المساعد الشخصي الرقمي

مشاهدة النسخة كاملة : صياد هاوي


talol
29/03/2013, 05:54 PM
تحية طيبة .
شباب انا هاوي صيد سمك وطبعا خبرتي جدا قليلة
فياريت من الخبراء يفيدوني عن سنارة ذات جودة وسعر طيب . واماكن بيعها (جده)وايضا مستلزمات الصيد وخلافه
وشكرا:l
NOBL3
29/03/2013, 06:29 PM
اذا كان صيدك من السيف خذلك سنارة من ٣،٥٠ الى ٤.٥٠ متر ... مناسبة

سنارة الهامور Grouper جداً ممتازة لكنها ثقيلة شوي وسعرها شوي مرتفع لكنها تنفع للأحجام الكبيرة

واذا حبيت سنارة خفيفة جداً وعملية ورخيصة جداً انصحك بسنارة كورية اسمها Banax حق الأحجام الصغيرة والمتوسطة

بحكم خبرتي البسيطة اقدر انصحك بهالسنارتين لأني استخدمتهم شخصياً ولا عليهم غبار

خذ رأي باقي الأخوان واختر اللي يناسبك
talol
30/03/2013, 12:39 AM
بارك الله فيك اخي
ان هاوي ومااعتقد احتاج سنارة لصيد كبير
ياريت الئ يعرف سنارة رخيصة وخفيفة وذات جودة يفيدنا
وشكرا
accentkool
30/03/2013, 09:58 AM
باايلوت-باركودا-دايوا-جي ام سي
القروبر جودة تصنيعها ضعيفة تنكسر حلقاتها تنفك بسرعة ميد ان شينا
Boury
30/03/2013, 01:44 PM
اشتري بايلوت او رويال 4 متر او اطول.
و بالنسبة للماكينة ممكن باناكس او ميتشيل او فايكينج.
و خيط 50 مضغوط.
و بالتوفيق.
talol
30/03/2013, 11:54 PM
كم سعرها تقريبا شباب
ومثل ماقلت لكم انا مجرد هااوي ولا احتاج سنارة احترافية
Boury
31/03/2013, 12:41 AM
القصبة و الماكينة في حدود 350 ريال
fisher jeddah
31/03/2013, 02:36 AM
السلام عليكم

كان يحبذ تكتب ميزانيتك عشان نساعدك بالضبط ..

عموما بعطيك متوسط وحق شخص مبتدئ الى ماتصير محترف تقعد معاك وتتحمل

السناره تروح البنقله .. تشتري سنارة بايلوت مقاس 4.20 او رويال كلهم وحده طبعا انتبه من الصيني .. اذا تبي تضمن روح محل اسمه السناره السوداء يبيع الاصليه سعرها في حدود 140 - 160
المكينه خذ بانكس ولا تاخذ فايكينج صاينتها متعبه وغير عمليه .. خليك على البانكس .. فيه نوعين بانكس الذهبيه فيها رمان بلي واحد مقاسها 7000 حلوه لكن ثقيله بالسحب .. فيه وحده ثانيه سوداء اف اكس بس مقاسها اصغر 5000 فيها 3 رمان بلي .. كلهم نفس السعر تقريبا فرق 30 الى 20 ريال .. واسعارها اذا ماخاب ضني تبدا من 160 الى 190 ..
الخيط خذ مقاس 40 او 50 مضغوط البكرا 300 متر اتوقع ب 70 ريال الماني .. او شوف واحد بالبنقله يلف لك مع اني انصح تشتري بكرا ..
السنانير خذ يابانيه نصيحه ابعد عن الصيني الصيني يصدي بسرعه وينكسر بسرعه الياباني قوي .. ولو حصلت نرويجي مع انه مستحيل تحصل خذه ..

كذا تكون جميع العده تقريبا 400 الى 450 ..

ثانيا بقول لك معلومه ..
مافيه شي اسمه ابغى عده لشخص مبتدء .. عدة المبتدئ والمحترف وحده مايختلفون اغلب المحترفين يستخدمون البايلوت والبانكس .. لكن فيه عدة صيد شاطئ وعدة صيد قارب وتختلف من ناحية القصبه الصب او المفرغ وقوة المكينه ..

اخيرا مقاس السنانير اذا اسماك متوسطه وصغيره خذ امما 14 او 17 الياباني ..
والثقالات مقاس 2 او 3 او 4 وكثر من 2 و 3 الدمعه وخذ شوي من الثقالات الصغار الدوار لو بتصيد عائم ..

أعذرني طولت عليك..
talol
31/03/2013, 05:34 PM
بارك الله فيكم شباب
انا هاوي يعني ممكن اصيد للتسلية وفي السنة حسنة
طبعا ابغا عده كامله لان التجميع متعب ويحتاج وقت وخبرة
ياريت الى يعرف محل بجدة اخد من عنده جاهز
sulaiman -jed
31/03/2013, 06:34 PM
الشباب جزاهم الله خير افادوك

وانا مثلك مبتدأ واستشرت الاعضاء وجزاهم الله كل خير ما قصرو واشتريت العده وراضي تمام الرضا

والمحل روح للسنارة السوداء

ولا تنسى قاعدة التثبيت للقصبة