المساعد الشخصي الرقمي

مشاهدة النسخة كاملة : مشكلة الفتك 2009


رس رس
31/03/2013, 12:22 AM
السلام عليكم

ياشباب
عندي فتك جته حاله غريبه

اذا ضربة مطب او لفيت ع سرعه

واحياناً بدون اي شي

تولع لمة المكينه فقط

وبعدها مايقبل الدعسه

اطفيه واشغله يصير تمام امشي عادي

القير اتماتيك
الدعسه كهرب

الفيدوني بالحلول والتوقعات

الله يجزاكم خير
ابو يدية
31/03/2013, 01:09 AM
تعال برابطه ملاك الفتك ويفيدونك
وحصلت معي المشكله
بس الحين طافي ابنام وتلقى بالردود مشكلتي وحلها
ls1.5700
31/03/2013, 02:45 AM
صارت معي هالحاله وجابت لي المرض
وكل الفتوك تقريبن فيها المشكله
انا بقول لك شي جربته
غيرت كمبيوتر + برمجه ولا نفع تجيه الحاله لازم اطفي الموتر وشغله ويضبط
المهم معاناة مع الفتك
الثروتل مع حساسه غيرته ونفس المشكله
غيرت حساس الهوى اللي بالخرطوش ونفس الحكايه
اخر شي انا بنفسي حصلت المشكله
اللي هي اللتماس في الظفيره قريب من فنش الحساس الراكب بالثروتل اللي هو حساس الدعسه
فيه اسلاك متلامسه في مابينهم وفرتهم ولفيت عليهم شطرطون هندي ممتاز قوي ويتحمل الحراره
المهم المشكله بختصار يـ الفنش الراكب بحساس الدعسه راخي
ولا هو ماسك مضبوط فيه فضاوه ومع المطبات يرقل ويسبب المشكله
او عندك اللتماس بالقرب من الفنش اللي ذكرته لك
وشيك على فنش حساس الهوى وتاكد من الفنش الراكب فيه وشوف فيه فضاوه او لا
وتاكد من الاسلاك الركبه بالفنش
اذا كل اللي ذكرته لك مضبوطه ولا فيها شي
افتح الكبوت وناظر يسار على الكبوت اللي من جهة السايق بتحصل علبه سودا فيها
خمس كتاوتات
فيهم ثلاث زرق شف ثالث كتاوت من جهة السايق فكه وبدله بواحد من اللي مثله
بالون الازرق فقط الاسود والبني لاتقرب عليهم يخص القير
اي خدمه انا حاضر
في أمان الله
فتك480002
31/03/2013, 03:25 AM
ادام مع الفع سلك مرتخي او عندك التماس
فتك الجنوب
31/03/2013, 08:01 AM
شيك على الكتوت حق البواجي والبواجي لانه صارت معي وطلع الفيش الذي راكب في كتاوت البواجي مرتخي واكتشفته بعد معانه لاني فحصت كمبيوتر قالولي كراسي مكينه وبواجي وحساس هواء
رس رس
31/03/2013, 12:37 PM
الله يعطيكم العافيه

راح اخذ برايكم

وبغير الكتاوت اللي بالرفرف الايسر

وراح اعلمكم بالاخبار

ومشكورين والله يجزاكم خير
رس رس
31/03/2013, 09:26 PM
غيرت الكتاوت الازرق

والحمدلله ان شاءالله انه سلك

ولكن ابي احد يفيدني

وشوله هالكتاوتات ووش دورهن

وهل بالامكان تركيب كامل الكتاوتات الا سود والصغير
ls1.5700
01/04/2013, 03:18 AM
هلا بخونا رس رس حياك الله
الحمدلله انها انتهت المشكله
الكتاوت اللي انت غيرته طبعاً ثالث واحد من جهت السواق هذا يخص حساس الدعسه
اللي راكب بالثروتل بدي وهو المسؤل عن تنظيم الهوى والوقود
ويسمونه العلوج على قولت اخونا اصيل حجازي
Throttle position sensor (http://www.google.com.sa/url?q=http://www.youtube.com/channel/HCPdvqomnBeHI&sa=U&ei=t9BYUa_kMrKL4gSf-YGAAw&ved=0CB8QFjAB&usg=AFQjCNEk2xHnOVdHCcLjnx4g9vrD7TbWJg)
ويختصرونه بـ tps

اما بقيت الكتاوتات الاخيرات الاسود والبني يخصن القير التبترونك
والاثنين الزرق اعتقد واحد منهم للمبات الريوس والثاني مادري عنه
في أمان الله
رس رس
01/04/2013, 07:43 AM
الله يعطيك العافيه

وينور قلبك بالايمان يالغالي

واشكرك على تجاوبك

دمت بود
ذيب الظلمه
01/04/2013, 09:24 AM
المشكله صارت معي

المهم طلعت اسلاك الدعسه
واذا انت في الرياض
اوصفلك تروح عنده ممتاز جدا