ياريم.......

[هبداني]

ياريم.....

.
.
.
.

فيني كاآبه كنها ظلمة الليل ×××× وفيني حزن يبعد شروق السعادة

ياريم دمعي ينهمر كنه السيل ×××× احاول انسى والحزن في زياده

ياريم وضعي يرتجي الف تعديل ×××× ياريم عندي بالتعاسه شهادة

اذوق في سجن التناهيد تنكيل ×××× اسير هم ووثقوا له قياده

محروم من بعض اللقا والمواصيل ×××× كن الجفا اعتادني منه عاده

وآجر ونه صدرتها الولاويل ×××× مع حجرشه صوت حبيس النكاده

الوقت يردف من همومه وانا اشيل ×××× وانا استعين الله منقذ عباده

يالله تجعلها علينا تساهيل ×××× منك يارب الكون نرجي السعاده

ياريم لو شفتي حياتي غرابيل ×××× معي من الرحمن قوة إراده

[ذراع الذيب]

السلام عليكم ورحمة الله وبركاته

هلابك ياخوي هبداني

وصح لسانك وانشهد ان هالقصيده ظاهره من قلب شاعر والله يزين الحال وماتضيق الا وتفرج

ونعم فيما استعنت وسبحانه مايخلي عبده ولآهنت

[كساب الامداح]

الله الله صح السانك طال عمرك

لكن يوجد كسر في البيت هذا


وآجر ونه صدرتها الولاويل ×××× مع حجرشه صوت حبيس النكاده


وهذا الشطر ( منك يارب الكون نرجي السعاده ) ..

[بعيدالمساري07]

الله عليك عزالله انك شاعر يا هـــبـــداني

[نديم المجره]

صح لسانك
الله يفرج همك
والنفس دائما تجيها الهموم
وعليك بذكر الله فان يشرح الصدر
وخذ هالابيات من شعري علها تخفف من معاناتك ولتعرف انك لسست الوحيد الذي يعاني
واشيب عيني مابقى بالجسم حيل = ولا بـقـى بالعــيـن دمـعٍ تـهــلـــه
ولا بقى عزمٍ يساعد على الشيــل = عـزمي تردى والخـفـايف تـفـلــه


ولا بقى وقـتٍ نعــدل به الـمـيــــل = والـنـفـس صارت كل شيٍ تـمـلـه

ويالله بحسن الخـاتمه لاوفى الكيـل = يامحـصي احساب الفـلـك والاهـله

ألا بـذكــر الله وكـثـر الـتهـالـيــــــل = تـسلى النفـوس وتـنجـلي كل عـله
الله يسعدك
تحياتي

[نديم المجره]

الله الله صح السانك طال عمرك

لكن يوجد كسر في البيت هذا


وآجر ونه صدرتها الولاويل ×××× مع حجرشه صوت حبيس النكاده


وهذا الشطر ( منك يارب الكون نرجي السعاده ) ..


لايوجد كسر اذا وضعت تنوين على اخر كلمة صوت
ولكن يوجد خطاء في كلمة حجرشه حيث الصحيح هي حشرجه

[هبداني]

شكراً لك اخوي نديم المجره انا اشهد انك شاعر وتعرف لبحور الشعر
ولا ينلام اخوي كساب الامداح المفروض ابين التنوين
الشطر اللي يقول منك يارب الكون المفروض احط الشده على حرف النون بكلمة منك
وشكراً للجميع

[هبداني]

السلام عليكم ورحمة الله وبركاته

هلابك ياخوي هبداني

وصح لسانك وانشهد ان هالقصيده ظاهره من قلب شاعر والله يزين الحال وماتضيق الا وتفرج

ونعم فيما استعنت وسبحانه مايخلي عبده ولآهنت

صح بدنك ياذراع الذيب وبيض الله وجهك
وشكراً على مرورك العطر

[هبداني]

الله عليك عزالله انك شاعر يا هـــبـــداني

هلابك ونورت الصفحه طال عمرك ومشكور وابيض وجه

[عبدالرحمن بن ذياب]

صح الله لسانك جزلة من جزل

[هبداني]

صح الله لسانك جزلة من جزل

صح بدنك ونورت الصفحه وتحياتي لك