تفتفة اكسبلور في اول التعشيق

[ابوسااامر]

السلام عليكم ورحمة الله وبركاتة

عندي استفسار بخصوص اكسبلور 2007 عندي مشكلة لما اعشق السيارة بالريوس rوارفع رجلي من الفرامل على خفيف وارجع ببطء اجد السيارة فيها زي التفتفة خفيفة ونفس الوضع لما اعشق الدي d وارفع رجلي خفيف من الفرامل احس التفتفة ذي بس مجردامشي مافية اي شي علما انا مغير ثروتل بدي قبل شهرين جديد من الوكالة ومغير بواجي الكويلات المهندس يقول مافيها شي جديدة ماتحتاج تغير ايش المفترض اسوي سمعت عن البرمجة لكن ماعرف كيف تكون فمن عنده خلفية عن الموضوع لايبخل علينا جزاكم الله خير

[ابوسااامر]

السلام عليكم ورحمة الله

ياجماعه الخير انا الحين وصلت من الدوام لقيت الامبير حق الضغط ماينزل تحت الواحد بعد ماوقفت السيارة تحس ان الصوت باقي مرتفع كاني داعس بنزين هل له علاقة بالمشكلة السابقة حقت التفتفه والله اني محتار مدري وش اسوي


اخوكم ابو سااامر

هذا صورة الامبير وانا واقف صار لي خمس دقايق تقريبا حتى لما شغلت اليوم لقيت الامبير يطلع وينزل كان فيه تفتفه بس مع المشي ماتلاحظ شي

http://www.mekshat.com/pix/upload05/images252/mk264453_2013-04-01 13.35.28 (640x480).jpg (http://www.mekshat.com/pix/upload05/images252/mk264453_2013-04-01%2013.35.28%20(640x480).jpg)

[hytham]

بالنسبه للتفتفه انا احس انه سببها الكراسي
خلك واقف بالسياره وادعس بنزين مو كثير يعني الى ان تصل 2 او 2 ونص وارفع رجلك بتحس وهو ينزل الامبير بتحس برعشه في المكينه
عندي موجوده وفي سياره رحيمي 2008 موجوده بس ما اتوقع انها خراب والله العالم الكراسي ضعيفه

تعليق الامبير هذا معناته كلتش المروحه شابك معاك انا يطلع عندي الامبير نفس عندك بالضبط لما يكون كلتش المروحه شابك تحس انه دوران المكينه اعلى وفي صوت المروحه عالي
جرب دوس له وهو واقف حتحس بالمروحه انها شغاله وحتشعر بأن السياره زي اللي فيها ثقل بس اول ما تمشي المفروض انه يرجع لحالته الطبيعيه والمروحه تفصل

شيك في طريقك مويه اللديتر

[ابوسااامر]

اسال الله ان يوفقك دنيا واخرة
نفس الكلام اللي قلته صحيح كانك تشوف السيارة ماشاء الله عليك الرديتر مليان وتمام بس وش حل الصوت العالي ذا احيانا مع المشي تسمع صوته تقول انه صوت صالون 8 سلندر شوي ويختفي الصوت وياخذ له ربع ساعة ويرجع خاصة في المدينة والزحمة بس على خط ماتشوف شي عادي جدا
طيب ايش العمل مع المروحة هل اغيرها ولا اتركها كذا والله يوفقك ويجيزيك خير

[hytham]

لا لاتغيرها ابداً المروحه كده شغاله طبيعي جداً
في ناس ركبو مروحه اضافيه ويقال ان مروحه الشركه الاضافيه لها مكان ولها فيش تركب علي الامريكي بس انا ما ركبت شي ( يعني تشتري المروحه الاضافيه اللي تجي مواصفات قياسيه في الاكسبلورر السعودي )
لاحظ في الاكسبلورر والماونتنير السعودي في مروحه صغيره خلف الشبك مباشره يقال انها بمجرد تركيبها بيختلف معاك حكايه زياده الحنه وبروده المكيف تزيد ولا اعلم صراحه عن صحه هذي المعلومه

[ابوسااامر]

جزاك الله خير اخوي هيثم hytham


ياخوي اخاف اكدة تطلع لي شغلة ثانية وتعرف الحر الحين في زيادة اليوم درجة الحراره عندنا في منطقة جازان 35 درجة والله المكيف احسة ينفخ هواء ويالله يالله يبرد كيف اذا تكلمنا عن 48 او اكثر كيف بيكون حال السيارة
على كل حال بجرب اركب المروحة الثانية بس العجيب ان فية مع زملائي في العمل نفس سيارتي موديل 2007 و2006 استخدام ياخوي سالكة معهم زي الحلاوة ومع اني موتري انظف من اللي معاهم بدي وداخلية ومحركات وحتى المشي اقل بكثير اللي معاي زي الوكالة كل يومين ثلاثة يطلع فية شي (قال لي احدهم لا تهتم للسيارة ابد وشوف كيف تسلك معاك ) بس انا صاحب عايلة واسافر نهاية الاسبوع لابها عند شيباني هناك واخاف يتعطل بي في الطريق
هذا النقطة الي مخوفتني بس وبنتوكل على الله

[hytham]

اطال الله في عمر وآلديك وابرك فيهما
شوف اخوي ابو سامر الاكسبلورر سياره كرف من واقع تجربه كان عند رحيمي 2002 امريكي 8 سلندر ما شاء الله خدم 5 سنين بدون مشاكل ابداً بشرط المحافظه على الصيانه الدوريه من زيوت وفلاتر وغيره وركز على زيت الجير كل 32 الف او 40 الف بالكثير, باعه رحيمي واخذ بليزر ما كمل في البليزر سنه ورجع اخذ اكسبلورر 2008 امريكي 8 سلندر وما شاء الله معاه زي العسل وانا معاي واحد من قبل سنتين وابد ما فيه الا العافيه الحمد لله اخذته ماشي تقريباً 100 الف كيلو والحين وصل 179 في اقل من سنتين والحمد لله ماشي زي الحلاوه ما شاء الله
ثاني شي الاكسبلورر يعتبر من السيارات الحساسه يعني حق كرف لكن بحرص يعني شغل وامشي بس مو حق مقاومات وسباقات وكده حتى في الطعوس الدبل فيه شي ثاني ( جبار ) لكن الجير يسخن فيه سريع يعني تلعب فيه شوي وتوقفه تريحه وتخليه يبرد وترجع ثاني ويعيبه صدامه نازل ما يساعد كثير في الطعوس العاليه

السياره من واقع اكثر من تجربه ما شاء الله خدومه بجميع المقاييس وهذا رأي شخصي بس في ناس في الرابطه واجهتهم مشاكل في الاكسبلورر ما اعرف هل هي مسأله حظ او انه ما اختار الشيء الصحيح وقت الشراء او انها اراده ربنا بس اهم شي الصيانه الدوريه ولو كنت لفيت في الرابطه وشوفت كل من حافظ على الصيانه يمدح في السياره وكل من ذم في السياره ما تلاقيه يتطرق لموضوع المحافظه على الصيانه

اكشف على غاز الفريون اذا كنت تشتكي من بروده المكيف ومن عيوب الاكسبلورر انه ثلاجه المكيف بدون فلتر يعني في حال الثلاجه توسخت من الغبار او الدخان مالك حل الا فك الطبلون حتى تنظفها

خذ هذا الرابط لعل وعسى ان يفيدك :
http://mekshat.com/vb/showthread.php?t=509476

[ابوسااامر]

اخوي hytham

جزاك الله خير وبارك فيك شرحك وافي الله يجمل حالك لاهنت يالغالي ابحاول اركب المراوح بس يارب القى شخص فنان في الجنوب يقدر يركبهاويتشتغلها صح

لك تحياتي
اخوك ابو سااامر

[العسيري 2007]

يا شباب ملاحظه بالنسبه للحنه كانه صوت في اكس ار
هذي الله العالم انه بلف الحراره اذا ما غرته غيره ويروح معك الصوت ان شاء الله