البارحة ساقت علي المقادير

[نعم الخوي]

البارحة ساقت علي المقادير
الصدفة اللي ماهقيت تحصل لي

يارب لاتجزى الصواديف بالخير
خلت عيوني بالمدامع تهلي

والقلب صابه بالمجاديف تكسير
من عقب ماهو داله ٍ ومتسلي

يوم انكتب لقياي في سكة السير
بالصاحب اللي كان في وقت خلي

لقياه جاب بماضي الوقت تذكير
من عقب نسيان الزمان المولي

زمان حب ٍفيه أصدق تعابير
ماكنت أحسب إن الجزا له تخلي

ياكم لبيته آتحاشى مشاوير
ولاأمشي بدرب صوب داره تدلي

ماكنت أحسب إن الذي صار بيصير
وتكتب لنا اللقيا بهاك المحلي

الله يلهمني على الهم تصبير
وأنسى الذي في ماضي الوقت زلي


وسلامتكم ،،،

[ذراع الذيب]

السلام عليكم ورحمة الله وبركاته

هلابك يانعم الخوي

والله ونعم الخوي ياراعي القصيده ولو كنت غير ذلك ماظهرت هالقصيده الجزله منك

لله درك وأثرتبي القصيده وذكرتني بأشياء كثيره لآهنت وبأنتظار قصيدك الجزل

[العتيبي ح]

اخذ العبره من أيوب وتحلى
ان كان قلبك عن المظنون جاز

[غيث داورد]

نعم الخوي
قصيدةمعاناةمن شاعر احترم حرفه
تقبل مرور اخوك غيث

[قرم التميمي]

صح لسانك وسلم بنانك

[نديم المجره]

صح لسانك
الله يسعدك
تحياتي

[نعم الخوي]

ذراع الذيب تسلم ياأخوي شرفت القصيدة بحضورك الطيف وكلامك الجميل
أخوي العتيبي دمت لمغليك وتسلم ع النصيحة
غيث تسلم يالغالي وتحياتي لك
التميمي الله يسعدك ويعافيك
نديم المجرة عطرت الصفحة بتواجدك اللي العذب يالغالي

[راعي العجراء]

صح السانك وبيض الله وجهك
قصيده جزله من شاعر جزل
دمت بخير

[عبدالرحمن بن ذياب]

ياكم لبيته آتحاشى مشاوير
ولاأمشي بدرب صوب داره تدلي



سلمت و صح الله لسانك و لا هنت على الجزله وما تجي إلا من جزل
لو تسمح لي عندي رأي بالبيت اللي فوق و يمكن أكون غلطان
اشوف انه به خلل في الوزن و من وجهي نظري يكتب هكذا
يا كم لبيته آتحاشى مشاوير
و ممشي بدرب لصوب داره تدلي
تحياتي لك و لا تحرمنا من جديدك ,,,, و ارجو تقبل مروري

[نعم الخوي]

صح السانك وبيض الله وجهك
قصيده جزله من شاعر جزل
دمت بخير

حياك الله وحيا الله مرورك

ودمت بخير وعافية ولاهنت

[نعم الخوي]

سلمت و صح الله لسانك و لا هنت على الجزله وما تجي إلا من جزل

لو تسمح لي عندي رأي بالبيت اللي فوق و يمكن أكون غلطان
اشوف انه به خلل في الوزن و من وجهي نظري يكتب هكذا

يا كم لبيته آتحاشى مشاوير


و ممشي بدرب لصوب داره تدلي


تحياتي لك و لا تحرمنا من جديدك ,,,, و ارجو تقبل مروري


هلابك يالغالي

وتسلم يابو ذياب

وتصحيحك تشكر عليه ياأستاذنا

دمت بخير وعافية