فزعتكم يالاجواد

[الشاغور]

السلام عليكم. انا شريت. شوزن تركيه وركبته وعبيت المخزن ورميت به لكن نرمي الاوله وتدخل الثانيه بيت النار وارميه لكن الثالثه ماتطلع من المخزن. الا اذا ضغطت قفل المخزن×يعني اذا رميت الفشقه اللي بعده ماترتفع لبيت النار لانه باقيه بالمخزن يعني كل ما ارمي لازم اضغط على زر اللي بجنب الزناد. اللي هو قفل المخزن×فكيته ونظفته وركبته لكن مافيه فايده×الحين ماقدر ادبل به الا فشقتين ورا بعض بس والباقي لازم اضغط الزر حتى تطلع من المخزن وش الحل
حاولت افك المخزن ولا قدرت
نظفته ولا فيه فايده
الفشق الثالثه والرابعه والخامسه كل وحده اضغط زر القفل حتى يرتفعن لبيت النار

[ابن طاحوس]

فك المخزن وركبه من جديد
وشل البلاستيكه شكلك ماشلتها

[الشاغور]

شلته الله يجزاك خير

[الشاغور]

ياخوان مكاني بعيد في بران
ولا حولي مصلحين

[اعشق تفاصيلك]

اذا وقفت اضغط الفشق داخل المخزن اذا اهو خفيف او تحس انه فيه فراغ بين الشريط والفشق هذا يدل على ضعف الشريط ولازم تغيره اما اذا مافيه شي من الي ذكرت فا يتوقف على المنضم لازم تفكه من البندق وتغسله زين وتزيته وتغسل مكانه في الجرم

[الشاغور]

الله يجزاك الجنه

[اعشق تفاصيلك]

وياك وكل من يسمع
وبشرنا اذا عرفت الخلل لكي يستفيد الجميع

[شاهين الشراري]

الزر اللي يطلع الفشق فيه سبرنق يبيله تنويم لانه قاسي وهذا يسبب مشكلتين زر ارجاع الماكينه يبيله قوه حتى يرجع لان السبرنق ضاغط ع قفل المخزن بقوه بس ماعرف اذا نظام شوزنك تسا ماعرفناها

[صقر الكرادشة]

اذا وقفت اضغط الفشق داخل المخزن اذا اهو خفيف او تحس انه فيه فراغ بين الشريط والفشق هذا يدل على ضعف الشريط ولازم تغيره اما اذا مافيه شي من الي ذكرت فا يتوقف على المنضم لازم تفكه من البندق وتغسله زين وتزيته وتغسل مكانه في الجرم

احتمال كبير جدا

[الشاغور]

الله يرحم والديكم ويجزاكم خير الجزاء

[عبرود نجد]

افادوك الاخوان

[أولمبي]

اسمع وانا اخوك فك المخزن وطلع السبرنق وامغطه ورجعه وان شاء الله يضبط معك
لان يمكن السبرنق نايم ولا يدفع الفشق تحت
وعلمني وش يصير معك

[بن لويحق]

ان شاء الله افادوك الاخوان ولا تنسى تعلمنا النتيجه وطريقه اصلاحها

[بن لويحق]

افادوك الاخوان وان شاء الله تظبط
ولا تنسى تخبرنا حل مشكلتك لكي نستفيد يالغالي والله يطعمك الصيد

[الشاغور]

البندق غير غازيه
. والسبرنق حق المخزن مضبوط اتوقع المشكله من زر قفل المخزن والزر حق المكينه لانه قوي ويالله ينضغط

[شاهين الشراري]

اذا كان يالله يضغط زر المكينه يكون السبب بالسبرنق اللي يخرج الفشق هذا صغير مثل سبرنك القلم يبيله تنويم حتى يسهل زر ارجاع المكينه وبنفس الوقت يطلع الفشق

[شاهين الشراري]

زر ارجاع المكينه اغلب الاحيان فيه وسخ مايطلع الا اذا فكيت الزر وطلعته وهذا صعب شوي بس يبيله تنظيف بهوا قوي حتى يطلع بدون ماتفكه بس بنزين وضغط هوا

[الشاغور]

فكيته كله ونظفته حتى مجموعة الزناد فكيته. ولا فيه فايده
جزاكم الله خير وعادتكم الفزعه ياهل مكشات