تحذير للاعضاء في لمنتدي

[ابوضيف الله]

السلام عليكم اخواني الاعزاء اليوم اه ياالقهر
حسبي الله ونعم الوكيل العزبة انسرقت كاملة و رواقين وخيمة البيرق والكنود والقارمن والطبق والمسجل والدربيل الله لايحله ماخلا لي اللي سرق الا تانكي الماء لانه مثبت بالسيارة
يعني ببدا من جديد بالعزبة الله يعين
انتبهوا لا توقفون سياراتكم في الشارع للي عنده حوش ببيته المسأله كلها ماتعدت ساعه بالضبط وقفت السيارة عند الباب طلعت وتفاجات
المشكلة مهي بالعزبة الحمد لله على كل حال الله يعوضنا خير بأذن الله المشكلة في تجميع العزبة من جديد المشكلة اني مجمعها من كل محل ماخذ شي

[عاشق دياري]

وعليكم السلام ..

الله يعوضك خير وازين منها ..

الحقيقه كثرت السرقات بشكل مروع ..
بسبب الفقر والعطاله والمخدرات ..
والله يصلح الحال ..

[ابونواف سعد]

الله يعوضك خير
لازم الحذر في اي وقت وفي اي مكان

[AboBilal]

يادافع البلا حتى الطببق !


الله يارب تجلعه عليه نكد وهم وغم على قلبه

[عاشق القصيد]

الله يعوض عليك وانا اخوك
انا والله اخاف اخلي اغراضي في السياره
إن خليت كسرتين حطب مع فرشه ومركتين
والباقي الله يعين ننزلهن في الدار
حتى ماطور الهواء اخاف يوخذ

[الزامل الاول]

معوض خير ولعل بالأمر خيره لك بإذن الله ماراح ابرك تلقاه قدام بحول الله

والحذر واجب

[أميرالمحبين]

الله يعوضك خير
لكن انت سبب كبير في السرقه اغراضك المهمه لاتخليها بالسياره
ولو شريت اغراضك من جديد لاتتركها ولا بتلحق خويتها
وزين الي جات على كذا ماشغل السياره وسرقها باغراضها

[aglanco]

الله يخلف عليك ويعوضك خير كويس ماسرق السيارة كاملة
يعني انسرقت كييييف؟
اذا السيارة مفتوحة ومغرية للسارق
الخطأ خطأك
شكرا لك على التنبيه وكل شيء جايز

[تزبطي]

الله يعوضك خير

بكرا تلقاه يبيعها بخيمة العدد والادوات

[وقاص]

يا الله الخيرة .. الله يخلف عليك ويعوضك خيرا منها

السرقة هالأيام منتشرة بشكل كبير للأسف ، سيارات وبيوت واستراحات ، عسى الله يهديهم ويكفينا شرهم

[النجم السراي]

الله يعوضك خييييير

[سوبر152]

الله يخلف عليك ويعوضك خيرا منها

[قمر القصب]

هذا مايريده اعداء الاسلام من انشاء منظمات مثل حقوق الانسان التي اضاعت تطبيق حدود الله

لما كانت الحدود مطبقه كانت بلادنا آمن بلد في العالم
اما اليوم ! الله المستعان

[دايم الخير]

الله يعوضك خير منها ، اعانك الله على التجهيز من جديد

[بوجريس F-150]

الله يعوضك بأحسن منها والحمد الله العزبة ولا الموتر

[ابوضيف الله]

الله يجزاكم خير والله كريم مايضيع شي عنده
والحمد لله انها جت على العزبة مااخذ السيارة
بس اللي استغربة واتعجب منه كل اللي صار في وقت صلاة العصر كيف يسرق والناس قاعدة تصلي
وبعز النهار يعني مايفكر انه ممكن ملك الموت يقبض روحة وهو يسرق ووقت صلاه ولاهو يمها
شين وقوي عين لاصلاه وفوق كذا سرقة
الحمد لله الذي عافنا مما ابتلاهم به الله يهديهم لانفسهم ويصلح حالهم ويحله ويبيحه من ناحيتي كانه محتاج لفقر فعلاً فقير انا محلله اما اذا كانت لدشره وامور تسود الوجه الله يبلاه بنفسه

[بدوي502]

الله يجيرك ويعوضك

[عملاق سبيع]

الله يعوض عليك
وحسبي الله على اللي سرقها

[ابو طاهر]

الله يعوضك احسن منها
وان بغيت اي شيء لا يردك إلى لسانك
حنا في الخدمة

وشكراً علة التنبية...

[هواوي الدوسري]

الله يعوضك خير

[ذائع الصيت9]

الله يعوضك خير وازين منها ..

[اتجاه السحاب]

الله يعوضك ويخلف عليك اللي فقدته بأحسن منة..

[سوبربنلي90]

جعل يديه الشلل وانت ياخوي غلطان تخلي اغرضك بالسياره رجعت لديره نزل اغراضك استغرب من الي يخلي اغراضه بالسياره وماينزله ابد

[كتاب]

الله يعوض عليك
السرقات زادت وأنا اخوك والحذر واجب
إذا كانت السيارة مكشوفة والأغراض واضحة فهي تغري ضعاف النفوس بالسرقة لذلك يجب إعادتها في البيت أو على الأقل لا تكون واضحة أنها بالسيارة .

والله أحيانا أفتش السيارة لا يتركون العيال فيها شي ولو شنطة صغيرة خوفا من أن بشوفها أحد ويكسر نافذة السيارة بقصد السرقة والشنطة ما تسوى ولا فيها شي لكن الخسارة تكون في تصليح السيارة

فالحذر واجب
والله يعوض عليك

[tabtab055]

حسبنا الله ونعم الوكيل الله يجعلها عليه نار تلظى ولا يهنيه ........
اخوي احنا اخوانك حاضرين باللي تبي يالغالي لا تأخذ هم معوض خير ان شاء الله

[سـهم الجزيرة]

لا حول ولا قوة إلا بالله
الله يعوض عليك اخير من الي راح

لا نزلت من السيارة ومشيت او طلعت من البيت او تركت خلفك اي شي غالي عليك... قول استودعتك الله او استودع (غرضي كذا وكذا) عند الله التي لا تضيع ودائعه سبحانه. و الحذر واجب.. وبتلقى خير ان شاء الله

[س.س.التميمي]

يا الله الخيرة .. الله يخلف عليك ويعوضك خيرا منها

[خالد5566]

الحمد لله انك سالم ولا بك شي
والعزبة بدالة عزبة واذا محتاج شي ابشر وحنا اخوانك
واللي تبي حاضرين والساعه المباركه
مثل مقال ا خوي
والساعه المباركه
ابشر ونا اخوك
ونا ثاني واحد
اعطيكياه العزبة من ا
الألف الى الياء
تضيقبك وحنا عندك
وشكرااا:good2:

[الهاص]

معوض خير إن شاء الله
واللي أزين منها يكون عندك سيارة مصندقة بقفل

[بدران الدوسري]

الله يعوضك خير أن شاء الله

وتساهيل أهم شي سلامت النفس والأهل والباقي فلوس تروح وتجي

بالنسبة للأخوان ألي يقولون وراك تخليها في السيارة ... ياجماعة أغراض أخونا واجد فصعب كل ماجاء يروح ويجي حمل ولا تحمل خاصه أذا صارت روحاته واجد

[عاشق الاتحاد]

الحمد لله انك سالم ولا بك شي
والعزبة بدالة عزبة واذا محتاج شي ابشر وحنا اخوانك
واللي تبي حاضرين والساعه المباركه



وانا اضم صوتي لصوت الاخ الفاضل
ببو عبدالعزيز
وتري عذبتي تحت يدك
وما يردك الى لسانك

[ابو فارس12]

الله يخلف عليك

ولاياخذك الهم ترى السارق مايروح بعيد لابد له من مصيبة تبلاه

[ابوضيف الله]

ماقصرتوا ياالربع ومالحقني بكم شك بيض الله وجيهكم دنيا واخرة
انا الهدف مجرد تنبيه للاخوان

[مكتشف الهوات]

تضليل السيارة مهم حتى لا يرى ما بداخلها ولا تنس قول استودعك الله سيارتي بيتي اهلي

[رسيس نجد]

حسبنا الله عليه نعم الوكيل 0
الله يعوضك0 وينتقم لك منه 0

[ابوطلال1418]

شر وأنصرف عنك والله والواحد مايدري وين مكتوب له الخير نندم على اشياء قدتكون سبب تعاستنا ونهمل اشياءهي سبب سعادتنا الحقيقه

[سليمان1111]

الله يعوضك خير
لازم الحذر في اي وقت وفي اي مكان

[MماونشيM]

الله يخلف عليك والله انها فجعه
وعليك بتظليل

أخوي عندي لك قدر سب ألمنيوم وبريق شاهي ياباني وفواحه ودله وعلب قهوه وهيل وتركابه وشنطه ثلاث تخير وحده وفيه كم غرض