المساعد الشخصي الرقمي

مشاهدة النسخة كاملة : مسابقة جميله أتمنى الكل يشارك فيها


محمدبن براهيم
15/09/2006, 03:14 AM
هذي مسابقه شعريه لها شروط لازم تألف كم بيت طبعا من راسك مهب لازم ابيات واجده المهم تجيبها من راسك وأحسن أبيات يصوتون عليها الاعضاء وأنا أول واحد يبدا

بسم الله

لعل دار مابها للحبيب مقعــــاد
بين الخزام والنفل والاقحوانيـــه
يصيبها ماصاب ثمود وقوم عاد
بما أني مأعرف أحد بالمنتدى أهديها ألى جميع الاعضاء
ابو ناصر2020
15/09/2006, 09:17 PM
سبب الأبيتين هاذي هو سؤال وهو انت منت راعي كيف فردية.
ماني راعي كيف ولا كيف من*** خل الكيف للي كل ساعه يحمسها
الحمسه الي فيها رجاجيل تفنن** ولقبلو الضيفان قام وترحب بلي لفا
وسلمتكم .
ابو ناصر2020
19/09/2006, 11:58 PM
ههههههههههه مافيه ردا هههههههه
على العموم صح لسانك ابو ناصر2020
صح بدنك
رااعي الصفراا
20/09/2006, 10:09 AM
لاهنت اخ محمد

ابو ناصر خربت ام الموضوع :)

ناصر وشلونه عساه طيب

اقول اركد الله يرحم والديك وش فيك ؟

الحين تقول صح السانك وصح بدنك لنفسك ما يصير ما عطيتنا مجال :)

على العموم ما عليه ذا من تاثير طلوع سهيل

الوكاد حاب اشارك بابيات ان شاء الله انها تحوز على رضى المشاهدين والمستمعين والقراء وحاب اسلم على الربع في يثرب وعلى الاخوه في الهنولولو وقولهم وش لون امزاين الابل عندهم ؟


الوكاد الابيات في ابو متعب عبد الله حي والله ذاك الحجاج

استلم يابو ناصر

والله ما يبقى على الارض مجحود**ولا يشتكي المضهود من زود غله



لا صار عبد الله على الحكم موجود**يامن ذراه اللـــــــي زبن في محله



هذاك له يا اهل النبا خمسة اشهود**الطيب شاهد والكـــــرم عادتن له



وكل الصعايب لا اعتزا اسهود وامهود**وله جلســــــــةٍ اليا حكا ما تمله



ويكفيك لا قـــالو سلايل بن سعود**يغنيك ذكـــــــــــــر البيت لو ما تدله






وسلامتكم
بن زهران
22/09/2006, 01:59 AM
الله يعطيكم العافيه ياشعار وصحت السانكم جميع واحد واحد واستلامو لاهنتم تهدى لكل ماهو متواجد اوعضو او ضيف في هذا المنتدى

سلام منــي مــــابها شرح واشكوك
سلام ياهل الجود واهل الامجادي
اهل الكرم فــي عزهم عزت املوك
الفعل واضح والوفاء دوم بـــــادي
تهدى على المكشات مبروك مبروك
بحلول شهـــر الفضل شهر العيادي
العزوم
22/09/2006, 10:02 PM
لك مني هذه المشاركه ارجو ان تنال اعجاب الجميع/

مكشات يامكشات يادار الاحباب*** تواصلت فيك الرجال الوفيه

اهل الوفا والطيب عكفان الاشناب***كلن تسوقه فالمراجل حميه

فيه الخبر مع التجارب والاسباب*** ونوادرن تطربك والنار حيه

له ميزتن تجمع بني عم واجناب***عشق الصحاري والخلا الجرهديه

احدن بملواحه رقىراس مرقاب***واحدن يردك للسنين الخليه
بن زهران
23/09/2006, 02:01 AM
الله يعطيكم العافيه انا بصراحه ولا حد يزعل ارشح العزوم ولا تهنون هذا راي خذوه او خلووووووووووهــــ
ريف النشاما
23/09/2006, 06:30 AM
أحبتي الكرام

نشكر لكم جهودكم وحماسكم ونحن نقدر ذلك ونتابعه

ولكن يا أحبتي الموضوع خرج عن المسار الذي تسير عليه الخيمة

كنت انتظر مواصلة المشوار في هذا الموضوع كما فعل إخوانكم في تجارب سابقة كتب له النجاح الباهر

بدايتا من إطلالة أخونا الغائب راعي مرات بألفية مكشات ,,,, ومرورا بفاتحة أخونا الغائب ايضا ذيب الجبال

في قصيدة مكشات الرائعه

ونظرا للتركيز التام على التخصص فإنني أهيب فيكم مواصلة الطريق على غرار مابناه أخونا العزوم
حتى يتم بناء أنشودة مكشاتية إحترافيه ,,,,,, يشارك بها الجميع حتى تصل إلى مانصبوا إليه

من تخصيص قصائدنا ومشاركاتنا


ودمتم بخير ونحن في الأنتظار



(سوف يتم حذف المشاركات المخالفه )
راعي الجير
24/09/2006, 02:01 AM
السلام عليكم الشهر عليكم مبارك
هذي مشاركه سبق ونزلت في موضوع سابق اتمنى تحوز على رضاكم


ياسعود طول الليل عيني سهيره **** عيني ترف ولا لها ف المنامي

كني سهير صاح يشكي الجبيره **** ولامحبن ف الهوى مايلامي

ولا كما اللي طار راح بجريره**** صاده غشيم ولا يعرف القطامي

شاف الزهد عنده وشاف المريره*** ساعن بيد حرمه وساعن غلامي

وانا على الله ماتوكل بغيره **** لو زاد جور الوقت والحال ضامي

وسهيل شرف بشر اللي بطيره **** جارده عقب القيض شلو وحمامي

يبغاه ل قفا منه واعطاه سيره **** يردها رد الحشو بالخطامي

يرقى ف اثرها ثم تحول كسيره **** له مخلبن سم(ن)على الصيد دامي

افجح قصير الساق حزة تديره **** ملموم عاري الريش من طرح شامي

قرناس _فرخ العام باقي نجيره **** مغتر وكنه لابسن له حرامي

وختامها وحد عليم السريره **** واذكر نبيه خير هرج وكلامي
راعي زيزوم
24/09/2006, 02:29 AM
السلام عليكم .. ومبارك عليكم الشهر
اهديكم هذه البيتين عساها تعجبكم

قال الذي همه دبل كبده ** هم الوظيفه والاجازة اطلابه
الطير قرنس وموسه وصل حده ** والصيد يذكر وكلن درابه