك تاخذلك كامري جديده نص فل توماتيك

وريح راسك من شي اسمه خرابات وصيانه وحوسة المرسدس الي ماتنتهي

والله يختارلك الصالح ويوفقك .

مرير الشوق

23/03/2013, 01:48 PM

مرحبا اخوي

المرسيدس قطع غياره غالي

75 آلف تجيب لك سوناتا اصفار نصف فل وحلوة

او كامري مثل ما قالوا الشباب

او زدها شوي حول الـ 80 وتاخد لك اف جي 2008 نظيف

لان لو كان ماعندك مدخول شهري فايض ابعد عن السيارات اللي تطلب غيار غالي

والله يوفقك ويرزقك

كايد

25/03/2013, 12:36 PM

الزنون

25/03/2013, 12:58 PM

اذا صغيرة خذ لك كامري 2012 ماشي تحت الخمسين وقيمتها مثل ميزانيتك
واذا تبي مشورتي
خذ لك النترا الشكل الجديد 2012 ماشي 30 وتحت سعرها 50000 وحولها طبعا فل كامل