الطير تشتريه لغرض معين

[جلاد الحباري]

الطير نشتريه لسببين الاول الحبارى والثاني للكروان هذا كان قبل الحين ظهر اناس يشترون الطير تفاخر ولا له بالصقاره وكأن هالطير مفخر له امام الناس ويشتريه تلقاه حده الدعو ويعود مع جرته واكثرهم يقول شاريه اهده على الحمام ..... هذي اخرتها الطير صار لعبه بيدين الناس ولا عاد صار له مقدار وقيمه الطير يبي صقار يعرف موازينه ويقدره ولا بد من المقناص والتعب والمخاسير وضرب المشاوير والوعر الطير ياجماعه يبي صقار يتعب له وياخذ معه سجه ويحرص على المقناص للاسف الناس تغيرت وظهر جيل حق هدد حمام ودعو في ظل ندرة الصيد ومشاكل الصقاقير في الهدد والشفاحه اللي صايره هاليومين بسبب قل الحبارى وعدم تطبيق السلوم اللي اخذناها من الشيبان الاولين واصبحنا نسمع هالمقوله الحبارى ما عليها وسمك هذا كله صاير ويزيد هالمصايب الصقاقير الجدد اللي لا جلست بالمجلس يبون يعلمونك هذا كله وما تبون الاجاويد يعزلون من الصقاره ويتركونها للاسف ما عاد فيه شي يشفع انك تشيل طير وفي المقابل الحباري شبه معدومه والكراوين اجهزه وبتلحق الحبارى وتذكروا كلامي زين السنين القادمه راح تكشف اللي قاعد يصير الحين والناس ملت من روتين الاجهزه ومشاكلها اتمنى من الجميع يشاركوني بالموضوع ويبدون رايهم بكل صراحه

[أبو أمين]

تأكيد لكلامك

انا عزلت من الطيور واعطيتها ظهري ولا عاد ناظرت ورى

مع اني من الصقاقير الجدد بس ان شاء الله اني اجودي هههههه .

وترا زين واحمد ربك لاعينته يدعي ويعود البلا من اللي يشريه عشان يدوج به فالعليا ويعصب راسه

ولا يطق التصويره وفي الفيس بوك ولا تستغرب اذا طلعت مقاطع في الكيك يتميلحون بالطير

هاهاهاهاها .... تستمر الحياه تستمر الحياه

[ابو وافي00]

السلام عليكم ورحمة الله وبركاته اشكرك اخي العزيز علئ هذا الموضوع
وهذي قصيده تشرح وقتنا الحالي والجيل الجديد



خلوه في جو السما ينفظ الريش http://waraa.net/space.gif


راحت طرات الطير ثم راح ذوقه http://waraa.net/space.gif
من يوم صار الطير بيد كل درويش http://waraa.net/space.gif


الطير يبغاله رجال(ن) تلوقه http://waraa.net/space.gif
ناس(ن) على قطع الخرايم مداغيش http://waraa.net/space.gif


والكل منهم عيشته ماتعوقه http://waraa.net/space.gif
ينصون دار(ن) ماوطوها الهلابيش http://waraa.net/space.gif


ولا سعيد ماتخيط فتوقه http://waraa.net/space.gif
أول مصيبه شريت الطير بخشيش http://waraa.net/space.gif


وثاني مصيبه يا جماعه طروقه http://waraa.net/space.gif
هده على بوم (ن) جويد المكاميش http://waraa.net/space.gif


البوم تحته والشبابيط فوقه http://waraa.net/space.gif
وجاه الخراش وخرش القلب تخريش http://waraa.net/space.gif


وسعود تحته يابسات شدوقه http://waraa.net/space.gif
يصفق كفوفه مير مدري على ويش http://waraa.net/space.gif


ماينبكي غير الطيور اللحوقه http://waraa.net/space.gif
ولا طويرك ماش ريش ومخاميش http://waraa.net/space.gif


الطير مثل الرجل يعطى حقوقه http://waraa.net/space.gif
ماقد خبرنا الطير ياكل من العيش http://waraa.net/space.gif




تقبل تحياني

[صقار قطرر]

بالفعل هذا الي صاير وانا اعرف واحد عنده شاهين حاطه في العنه حق الزينه
ولا حتى يدعيه ولا يهده على حمامه

[سلطان 1]

والله
وانا خووووك
فيه وراثه وعشق وهوايه.
وفيه تقليد وموضه وهذي ما تدوووووم لانه بيتحمل يوم شهر او سنه
وعقبها يدور خوياه ويروح يدور موضه ثانيه.

وعلي قوله المثل /

ماطاح من نجوووووم القيض أبرد للمس.

[قرناس الجنوب 2011]

بكل امانة لي في عشق الطيور ما يقارب 20 عاما والفرق واضح جدأ

الطير صار يملكة الخبل والصاحي وهذي سنت الحياااة

[نجم404]

مثل ماقال اخوي ابو فيحان تقليد وموووضه عقب يدوور اخوياه لا هنت على الطرح الجميل

ياجلااااد

[راكااااان]

الله يجزاك خير على الموضوع لاكن بنسبه لي انا ماعلي من فلان وعلان انقل الطير ورقا كل مشراف والي بياخذه موضه ولا يكشخ فيه حده كم يوم وتلقاه جالبه لسوق اما الي يعرف قدر الطير وحشمته يتعب معه ويازينه من تعب هاذي هوايتي وعشقي القرناس وكم خوي الي مثلك وشرواكم ,, ماهو كل من نقل الطير صار صقار

[عواد الشمري2]

ارزاق ناس من ناس
بنسبه لي انا استانس لا شفت المورث هذا ينشر بين الشباب
على القعل يطلعه مطلع زين ومطلع ينومسه
ابرك من بعض الامور الي يتشيم الواحد عن ذكره

[بو_غانم]

ارزاق ناس من ناس
بنسبه لي انا استانس لا شفت المورث هذا ينشر بين الشباب
على القعل يطلعه مطلع زين ومطلع ينومسه
ابرك من بعض الامور الي يتشيم الواحد عن ذكره

:good: بيض الله ويهك، الصقارة و مخوة أهل الصقارة تكسبك صفات حميدة حتى لو مالك فالصقارة أو مبتدئ.

[تواق]

ارزاق ناس من ناس
بنسبه لي انا استانس لا شفت المورث هذا ينشر بين الشباب
على القعل يطلعه مطلع زين ومطلع ينومسه
ابرك من بعض الامور الي يتشيم الواحد عن ذكره

[رآعي جملآ]

عزز الله انك صادق صار شح بالصيد ..

لاكن ما اشوف فيها شي ان اشترى الواحد طير عشان مدعى وهدد حمام .. اهم شي معطي الطير حقوقه وقدره

في ناس لها بالصقاره سنين ولا يقنصون حدهم مدعى وراجع .. ولا سألته وش حادك دامك ماتقنص قالك والله مامن صيد وظروفي ماتسمح اقنص بالاسبوع والاسبوعين برا الديرة .. وقنوته للطير مجرد حب فالطيور وشوف طيارهها

[ذراع الذيب]

ارزاق ناس من ناس



بنسبه لي انا استانس لا شفت المورث هذا ينشر بين الشباب
على القعل يطلعه مطلع زين ومطلع ينومسه


ابرك من بعض الامور الي يتشيم الواحد عن ذكره


ولايهونون اخوانا الاعضاء هذا الكلام، وحنا تاركين للصقاره من قل الصيد والمراويح اللي مامنها فايده


ولاكن بنشجع كل مبتدئ يتعلم هالهوايه ويفهم كل قواعدها لأنها موروث شعبي وهواية الاجداد والسلاطين


ولو يتركها بتالي الامر خيره له واشوف ابوامين صامل مثلي ههههههه وتستمر الحياه لا والله رجعت الحياه وين ايامك ياسلفر;)

[جلاد الحباري]

اشكر الجميع بدون استثناء وردودكم اعجبتني كلكم تاج راسي ولا هنتوا جميعا

[صقر الجنوبي]

في السابق كنا فئه محدوده ومعدوده على اﻷصابع بل يسمينا البعض مخاوين الخلا واليوم ولله الحمد اﻷقبال على هذه الهواية متزايد وتعتبر الهواية اﻷولى والمفضلة لدا الشباب وهذا فضل من الله واﻹقبال يبشر بخير بأن هواية الصيد تأخذ في النمو وهي هواية نظيفة وموروث أصيل ورثناه وهي امانه علينا ان ننقلها الى اﻷجيال القادمة وكذلك فلنحرص على هذه الرياضة وتوريث تقاليدها وآدابها ﻷبنائنا وتعريفهم بها لما تمثله من ملامح عشق الصحراء وصفات البدوي اﻷصيل من مرؤة وقوة وصبر وجلد .
صحيح قل الصيد ولكن كسبنا نمو هذه الهواية وظهورها بشكل لافت حتى في وسائل اﻷعلام . فمن باب التشجيع آمل من المشرفين فتح عضوية الطفل صقر الخبت
ياخوان اهم شي الوناسة وسعة صدر ومدعى ومنها صيد وفنجال وعلوم رجال . واشكرك اخي جلاد الحبارى

[صقار الهدادي]

ارزاق ناس من ناس
بنسبه لي انا استانس لا شفت المورث هذا ينشر بين الشباب
على القعل يطلعه مطلع زين ومطلع ينومسه
ابرك من بعض الامور الي يتشيم الواحد عن ذكره

هذا هو الكلام السنع ، البدو مخلفه عليهم الصقاره ، أما يجيك حضري لابس برمودا و مسوي ذيك التحليقه وناقل على كفه طير انا اقول انه ما يستاهل ينقل الي نقوله الرجال ، ابرك له يرجع للقصات والمكياج الله يعزكم

[مالقيت اسم ا]

هذا هو الكلام السنع ، البدو مخلفه عليهم الصقاره ، أما يجيك حضري لابس برمودا و مسوي ذيك التحليقه وناقل على كفه طير انا اقول انه ما يستاهل ينقل الي نقوله الرجال ، ابرك له يرجع للقصات والمكياج الله يعزكم

يعني ماينقل الطير الاالبدوي

[ممدوح الشرقي]

ي الربع إلصقاره ونقل الطير حب مؤ كشخه

[الصقار المغرب]

السلام عليكم ورحمة الله وبركاته
هذا الموضوع هو في الواقع مهم جدا وأشكركم على تنشئة النقاش
في السؤال الأول هناك الجواب

ما هو تعريف الصيد بالصقور أو الصقارة أو البايزرة ؟

الصقارة هي صيد طريده متوحشه في حالتها و بيئتها الطبيعية، وذلك بوسيلة طائر من الجوارح المدربه.

والتحدي الذي يواجه صقار اليوم هو فقدان الفريسة البرية الطبيعية مثل الحبارى والكروان لأسباب عديدة. الرئيسية هي فقدان بيئتها و الأماكن لها وصيد خلال موسم تكاثر...

فإنه أمر لا بد: حماية البيئة الطبيعية والفاصلة المستخدمة في الصقارة للحصول على توضيح المناطق... وتدمير الطرائد القليله بالبنادق لا ينفع البايزرة...وأقول، و الله أعلم، أن قيلية طرائد تجعلنا نطلقو طيورنا علا الحمام و التدريب يتطلب الحمام...
شكرا لانتباه الله يعطينا من كنوزه

[تميم2222]

اي سلوم تتكلم عنها في الصقاره الاولين في الصيد الجائر اللي سبب قل الحبارى ولا في طريقتهم البدائيه في الصقاره .؟؟؟ على فكره جيل هل الوقت افضل بالف مره من جيل اول وعنده الخبره الكافيه لتعليم الطير بطرق جديد سريعه ومبتكره ... للاسف ان هالجيل خذ الطرق التعليم من الغرب وربعنا لهم سنين في الهوايه ومقفل على معلومات التعليم له لنفسه همن يجي ويهايط في للمجلس انا وانا ..خل نكون صريحين ولا تزعل من كلامي بنسبه لقوله حمام لا تلومهم حتى الحبارى اصبحت شبه معدومه الا اذا رحت مع امير او شيخ لا ويفكونها له بعد من ورى الحزم وخذ يا ترفيع ....يااخي الفاضل كل صقار له حق انه يهد ويستمتع والجيل هذا يدفع ثمن غلطه صقاقير اول من الصيد الجائر اللي نسمعه منهم ولأعداد الخياليه اللي يقولونها خله يبطل ويفكنا نريد جيل واعي يصيد بقدر حاجته وبس

[الصقار المغرب]

خل العالم تنبسط وتتعلم وعلى فكره صقاقير اول هم السبب في قل حبارى بهالزمن هم صادو وذبحو بطريقه همجيه وحمله الامراء تشوفهم بالمئات صيدهم ؟؟؟ وتجي تلوم هلجيل تقول حمام ما حمام ... بعدين صقاقير جيل هل الوقت ابتكرو شي بدري على صقاقير اول ودهلو الطير الفاشل حتى نجح بطرق جديد سريعه وذكيه ممع احترامي الشديد لكلامك انا اشوف الصقاره في تطور افضل من اول حتى لو ما فيه صيد واتمنى انه يكون فيه ثقافه لدى كل صياد عدم الصيد الجائر

كلام صحيح....

و لا ناس و لا منضماة تدري صعوبة المحافضه علا ثراتنا... زمان سعيب علاينا و البيازه الأولين ما عاشو ضروف اليوم !

[ابو شهاب 11]

بيض الله وجيهكم انا لقيت عند واحد طير والله يرجال ينقلونة تقل حمامة بيدينهم لاسبق به وريشته ع وشك التكسر وله شهرين لا دعاه ولا شي حاطه منضر بالدوانية وطبر بكر ولابه امراض نقول مايطير انقهرت بصراحة عليه المهم شريت الطير منه بالمبلغ الي يبيه وسنعت الطير وحطيته بالمربط بعض الناس يبونه كشخة مايدرون الطير يبله صبر ويبله صقار يجيد التعامل معة .. والشكر لكم

[قلب ذيب]

نقلة الطير هوايه , ولكل زمان صقاقيره , الاولين هم القدوه في نقلة الطير والمقناص ومازالت سلومهم وطبايعهم وتجاربهم هي الماثله امامنا نتعلم منها , اماالغرب فما يعرفون سلوم الكرم والخوه والنخوه
ولايذبحون الكبش السمين للضيف , ولا يقفون الماقف الطيب مع الخوي ولا يقدرون الجيره , همه الاول الربح وتسويق سلعتهم , صحيح لديهم المقدره على العمل وتحقيق الارباح لكن يفتقدون ( مكارم الاخلاق ) التي امرنا بها رسولنا الكريم , يفتقدون صفات الكرم ووصل الرحم واحترام الخوي .
.. اما فيما يتعلق بانعدام الصيد فيسأل عنه الشيوخ والامراء وبنادقهم التي يحصدون بها الصيد في الماضي !؟
اما صقاقير الماضي من اجدادنا فصيدهم على قدهم يعشون الفريق ويفرحون الاطفال والشيبان العجزه بالصيده ولايسرفون , ولم يكن لهم دور في انقراض الصيد كما يعلم العارفون . والله نسال التوفيق .