خريطة دار موجة ترحال 2013 [الأرشيف]

مشاهدة النسخة كاملة : خريطة دار موجة ترحال 2013

محمدالغيث

25/03/2013, 04:59 PM

مساكم الله بالخير
اليوم جايبلكم خبر مفرح لهواة البر و الصحراء امس مريت دارموجة بطريق الملك فهد منزلين خريطة جديدة ومطورة سموها ترحال 2013 المهم حملته على جهازي 276 العربي و على ذاكرة 64 و الصراحة فيها تفاصيل خرافيه والطرق مميزة لفة بلفة يعني فيها تفاصيل المدن و البر كاملة ....
انا جربته و عجبتني وان كان فيها اخطاء بعلمكم تباعا و اللي جربها يعلمنا للي بيسأل عن سعره ... حدثت ب 350 ريال

موسى الشنور

25/03/2013, 07:02 PM

جزاك الله خير

ابوناصر التميمي

26/03/2013, 03:53 AM

ماقصرت اخوي محمد

انا مركب بموتري مسجل ابوشاشة لمس وبه قارمن وبه ذاكرة للقارمن هل ينفع لو افك الذاكرة واحمل التحديث يضبط او لا

بنتظار ردك

همس الغدير

26/03/2013, 08:08 AM

جزاك الله خير...

F A H A D

26/03/2013, 12:18 PM

جزاك الله خير ...لابد من تجربته
بس موب كنه غالي تحديثهم ،،

صقر العثمور

26/03/2013, 03:55 PM

الله يعافيك ويسلمك صور جميله ورحله ممتعه

عزوز العتيق

26/03/2013, 07:11 PM

الله يبشرك بالخير

ناصح

26/03/2013, 07:35 PM

أهم شيء الخط كيف واضح ..؟؟

خرائطهم السابقة الخط فيها سيء جدا جدا

برق الشتاء

26/03/2013, 11:04 PM

ابو محمد 276

26/03/2013, 11:36 PM

وين الاقي خرايط السياري لل 276 بشرق الرياض ؟؟

فتى الجوود

27/03/2013, 01:11 AM

السياري وبس ، لو أن فيها أخطاء في بعض الأسماء خاصة في شمال المملكة
جزاه الله خير صاحبها ب 30 ريال وتحملها قبل لا تدفع لهم.

منير البقمي

29/03/2013, 04:11 AM

وين القاها خريطة السياري
او من وين اقدر احملها او اركبها ؟

6500

29/03/2013, 09:58 AM

كرماً اخوي محمد
اعرض لنا كم صورة من الخرائط

abeer_22

29/03/2013, 10:37 AM

وين موقع السياري بالرياض عشان نحمل عنده خرائط الصحراء
وبكم يحملون بعد خرائط الشرق الاوسط لعام 2013 لجهاز جارمن 3590
والله يعطيك العافيه

asd6244

29/03/2013, 01:32 PM

جزاك الله خيرا على هالخبر وسمعت أن آخر اصدار يحتاج لشريحة 128 فهل هذا صحيح

شكرا على الخبر
ولكن من وجهة نظري

دار موجه فيهم الجشع والطمع (الخريطة ب350) !!! هذا سعر مبالغ فيه للغاية

بعكس خرائط السياري جزاه الله خير على الرغم من انها افضل من دار موجه بكثير الا ان قيمتها ب 30 ريال فقط ومن ثقتهم بالمستخدم يسمحون لك بتحميل الخريطة قبل الدفع لذلك احترامي وتقدير للسياري ولن ابحث عن خريطة السياري الا بدفع ثمنها فالقناعة بالقيمة ورقي التعامل جعلني انهج هذا المبدأ

اكرر لك الشكر اخي الكريم على الخبر
أخوي برق الشتاء
الخريطة ليست بـ 350 ريال هذا سعر تحديث الخريطة

ابوفهد 1

29/03/2013, 05:27 PM

السلام عليكم

جزاك الله خير أخي محمد

إلحاقاً لكلام مشرفنا أسد بأن الخريطة تحتاج لشريحة 128 ميقا

سبق لي أن تحدثت مع أحد المهندسين في دار موجه قبل أكثر من شهر تقريبا وذكر لي بأنهم بصدد إصدار خريطة شاملة للمدن والبر للقارمن (276c) وحجمها يتراوح في حدود 160 ميقا

والغريب أنك ذكرت أنه تم تركيب الخريطة على ذاكرة 64 ميقا وتحتوي على تفاصيل المدن والبر..!!

يليت كرماً لا أمراً تذكر لنا حجم الخريطة اللي ركبوها لك دار موجه

برق الشمال-

29/03/2013, 06:38 PM

شكرا على الخبر
ولكن من وجهة نظري

دار موجه فيهم الجشع والطمع (الخريطة ب350) !!! هذا سعر مبالغ فيه للغاية

بعكس خرائط السياري جزاه الله خير على الرغم من انها افضل من دار موجه بكثير الا ان قيمتها ب 30 ريال فقط ومن ثقتهم بالمستخدم يسمحون لك بتحميل الخريطة قبل الدفع لذلك احترامي وتقدير للسياري ولن ابحث عن خريطة السياري الا بدفع ثمنها فالقناعة بالقيمة ورقي التعامل جعلني انهج هذا المبدأ

اكرر لك الشكر اخي الكريم على الخبرالسلام عليكم
انا حدث عند السياري وبصراحة خسارة 30 ريال عليهم على ايش مدري مافيه شي تغير عندي ابداااااا الا كثرة المساجد حاطن حيله ومجتهد فيهم بس مع اني جربت خرائط الاصدار الثامن من دار موجة ياااخي مافيه شي على وجه الارض الا وحاطه يعني اخسر على ذاكره 600 ريال واقضي لزومي في وقت حرج لاطلعت ولااخسر 30ريال على تحديث ماله داعي
انا عندي 64 السياري الي له نظر يبادلني في دار موجه اكون له من الشاكرين او احد يركب لي خرائط دار موجه
ومثل ماتفضلت يالغالي هم فيهم جشع فيهم بس شفت خرايطهم وتفصيلها وشف الي تتسمى خراط السياري اخذت اسم وبس دقيت على للسوداني وشرحت له وقالي هذا الموجود ودقيت على السياري نفسه شهر وانا ادق ولاتكرم يرد عشان نستفسر عن خرايطه يعني الدعوه كلها نصب

برق الشتاء

30/03/2013, 12:45 AM

السلام عليكم
انا حدث عند السياري وبصراحة خسارة 30 ريال عليهم على ايش مدري مافيه شي تغير عندي ابداااااا الا كثرة المساجد حاطن حيله ومجتهد فيهم بس مع اني جربت خرائط الاصدار الثامن من دار موجة ياااخي مافيه شي على وجه الارض الا وحاطه يعني اخسر على ذاكره 600 ريال واقضي لزومي في وقت حرج لاطلعت ولااخسر 30ريال على تحديث ماله داعي
انا عندي 64 السياري الي له نظر يبادلني في دار موجه اكون له من الشاكرين او احد يركب لي خرائط دار موجه
ومثل ماتفضلت يالغالي هم فيهم جشع فيهم بس شفت خرايطهم وتفصيلها وشف الي تتسمى خراط السياري اخذت اسم وبس دقيت على للسوداني وشرحت له وقالي هذا الموجود ودقيت على السياري نفسه شهر وانا ادق ولاتكرم يرد عشان نستفسر عن خرايطه يعني الدعوه كلها نصب

وعليكم السلام ورحمة الله وبركاته

اخي الكريم (لولا اختلاف الاذواق لبارت السلع)

والله الذي لا إله الا هو لو وصلت قيمة خرائط السياري 800 ريال سوف اشتيرها
ولو وصلت دار موجه 10 ريال فلن اهتم لشرائها

ذلك ليس تعصبا رأيي ولكن
الاسماء في دار موجه تملأ الشاشة من اليمين للشمال ولو بحثت عن هذه الكلمة الظاهر على الشاشة لن تعثر عليها وذلك لكونها صورة وليست نص تظهر على الخريطة ولاتظهر في محرك البحث بالجهاز

اما السياري اي موقع يظهر على الخريطة ستجد ان محرك البحث بالجهاز يعثر عليه لأنه نص وليس صورة

أضف لذلك اي شعيب في خرائط السياري اوقف المؤشر عليه سيظهر لك اسمه وكذلك ابحث عن اسمه يظهر لك بعكس دار موجه بعض الشعاب يكتب اسمها بخط كبييييير صورة ولن يظهر بالبحث

جرب ان تبحث على اي معلم حولك في اي الخريطتين ستجد النتائج الاكثر لصالح السياري

كذلك جربت التعامل مع دار موجه فوجدت الكذب والتظليل والاسعار النارية

وجربت التعامل مع السياري فوجدت الصدق بالتعامل والاسعار الرخيصة بفارق كبيييير عن دار موجه

كل ماسبق عن الخرائط اما ضمانات دار موجه للأجهزة ماهي الا حبر على ورق واتحدى ان تراجعهم في عطل جهاز تحت ضمانهم دون ان تدفع

وتبقى وجهات نظر وقناعات
ولكل وجهة نظره وقناعته

تحياتي لك وللجميع في مكشات

حفظ الله الجميع

ابوفهد 1

31/03/2013, 06:06 PM

مريت اليوم دار موجه اللي على طريق الملك فهد

طبعا قلت لهم بشوف الخريطة قبل ما أدفع سعرها رفض الموظف اللي في الإستقبال

وبما أني أعرف أحد المهندسين في دار موجه كلمته عشان أجرب الخريطة قبل ما أدفع فلوس وما قصر ركبوها لي

والحقيقة أني تفاجأت منها .....!!!!!

سيئة جداً لابعد درجة وما تستاهل السعر (350) ريال واعتبر الإصدار السابق 9.1 أفضل منها

أقول لك ليش ؟؟

الخريطة ما عليها أي كتابة ولا يمكن لك معرفة أي أسم سواءً شارع أو شعيب أو روضة أو أي مكان في الخريطة إلا لازم تحط المؤشر على على المكان المطلوب بعكس الإصدار السابق الأسماء مرسومة على الخريطة وبإمكانك معرفة أسم الشعيب أو الروضة بدون ما تحط عليه المؤشر .

الشي الثاني وأنت تتصفح الخريطة تطلع لك كلمات غير مفهومة نفس الإصدار السابق

طبعا عند سؤالي لموظف الإستقبال عن نجاح هذه الخريطة في السوق ومدى إقبال الناس عليها ذكر لي بأنه لا يوجد إقبال عليها وأغلب اللي ركبوها رجعوا مرة ثانية وطلبوا إستعادة المبلغ وحذف الخريطة

هذا ما لدي وحبيت أفيدكم فيه قبل لا يروح أحد يركبها ويتفاجأ مثلي

والله أعلم

برق الشمال-

31/03/2013, 09:29 PM

حياك اخوي برق الشتاءاالدعوه مو تعصب ولا شي المسئلة انكم تمدحون خريطة السياري وانا املكها ولاشفت من تفاصلكم شي فيها طيب اذا هذي تفاصيلها يعني ابسوداني لعب علي عندي خارطة مافيها الا الشوارع الدائري وغيرها من شي بسيط يعني لاشعيب لاشي بسوى ان يذكر وبصراحة انصدمت على العموم الدعوة كلها لعب في لعب وانا مستعد اوسلك الجهاز بالي فيه وتشوف وتحكم

برق الشتاء

31/03/2013, 10:07 PM

مرحبا اخي الكريم برق الشمال
ادرج لك صور من خريطة السياري وهي خفيفة جدا على اي جهاز

http://www.mekshat.com/pix/upload04/images179/mk137237_160.jpg

http://www.mekshat.com/pix/upload04/images183/mk137237_139.jpg

http://www.mekshat.com/pix/upload04/images183/mk137237_76.jpg

بصراحة بالصحراء لا استغني عن خريطة السياري

وتبقى لك وجهة نظره وميوله

تحياتي لك اخي الكريم برق الشمال

حفظ الله الجميع

برق الشمال-

31/03/2013, 11:03 PM

حياك الله اخوي انا حملتها على المونتانا ولاشفت عليها ذيك الزود بس للمعلوميه محملها من دار موجة يمكن تفرق بس حرصي له الي هو276c
وممكن ترسلي رقم جوالك ع الخاص اصورها لك وتعاينها

اسعفني مثل ذالخريطه وكيف احصل عليها منهم لاصار السوداني اقوله ماتغير شي ياادمي قال والله هذي الي عندي مع ان الاصدار الي عندي قديم جدااا وقال فيه احدث منه وحدثة ولاشي تغير غير المساجد
لاني حاولت انزلها مو راضي يضبط معي
تحياتي لك اخوي اذا فيه امكانيه نتواصل وارسلها لم ع الواتس اذا مافيه حرج عليك

ابو محمد 276

31/03/2013, 11:39 PM

يالله يالبروق تواصلو وعلمونا وش ازين ناخذ الله يوفقكم .

برق الشتاء

01/04/2013, 08:31 AM

اخوي برق الشمال
هذه صورة خريطة السياري على مونتانا وتظهر بها كثير من المعالم والشعبان
http://www.mekshat.com/pix/upload06/images/2013/04/mk137237_601.jpg

http://www.mekshat.com/pix/upload06/images/2013/04/mk137237_108.jpg

اخي الكريم
تأكد انك مفعل خريطة السياري وموقف الخرائط الأخرى .
تأكد أن تفاصيل الخريطة مضبوطة على خيار ( الأكثر ) .

بالنسبة لصورة الخريطة التي بجهازك افضل ان تدرجها هنا لنسفيد جميعا ونعرف ماهي الخريطة التي تقصدها

لو اردت خريطة السياري هذا موقعهم
http://www.desertmaps.com/
تواصل معهم ويزودونك بالرقم التعريفي للخريطة ثم انتقل لمركز التحميل هنا
http://www.desertmaps.com/support.php
ادرج الرقم التعريفي وحمل الخريطة
بعد ان تطمئن وتتأكد من الخريطة وتجربها حول على حسابهم 30 ريال فقط

اتمنى لك التوفيق اخي الكريم

برق الشتاء

01/04/2013, 08:45 AM

يالله يالبروق تواصلو وعلمونا وش ازين ناخذ الله يوفقكم .

أبو محمد رعاك الله

يبقى الموضوع قناعة
كثير من الناس قناعته في خرائط السياري والبعض بدار موجة
فكل يبني قناعته وفقا لما تحققه له الخريطة من احتياجاته

عن نفسي انا مقتنع جدا بخريطة السياري

وفق الله

beuty115

01/04/2013, 10:30 AM

أبو محمد رعاك الله

يبقى الموضوع قناعة
كثير من الناس قناعته في خرائط السياري والبعض بدار موجة
فكل يبني قناعته وفقا لما تحققه له الخريطة من احتياجاته

عن نفسي انا مقتنع جدا بخريطة السياري

وفق الله

اتفق معك اخي العزيز
السياري افضل بمراحل ولايمكن الاستغناء عنها ابدا في البر

اي-مكشات

01/04/2013, 11:46 AM

الظاهر بيصير الموضوع مثل قضية النيسان والتويوتا

اللي يحب خريطة السياري يركبها واللي يحب دار موجه يركبها انا عن نفسي جربت الخريطتين وأفضل دار موجه وهي ممتازه الى أبعد الحدود

باسم الرياض

03/04/2013, 02:59 AM

انا افضل السياري لسبب واحد بس وهو في قرى نجد اشوف السياري ذاكرها كلها ومسجله حتى بالبحث قرى كثيره

اما نفس المنطقه في دار موجه ولافيه إلا محافظه واحده فقط ومرسومه رسم ولافيه اي اسم قريه ولا شوارع ؟؟

ابواحمدLTZ

05/04/2013, 04:41 PM

طيب السياري وين نحصله جزاك الل خير

s6a4

05/04/2013, 06:03 PM

ماقصرت على المعلومه يابعدي

abosaadana

06/04/2013, 03:06 PM

استخدمت خريطة الصحراء ( السياري ) في سفرتي الى منطقة تبوك فكانت ممتازه معي قبل ثلاث سنوات

ريف النشاما

06/04/2013, 06:50 PM

asd6244

07/04/2013, 12:15 AM

:D:D

كل ن على همه سرى :D

أنا شريت قبل اسبوع خريطة دار موجه :D باركولي :D

طبعا أنا صديق حميم للسياري :D من سنوات

بصراحة سافرت فيها للديرة :D وأول ما شغلتها بعد تفتيش صلبوخ بغيت أطشها :D

ويوم جيت ديارنا ما فيها خطوط ولا شي وعليهم خط يعمي الخريطة

الوكاد إني حذفتها طول يدي ،، بالله هذي خريطة :D:D

صلحت لي خريطة على الأوزي أحسن منها :D

أهلا باستاذنا ريف النشاما
ما ندري هل نبارك لك الخريطة أم نواسيك على خسارتك :D
منتب بعيد عن الي بُــشِّـــــر بمولود ثم قيل له بس مات
لكن الجمع بين الخريطتين ممتاز ،
فإذا كان معك خريطة الصحراء فإن خريطة دار موجة إن ما نفعتك فلن تضرك

برق الشمال-

07/04/2013, 01:42 AM

:D:D

كل ن على همه سرى :D

أنا شريت قبل اسبوع خريطة دار موجه :D باركولي :D

طبعا أنا صديق حميم للسياري :D من سنوات

بصراحة سافرت فيها للديرة :D وأول ما شغلتها بعد تفتيش صلبوخ بغيت أطشها :D

ويوم جيت ديارنا ما فيها خطوط ولا شي وعليهم خط يعمي الخريطة

الوكاد إني حذفتها طول يدي ،، بالله هذي خريطة :D:D

صلحت لي خريطة على الأوزي أحسن منها :D

حياك الله يامشرفنا طيب الذاكرة لك في بيعتها وكم اصدارها وهل هي انجليزي او عربي
اجل عنديلك خريطة السياري الي ماتدري وين الله حاطك ماتشوف غير مؤشر القارمن يمشي معك 😭😭اذا لك فيها خلني افتك منها 😉ويدلني بلي عندك دار موجة

سيف111

08/04/2013, 01:24 PM

أنا غير مقتنع بدار موجه أبدا أبدا أحس أنهم يستغلون بسبب قلة خبر الزبائن ومحدودية المنافسه
احب اقتني خرائط دار موجه لكن ببلاش
اذا ما نفعت ما تضر

سيف111

08/04/2013, 01:25 PM

قناص المحميه

01/09/2013, 09:53 PM

ركب الثنتين ورتاح

ان بغيت تحط المؤشر على خرائط دار موجه
وان بغيت تحط المؤشر على خرائط السياري

زياده الخير خيرين
لاني جربتهن كلهن ولقيت كل وحده ولها مميزاتها
فيه مناطق تخدمك خرائط دار موجه
ومناطق تخدمك فيها السياري

طير شلوا

01/09/2013, 10:05 PM

كلام سليم ومؤيد لاخينا قناص المحميه انا اضع جميع الخريطتين لمن يرغب بهذه فله ومن يرغب بالأخرى فله

الشيخ الظريف

02/09/2013, 02:50 PM

ذهبت لجبل الأبيض قبل سنتين وكان معي خرائط السياري ودار موجه واختلفت الخريطتان في جبل المرتزه المجاور لجبل الأبيض وعند سؤال الاهالي اتضح ان دار موجه خطأ في التسميه لديهم٠٠خرائط دار موجه لا تثق بها والسلام٠

طير حوران

06/11/2013, 03:51 PM

ريف النشاما

07/11/2013, 12:17 AM

أهلا باستاذنا ريف النشاما
ما ندري هل نبارك لك الخريطة أم نواسيك على خسارتك :D
منتب بعيد عن الي بُــشِّـــــر بمولود ثم قيل له بس مات
لكن الجمع بين الخريطتين ممتاز ،
فإذا كان معك خريطة الصحراء فإن خريطة دار موجة إن ما نفعتك فلن تضرك

:D:D حياك الله مشرفنا الغالي :D وازيدك من الشعر خريطة :D شريت لي ذاكرة مالها حدان :D

واجهزة وشاشات تقول اني بروح للقمر:D

حياك الله يامشرفنا طيب الذاكرة لك في بيعتها وكم اصدارها وهل هي انجليزي او عربي
اجل عنديلك خريطة السياري الي ماتدري وين الله حاطك ماتشوف غير مؤشر القارمن يمشي معك 😭😭اذا لك فيها خلني افتك منها 😉ويدلني بلي عندك دار موجة
:D:D الله يسلمك لا بالله ماني بايعها لا وابحدثها بعد لكن اتصل عليهم يقولون مافيه الا بالعليا
والل رد لبناني شكله ومن كلامه نصاب :D

شكسبيرالعرب

07/11/2013, 01:49 AM

انا عندي ٣٥٩٧ عليه خرائط الترحال ٢٠١٣ اللي لاحظته بالخريطة مافيها عن المنطقة الغربية يعني تجيب المعالم الاساسية فقط يمكن الاهتمام بنجد والوسطى اكثر بجرب السياري يمكن تنفع اكثر بالحجاز واللي عنده معلومة عن افضل خريطة لمنطقة بر المدينة يعطينا خبر

magadasd

07/11/2013, 12:14 PM

جزاك الله خير

XRAY MAN

09/11/2013, 01:32 PM

كان عندي السياري ٢٠١٢ زوينه بس ماتجيب إسم العروق والشعبان إلا المعالم الأساسيه جداً

وكل مره أقول بحدثها أبو بغيرها رحت اليوم لدار موجه وحملت الإصدار الأخير لخرائط البر وعز الله زينه والأسماء واضحه أفضل من السياري بواجد

ومع ذلك حملت السياري ٢٠١٣ الجديده بـ ٣٠ ريال وحذف القديمه ٢٠١٢

نبي نجمع بين الثنتين ونجرب السياري ودار موجه مايضر جمعهن

بالنسبه لخرائط الترحال يقول إلي يشتغل بدار موجه هي نفسها خرائط دار موجه للبر لكن زادوا عليها أشياء بسيطه وثانياً يقول ماتركب على أجهزة النوفي كلها وهي مخصصه للإصدار الجديد فقط

شكراً

عنزي من نجد

17/02/2014, 03:42 PM

اللي يسالون عن خرائط السياري تلاقيها عند محل بين مخرج 28وانت متجه لمخرج 27 بعد محل الهرم على الدائري الغربي

كاس شاهي

18/02/2014, 09:57 PM

اخوي خريطة الرحال ماتركب في اي جهاز بس 3597 محتكره وهو اخر جهاز من دار موجه واخر خريطة.

نقا التنهات

19/02/2014, 12:39 PM

ممكن اخوي تضع صور لخريطة الترحال 2013

دولاار

20/02/2014, 10:37 AM

وعليكم السلام ورحمة الله وبركاته

اخي الكريم (لولا اختلاف الاذواق لبارت السلع)

والله الذي لا إله الا هو لو وصلت قيمة خرائط السياري 800 ريال سوف اشتيرها
ولو وصلت دار موجه 10 ريال فلن اهتم لشرائها

ذلك ليس تعصبا رأيي ولكن
الاسماء في دار موجه تملأ الشاشة من اليمين للشمال ولو بحثت عن هذه الكلمة الظاهر على الشاشة لن تعثر عليها وذلك لكونها صورة وليست نص تظهر على الخريطة ولاتظهر في محرك البحث بالجهاز

اما السياري اي موقع يظهر على الخريطة ستجد ان محرك البحث بالجهاز يعثر عليه لأنه نص وليس صورة

أضف لذلك اي شعيب في خرائط السياري اوقف المؤشر عليه سيظهر لك اسمه وكذلك ابحث عن اسمه يظهر لك بعكس دار موجه بعض الشعاب يكتب اسمها بخط كبييييير صورة ولن يظهر بالبحث

جرب ان تبحث على اي معلم حولك في اي الخريطتين ستجد النتائج الاكثر لصالح السياري

كذلك جربت التعامل مع دار موجه فوجدت الكذب والتظليل والاسعار النارية

وجربت التعامل مع السياري فوجدت الصدق بالتعامل والاسعار الرخيصة بفارق كبيييير عن دار موجه

كل ماسبق عن الخرائط اما ضمانات دار موجه للأجهزة ماهي الا حبر على ورق واتحدى ان تراجعهم في عطل جهاز تحت ضمانهم دون ان تدفع

وتبقى وجهات نظر وقناعات
ولكل وجهة نظره وقناعته

تحياتي لك وللجميع في مكشات

حفظ الله الجميع

اتفق معك اخوي برق الشتاء في جميع ماذكرت 100 %
وعزالله ان كلاامك كله مضبوط وماعليه غبار
ودار موجه فعلآ اسعار ناريه ونصب على الدقون
وبيض الله وجهك على هالكلاام المضبوط

عبدالله فهد1

21/09/2014, 12:00 PM

اذكرو الله ياشباب
كذا ولا كذا حنى مجبورين عليهم سوى صدقو ولا كذبو
اذا لقيت مطلبك وسرك . رخصة وغلاه عندك مايهمك
:good2:

moani

21/09/2014, 02:45 PM

اذكرو الله ياشباب
كذا ولا كذا حنى مجبورين عليهم سوى صدقو ولا كذبو
اذا لقيت مطلبك وسرك . رخصة وغلاه عندك مايهمك
:good2:
الناس ماهي عاجزة تدفع قيمتها لكن مثل قولك هو مايجعل الباعه يتمادون في كذبهم ونصبهم دون أدنى خجل!. على مأذكر طلبت منهم تركيبها على جهاز أشتريته من أمريكا للتجربة ولكن رفضوا أولاً ثم قبلوا من باب التكرم علي الله يجزاهم خير ولكن طابت نفسي منها ورفضت التركيب لأني أشوف السياري تؤدي الغرض بدون الدخول في دوامات الدجل والكذب والحمدلله أولاً وأخراً.

beuty115

23/09/2014, 12:04 PM

وين موقع السياري بالرياض عشان نحمل عنده خرائط الصحراء
وبكم يحملون بعد خرائط الشرق الاوسط لعام 2013 لجهاز جارمن 3590
والله يعطيك العافيه

محلهم عالدايري الغربي مخرج 28 وانت متجه للجسر المعلق قادم من الجنوب مخرج 28 تاخذ يوتيرن وتمسك الخدمه كأنك متجه للجنوب وشارع حمزه بتشوف الهرم عاليمين بعده بنك البلاد بعده كوفي والسياري بجانب الكوفي محلهم صغير شوي اسمه الصحراء

سيف111

22/01/2015, 06:36 PM

تصور دار موجه يبيعون خريطة الشرق الأوسط أصليه مفتوحه تشتغل عل اي جهاز ...كيف؟؟

وترحال ٢٠١٥ تشمل المدن ...

درب الدخول

22/01/2015, 07:42 PM

اليوم مريت دار موجة فرع بريدة قلت ابي ترحال جهازي 3597
قال اذا انت شاريه من عندنا بـ 325
واذا انت شاريه من برا بـ650
اسعار فلكيه ما ادري وشي عليه