رجــة الجمس ، بالمطبات

[تكاليف]

السلام عليكم ورحمة الله وبركاته

أخواني ابي فزعتكم عندي جمس 93 حوض دفرنسين ، 6 مسمار:(

الجمس طالع فيه رجه ، من أطق مطب أو يكون بالشارع شوي لخطبه يروح يمين أو يسار ويصير الموتر
بكبره وبكفراته وبديه ودركيسونه يرج ماتروح رجه غير اسحب فرامل
ولا ألف يسار ولايمين ودوس لجل تروح:(

غيرت جنوط ، سويت ترصيص ، ونزلت العمود للمخرطه ، ورصصته

والمشكله باقيه كلف علي ، ولاحصلت حل للمشكلة ، طبعاً عمود الدبل شايله أنا

ياليت تفيدوني ، من وش تكون هالمشكله

والي يخبر وشه تظبط المشكله ، يخبرنا ، وأنا بالرياض:(

انتظركم أخواني

[ابوماجد-1]

اخي ربما يكون عندك مشكله بالدوده اذا كانت فيها فضاوه ممكن تعمل رجه

وياليت تتأكد من الهيئه الاماميه لسياره

[تكاليف]

الهيئة الاماميه مغير كل شي ، من ركب وأذرعه وجلب مقصات
ومساعدات ، وزن اذرعه وذراع دوده وذراع شاص ،

وكلها مشتغلها بالعضيب ، وقالو جنوط وغيرت الجنوط وقالو ترصيص ، ورصصنا

ولادري وش الحل فيها والكفرات بالون مكسس ، ولافيها شي

[راعي المجهم]

العضيب اكبر نصاااااب ياناس

ضحك على الدقون بقوة

تأكد من ذراع الوسط

[عاشق وسم]

حياك الله اخوي تكاليف .. الله يبعدنا واياك عن التكاليف والخساير ..

الحل يا طويل العمر ( مساعد دركسون) بإذن الله المشكلة منه ..

قد صارت معي بالجمس نفس وصفك للمشكلة وغير المساعد وظبطت ولله الحمد ..

سعره اسي ديلكو 150 الظاهر ..

موفق وماتشوف شر يارب ..

[بوعبدالعزيز84]

وعليكم السلام ورحمة الله وبركاته
نفس المشكلة صارت عندي والسبب البالون اذا فكيت البالون وركبت كفرات الوكالة يرجع الموتر طبيعي
انت جرب رجع جنوط الوكالة مع كفرات غير البالون وشف اذاراحت يعني موترك مافيه الا العافية

[ابوماجد-1]

مثل ماقال لك اخونا بوعبدالعزيز

جرب ارجع لكفرات الوكاله اذا راح الرجه مشكلتك من البالون

واذا لا جرب شيك على كرسي القير انا عملي رجه اثناء المطبات