يوم جينا المزاين وغاض الماء وطاش = ذودنا يفرق بفرق البصير من العمش [الأرشيف]

صوح الجبل

15/09/2006, 02:44 PM

يـوم كـل لابـن عمّـه عصـب راســه وشــاش""شش ياراسي لارحم رحـم ابـو مجنـاك شـش

يـوم جينـا للمزايـن وغـاض الـمـاء وطــاش""بانـو اهـل البـل وبـان الاصيـل مـن الغـشـش

يـوم جاكـر ذودنــا ذود الاجـنـاب استـغـاش ""ذودنـا يـفـرق بـفـرق البصـيـر مــن العـمـش

طقّ للذيدان باصبـع وهيـض الجـاش جـاش ""جعل ابو مـن يجحـد الحـق يشـرى لـه نعـش

اربــع الـذيـدان سيـقـت عـلـى ريــع مـشـاش""كـــنّ خّّـــدّه زبـرقــان الحريـرالـيـا انــبــرش

بيـن صـفـرا واشـعـلا كنّـهـا طــش الـغـراش""بيـن ملحـا وبيـن وضحـا تقـل وجـه امغبـش

ولّّ قــلــب دقّــتــه كـنّـهــا طـلـقــة كـــــلاش""يـوم صيّّح"عامري""لعـمـري" والـديـم رش

كـــن تـنـظّـام الجمـاهـيـر وغـتـرهـا تــبــاش""طقـم لولـو فـي ثـغـر حـلـوة المبـسـم بـهـش

زبـــدة الاربـــع ثـــلاث رقـشـنـاهـن رقــــاش""يـافـهـد والـرابـعـه جـالـنـا فـيـهـا امـخـمــش

ولو لفونا مـن هـل الـوادي الاقصـى هتـاش ""وادي سبـيـع الـمـقـدس لـفـانـا مـــن هـتــش

كـان اخذناالاربعـه حـاضـر بحـاضـر وكــاش""ورثـنـا هــي ورثـنـا دونـهـا لـطـم الـخـشـش

يا بـن علـوش البـل البـل ربوعـي يـا بـلاش""هـم هـل البـل دونـهـا ورّدوا خـضـر النـمـش

يافـهـد حـنــا هـــل الـبــل مـدلـهـة الـبــواش""دونـهـا مــا ينتـفـخ راس شـيــخ الا ويـفــش

دونهـا كـم روس قــوم عـلـى الـرقـه تـطـاش""دونهـا سـوق الرصـاص الحـمـر جيـنـاه دش

دونـهـا كــل اشـقـر بالشبيـلـي مـــا يـحــاش""لـلـنـحـر رمــــح مــدبّــب وللـعـلـبـا مــقـــش

دونهـا حشنـا السلاطيـن بالبـيـض الـحـواشّ""ولا انفهقـنـا لـيــن عـــوّّد غضنـفـرهـم (...)

دونهـا ملعـون ابــو مــن يبيـهـا لــه مـعـاش""غصب ولا بالرضا تفدي( دغيش) و(دغش )

دونـهـا شـهـب الـمـعـارك دفشـنـاهـا دفـــاش""مثل يوم (عريق )و(طويـق) و(دوارة نعـش)

وغير وقعة (حنو) وقعـة (غراميـل الفـراش)""وهـيـة فــي (جــو سـاقـان) بارقـهـا رهـــش

يا فهد يا مـا حـلا مـن عقـب خمـس غشـاش""شـوف الاربـع رتّــع والشـجـر منـشـاه هــش

اربــع الـذيـدان تـرعـى سمـالـيـل الـحـشـاش""لا ضـرب نجـم السويبـع ثـلاث فــي اثنَـعَـش

مــا حــلا تدريجـهـن يــوم للسـيـل ادّحـــاش""فـي مداحـي عثـعـث حـطـه الوسـمـي مـنـشّ

فــي رغــد قـــاع زمـالـيـق جـيّّـانـه تـجــاش""اشهـريـن وادهـــم الـغـيـث فـوقــه يمـتـحـش

يلعـب الزملـوق فــي خايـعـه لـعـب الـفـراش""وام سـالــم تـطـلـب وابـــو سـالــم يـبـرهـش

غــــادي كــنــه زوالــيــف ســجــاد تــهــاش""مـن عقـب ماهـو مثـل خـدّة الوجـه الـخـرش

كــن صــوّّاك الـغـضـا فـيــه بـوّابــة قـــراش""كــن زهـــر ورده طـرابـيـش تـــرك تـدّهــش

كــن زبيـديّـه لـيـا صلّـعـت روســـه وكـــاش""روس حجّـاج عـقـب حلّـقـوا ســود القـشـش

اول الاربــــع جـهـامــة مـجـاهـيــم تــنـــاش""كنـهـن سـهّـاب نــوّ عـلــى الـقـمـرا غـطــش

لا نثعـن كنهـن سبـيـب ادهــم غــاد طـشـاش""وان تتـالـن كنـهـن مـــن طـوابـيـر الـحـبـش

مـن زبـار (الخاطبيـه) ليـا (حــزم الـرقـاش)""فـي عـروق سبيـع نــزو المجاهـيـم ايهـقـش

مثل ممشـى الحافيـه خايفـه وطـي الخشـاش""لا امـهـلـن وان عـجّّـلـن يلـعـبـنّ الطـرقـعـش

قطـف مـا فـي اوبارهـن لأمّّ ريحانـه عــراش""والـمـذيّّـل مـثــل ريـــش الـنـعـام المـنـفـرش

كنـهـن روس تـحـاذف غتـرهـا فــي هــواش""لا نحوهـن عـن هواهـن وضاميـهـن جـهـش

كـن بيـن عيونهـن ضـوح نــار فــي قـشـاش""وكن وبرهـن يمرخونـه بمـاء عيـن الوحـش

كـن فحلهـن بينهـن يـوم جـاء يدقـش دقـاش""وهنّ مـن حولـه صفـوف تجـش القـاع جـش

حاكـم يهتـف لـه الشعـب كلـه عــاش عــاش""كـبّــروا راســـه ولا عـــاد يحـتّـشـه مـحــش

ول يـا ملحـا تحـت ظــل السبيـعـي ماتـنـاش""كـنّـهـا لاشفـتـهـا يـافـهـد تـرعــى الـمـشــش

بنـت شيـخ لبسـوهـا اســود الخـامـه قـمـاش""فـي حـداد وعمرهـا مـا تـعـدى اربــع طـعـش

وثـانــي الاربـــع شـــرارة مغـاتـيـر بـشــاش""كــن وبرهـنّـه بــرشّّ مـــن الـفـضّـه يـــرش

كــن مرافضـهـن صيـانـي سلاطـيـن غـبـاش""كـــن قـريــش اثفـانـهـن سـنـديـان مـنـقـرش

وصــف قـبّــة مـسـجـد سـقّـفـت بالبيـلـكـاش""وصـف مـردودم سنـام علـى العـطّّـف وقــش

كــن حــسّ ارغيّـهـن قرقـشـة طـفـل بـقــاش""او تضـحّّـك خـفـرة غـازلــت راعـــي بـكــش

كــن بلـهـان الفـحـل بينـهـن يــوم استـهـاش""ثـم هـدر واضحـن خشـيـع خضـيـع ماتـهـش

ضـابـط افــراد لـقـى وقـفـة الطـابـور مـــاش""فار دمّه ثـم عطـى الامـر "ثابـت يـا حـوش"

ول يـا وضـحـا كنّـهـا قطـنـة تـربـط بـشـاش""فـوق اصيـبـع جـاهـل طــشّ دمّــه ثــمّ نــش

كنّها تحـت الـذرى مـن عقـب طـق الرشـاش""جـــادل دوبـــه خـذالــه يـابــن عـلــوش دش

كنّـهـا لا فـرّّعـت مــع ظـهــر حـــزم نـكــاش""خـفــرة ضـاقــت وذبّـــت عبايـتـهـا طــفــش

لا اختفـى بـدر الظـلام اكشحـت مثـل الفـلاش""وان تـبــدى زادت الـنــور نـــور وارتــهــش

وثالـث الاربـع مـن الصفـر حلـوات الرهـاش""كــن سـمـار ازوالهـنّّـه قـصـور فــي جـــرش

تقل ساعـة يفترشـن ابيـض الارض افتـراش""روس اصـابـع حــرّّة بأخـضـر الحـنّـا تـمـشّ

كــنّ حـسـك ظهورهـنّـه ذوالـيــق الـعـشـاش""بينهـا القمـري بنـى لــه مـيـة عــشّ وعــش

كـــن علابـيـهـن ورزّّات الآذانــــي هــــواشّ""قبّّـعـة جـنـدي خـفـر صـوّّتـوا لــه وانـخـرش

ووصــف قـاعـة بـرلـمـان تـلاقــوا للـنـقـاش""وصـف دمـث اردوفهـن لا تبـدّن عقـب طـشّ

كـن لعـوب اذيالهـن لاغـدى يرعـش رعــاش""قــرن ممـلـوح بليـلـة زفــاف اخـتـه رعـــش

كـنّـهـن نـســوة شـريــف تـلاقــن بالـمـقـاشّ""يـوم غـارن مـن بعضهـن تلاقـطـن الـشـوش

ورابـع الاربـع مـن الشعـل حلـوات المـهـاشّ""فـي الدحـى كنـهـن شـيـوخ مذهّـبـة الجـمـش

كنّ وصف الشعل فوق ابيض الخـد الحـراش""عقـد سلسـال علـى صــدر ابـورمـش عـكـش

كــن غواربـهـن مـحـاريـب رهـبــان نـــواشّ""جــرّة الميـسـم عليـهـن تـقـل جـــرّة حـنــش

كنّهـن ضـوح الشفـق يــوم بارقـهـن تــواشّ""او كـسـر يـاقـوت حــدري مصـابـيـح تـــوشّ

وكـن حدرهـن يخـت مليارديـر فــوق طــاش""وكـــن اذانـيـهـن مـزامـيــر عــبّــاد الــدبــش

كنّـهـن حــدر الـمـطـر خـــرّد بـالـمـا تـــراشّ""والـحـويّـر تـقــل ورع يـــدوّر لــــه مــخــش

كنّـهـن بـرشـوم وجّّ المـذهّّـب فــي الـقــراش""تـغـري الـضـد المنـاحـر والــى هّــدّ ابـتـلـش

يـا فهـد هـذي وصـوف البـل جاشـت بـجـاش""شـاعـر لــه فــوق عــرش الشـعـاره مـدّّقـش

يافهـد جانـي عـلـى سبـكـة المعـنـى خــراش""كـنّ بيـن اضلـع حشـاي الــف جـنّّـيّ غــوش

افرق (النقطه) عن (الفاصلـه) بثنيـن (داش)""لا أبــو حــشّ الــردي لا أبــو والـيـه حـــش

لا أبـو عيـن عـن الـشـوف لاحقـهـا عـمـاش""لا أبـوهـا اذن عــن السـمـع لاحقـهـا طــرش

ذا وتـالـي الـقـول مـثـل اوّّلــه والــلاش لاش""شش ياراشي لا رحم رحم ابو مجنـاك شـش

الشاعر الكبير ناصر الفراعنه

الليث

15/09/2006, 03:10 PM

قصيدة ممتازة

وقافية صعبة الا على المتمكن

يعطيك العافية

صوح الجبل

15/09/2006, 10:29 PM

فعلاً قصيده ... قويه .... وقافيه اصعب .... سلمك ربي ... ياخوي الليث

أبو شعلان

16/09/2006, 04:58 PM

بسم الله الرحمن الرحيم

كنّهـن ضـوح الشفـق يــوم بارقـهـن تــواشّ""او كـسـر يـاقـوت حــدري مصـابـيـح تـــوشّ

وكـن حدرهـن يخـت مليارديـر فــوق طــاش""وكـــن اذانـيـهـن مـزامـيــر عــبّــاد الــدبــش

أخوي صوح الجبل بيض الله وجهك على إختيارك هالقصيده .... وصح لسان الشاعر / أبو فارس ,,,,

الله يعطيك العافيه ...

وننتظر المزيد من الجديد ....

,,,,,,,,,,,,,,,,,,,,,,,,, وتقبل تحياتي ,,,,,,,,,,,,,,,,,,,,,,,,,

:j

ابوهديل 8

16/09/2006, 05:50 PM

فعلاً قصيده في منتهى الروعه وتعكس براعة قائلها في سبك المعاني على مايريد ومايطرب القارئ يعطيك الف عافيه والسلام عليكم .

صوح الجبل

17/09/2006, 10:59 AM

سلمك ربي ...... يابوشعلان ...... تقبل تحيتي لك ومودتي .

مرحبا ومسهلا ....ابوهديل .....فعلاً يطرب القارئ لمستمعها ..... والله انك صادق .... تقبل تحيتي وسلامي

نقا هشال

18/09/2006, 12:56 AM

ابو عبدالله

مرحبا ومسهلا

يعطيك الف عافيه

مــا حــلا تدريجـهـن يــوم للسـيـل ادّحـــاش""فـي مداحـي عثـعـث حـطـه الوسـمـي مـنـشّ
فــي رغــد قـــاع زمـالـيـق جـيّّـانـه تـجــاش""اشهـريـن وادهـــم الـغـيـث فـوقــه يمـتـحـش

قصيده راااااائعه واختيار موفق

مشكور يالغالي

وصح لسان الشاعر الكبير ناصر الفراعنه

ممسوح العمد

18/09/2006, 08:25 AM

سلمت يمينك اخوي صوح الجبل
وصح لسانك ولسان قايلها

ولا هنت

ولك تحياتي

ابو راجي

18/09/2006, 11:22 AM

الله يسلمك على كتابة ها القصيدة

ويسلم والله الشاعر ابو فارس السبيعي اشهد انه ما هوب شاعر وبس هاذا مصيبة في الشعر الله يسلمه - لو ا ن شعره فيه شوية ما ني بقايل خاصة في مجال الوصف والغزل يخربها - لكنه مصيبة

صوح الجبل

18/09/2006, 03:05 PM

ياهلا ومسهلا ... بالحبيب اللبيب .... ابوسعود .....يخليلك ربي ..... آمين

مرحبا واهلين ..... باخوي ... ممسوح العمد ....صح بدنك طال عمر ...... آمين
ياهلا ... ومسهلا ... باخوي ابوراجي ... عز الله انه شاعر ...... كبير ...... سلمك ربي آمين