المساعد الشخصي الرقمي

مشاهدة النسخة كاملة : السلام عليكم ورحمة الله وبركاته


ابومازن ال
25/03/2013, 03:55 AM
إخواني الأعزاء أرجو منكم إفادتي جعلها الله في موازين حسناتكم ً عندي جيب 2006 جكس ماشي 250الف وعند تشغيله الصباح او أي وقت ثاني يطلع دخان ابيض أو ازرق تقريبآ ورحت لورشه وفك غطاء البواجي
وجد زيت علي راس البواجي وقال انه جلد بلوف ورحت لواحد ثاني على طريق خالد بن الوليد ورشت الوعلان وقلي انه جلد وشنبر ومن المحتمل توظيب وداخ راسي منهم واحترت وين الصح تكفون بأهل الطيب فزعتكم الله لايحرمكم الأجر أرجو الرد أخوكم أبو مازن
ابومازن ال
25/03/2013, 03:57 AM
وأرجو من العزاء الكرام إرشادي إلا ورشه يخافون الله أنا في شرق الرياض
sgl2002
25/03/2013, 06:00 AM
خل الموتر يشتغل خمس دقايق ثم ادعس ، اذا طلع دخنه بيضاء عليها زراق فهذي جلد البلوف
ls1.5700
25/03/2013, 10:30 AM
وعليكم السلام ورحمة الله وبركاته

اخوي ابو مازن الشنبر واضح مايبي له خبير
بتعرفه اذا كان الدخان متصل ماينقطع مع الدعس على البانزين
اوضح لك اكثر شغل الموتر واشحط عليه ادعس بانزين بقوه وناظر الشكمان اذا كان الدخان ازرق ومعه ريحة زيت
محترق مع الوقود ومتصل الدخان مع الدعس على الابنص هذا بيكون موترك يحتاج شنبر او توظيب كامل
وفيه طريقه ثانيه افتح غطاء المحرك وشوف فيه تبخير او لا
التبخير هو عباره عن بخار ابيض ومعه ريحة زيت
اما جلد البلوف
الدخان غير متصل ينقطع مع الدعس على البانزين
الطريقه
شغل الموتر اكثر من 10 دقايق
ثم ادعس على الابنص وناظر الشكمان اذا دخن دخان كثيف ونقطع مع الدعس وصفاء الشكمان
هذا جلد بلوف
في أمان الله
شاص نيسان 93
25/03/2013, 01:04 PM
عليكم السلام ورحمة الله وبركاته