ياهل الخبرة تعالوا ..!

[رآعي جملآ]

اسلام عليكم ورحمة الله وبركاته ..

حي الله كلن بأسمه وصبحكم / مساكم الله بالخير < كلن حسب دخوله ..😊🌹

اتمنى ان تكونون بأتم الصحة والعافيه ..

اخواني هل الخبرة عندي كم سؤال واتمنى تفيدوني فيها ..

انا مبتدى بالصقارة وان شآءلله ناوي اقيض الطيور عندي بالبيت ..

طيوري وكريه وشيهانه جبليه ..

سؤالي ماهي الامراض الي ممكن تواجهني اثناء المقيض وكيفية علاجها ؟

وكيف اعرف ان الطير مصاب او لا ؟

وهل اخلي الطيور مفرعه على وكورها طول فترة المقيض ولا مبرقعه ؟؟
للعلم ان الطيور غير راكده

وسامحوني على الاطاله

[رآعي جملآ]

ياهل الطيور وينكم !!!

[(هزاع)]

ياطويل العمر
مسئلتين ابي اجاوبك عليهن
اما الطير وقت المقيض مايبرقع ابد
اما الامراض الله يسلم حلال المسلمين فهي كثيره
اهم شي تعطي الطيور تطعيمات الصرع والجدره
ونتبه ان تعطي الطيور الحمام الحي الحمام جالب للامراض خصوصا الصرع والاقلاع
لاشفت الطير نافش ريشه وخذ وقت على كذا /انتبه به شي
لاشفت الطير صاغر العين / انتبه يتوجع
لاشفت الطير ينتش ويذب العلف /انتبه الاقلاع
لاشفت الطير ملتفت للخلف ولايلتفت قدام / انتبه الصرع
وكب على الوكر رمل الطعس انتبه من الحفاه
ووضع عند الطيور طشط او صحن كبيرمثل صحن الذبيحه به ماء للشرب والتسبح
والحامي الله

[مودع الخلان]

ماقصر ابومشعل

التنويع بالعلف لابد منه صيصان جرابيع سمان

[جلاد الحباري]

اذا انت توك مبتدي قيض طيورك في مربط وتابعهن لكي تتعرف على مشاكل المقيض لان الطير يواجه مشاكل كثيرة في المقيض وأنصحك خذ تجربه مع اهل المرابط وبعدها جرب والله يوفقك

[صقار قطرر]

انصحك تسوي غرفة خاصه للمقيض تحطها في الحوش وتحط دريشه نص متر او اقل والشمس تدخل الغرفة وتحط مكيف والارض من رمل
فرع عن الطير ولا تبرقعه اخوي وفيه شيء اسمه ليان انصحك تاخذه لو الطير عطش او يبي يسبح يدخل وكل يوم تطعطيه سمان او فري تقط الاكل له بدون ماتطعمه انت
اي نعم في امراض وايد قد تصيب الطير في المقيض انصحك كل اسبوعين توديهم فحص
وأنا كان عندي وكري قبل اسبوعين واحد معطيني كان بيطلقه خليت الوكري ساعتين عندي وكانت الشمس عليه واشربه ماي كل دقيقه وبالفعل ساعه وحده والا اجوف ريشته طاحت الوكري يقيض بسرعه

[رآعي جملآ]

بيض الله وجيهم يالربع وعزز الله انكم ماقصرتوا وافدتوني