الفزعه ياراعين البيكال

[اذكريني]

السلام عليكم ورحمة الله وبركاته
اخواني الافاضل
اول مشاركه لي واتمنى تفيدوني
عندي بيكال ام خمس مشكلتها اذا رميت فيها الفارغ مايطلع وتلقم فشقه ثانيه
يعني يترادفن ورا بعض واذا بعشق اول فشقه فيها ثقل شوي يعني الفشقه ماتدخل على طول تدقر شوي
نظفتها وسويت لها صنفره وكل شي مانفع
اتمنى تفيدوني او تدلوني على محل او اي شي
لان طيبت نفسي من الصيد كله

[أبودانه لحربي]

صباح الخير أخوي ما حددت موقعك عشان ندلك على المحلات التي تصين البواريد
على العموم عندك القصيم - بريده في محلات صيانه الاسلحة بالجرده تجيهم وقت العصر تلا قيهم فاتحين ويسكرون مع المغرب وعندك محل صيانه مقابل محلات السنيدي ببريده شباب وفاهمين اغلب اعطال الاسلحه ومتوفر عندهم قطع غيارها واذا انت بالرياض فيه محل اسمه كل النظم بحي النهضة بس خلك منتبه للدوريه الي توقف جنب المحل اتمنى اني اعطيتك شيء مفيد والاخوان ما يقصرون فيهم الخير والبركه

[اذكريني]

ماقصرت اخوي
من حفر الباطن

[aborajwa]

انت شاريها جديدة والا مستعملة .. اذا جديدة نقول الامور تمام .. واذا مستعملة اقول شيك على منظم الغاز تحصله محلول على الاخر للضغوط القوية . شد فيه لين ما يبقى الا ثلاث سنات فقط . طالما انك نظفتها والناتوش سليم ما يبقى الا الغاز .

[الوليد11]

يبي لها تنظيف
السوبر بنلي اذا مانظفتها تردف نظف الجهاز بزيت مكينه حقت الخياطه
وبعدين كل التماتيك اذا مانظفتها تردف
والمده المحدده كل بعد ٥٠ طلقة او اكثر نظفها
اتمنى اني افدتك
تقبل مروري...

[اذكريني]

الوليد ... ابو رجوا
ماقصرتم والله يجزاكم خير
ولكن انا نظفتها ومانفع لان اول ماتعشق الفشقه يالله تدخل تحسها ثقيله شوي والاجزاء ثقيل لمن اسحبه

[خليل909]

هذا للناس الي يمدحون البيكال ويقولون لك ولزمن ٠٠٠مافيه شي اسمه لك ولزمن كلها سعيد اخو مسيعيد بالتوفيق ياصاحب الموضوع وتحصل مطلوبك ان شاءالله وعند سوال انت من اهل الحفر يمكن اقدر افيدك

[اعشق تفاصيلك]

اخوي بندقك لازم تروح لمحل سلاح لان الثقل الي تذكره يمكن من مجموعة الزناد او الجهاز ثقله من الغسيل لازم تنقع السلاح وجميع اجزاه كل جز يكون مفكوك في ديزل لمدة. 3 ساعات او اكثر وبعده تنشفه وتزيته وان شاء الله تنفك مشكلة الثقل والفشق يمكن من النتاش الثابت في الجهاز اما حذفه يكون من النتاش الثابت في الفلنجه انت حاول بطريقه هاذي اذا ما نفع لازم محل لان مجموعة الزناد لها وزنيه

[MSA-KSA]

ارشادات دليل المستخدم صفحة 30 فيها معلومات مهمة للمستخدم الجديد

http://www.mekshat.com/pix/upload05/images252/mk26574_untitled.jpg

الارشادات بأختصار:
1. عند اختيار الفشق أختر الفشق البلاستيكي اللي تقفيلته نجميه ولا تستخم الفشق المعدني.
2. عند استخدام فشق خفيف (أقل من 25جرام) او فشق عالي (أعلى من 45 جرام) فإن ضبط نظام الغاز قد يكون مطلوبا إذا فشلت المكينه في العمل وذلك لضمان عملها بدون متاعب.

تحذير: عند الرمي بأول 100 طلقه أستخدم فشق أقل من 35 جرام
تحذير: خلال الفتره الأولى من استخدام السلاح قم بالتزييت قبل كل مره تخرج فيها للرمي
تحذير: خلال الفتره الأولى من استخدام السلاح تزداد سرعة رجوع أجزاء النظام المتحركه لذلك فأن ضبط نظام الغاز خلال هذة الفتره يكون غير مرغوب.

الخلاصه صانع السلاح يقول لك يا اذكريني ترا بنادقنا يبيلها تمرين لأنها وهي جديده ترجع الأجزاء بسرعه يعني الترباس مع الرمي يتحرك للخلف ويطلع الفارغ لكن رجعة الترباس مكانه تكون سريعه فيحدث التصادم بين الفارغ والفشقه فلاتستعجل وتضبط نظام الغاز والبندق جديده ، ويقول أستخدم فشق 35 ج لأول 100 طلقه علشان التمرين ، ولا تنسى تزيت السلاح قبل كل طلعه صيد
صح ويقولك بعد لكن في صفحة ثانيه لاتكثر زيت لأن الزيت الواجد مع الكربون والاتربه يتحول الى عجينه صلبه تعدم السلاح يعني استخدم قطعة قماش عليها زيت بنادق وامسح الاجزاء مسح خفيف

ان كنت والقراء الكرام استفدتوا شيء فلا تحرموني دعوه لوالدتي بالرحمة ولوالدي بالشفاء
ولكم تحياتي

[شاهين الشراري]

من اسباب نشوب الفشق داخل الرقبه مدري وش تسمونها اول شي وجود تحليه او وسخ خاصه ع الحدود بمكان الصفره هذا يبيله تنضيف وصنفره دقيقه لانه ماتشوف التحليه احيان ماتنبين يبيلها مجهر والسبب الثاني ياخوان اذا كان سبرنق الارجاع اللي بالحاضن قاسي مره راح يكون سحبه للفشق قوي وبكذا تدخل الفشق بالرقبه بقوه تجعلها تنشب لكن اذا السبرنك سحبه للفشقه خفيف ماراح يضغطها بقوه وسهل تخرج لكن اتوقع المشكله الاساسيه وجود تحليه لان ضغط الغاز يخرجها او عالاقل نصها مايحتاج نتاش بس فيه وسخ

[اذكريني]

خليل909.....شاهين الشراري....اعشق تفاصيلك.....MSA-KSA
ماقصرتو والله يجزاكم خير
ولكن نظفتها وصنفرتها وسويت كل شي ولا نفع صراحه
خليل 909 نعم من الحفر اخوي

[بدر الظفيري]

راسلني ع الخاص ارسلك على واحد يصلح

[اذكريني]

هلا فيك بدر
عيا لا يرسل خاص لازم 50 مشاركه

[السجل المدني]

السﻻم عليكم

كم لها عندك سؤال مهم

الحمدلله والشكر البيكال لها فوق 10 سنوات ماخربت الا الابره



اخوي عندك خيارين ﻻ ثالث لهما

يالخد متوسع وﻻ مجموعه الزناد عطﻻنه

واي شي تبيه راسلني على الخاص وابشر ﻻن المشكله سبق وحصلت لي