وش رايكم بالباثفندر الجديد 2013 ؟؟ يوجد صور

[بائع الحوض]

يا أهل المكاشيت وش رايكم بالباثفندر الجديد 2013 ؟؟؟

دفع أمامي
مكينة 3.5
لاصق بالأرض !!
قيره CVT مثل قير الألتيما اللي ثبت انه يسخّن ويعلّق !

أشوفه مهوب حق بر !!!

الصور من موقع المربع نت

أقل نوع بالدبل 132 ألف
وبدون دبل 122 ألف

http://www.almuraba.net/2013/Nissan-Pathfinder-2013/fi2qT.jpg


http://www.almuraba.net/2013/Nissan-Pathfinder-2013/HYQPl.jpg

http://www.almuraba.net/2013/Nissan-Pathfinder-2013/kNp1C.jpg

http://www.almuraba.net/2013/Nissan-Pathfinder-2013/qK8vM.jpg


http://www.almuraba.net/2013/Nissan-Pathfinder-2013/Bi4j5.jpg

http://www.almuraba.net/2013/Nissan-Pathfinder-2013/lxfhA.jpg

http://www.almuraba.net/2013/Nissan-Pathfinder-2013/C0EVa.jpg

http://www.almuraba.net/2013/Nissan-Pathfinder-2013/OGtqY.jpg

[خاب الرجا فيك]

عن نفسي ماعجبني والقديم احلى
ونيسان للاسف باديه تخبط
يعطيك العافيه

[wafian]

ما شاء الله تبارك الله

و الله اعجبني .. شكله رايق مره ..

بس مثل ما قلت (( شكله مو سيارة بر أبد ))



مشكور على الصور الله يعطيع العافية

[أطلال نجد]

دفع أمامي ؟؟ يشبه إلى حد كبير هيونداي سنتافيا !

أخوى اللحق على الموديل اللي قبله نصيحه إذا في خاطرك باثفاندر

السيارات عموما و الجيوب خاصة من جرف لدحديرة

[m3ax]

السيارة حلوة جداً ومتطورة كثير وفخمة تقدر تنزل فيها للبر لكن بشكل خفيف لأنها قريبة كثير من الارض لكن توصلك للمكان اللي تبيه ان شاء الله

الدفع امامي وهذا افضل في الثبات من الدفع الخلفي وافضل في التسارع لكن صيانته اصعب ومكلفة اكثر من الدفع الخلفي

لكن القير مالي علم فيه واغلب السيارات الجديدة تحتاج لمبرد زيت قير اضافي بالذات مع اتجاه الشركات المصنعة للسيارات لفتح مصانعها في امريكا بدل من البلد الأم والمعروف ان الاجواء في امريكا ابرد بكثير من اجواءنا والامريكان آخر همهم المستخدم الخليجي على عكس المصنعين الآسيويين

[ابوفهد 575]

اشوف انها سياره مدينه افضل من كونها سياره بر او طريق وعر .

اي جيب دفع امامي احسه مهب جيب

[.أبوعبدالرحمن]

السيارات الدفع الرباعي الصغيرة مثل الاكسبلورر والباثفندر وغيره من السيارات

كل مالها تتغير للأسوء للمستخدم الخليجي من حيث الجودة والقوة ولكنها تتغير

للأفضل في الديكورات الداخلية والفخامة والمنظر الخارجي .. الباثفندر 2013

في نظري غير ملائمة للبر والطعوس والوعر أبدا ولكن أتوقع أنها راح تكون سيارة

خيالية في السفر والمدينة لنظام الدفع التعليق وكذلك الدفع الامامي

[Salamah.y]

الباثفندر بالشكل هذا دخل فئة الكروس اوفر
يعني زي التوسان و السنتافي و الموهافي و الراف فور و المازدا و اللكزس rx و الاكاديا و الترافيرز و الايدج ... الخ
و هالفئه , لا تحوشك بالبر , تنفع طلعات خفيفة , و لكنها ممتازه جداً للخطوط و المدينة , ارسى و اريح من الجيوب
شبابيه , اكثر , ولكن لا يعتمد عليها اعتماد كامل في التضاريس الصعبه و الوعره

,

اما عن هالباثفاندر ,, خله ينتشر و يلاقي رواج عند الناس
و راح تبين عيوبه و مزاياه ,, مع ان نيسان لها بصمه و حضور بفئة الكروس اوفر
و من منا ما يعرف وحش الانفنتي FX , الغني عن التعريف ~
كذلك لديهم المورانو و القاشقاي و الاكس تريل و الجوك , سيارات كثيره بهالفئه
ما اعرف ليش غيروا الباثفندر !!

اتمنى يتغير شكل الاكس تيرا للأفضل , لأنه راح يعوض مكان الباثفندر

,

كل التوفيق ,, @~

[شمس المغيب]

الدخليه طبق الاصل من المورانو

[بدوي جنوبي]

راحت هيبة الباث بهذا الشكل الجديد
توقعت انه راح يكون شكله أفضل
تصميم الشكل هذا منتشر بكثرة وأصبح مألوف لدى الكثير من الناس

والسعر كالعادة مبالغ فيه

[المميـز]

:

هذا مايعتبر جيب !!

والسعر خيالي !


:

[بائع الحوض]

كنت مراقبه من رمضان اللي راح اول ما نزل بأمريكا وقريت عنه كثير حتي تبين لي انه مهوب موتر بر ، وقبل 3 شهور اشتريت من العيسى بقراطيسه موديل 2012 لأنه موتر ماشاء الله اثبت جودته وقوته وتحمله مواصفات SE ولله الحمد ما ندمت على شراءه يوم شفت الجديد !!

[بدوي جنوبي]

كنت مراقبه من رمضان اللي راح اول ما نزل بأمريكا وقريت عنه كثير حتي تبين لي انه مهوب موتر بر ، وقبل 3 شهور اشتريت من العيسى بقراطيسه موديل 2012 لأنه موتر ماشاء الله اثبت جودته وقوته وتحمله مواصفات SE ولله الحمد ما ندمت على شراءه يوم شفت الجديد !!


ما شاء الله أختيار موفق :good2:
والسياره أثبتت نجاحها بكل المقايسس
ما عدا الا انه نازل شوي
لكن السياره لم تسجل اى أعطال ولا أحد اشتكى منها
سياره راسيه في الخطوط والمنعطفات محرك قوي وقير سلس
وتجاوب سريع في التغييرات من ترس لترس
قوة تسارع ممتازة وخفة في بداية الانطلاق
يتمتع السائق بقيادتها وسهله المناورة
أقتصادى في البنزين

كلامى عن تجربه في خط طويل + طلوع جبال وعره

[سوبربنلي90]

للأسف الباثفندر من بعد 2005 لايقربك اذا بتوصل هالقيمه خذ فورتشنر 6 سلندر دبل والله انه اطلق من هالموتر الي كنه كامري بوكس

[بائع الحوض]

أخوي بدوي جنوبي

ما اذكر اني عانيت من ارتفاع سيارتي 2012 وقبله كان معي 2007 ، بالنفود أرقى فيه أعلى الطعوس ولا عندي أي مشكلة ! :)

أخوي سوبربنلي

الفورتشنر يفتقد للراحة والأمان والثبات وشكله قبيح والواحد يحول يجمع أكثر مواصفات يحتاجها :)

[s0505]

سيارة المكاشيت القادمة من وجهة نظري الاكستيرا

[عبدالرحمن السالم]

السيارة تغيرت تغير جذري والله
على حسب ماقرأت في المربع نت انه دفع رباعي مستمر واستغربت انهم كاتبين دفع امامي ؟!
وهذا الموضوع http://www.almuraba.net/news_view_6263.html

في التطوير الذي ذكرته نيسان في سيارتها باثفندر 2013 والتي اضافت بعض المميزات وسمت هذه السيارة بالكاملة بتصميمها الجديد و الأنيق و أيضا بوزنها و الذي لا يتعدى 500 رطل و اللمسات التكنولوجية الجديدة ، يمكن ان نقول أنه تم تصنيف الجيل الجديد من سيارات باثفندر نيسان من السيارات الجديدة و الأكثر صلابة و الإقتصادية في وقت واحد
باثفندر 2013 تعتبر الوحيدة في مجالها لدى نيسان ، حيث يمكنك من اختيار ما بين التحكم في العجلات ثنائية الدفع ، او الرباعية ، روعة و اكثر تحكم في السياقة و ذلك مع قوة اكثر من 260 حصان و محرك سلندر V6 سعة 3.5 لتر وهو المحرك الوحيد المتاح للإنتقال بين السرعة و بكفائة على الطريق
مع وزنها الخفيف الذي قالت عنه شركة نيسانانها حاولت بكل شي ان تبقى السيارة خفيفة الوزن بدون ثقل يذكر ، و الذي لا يبث ان يكون اكثر خفة اثناء السير ، و مع استخدام نظام CVT يقدر ان نموذج باثفندر لايصرف بانزين كثيراً من المتوقع ان يصرف نحو جالون واحد حوالي كل 20 ميلا بالطريق و غالون كل 22 ميلا بالطريق السريع و يتميز هذا النوع انه اكثر خفة و اكثر صلابة عن AWD و FWD السيارات الاخرى
http://almuraba.net/2013/Nissan-Pathfinder-SUV/2013-Nissan-Pathfinder-SUV-10[2].jpg

http://almuraba.net/2013/Nissan-Pathfinder-SUV/2013-Nissan-Pathfinder-SUV-26[2].jpg

[بائع الحوض]

اخوي عبدالرحمن
اما دفع رباعي مستمر
او ثنائي أمامي وليس خلفي

[تميم2222]

تبي الصراحه ...مخيس :rolleyes:

[راعي-الباث]

هههههه صار خكري

[عبدالرحمن السالم]

اخوي عبدالرحمن
اما دفع رباعي مستمر
او ثنائي أمامي وليس خلفي


اها يعني حاله من حال المازدا وغيره إلى مثل حجمه

لاهنت ماقصرت

[t76em..]

شبــــــــيه .. جدا من المورانو 2007 .. داخلي و هيكلي