يحتري قناص قنصه بالصباح ................ حله ( عطري ) .. الحل ( كأس الورق أبو مسكات )

[ابو ماجد 2]

بسم الله الرحمن الرحيم

السلام عليكم ورحمة الله وبركاته

لغيز لقناص الصباح والرمع للجميع



لغزنا مهما تموّه بالوشاح= ماعتقد تمويه لغزي ينطلي
يحتري قناص قنصه بالصباح=لارمى بالصبح وافق مقتلي
من هو اللي لانفرّد فيه الجناح=شوف عيني من بعدها يعتلي
مابجوفه صار حق حيٍ متاح=فمه ابفمه امامي ينجلي
فمه ابفمه ولا تسمع صياح=وجنس هذا غير هذا ياعلي


مع تحيات ابو ماجد


منتديات مكشات . خيمة الالغاز

[ناصر العلي]

وعليكم السلام ورحمة الله وبركاته
سلمت يالغالي
وصح لسانك
وغالي ومسند على غالي
مايصير
طائر الزقزاق الذي يأكل بقايا الطعام العالقة بين أسنان التمساح

[ابو ماجد 2]

وعليكم السلام ورحمة الله وبركاته
سلمت يالغالي
وصح لسانك
وغالي ومسند على غالي
مايصير
طائر الزقزاق الذي يأكل اللحم الناشب بين أسنان التمساح


هلا بدكتورنا
صبحك الله بالخير يالغالي
صح بدنك وسلمت من الشر
طائر الزقزاق مالك لوى واعتقد يسمى ايضا طائر التمساح
لما قريت الزقزاق تذكرت ايام الطلعه ايام البرازق بس عاد ليت الهيل يقراه من شان يعرف ان الذاكره تفوقه بمراحل
هههههههههههههه
انتظر مرماعك القادم

[صقر السديرات]

صح لسانك ابو ماجد
ابيض وجه يا طويل العمر
جهد يذكر فيشكر
الظاهر قال به الرجال
دمت بخير

[ابو ماجد 2]

صح لسانك ابو ماجد
ابيض وجه يا طويل العمر
جهد يذكر فيشكر
الظاهر قال به الرجال
دمت بخير

صح بدنك
وصبحك الله بالخير يابو فيصل
المجهود مع شرواكم يطيب وما نقدمه يبقى قاصر امام ماقدمه لنا هالمنتدى من معرفة الوجيه الطيبه
مالك وماله لوى
ولاحظ ان من يفرد الجناح هو من يعطي مما في جوفه للحي
وابو علي اتى بها معكوسه

[ناصر العلي]

طيب يالغالي
ويش قولك بـ
الطائر المغرد اللي يطعم فرخ طائر الوقواق
ومعروف أن طائر الوقواق يضع بيضه فى أي عش

[ابو ماجد 2]

طيب يالغالي
ويش قولك بـ
الطائر المغرد اللي يطعم فرخ طائر الوقواق
ومعروف أن طائر الوقواق يضع بيضه فى أي عش



طاب فالك يالغالي
وانت اليوم ماسكه على الطيور اللي فيهن تكرار حرف القاف
ههههههه
انتظر مرماعك القادم

[عطري]

و عليكم السلام و رحمة الله و بركاته
صح لسانك أبا ماجد ، و لغز رائع تشكر عليه.
زادك الله من فضله.
جاري التفكير،،،

[ذيب الفقارة]

وعليكم السلام ورحمة الله وبركاته

صباح الخير

الحقيقة جيت متحمس وقلت هذا هو الطائر اللئيم الوقواق

لكن سبقت على ذلك وصار مالي لوى مقدما

تحياتي

[ذيب الفقارة]

نعاود الرمع في محاولة للتعويض

يمكن :

الأم أحيانا تصفر لطفلها عندما تطعمه طبعا مالي لوى لأن المطلوب الأجناس مختلفة

[عطري]

سبحان الله ، جاز لي هالمقطع :


http://www.youtube.com/watch?v=PqFy1dZiocQ

[ابو ماجد 2]

و عليكم السلام و رحمة الله و بركاته
صح لسانك أبا ماجد ، و لغز رائع تشكر عليه.
زادك الله من فضله.
جاري التفكير،،،


هلا بقناص الصباح
صح بدنك يالغالي
والرائع تواجدك
انتظر مرماعك

[ابو ماجد 2]

وعليكم السلام ورحمة الله وبركاته

صباح الخير

الحقيقة جيت متحمس وقلت هذا هو الطائر اللئيم الوقواق

لكن سبقت على ذلك وصار مالي لوى مقدما

تحياتي


هلا بك يابو عدنان
صح بدنك يالغالي
واسعد الله جميع اوقاتك
الطائر الوقواق تسمع للفراخ اصوات وما اعنيه قلت لاتسمع صياح
ولا تنس ايضا الجنس غير الجنس والوقواق مع ابناء جنسه اي مع الطيور الاخرى

[ابو ماجد 2]

نعاود الرمع في محاولة للتعويض

يمكن :

الأم أحيانا تصفر لطفلها عندما تطعمه طبعا مالي لوى لأن المطلوب الأجناس مختلفة


هلا بك يالغالي
وبالفعل كلامك صحيح الاجناس مختلفه

[ابو ماجد 2]

سبحان الله ، جاز لي هالمقطع :


http://www.youtube.com/watch?v=PqFy1dZiocQ

سبحان الله العظيم
فعلا مشهد غريب
ولكن هنا الاسماك هي من تصعد لتملأ بطنها

[أبو ذيب 77]

وعليكم السلام ورحمة الله وبركاته
صح لسانك يابو ماجد

وش تقول في قصة الغراب والثعلب

[صقر السديرات]

صح لسانك مجددا
يمكن ذا
http://www.youtube.com/watch?v=QSC-YJerIRQ&feature=youtube_gdata_player
دمت بخير

[ذيب الفقارة]

طيب

ما تصير الرضاعة والطفل

[ناصر العلي]

طيب يالغالي
مايصير
قناع الأكسجين بالطائرة
يهبط تلقائياً للركاب عند الضرورة
http://www.alrakoba.net//contents/myuppic/4cedc7d66411b.jpg

[رحال و مسافر]

وعليكم السلام ورحمة الله وبركاته
صح لسانك يابوماجد ومساك الله بالخير
جاري التفكير فيه

[راعي العجراء]

صح السانك يابوماجد والله يصبحك بالخير
يحتري قناص قنصه بالصباح
لارمى بالصبح وافق مقتلي
هاللغز يبي واحد متقاعد ماعنده شغل اصبر علي باقي 9 سنوات على التقاعد
على العموم صح السانك
رمعه
ماهو الطيرالكسول اللي يجدع صغار طير اخر من العش ويقعد مكان الفراخ واذا جت الام تطعمه بالرغم هو اكبر منها حجم
بس هالضعيفه تدربي الدميجه تعرف العش ولا تعرف افراخها
وهوقاعد بعش خدمه خمس نجوم

[القناص سالم]

صح لسانك ابوماجد


وشرايك بالمتعجرف الطاااااوس

[ابو ماجد 2]

وعليكم السلام ورحمة الله وبركاته
صح لسانك يابو ماجد

وش تقول في قصة الغراب والثعلب

هلا بك يابو ذيب
صح بدنك
مالك لوى يالغالي

[ابو ماجد 2]

صح لسانك مجددا
يمكن ذا
http://www.youtube.com/watch?v=QSC-YJerIRQ&feature=youtube_gdata_player
دمت بخير

صح بدنك يابو فيصل
مالك لوى يالغالي

[ابو ماجد 2]

طيب

ما تصير الرضاعة والطفل



هلا بك يابو عدنان

مالك لوى يالغالي

[ابو ماجد 2]

طيب يالغالي
مايصير
قناع الأكسجين بالطائرة
يهبط تلقائياً للركاب عند الضرورة
http://www.alrakoba.net//contents/myuppic/4cedc7d66411b.jpg



هلا بك يابو علي

مالك لوى يالغالي

[ابو ماجد 2]

وعليكم السلام ورحمة الله وبركاته
صح لسانك يابوماجد ومساك الله بالخير
جاري التفكير فيه


هلا بقناص الليل
صح بدنك واسعد الله مساك
شرفتنا وانتظر مرماعك

[ابو ماجد 2]

صح السانك يابوماجد والله يصبحك بالخير
يحتري قناص قنصه بالصباح
لارمى بالصبح وافق مقتلي
هاللغز يبي واحد متقاعد ماعنده شغل اصبر علي باقي 9 سنوات على التقاعد
على العموم صح السانك
رمعه
ماهو الطيرالكسول اللي يجدع صغار طير اخر من العش ويقعد مكان الفراخ واذا جت الام تطعمه بالرغم هو اكبر منها حجم
بس هالضعيفه تدربي الدميجه تعرف العش ولا تعرف افراخها
وهوقاعد بعش خدمه خمس نجوم



هلا بك
قناص الصباح اعني به عطري يالغالي
متقاعد ماله شغل
ماتخلي الهمز واللمز يالاقشر
ههههههههههههههه
لو اعطيك برنامجي من بعد صلاة الفجر لغاية بعد الظهر يمكن اني منشغل اكثر منك
الطير الكسول مالك لوى

[ابو ماجد 2]

صح لسانك ابوماجد


وشرايك بالمتعجرف الطاااااوس

صح بدنك يالغالي
شرفتنا والرمعه مالك لوى
انتظر مرماعك القادم

[عابر الموج]

شكرا لك على اللغز وش رايك بالهدهد ثبت علميا بانه يطعم الفراخ التي ليست له تقبل تحياتي

[ابو ماجد 2]

شكرا لك على اللغز وش رايك بالهدهد ثبت علميا بانه يطعم الفراخ التي ليست له تقبل تحياتي


هلا بالغالي
مالك لوى
والهدهد تبقى الفراخ التي يطعمها من جنسه طيور

[محمد الظاهري]

حي الله ابو ماجد
صح لسانك ياغالي
وماشالله عليك ابدعاتك رائعه
والله يعطيك الصحه والعافيه
ووش رايك في الهدهد
على مايقولن الاولين ابو منقارين
واحد قدام والثاني فوق راسه
تحيااتي وودي
محبك

[ابو ماجد 2]

حي الله ابو ماجد
صح لسانك ياغالي
وماشالله عليك ابدعاتك رائعه
والله يعطيك الصحه والعافيه
ووش رايك في الهدهد
على مايقولن الاولين ابو منقارين
واحد قدام والثاني فوق راسه
تحيااتي وودي
محبك



هلا بالغالي
لك غيبه عن الالغاز
مشتاقين مشتاقين
شرفتنا وصح بدنك
والرمعه مالك لوى
تحيتي لك وتقديري

[ابو اسامه 2]

وعليكم السلام ورحمة الله وبركاته

صح لسانك يا الغالي

وبيض الله وجهك

رمعه طرت باتجاه اخر

وش رايك في

مضخة البنزين والامبير

يعتلي امبير البنزين
ويصبح البنزين بعد التعبئه
ملك لصاحب المركبه ( الحي )


تحياتي لك

[ابو ماجد 2]

وعليكم السلام ورحمة الله وبركاته

صح لسانك يا الغالي

وبيض الله وجهك

رمعه طرت باتجاه اخر

وش رايك في

مضخة البنزين والامبير

يعتلي امبير البنزين ويصبح البنزين ملك لصاحب المركبه ( الحي )بعد التعبئه


تحياتي لك


هلا بالغالي
هلابك يابو اسامه
هلا بجابر عثرات الشيبان
شرفتنا وصح بدنك
ووجهك ابيض اليوم وكل يوم
لايزال طليق يالغالي
وقولي فرد الجناح وانتم ابخص لايعني هذا جناح واحد
كقولنا حرك رجله كنايه عن المشي ولا يعني هذا انه حرك رجل واحده فقط

[ناصر العلي]

نعاود المحاولة يالغالي
مايصير
كوز الذرة وفم الإنسان

[ابو ماجد 2]

نعاود المحاولة يالغالي
مايصير
كوز الذرة وفم الإنسان



رمعه حلوووووووه ولكن لايزال طليق

[ناصر العلي]

طيب يالغالي
مايصير
الكافور
طلع النخلة

[راعي العجراء]

طيب يابوماجد
ماهو الطير اللي يغرس منقاره بالزهر والورد واعتقد اسمه الطير الطنان
مثل نفار الخشب بطير وهو في محله

[ابو اسامه 2]

طيب يا الغالي


طرا على بالي الطائرة اللي شرب من فم شخص من شدة العطش

http://elbecha.com/files/thumbs/6.1309876442-1.jpg (http://www.google.com.sa/url?sa=i&rct=j&q=%D8%B7%D8%A7%D8%A6%D8%B1%20%D9%8A%D8%B4%D8%B1%D8 %A8%20%D9%85%D9%86%20%D9%81%D9%85&source=images&cd=&cad=rja&docid=yZ8jluvloQeh6M&tbnid=3R7BhKvfCIm-zM:&ved=0CAUQjRw&url=http%3A%2F%2Felbecha.com%2Fvideos%2Fwatch%2FOY 6366KAA1HX&ei=nf5ZUaKCOsrZtQb-1IGoAg&psig=AFQjCNEavK75uMB4k9XSDwD-tyeWHhqluw&ust=1364938775742775)


http://i4.ytimg.com/vi/CmLbyGYV6ME/mqdefault.jpg

[القناص سالم]

وشرايك

بطائر البلشون

http://www.youtube.com/watch?v=rXy2WyGtW8E

[النبهاني]

وعليكم السلام ورحمة الله وبركاته
صسح لسانك يازعيم
والله يصبحك بالخير
محاوله
الداب العما والطير
او
نبات آكل الحشرات

[ابو ماجد 2]

طيب يالغالي
مايصير
الكافور
طلع النخلة



صباح الخير
مالك لوى يالغالي

[ابو ماجد 2]

طيب يابوماجد
ماهو الطير اللي يغرس منقاره بالزهر والورد واعتقد اسمه الطير الطنان
مثل نفار الخشب بطير وهو في محله


هلا بولد اخو منيفه
اعان الله طريدي على عمتك
مالك لوى يالغالي

[ابو ماجد 2]

طيب يا الغالي


طرا على بالي الطائرة اللي شرب من فم شخص من شدة العطش

http://elbecha.com/files/thumbs/6.1309876442-1.jpg (http://www.google.com.sa/url?sa=i&rct=j&q=%D8%B7%D8%A7%D8%A6%D8%B1%20%D9%8A%D8%B4%D8%B1%D8 %A8%20%D9%85%D9%86%20%D9%81%D9%85&source=images&cd=&cad=rja&docid=yZ8jluvloQeh6M&tbnid=3R7BhKvfCIm-zM:&ved=0CAUQjRw&url=http%3A%2F%2Felbecha.com%2Fvideos%2Fwatch%2FOY 6366KAA1HX&ei=nf5ZUaKCOsrZtQb-1IGoAg&psig=AFQjCNEavK75uMB4k9XSDwD-tyeWHhqluw&ust=1364938775742775)


http://i4.ytimg.com/vi/CmLbyGYV6ME/mqdefault.jpg


هلا بجابر عثرات الشيبان
مالك لوى يالغالي

[عطري]

صبحك الله بالخير أبا ماجد


جزاك الله خيراً على هاللغز الكايف الرايق اللي أخذ له أربع و عشرين
ساعة
عموماً ، أغير الوجهة ، احتمال يكون مثل لغز الخيمة.
الحب (الفصفص) أو الفستق.
طرا لي الموز كذلك ؟؟؟
عذراً على الرمع جملة.

[أبو ذيب 77]

صباح الخير

وش تقول يالغالي في
الطائر الي يحمل قطعة خبز ثم يرميها في الماء ليطعم السمك وهو لايريد الا ان تجتمع فيفترسها.

[ابو ماجد 2]

صباح الخير

وش تقول يالغالي في
الطائر الي يحمل قطعة خبز ثم يرميها في الماء ليطعم السمك وهو لايريد الا ان تجتمع فيفترسها.

ياصباح النور
هلا بالغالي
اعتقد تقصد البلشون رمعها القناص سام ووضع الرابط
مالك لوى يالغالي

[ابو ماجد 2]

صبحك الله بالخير أبا ماجد


جزاك الله خيراً على هاللغز الكايف الرايق اللي أخذ له أربع و عشرين
ساعة
عموماً ، أغير الوجهة ، احتمال يكون مثل لغز الخيمة.
الحب (الفصفص) أو الفستق.
طرا لي الموز كذلك ؟؟؟
عذراً على الرمع جملة.


يسعد لي هالصباح يالعطر الفواح
حياك يالغالي
تغيير الوجهه طيب ولكن لايزال طليق

[ناصر العلي]

نعاود المحاولة يالغالي
مايصير
كاس الماء
فنجان القهوة
كوب الشاهي

[ابو ماجد 2]

نعاود المحاولة يالغالي
مايصير
كاس الماء
فنجان القهوة
كوب الشاهي


حياك يالغالي
لايزال طليق

[عطري]

صبحك الله بالخير أبا ماجد
طرا لي الجراد و النحل
و الثالثة في الطريق بإذن الله .

[ناصر العلي]

طيب يالغالي
مايصير
الفشار...النفيش
http://www.physicalfitnessrx.com/wp-content/uploads/2012/06/popcorn.gif

[القناص سالم]

وش رايك

بفك الريق

[ابو ماجد 2]

صبحك الله بالخير أبا ماجد
طرا لي الجراد و النحل
و الثالثة في الطريق بإذن الله .


هلا بالعطر الفواح
اسعد الله جميع اوقاتك
مالك لوى يالغالي
والثالثه عاد ماهي جايه الا صبح السبت
ولا اعتقد يجلس الا حينها خاصة وان بعض المرمع ناوشت الحل ولكن ماصابته اصابة مباشره
لذلك لازال لغزنا طليق ولكن ( يتضوكع ) من من بعض المراميع

[ابو ماجد 2]

طيب يالغالي
مايصير
الفشار...النفيش
http://www.physicalfitnessrx.com/wp-content/uploads/2012/06/popcorn.gif


هلا بدكتورنا
لك مراميع اقرب من هذا
انتظر ذبحته الليله

[ابو ماجد 2]

وش رايك

بفك الريق

هلا بالغالي
لايزال طليق
انتظر مرماعك القادم

[النبهاني]

فيه رميعه رقمه 42 مارديت عليه يابو ماجد
وتراي ماهنا قناعة بلحيل به
لكن وش قولك بـ
الببغاء اللي يطعم الكلب تكرم ومن يقرا

[ابو ماجد 2]

فيه رميعه رقمه 42 مارديت عليه يابو ماجد
وتراي ماهنا قناعة بلحيل به
لكن وش قولك بـ
الببغاء اللي يطعم الكلب تكرم ومن يقرا




هلا بك يابو سالم
ماعليش يالغالي شويب وانت خير من يعذر الشيبان
مالك لوى يالغالي

[النبهاني]

طيب يابو ماجد
ما يصير
البزبوز واللي
او الطير يشرب من البزبوز

[القناص سالم]

وشرايك بالديك اللي عاش 18 شهر بدون راس

http://www.youtube.com/watch?v=mOwfGuWyzBo

[ابو ماجد 2]

طيب يابو ماجد
ما يصير
البزبوز واللي
او الطير يشرب من البزبوز


طاب فالك يالغالي
وانت عكستها
الطير يفرد جناحه وينحر البزبوز ليملأ بطنه
رفيقنا بالعكس هو مما في جوفه يعطي الحي

[ابو ماجد 2]

وشرايك بالديك اللي عاش 18 شهر بدون راس

http://www.youtube.com/watch?v=mOwfGuWyzBo

مالك لوى يالغالي
تحيتي لك وتقديري

[ناصر العلي]

طيب يالغالي
مايصير
المزاز
أعتلى علبة العصير مثلاً وصار فمه بفم الإنسان
http://www.mzaeen.net/upfiles/GqW72807.jpg

[راعي العجراء]

مساء الخير يابوماجد
رمعه
المنفاخ يفرد الجناحين والحيه النار ومافي جوف المنفاخ من هواء من نصيب النار
مع السلامه

[ابو ماجد 2]

طيب يالغالي
مايصير
المزاز
أعتلى علبة العصير مثلاً وصار فمه بفم الإنسان
http://www.mzaeen.net/upfiles/GqW72807.jpg


طاب فالك يالغالي
مالك لوى
انتظر مرماعك القادم

[ابو ماجد 2]

مساء الخير يابوماجد
رمعه
المنفاخ يفرد الجناحين والحيه النار ومافي جوف المنفاخ من هواء من نصيب النار
مع السلامه


ياصباح النور
مالك لوى يالغالي

[القناص سالم]

لغز من العيار الثقيل يابوماجد ورمعه ثلاثيه الابعاد علها تصيب

طير برمان

[ابو ماجد 2]

لغز من العيار الثقيل يابوماجد ورمعه ثلاثيه الابعاد علها تصيب

طير برمان


صباح النور يالغالي
الظاهر صاد شوي مع العلم بعض المراميع قربت لمرمعه ولكن لو ركزوا بقولي فرد الجناح كان اللغز انتهى
مالك لوى يالغالي

[ابوماريا]

صح السانك مليون يابو ماجد
وبيض الله وجهك يالغالي

متاع الزهرة
أو طلع الزهرة

http://img841.imageshack.us/img841/7117/dsc0078l.jpg (http://www.google.com.sa/url?sa=i&rct=j&q=%D8%A7%D9%84%D8%B2%D9%87%D8%B1%D9%88%D8%A7%D9%84 %D9%86%D8%AD%D9%84&source=images&cd=&cad=rja&docid=GlOi71CUNAjdIM&tbnid=Gs57wGXBKlkvlM:&ved=0CAUQjRw&url=http%3A%2F%2Fwww.inshad.com%2Fforum%2Fshowthre ad.php%3Ft%3D260391&ei=doVeUfqROsjYtAb044B4&psig=AFQjCNFkPa9TCekXRFM3YKgA3rKCyB20sg&ust=1365235434732182)

[ابو ماجد 2]

صح السانك مليون يابو ماجد
وبيض الله وجهك يالغالي

متاع الزهرة
أو طلع الزهرة

http://img841.imageshack.us/img841/7117/dsc0078l.jpg (http://www.google.com.sa/url?sa=i&rct=j&q=%D8%A7%D9%84%D8%B2%D9%87%D8%B1%D9%88%D8%A7%D9%84 %D9%86%D8%AD%D9%84&source=images&cd=&cad=rja&docid=GlOi71CUNAjdIM&tbnid=Gs57wGXBKlkvlM:&ved=0CAUQjRw&url=http%3A%2F%2Fwww.inshad.com%2Fforum%2Fshowthre ad.php%3Ft%3D260391&ei=doVeUfqROsjYtAb044B4&psig=AFQjCNFkPa9TCekXRFM3YKgA3rKCyB20sg&ust=1365235434732182)


هلا بك يابو فايز
هلا بالمثالي
صح بدنك
ومالك لوى يالغالي

[رحال و مسافر]

مساك الله بالخير يابوماجد
مايكون ( الطير الذي أطعم فرخه أمام حنه زوجة عمران )
في أمان الله

[ابو ماجد 2]

مساك الله بالخير يابوماجد
مايكون ( الطير الذي أطعم فرخه أمام حنه زوجة عمران )
في أمان الله


هلا بقناص الليل
مساك الله بالنور
مالك لوى يالغالي

[النبهاني]

طيب يابو ماجد
دوك رمعة ملزم
طريقة شرب واليد الجناح وقال تعالى لموسى _ عليه الصلاة والسلام _ : { واضمم إليك جناحك من الرهب }



قال ابن عباس _ رضي الله عنه _ : المعنى اضمم يدك إلى صدرك ليذهب عنك الخوف .
واللي اعتلى الاناء


http://t3.gstatic.com/images?q=tbn:ANd9GcTE_oeZOlm-hbLffIsMNpDraOyGE0y50lXzpqEHAACLCICahIIkeLQH8YY (http://www.google.com.sa/imgres?imgurl=http://blogs-static.maktoob.com/wp-content/blogs.dir//63008/files//2010/02/kdj.jpg&imgrefurl=http://ashrafalbshiri.maktoobblog.com/1520678/%25D8%25BA%25D9%258E%25D8%25B1%25D9%258A%25D8%25A8 %25D9%258C-%25D9%2581%25D9%258A-%25D8%25A8%25D9%258E%25D9%258A%25D9%2592%25D8%25AA %25D9%258A/&usg=__CcpAxgl5eTtF0ZtZ8KqGhyrw5IU=&h=358&w=524&sz=14&hl=ar&start=295&zoom=1&tbnid=6z8nQwrpdNqzTM:&tbnh=90&tbnw=132&ei=rcheUaGrMNH54QTgnoDoDg&prev=/search%3Fq%3D%25D9%2583%25D9%258A%25D9%2581%25D9%2 58A%25D8%25A9%2B%25D8%25B4%25D8%25B1%25D8%25A8%2B% 25D8%25A7%25D9%2584%25D8%25A8%25D9%258A%25D8%25A8% 25D8%25B3%25D9%258A%26start%3D280%26hl%3Dar%26safe %3Dactive%26sa%3DN%26tbm%3Disch&itbs=1&sa=X&ved=0CEYQrQMwDjiYAg)

[ابو ماجد 2]

طيب يابو ماجد
دوك رمعة ملزم
طريقة شرب واليد الجناح وقال تعالى لموسى _ عليه الصلاة والسلام _ : { واضمم إليك جناحك من الرهب }



قال ابن عباس _ رضي الله عنه _ : المعنى اضمم يدك إلى صدرك ليذهب عنك الخوف .
واللي اعتلى الاناء


http://t3.gstatic.com/images?q=tbn:ANd9GcTE_oeZOlm-hbLffIsMNpDraOyGE0y50lXzpqEHAACLCICahIIkeLQH8YY (http://www.google.com.sa/imgres?imgurl=http://blogs-static.maktoob.com/wp-content/blogs.dir//63008/files//2010/02/kdj.jpg&imgrefurl=http://ashrafalbshiri.maktoobblog.com/1520678/%25D8%25BA%25D9%258E%25D8%25B1%25D9%258A%25D8%25A8 %25D9%258C-%25D9%2581%25D9%258A-%25D8%25A8%25D9%258E%25D9%258A%25D9%2592%25D8%25AA %25D9%258A/&usg=__CcpAxgl5eTtF0ZtZ8KqGhyrw5IU=&h=358&w=524&sz=14&hl=ar&start=295&zoom=1&tbnid=6z8nQwrpdNqzTM:&tbnh=90&tbnw=132&ei=rcheUaGrMNH54QTgnoDoDg&prev=/search%3Fq%3D%25D9%2583%25D9%258A%25D9%2581%25D9%2 58A%25D8%25A9%2B%25D8%25B4%25D8%25B1%25D8%25A8%2B% 25D8%25A7%25D9%2584%25D8%25A8%25D9%258A%25D8%25A8% 25D8%25B3%25D9%258A%26start%3D280%26hl%3Dar%26safe %3Dactive%26sa%3DN%26tbm%3Disch&itbs=1&sa=X&ved=0CEYQrQMwDjiYAg)


طاب فالك
مالك لوى يابو سالم

[ice.cube]

السلام عليكم ورحمة الله وبركاته
وصح السانك اخوي ابو ماجد
وش رايك اطال الله بعمرك بخير
بدودة القز
تنسج شرنقه من حرير وتبقى بداخلها حتي يكنمل نموها
ثم تصبح فراشه بعد ذلك
تحيتي وتقديري
ابوسليمان

[ابو ماجد 2]

السلام عليكم ورحمة الله وبركاته
وصح السانك اخوي ابو ماجد
وش رايك اطال الله بعمرك بخير
بدودة القز
تنسج شرنقه من حرير وتبقى بداخلها حتي يكنمل نموها
ثم تصبح فراشه بعد ذلك
تحيتي وتقديري
ابوسليمان


وعليكم السلام ورحمة الله وبركاته
هلا بك يابو سليمان
وصبحك الله بالخير
مالك لوى يالغالي

[ابو ماجد 2]

مشرفينا الافاضل
اللغز تجاوزت مشاهداته الالف
ومن حيث النظام ينقل للمحلول
مع العلم كانت هناك مراميع قاربت للحل
تو جد مراميع مثل من يرمع سمكه والمطلوب لاينطبق الا على سمكه معينه بذاتها

[عطري]

لغيز لقناص الصباح والرمع للجميع


صبحك الله بالخير أبا ماجد
أنت جزاك الله خيراً قلت لغيز و هذا مثل شوفة عينك!!!
و هذا ما يجعله جميلاً ، و الحرب سجال.


و تعرف دخولي للنت نص دوام هذا غير الخميس و الجمعة إجازة.
يعني : المفروض إذا بلغت المشاهدات ألفين 2000 ، يرفع للمحلول.
دمت شاعراً لغازا صبوراً.

[عطري]

طرا لي رمعة تتعلق بالكرة لكن متأكد لو شرحتها لك
ستضحك من دحدرة التفكير!!!

و اللي يظهر لي أنه نبات يتفتح فيعتلي ثمره فيأكل الطير منه.
جاري التفكير أكثر،،،

[فهد الهلالي]

صح السانك يابو ماجد ويالله صبحوه بالخير
وشلونك ياجدي عساك بخير
رمعه يابوماجد

التمساح
التمساح هو الحيوان الوحيد اللي يتحرك فيه الفك العلوي وهو الوحيد الذي لايمضغ الاكل
مما يسبب له عسر الهضم مما يسبب له الام في المعده وتشاهد دموعه حتى عرف بهذا المثل دموع التماسيح
يعني يبكي ماهو من حزن
والرمعه بعد التوضيح
يفرد التمساح الفك العلوي الى الاعلى وانت شبهته بالجناح ويسمح بدخول الطيور الى فمه للحصول على الاكل وهو يستفيد من تنضيف اسنانه
الله يتمم عليك بالصحه والعافيه
او الفيل يسمح للطيور يدخل في الاذان

[ناصر العلي]

طيب يالغالي
مايصير
ثمرة جوز الهند
أو
سنابل القمح

[ابو ماجد 2]

لغيز لقناص الصباح والرمع للجميع


صبحك الله بالخير أبا ماجد
أنت جزاك الله خيراً قلت لغيز و هذا مثل شوفة عينك!!!
و هذا ما يجعله جميلاً ، و الحرب سجال.


و تعرف دخولي للنت نص دوام هذا غير الخميس و الجمعة إجازة.
يعني : المفروض إذا بلغت المشاهدات ألفين 2000 ، يرفع للمحلول.
دمت شاعراً لغازا صبوراً.


ياصباح النور
ياهلا ويامرحبا
الجميل تواصلك ولطفك يالغالي
كل ماقلته هو لدواعي تنظيميه وانا لااحب اي لغز لي يرفع اقصد احب ان يحل قبل ان يصل لمراميعه الالف
وهاللغز بالذات اتت مراميع قريبه ولكن فرد الجناح هي من حالت دون اصطياد الحل
وعلى العموم المسأله بيد مشرفينا الافاضل

[ابو ماجد 2]

طرا لي رمعة تتعلق بالكرة لكن متأكد لو شرحتها لك
ستضحك من دحدرة التفكير!!!

و اللي يظهر لي أنه نبات يتفتح فيعتلي ثمره فيأكل الطير منه.
جاري التفكير أكثر،،،


هلا بالغالي
الكرة مالك لوى
وما هو نبات

[ابو ماجد 2]

صح السانك يابو ماجد ويالله صبحوه بالخير
وشلونك ياجدي عساك بخير
رمعه يابوماجد

التمساح
التمساح هو الحيوان الوحيد اللي يتحرك فيه الفك العلوي وهو الوحيد الذي لايمضغ الاكل
مما يسبب له عسر الهضم مما يسبب له الام في المعده وتشاهد دموعه حتى عرف بهذا المثل دموع التماسيح
يعني يبكي ماهو من حزن
والرمعه بعد التوضيح
يفرد التمساح الفك العلوي الى الاعلى وانت شبهته بالجناح ويسمح بدخول الطيور الى فمه للحصول على الاكل وهو يستفيد من تنضيف اسنانه
الله يتمم عليك بالصحه والعافيه
او الفيل يسمح للطيور يدخل في الاذان

هلا ومليون هلا
هلا بك يابو محمد
شرفت اللغز وصاحبه
التمساح مالك لوى
انتظر مرماعك القادم

[فهد الهلالي]

اللغز سوف يتم رفعه بعد عشره الاف كيلو متر طن
هلا يابو ماجد صبحك بالخير
اللغز اذا عليه رمع مستمر وصاحبه موجود يرد على الرمعات اول باول لن يتم رفعه
حتى لو زاد عن المسموح به للغز
تحياتي

[ابو ماجد 2]

طيب يالغالي
مايصير
ثمرة جوز الهند
أو
سنابل القمح





طاب فالك يالغالي
وصبحك الله بالخير
مالك لوى
وكما ذكرت للعطر الفواح ليس نبات

[فهد الهلالي]

طيب يابو ماجد
فيه نوع من السمك يتم التلقيح عن طريق الفم
كذلك نوع من السمك تضع الانثى البيض تحت قشعة عوشقه ويمر عليه الذكر ويلقحه عن طريق الفم مثل اللي يطرش عليه ويروح الذكر مبسوط ماينام الليل من الانبساط

[ابوماريا]

وش رايك بالبطة اللي تطعم الأسماك


http://www.youtube.com/watch?v=bFEWnNvSdcg

[ابو ماجد 2]

طيب يابو ماجد
فيه نوع من السمك يتم التلقيح عن طريق الفم
كذلك نوع من السمك تضع الانثى البيض تحت قشعة عوشقه ويمر عليه الذكر ويلقحه عن طريق الفم مثل اللي يطرش عليه ويروح الذكر مبسوط ماينام الليل من الانبساط



مالك لوى يابو محمد
انتظر مرماعك القادم

[ابو ماجد 2]

وش رايك بالبطة اللي تطعم الأسماك


http://www.youtube.com/watch?v=bFEWnNvSdcg


مالك لوى يابو فايز
انتظر مرماعك القادم

[ذيب الفقارة]

رمعة ضلعاوية مية بالمية

يمكن :

الجواب ...... الخطاب نفتحة ونرفعة فوق خاصة الشيبان ونعرف مافيه

تحياتي

[ابو ماجد 2]

رمعة ضلعاوية مية بالمية

يمكن :

الجواب ...... الخطاب نفتحة ونرفعة فوق خاصة الشيبان ونعرف مافيه

تحياتي


مالك لوى يابو عدنان
تحيتي لك وتقديري

[ذيب الفقارة]

أخي أبو ماجد

أعرف أنني لن أصل للحل

اللغز يتعلق بالبحر والسمك وأنا لا أعرف عنه شيء أبدا

حتى عندما أذهب لشراء السمك أعتمد على مقولة :

( الاثمان دلايل العميان )

[ابو ماجد 2]

أخي أبو ماجد

أعرف أنني لن أصل للحل

اللغز يتعلق بالبحر والسمك وأنا لا أعرف عنه شيء أبدا

حتى عندما أذهب لشراء السمك أعتمد على مقولة :

( الاثمان دلايل العميان )


هلا بك يابو عدنان
ماهو في البحر يالغالي
ومتأكد انك تعرفه

[ذيب الفقارة]

ما اعرف شيء فالبحر غير الدرفيل

[ابو ماجد 2]

ما اعرف شيء فالبحر غير الدرفيل


مايحتاج قولتك الدرفيل وهو الدلفين اثبات انك تجهل البحر
هههههههههه
لكن رفيقنا ماهو بالبحر يالغالي
واكيد اكيد تعرفه

[ابو اسامه 2]

[center][center]صح لسانك مبدعنا

وش رايك في

http://i.imgur.com/QgQcyPy.jpg

او

http://i.imgur.com/KYu3Wj6.jpg

[فهد الهلالي]

صح السانك يابو ماجد
التنفس الصناعي عن طريق الكيس الهوائي للمصابين او تحت اجراء العمليات الصعبه
تحياتي

[أبو ذيب 77]

نعاود الرمع

وش تقول في

طائرة تعبأة طائرات الركاب وغيرها
تكون مخصصه لتزويد غيرها بالوقود فقط

[ذيب الفقارة]

صباح الخير أخوي أبو ماجد

بلاشي من الدرفيل هذا اللي تسمونه دلفين

يمكن قطرة العين

[النبهاني]

صباح الخير يابو ماجد
نعاود ونقول وش قولك بـ
برادة النافوره
تظغط ويرتفع الماء وتشرب

http://t2.gstatic.com/images?q=tbn:ANd9GcQ8nII_vrYtNcXUu6khGpl8G2VeuyL27 HWuox2ig2L_Jgt2KtKqRYdB4t0 (http://www.google.com.sa/imgres?imgurl=http://www.al-jazierah.com/FileUploads/Products/Fountain30LitersSmall.png&imgrefurl=http://www.al-jazierah.com/ar/Commercial/WaterCooler.aspx&usg=__jk81pwqrPxAYP50WogaP0rc5VYI=&h=135&w=125&sz=15&hl=ar&start=6&zoom=1&tbnid=9_4e2ybcMJj-YM:&tbnh=92&tbnw=85&ei=jwphUZajH8_LswatkYGoAw&prev=/search%3Fq%3D%25D8%25A8%25D8%25B1%25D8%25A7%25D8%2 5AF%25D8%25A9%2B%25D8%25A7%25D9%2584%25D9%2586%25D 8%25A7%25D9%2581%25D9%2588%25D8%25B1%25D9%2587%26h l%3Dar%26safe%3Dactive%26tbm%3Disch&itbs=1&sa=X&ved=0CDQQrQMwBQ)

[ابو ماجد 2]

[CENTER][CENTER]صح لسانك مبدعنا

وش رايك في

http://i.imgur.com/QgQcyPy.jpg

او

http://i.imgur.com/KYu3Wj6.jpg



صبحك الله بالخير
مالك لوى ياجابر عثرات الشيبان

[ابو ماجد 2]

صح السانك يابو ماجد
التنفس الصناعي عن طريق الكيس الهوائي للمصابين او تحت اجراء العمليات الصعبه
تحياتي


هلا بجد الجميع
صح بدنك
وصبحك الله بالخير
مالك لوى
واتت رمعه ولكن لو حددت مااريده فقط لقلت صح لسانك
يعني كأن اقول
ورع ثلاثه تقهده في مسيره .. ورع ودوره كشف بعض الحقائق
فياتي من يرمع قلم
هنا بقولته قلم يتبادر للذهن قلم الحبر العادي ولو قلت له حدد اي قلم لاتى من يرمعه بكل سهوله
ولكن لوقال قلم كشف التزوير لاصبح اللغز منتهيا

[ابو ماجد 2]

نعاود الرمع

وش تقول في

طائرة تعبأة طائرات الركاب وغيرها
تكون مخصصه لتزويد غيرها بالوقود فقط

هلا بك
وصبحك الله بالخير
مالك لوى يالغالي

[ابو ماجد 2]

صباح الخير أخوي أبو ماجد

بلاشي من الدرفيل هذا اللي تسمونه دلفين

يمكن قطرة العين


ياصباح النور
هلا بك يابو عدنان
هههههههههههههه
حلووووه اللي يسمونه دلفين
الله يوسع صدرك اليوم مشاوير وتوي اتفرغ للنت ووسعت صدري الله يوسع صدرك
قطرة العين مالك لوى
بما انك شايب مثلي ماعمر اهلك وانت صفير اذا حصل انطرفت عينك قاموا بوضع ملح مذاب بالماء فيها
وحسيت بالالم اشد من الطرفه

[ابو ماجد 2]

صباح الخير يابو ماجد
نعاود ونقول وش قولك بـ
برادة النافوره
تظغط ويرتفع الماء وتشرب

http://t2.gstatic.com/images?q=tbn:ANd9GcQ8nII_vrYtNcXUu6khGpl8G2VeuyL27 HWuox2ig2L_Jgt2KtKqRYdB4t0 (http://www.google.com.sa/imgres?imgurl=http://www.al-jazierah.com/FileUploads/Products/Fountain30LitersSmall.png&imgrefurl=http://www.al-jazierah.com/ar/Commercial/WaterCooler.aspx&usg=__jk81pwqrPxAYP50WogaP0rc5VYI=&h=135&w=125&sz=15&hl=ar&start=6&zoom=1&tbnid=9_4e2ybcMJj-YM:&tbnh=92&tbnw=85&ei=jwphUZajH8_LswatkYGoAw&prev=/search%3Fq%3D%25D8%25A8%25D8%25B1%25D8%25A7%25D8%2 5AF%25D8%25A9%2B%25D8%25A7%25D9%2584%25D9%2586%25D 8%25A7%25D9%2581%25D9%2588%25D8%25B1%25D9%2587%26h l%3Dar%26safe%3Dactive%26tbm%3Disch&itbs=1&sa=X&ved=0CDQQrQMwBQ)


هلا بك يابو سالم
مالك لوى يالغالي
ودور شيء فيه فرد الجناحين

[ذيب الفقارة]

طيب ما تكون التميرات

والا تدري يمكن :

الحلاوة اللي عليها قراطيس

لا فردنا جنحانها وبعدين رفعناها فوق ثم بلعناها

[تميمي.1]

صح لسانك يابو ماجد على هالفحل،
ابداع وامتاع متجدد ماشاء الله تبارك الله ،
وش رايك في :
اللقاح اذا فلق من الفحال وصار مابجوفه لقاح للنخله
تحياتي

[ابو ماجد 2]

طيب ما تكون التميرات

والا تدري يمكن :

الحلاوة اللي عليها قراطيس

لا فردنا جنحانها وبعدين رفعناها فوق ثم بلعناها


طبت يالغالي
التمر مالك لوى
الحلاوه مؤنث ولكن تفكيرك حلو
ولا تنس
فمه ابفمه امامي ينجلي

[ابو ماجد 2]

صح لسانك يابو ماجد على هالفحل،
ابداع وامتاع متجدد ماشاء الله تبارك الله ،
وش رايك في :
اللقاح اذا فلق من الفحال وصار مابجوفه لقاح للنخله
تحياتي

هلا بالغالي
الحمدلله على السلامه
صح بدنك
مالك لوى يالغالي
انتظر مرماعك القادم

[تميمي.1]

مدري لوهي ساريه يالزعيم،
وش رايك بمنفاخ الضو

[فهد الهلالي]

طيب يابو ماجد
عصير سن دب المصاص او المزاز بجنب العلبه لاصق بها
واعتبره هو الجناح
ويرتفع فوق العلبه ومافي جوف العلبه للحي

[ذيب الفقارة]

الآن وقت الغداء

وسجلها مع الدرفيل

ويش رايك بالملعقة ( الخاشوقة )

أو الصينية المغطاة بقصدير

[ابوالفهد]

علي الطاير مثل ما جيت باروح ويش رايك بالليل

[أبو ذيب 77]

مساء الورد

وش تقول يازعيم في

الخشاش الي يطير والخفاش

[ابو ماجد 2]

مدري لوهي ساريه يالزعيم،
وش رايك بمنفاخ الضو

مالك لوى يالغالي
انتظر مرماعك القادم

[ابو ماجد 2]

طيب يابو ماجد
عصير سن دب المصاص او المزاز بجنب العلبه لاصق بها
واعتبره هو الجناح
ويرتفع فوق العلبه ومافي جوف العلبه للحي



مالك لوى يالغالي
انتظر مرماعك القادم

[ابو ماجد 2]

الآن وقت الغداء

وسجلها مع الدرفيل

ويش رايك بالملعقة ( الخاشوقة )

أو الصينية المغطاة بقصدير


مالك لوى يالغالي
انتظر مرماعك القادم

[ابو ماجد 2]

علي الطاير مثل ما جيت باروح ويش رايك بالليل


مالك لوى يالغالي
انتظر مرماعك القادم

[ابو ماجد 2]

مساء الورد

وش تقول يازعيم في

الخشاش الي يطير والخفاش



مالك لوى يالغالي
انتظر مرماعك القادم

[صقر السديرات]

صح بدنك مجذا
وش رايك في سمكة
ابو منشار
دمت بخير

[ابو ماجد 2]

صح بدنك مجذا
وش رايك في سمكة
ابو منشار
دمت بخير

صح بدنك يبو فيصل
ماله علاقه بالبحر

[صقر السديرات]

طيب ابو ماجد
السحبلة
ام حبين
السحات
دمت صابرا محتسبا

[ذيب الفقارة]

أبو ماجد أنا ذابحني الجوع

مادام مانفعت الصينية والحلاوة يمكن تنفع :

ها اللي يفردون فيها الدجاجة للشوي ومثل ماتعرف الاسامي ما أعرفها

تحياتي

[ابو ماجد 2]

طيب ابو ماجد
السحبلة
ام حبين
السحات
دمت صابرا محتسبا

هلا بك يابو فيصل
مالك لوى يالغالي
تحيتي لك وتقديري

[ابو ماجد 2]

أبو ماجد أنا ذابحني الجوع

مادام مانفعت الصينية والحلاوة يمكن تنفع :

ها اللي يفردون فيها الدجاجة للشوي ومثل ماتعرف الاسامي ما أعرفها

تحياتي


هلا بك يابو عدنان
مالك لوى يالغالي
تحيتي لك وتقديري

[ال-رايق]

الله حي ابو ماجد
مدري هذي اول رمعه لي
على العموم صح لسانك
طرى علي:
1-رواد الفضاء والجاذبيه
2-الوطواط
3-سحية الليل هاللي ماتوقع
وشكرا

[ابو ماجد 2]

الله حي ابو ماجد
مدري هذي اول رمعه لي
على العموم صح لسانك
طرى علي:
1-رواد الفضاء والجاذبيه
2-الوطواط
3-سحية الليل هاللي ماتوقع
وشكرا


حياك ربي وبياك
واسعد الله صباحك ومساك
هلا بك يابو مهند
مالك لوى يالغالي

[ابو ماجد 2]

مشرفينا الافاضل
ابو محمد . ابو اسامه
شاكر لكم ابقاء اللغز وعدم اغلاقه رغم مقاربته الالفين مشاهده
ولكن شايبكم يحكه لسانه يبي يقول لغز طق جوله
تحملونا يالغالين سأطرح لغز والرجاء قهد الماثل امامكم لسجن الالغاز المغلقه

[ذيب الفقارة]

السلام عليكم ورحمة الله وبركاته

صباح الخير أخي أبو ماجد

يمكن :

الجهاز الذي يستخدمه المصابون بالربو شفاهم الله

تحياتي

[عطري]

مشرفينا الافاضل



ابو محمد . ابو اسامه
شاكر لكم ابقاء اللغز وعدم اغلاقه رغم مقاربته الالفين مشاهده
ولكن شايبكم يحكه لسانه يبي يقول لغز طق جوله
تحملونا يالغالين سأطرح لغز والرجاء قهد الماثل امامكم لسجن الالغاز المغلقه


صبحك الله بالخير أبا ماجد
لغز في قمة الروعة دعه ينطلق و يحلق بنا أطول مدة.
لقد رأيت في المنام أن الحل سفرة الطعام من كثرة التفكير في اللغز.
فلا تقطع سعادة الآخرين ، دام هناك ردود و مشاركات
و هي المقصود و المنشود الأول في هذه الخيمة.
عموماً : جهزت لك لغيز كل كسور و جروح (تقول طايح من فوق الضلع ) منذ أسبوعين أو أكثر
و أظن حان الوقت لكتابته ، أرجو أن تلحق عليه ؛ تخبر
عطري ما هو يم نظم الشعر ، يالله أرمع.

[ابو ماجد 2]

السلام عليكم ورحمة الله وبركاته

صباح الخير أخي أبو ماجد

يمكن :

الجهاز الذي يستخدمه المصابون بالربو شفاهم الله

تحياتي


وعليكم السلام ورحمة الله وبركاته
صباح الخير يابو عدنان
اتيت بالوقت بدل الضائع قبل اغلاقه
مالك لوى يالغالي

[ابو ماجد 2]

صبحك الله بالخير أبا ماجد
لغز في قمة الروعة دعه ينطلق و يحلق بنا أطول مدة.
لقد رأيت في المنام أن الحل سفرة الطعام من كثرة التفكير في اللغز.
فلا تقطع سعادة الآخرين ، دام هناك ردود و مشاركات
و هي المقصود و المنشود الأول في هذه الخيمة.
عموماً : جهزت لك لغيز كل كسور و جروح (تقول طايح من فوق الضلع ) منذ أسبوعين أو أكثر
و أظن حان الوقت لكتابته ، أرجو أن تلحق عليه ؛ تخبر
عطري ما هو يم نظم الشعر ، يالله أرمع.



صباح النور يالغالي
انت الخير والبركه
وما يجي منك الا الطيب
ولو حصل فيه كسور عبق غطرك يصرفنا عن رؤية كسوره
اما هاللغز فقد حان رفعه يالغالي
ومشرفينا ماقصروا من شانك تركوه لغاية ماقارب الالفين مشاهده
وايضا الآن طرحت لغز ولا يصلح نظاما ان تكون ثلاث الغاز متواجده لعضو واحد
اضف ال ذلك بدأت المراميع تتكرر والربع معذورون من سيطلع على 132 مرماع قبل ان يرمع
السموحه منك يالغالي

[ice.cube]

السلام عليكم ورحمة الله وبركاته
يمكن تكون اخر رمعه قبل الرفع

الضرف والرساله

تحيتي وتقديري
ابو سليمان

[صبار العنزي]

لغزنا مهما تموّه بالوشاح= ماعتقد تمويه لغزي ينطلي


يحتري قناص قنصه بالصباح=لارمى بالصبح وافق مقتلي

بسم الله الرحمن الرحيم



السلام عليكم ورحمة الله وبركاته


لغيز لقناص الصباح والرمع للجميع




من هو اللي لانفرّد فيه الجناح=شوف عيني من بعدها يعتلي

مابجوفه صار حق حيٍ متاح=فمه ابفمه امامي ينجلي

فمه ابفمه ولا تسمع صياح=وجنس هذا غير هذا ياعلي




مع تحيات ابو ماجد





منتديات مكشات . خيمة الالغاز
























صح السانك يا ابو ماجد

العصفور ليا اكل الفراشه

[ال-رايق]

هلا ببوماجد
وش رايك ابمزح معك
لغزك هذا وصل قيمة حاشي هههههههههههه
=========اقصد نص

[القناص سالم]

طيب يابوماجد بنشطح شوي عن الطيور الحزينه

وش قولك بطائر المينا ربطنا اللغز بمينا الاسنان

[ابو ماجد 2]

السلام عليكم ورحمة الله وبركاته
يمكن تكون اخر رمعه قبل الرفع

الضرف والرساله

تحيتي وتقديري
ابو سليمان


وعليكم السلام ورحمة الله وبركاته
هلابك يابو سليمان
ماعليش بتأخر الرد
لم يكن النت في اليومين الفائتات متو فر بسهوله
مالك لوى يالغالي

[ابو ماجد 2]

صح السانك يا ابو ماجد

العصفور ليا اكل الفراشه


صح بدنك يالغالي
مالك لوى
تحيتي لك

[ابو ماجد 2]

هلا ببوماجد
وش رايك ابمزح معك
لغزك هذا وصل قيمة حاشي هههههههههههه
=========اقصد نص

هلا بك يابو مهند
بالعكس يالغالي
كل ماطول قلت قيمته عندي
وهالحين وصلت قيمته عصفور
وان مارفعوه الربع الظاهر انا من سيقتله

[ابو ماجد 2]

طيب يابوماجد بنشطح شوي عن الطيور الحزينه

وش قولك بطائر المينا ربطنا اللغز بمينا الاسنان

هلا بالغالي
مالك لوى

[ابوماريا]

جمار النخل

[ابو ماجد 2]

جمار النخل


هلا بالمثالي
مساك الله بالخير
مالك لوى
تحيتي لك وتقديري

[القناص سالم]

الحمام الزاجل او البرقع

[ابوماريا]

لاصق الجرح

http://t3.gstatic.com/images?q=tbn:ANd9GcRibN3zjO5Pe8ZZh82QFKOdUNv4VTXAG puZ8CXmPhO6Jx4bncrPWw

[القناص سالم]

هذا مرماع الشايب يقوووووووول

خط المرمي او خط السته

والقادم احلى

[صقر السديرات]

ابو ماجد
فيه نوع من الاسماك اذا ارتفع من القاع
تلحقه براغيث تاكل من اثمه
دمت بخير

[ناصر العلي]

نعاود المحاولة يالغالي
وأنا الليلة مسافر خارج المملكة وإن لقيت أي فرصة بمشيئة الله سوف اتواصل معكم
ويش قولك بـ
كوز الأيسكريم قبل ماتاكله تفك القرطاس اللي مغطيه
http://www.the-superbasket.com/UP/DSC03052.JPG_s.jpg (http://www.google.com.sa/url?sa=i&rct=j&q=%D8%A3%D9%8A%D8%B3%20%D9%83%D8%B1%D9%8A%D9%85%20 %D9%82%D9%85%D8%B9&source=images&cd=&cad=rja&docid=Fn8V4PWGq0JcWM&tbnid=tJlpF6Wlz-O2yM:&ved=0CAUQjRw&url=http%3A%2F%2Fwww.the-superbasket.com%2Fproducts_list.php%3Fid%3D466%26s ubcategory%3D203%26category%3D107%26department%3D2 1%26&ei=voxmUcXAI83FPZWngOAI&psig=AFQjCNH0LNX9xNaldVDykCX0VKAix-xyLA&ust=1365761467817985)

[فهد الهلالي]

ابوماجد صح السانك
مايكون الذره الحبش
ماقدرت انزل صوره
تحياتي

[ذيب الفقارة]

يازين رمعة ( البرقع )

تسلم أخوي القناص سام

نحتري فارسنا أبو ماجد

[القناص سالم]

تسلم اخوي ذيب الفقاره


نحتري ابوماجد ونشوف رايه

[ابو ماجد 2]

الحمام الزاجل او البرقع

هلا بك يالغالي
مالك لوى
تحيتي لك وتقديري

[ابو ماجد 2]

لاصق الجرح

http://t3.gstatic.com/images?q=tbn:ANd9GcRibN3zjO5Pe8ZZh82QFKOdUNv4VTXAG puZ8CXmPhO6Jx4bncrPWw


هلا بالمثالي
مالك لوى يالغالي

[ابو ماجد 2]

هذا مرماع الشايب يقوووووووول

خط المرمي او خط السته

والقادم احلى

هلا بك انت والشايب
ومالك ولا له لوى

[ابو ماجد 2]

ابو ماجد
فيه نوع من الاسماك اذا ارتفع من القاع
تلحقه براغيث تاكل من اثمه
دمت بخير

هلا بك يابو فيصل
مالك لوى يالغالي
تحيتي لك وتقديري

[ابو ماجد 2]

نعاود المحاولة يالغالي
وأنا الليلة مسافر خارج المملكة وإن لقيت أي فرصة بمشيئة الله سوف اتواصل معكم
ويش قولك بـ
كوز الأيسكريم قبل ماتاكله تفك القرطاس اللي مغطيه
http://www.the-superbasket.com/UP/DSC03052.JPG_s.jpg (http://www.google.com.sa/url?sa=i&rct=j&q=%D8%A3%D9%8A%D8%B3%20%D9%83%D8%B1%D9%8A%D9%85%20 %D9%82%D9%85%D8%B9&source=images&cd=&cad=rja&docid=Fn8V4PWGq0JcWM&tbnid=tJlpF6Wlz-O2yM:&ved=0CAUQjRw&url=http%3A%2F%2Fwww.the-superbasket.com%2Fproducts_list.php%3Fid%3D466%26s ubcategory%3D203%26category%3D107%26department%3D2 1%26&ei=voxmUcXAI83FPZWngOAI&psig=AFQjCNH0LNX9xNaldVDykCX0VKAix-xyLA&ust=1365761467817985)


هلا بسياف الغطاوي هلا بدكتورنا
تروح وترجع سالم غانم
وتكفى لو حصل اي فرصة ترانا نشفق على اللي مثلك
الرمعه مالك لوى ولكنها من المراميع القريبه

[ابو ماجد 2]

ابوماجد صح السانك
مايكون الذره الحبش
ماقدرت انزل صوره
تحياتي


ابو محمد يالغالي
صح بدنك
واللغز اخذ اكثر من حقه تجاوز 2500 مشاهده
والمراميع اخذت تتكرر
والشاهد مرماعك سبق ان رمعه ابو علي وهو من المراميع القريبه

[ابو ماجد 2]

يازين رمعة ( البرقع )

تسلم أخوي القناص سام

نحتري فارسنا أبو ماجد


بالفعل رمعه حلوه ولكن رمعة ابو علي الحبش اقرب
تحيتي لك وتقديري

[ابو ماجد 2]

تسلم اخوي ذيب الفقاره


نحتري ابوماجد ونشوف رايه

تسلم انت وذيب الفقاره
ولا تواخذوني اللغز طول وليت ابو محمد او ابو ابو اسامه يتكرمون بنقله للمحلول

[ذيب الفقارة]

صباح الخيرأخوي أبو ماجد

ماودنا يرفع ها المزيون

أبد

يمكن :

جوز الهند

[ابو ماجد 2]

صباح الخيرأخوي أبو ماجد

ماودنا يرفع ها المزيون

أبد

يمكن :

جوز الهند




يالغالي
والله المقصد انه نظام
وانا مليت متعود اطرح الغاز شبه يومي ولكن هاللغز نشب بحلقي
اضف الى ذلك تكرر المراميع
واللغز قد اطرحه بصيغة اخرى لعلها تكون اقرب
على العموم انا طرحت لغز على امل ان هاللغز ينقل للمحلول
وجوز الهند مالك لوىيالغالي

[النبهاني]

طيب ياغالي
وش قولك بـ
العصفور والسبله

[فهد الهلالي]

هلا يابو ماجد يالله حيوه
ياجدي اللغز عليه مراميع والرد على المراميع لم يكن هناك تاخير بتواجدك المستمر
واللغز جزل
لذلك نعطيه فرصه قببل الرفع لعل من ياتي بحله
رمعه لاترمي قشر الموز

[ابو ماجد 2]

طيب ياغالي
وش قولك بـ
العصفور والسبله


طاب فالك وبارك لك بمالك وعيالك
مالك لوى يابو سالم

[ابوماريا]

قصب السكر
ااااااااااااااااااااااا

[ابو ماجد 2]

هلا يابو ماجد يالله حيوه
ياجدي اللغز عليه مراميع والرد على المراميع لم يكن هناك تاخير بتواجدك المستمر
واللغز جزل
لذلك نعطيه فرصه قببل الرفع لعل من ياتي بحله
رمعه لاترمي قشر الموز



هلا بولد ولدي
ونا جدك المسألة ان المراميع اخذت بالتكرار وانتم معذورون فقد عدت المراميع عن المئة ومن سيطلع على مائة مرماع قبل مايرمع ؟؟؟؟؟؟
واللغز نال بالبقاء اكثر مما يستحق
ولا ترمي قشر الموز مالك لوى
وذكرتني ايام الدراسه زمان يدرسون لاترمي قشر الموز والموز اصلا مايعرفونه
بل حتى الاستاذ حينما سألوه قال فاكهة مستديره يستعيب ان يقول مااعرفه

[أبو ذيب 77]

مايصير هذا يابو ماجد

http://i.imgur.com/lrdWM8C.jpg

[ذيب الفقارة]

رمعة ما قبل النوم أخوي أبو ماجد

يمكن :

البيضة أو البيض ....... طيب ما هو كله واحد

[ابو ماجد 2]

مايصير هذا يابو ماجد

http://i.imgur.com/lrdWM8C.jpg

صبحك الله بالخير
مالك لوى يالغالي

[ابو ماجد 2]

رمعة ما قبل النوم أخوي أبو ماجد



يمكن :



البيضة أو البيض ....... طيب ما هو كله واحد


صبحك الله بالخير يابو عدنان
مالك لوى يالغالي

[ابوماريا]

صباح الخير يابو ماجد

المسواك

[ابو ماجد 2]

صباح الخير يابو ماجد

المسواك


صباح النور يابو فايز
هاللغز وردت عليه رمعه
مثل رمعة القناص سام في لغز الاقتراع بالاقلام لكفالة مريم وقد رمع سهم القرعه ولم يحدد المطلوب
مالك لوى وانتظر مرماعك القادم ولو ضفوه مشرفينا الافاضل يسوون خير

[عطري]

صبحك الله بالخير أبا ماجد

لي كم يوم أشوف هاللغز و لا أرمع نزولاً عند رغبتك ؛ ليتم ضفه إلى المحلول.
و لكن أشوف الرمع مستمراً ، و إن تكررت بعض الرمعات ، مازال هناك
أخرى جديدة.
فاسمح لي برمعة طرت : و هي شبه مكررة
الراك
أسأل الله لك سعة الصدر و طول البال .
أنت ضايقٍ صدرك من هاللغز و نحن نشعر بسعادة لا توصف.
فسبحان الله !!!

[ابو ماجد 2]

صبحك الله بالخير أبا ماجد

لي كم يوم أشوف هاللغز و لا أرمع نزولاً عند رغبتك ؛ ليتم ضفه إلى المحلول.
و لكن أشوف الرمع مستمراً ، و إن تكررت بعض الرمعات ، مازال هناك
أخرى جديدة.
فاسمح لي برمعة طرت : و هي شبه مكررة
الراك
أسأل الله لك سعة الصدر و طول البال .
أنت ضايقٍ صدرك من هاللغز و نحن نشعر بسعادة لا توصف.
فسبحان الله !!!


هلا بالعطر الفواح
انا ضائق صدري لاحساسي انه اصبح ثقيلا
وانا ماتعودت ان يطول لغزي الا هالحد
صحيح اني اتمنى ان ترد على لغزي عدة مراميع ولكن ليس الى هالحد
الرمعه مالك لوى

[رحال و مسافر]

طيب يابو ماجد ندخل للطب ونرمع
بعض أنواع المغذي له جناحين يفرد ويدخل في جسم الإنسان ويغذيه
والمغذي نفسه يرفع ويعلق في المكان المخصص له

دمت بخير وعافيه

[عطري]

أبو ماجد لا يكون كأس الورق حق الشاي تفرد جنحانه
ثم ترفعه لتشرب.

http://t1.gstatic.com/images?q=tbn:ANd9GcS6guubdQ_NIkdUjSGXRfLPaTSMI5DUS zgDiH_v1fY3gOTpS1oF

[ذيب الفقارة]

مساءءءءءءءءءءءءءءءءءءءءءءءء الخير

أخوي عطري

هذه الرمعة تثبت أنك قناص كل الأوقات

مؤؤؤؤؤؤؤؤؤؤؤؤؤؤؤؤؤؤؤؤؤؤؤؤيد

تحياتي عطرنا الفواح

[عبادي 2009]

صح لسانك

نقول السفره تفرشها علشان نحط الأكل وناكل

[عطري]

مساءءءءءءءءءءءءءءءءءءءءءءءء الخير




أخوي عطري


هذه الرمعة تثبت أنك قناص كل الأوقات


مؤؤؤؤؤؤؤؤؤؤؤؤؤؤؤؤؤؤؤؤؤؤؤؤيد



تحياتي عطرنا الفواح


مساك الله بالنور أخوي أبا عدنان



اصبر شوي ، أبو ماجد ما شاء الله ذهين ، يجيد التمويه ، ترمع الرمعة و تظن
ما بعدها رمعة و تلقاها يم الضلع الحمر و معدية بعد.


و شكراً للتأيد.

[ابو ماجد 2]

طيب يابو ماجد ندخل للطب ونرمع
بعض أنواع المغذي له جناحين يفرد ويدخل في جسم الإنسان ويغذيه
والمغذي نفسه يرفع ويعلق في المكان المخصص له

دمت بخير وعافيه


هلا بقناص الليل
شرفتنا يالغالي
رمعه حلوه ولكن لاتنس فمه بفمه

[ابو ماجد 2]

أبو ماجد لا يكون كأس الورق حق الشاي تفرد جنحانه
ثم ترفعه لتشرب.

http://t1.gstatic.com/images?q=tbn:ANd9GcS6guubdQ_NIkdUjSGXRfLPaTSMI5DUS zgDiH_v1fY3gOTpS1oF

عطرنا الفواح
ذباح الصباح
كفو كفو كفو كفو كفو كفو كفو كفو كفو
كفو كفو كفو كفو كفو كفو كفو كفو
كفو كفو كفو كفو كفو كفو كفو
كفو كفو كفو كفو كفو كفو
كفو كفو كفو كفو كفو
كفو كفو كفو كفو
كفو كفو كفو
كفو كفو


http://www.alamanapack.com/files/images/products/cups/paper-cups/pc006.jpg

نعم
كاس الورق ابو مسكات
صح لسانك ملايين
ولله درك
وبيض الله وجهك
وتستاهل كل كلمات الثناء
كان ابو علي الله يذكره بالخير رمع الكاسات والكاسات اذا قيلت مطلقه يتبادر للذهن الكأس العادي .واللغز يقصد الكاسات هذه بعينها

[ابو ماجد 2]

مساءءءءءءءءءءءءءءءءءءءءءءءء الخير

أخوي عطري

هذه الرمعة تثبت أنك قناص كل الأوقات

مؤؤؤؤؤؤؤؤؤؤؤؤؤؤؤؤؤؤؤؤؤؤؤؤيد

تحياتي عطرنا الفواح


تاييد موفق
صح لسانك انت وعطري
وعطري بحكم تواجده بالصباح تسمى بقناص الصباح

[ابو ماجد 2]

صح لسانك

نقول السفره تفرشها علشان نحط الأكل وناكل

هلا بك يالغالي
والحل عند عطري

[ذيب الفقارة]

كفوووووووووووووووو كفووووووووووووووووو كفووووووووووووووووووووو

عطرنا الفواح

وصح لسانك أبو ماجد

واللغز ما فيه كلام أبد

لكن العباة كانت ضافية

ياخوي كاسة وتطير ولها جنحان ......... الخ

كذا الغطو والا بلاشي

تحياتي

[رحال و مسافر]

صح لسانك ملايين يابوماجد وتسلم ياغالي
لغز متعوب عليه لكن ذكاه القناص ماشاء الله تبارك الله
كفوووووووووووووو ياعطرنا الفواح
كفوووووووووووووو ياقناص الصباح
كفوووووووووووو كفووووووووووووو كفووووووووووووو
بيض الله وجيهكم جميعاً

[ال-رايق]

ابو ماجد
كيف الحال

[ابو اسامه 2]

الله الله يا ابو ماجد

لغز ولا في الاحلام

ورمعه ولا في الخيال

الله يعطيكم العافيه

وكفو عطرنا الرائع

تحياتي

[القناص سالم]

كفووووووووووو اخوي عطري وبيض الله وجهك انا اشهد انك قناص ولاغرابه

ياسلام ياسلام ياسلام ياابوماجد تسلم على اللغز الرائع بكل ماتعنيه الكلمة

[النبهاني]

كفوووووووووووو والله يالعطر الفواح
وصح لسانك يازعييييييييييييييييييييييم على هاللغز
صراحه هذا السهل الممتنع ورمعتة صعبه تجي على البال
لكن ما شاء الله على العطر الفواح سدحه
بيض الله وجيهكم جميع

[عطري]

عطرنا الفواح

ذباح الصباح
كفو كفو كفو كفو كفو كفو كفو كفو كفو
كفو كفو كفو كفو كفو كفو كفو كفو
كفو كفو كفو كفو كفو كفو كفو
كفو كفو كفو كفو كفو كفو
كفو كفو كفو كفو كفو
كفو كفو كفو كفو
كفو كفو كفو
كفو كفو



http://www.alamanapack.com/files/images/products/cups/paper-cups/pc006.jpg



نعم
كاس الورق ابو مسكات
صح لسانك ملايين
ولله درك
وبيض الله وجهك
وتستاهل كل كلمات الثناء
كان ابو علي الله يذكره بالخير رمع الكاسات والكاسات اذا قيلت مطلقه يتبادر للذهن الكأس العادي .واللغز يقصد الكاسات هذه بعينها



كفوك الطيب يا أبا ماجد
و صح لسانك على هاللغز الممتع
الذي حلق بالجميع ليروا كل جميل مع مرور الوقت
و ليته طال أكثر :D
نعم أبو علي ما قصر قرب من الحل كثيراً ، لكن يظهر أنه انشغل و الا كان ذكاه .
و الاخوان ما قصروا ، و الرمعة تغيب و تحضر.
متعك الله و والديك و ذريتك و من تحب في الجنة.

[عطري]

كفوووووووووووووووو كفووووووووووووووووو كفووووووووووووووووووووو



عطرنا الفواح


وصح لسانك أبو ماجد


واللغز ما فيه كلام أبد


لكن العباة كانت ضافية


ياخوي كاسة وتطير ولها جنحان ......... الخ


كذا الغطو والا بلاشي



تحياتي


ههههههههههههههههههه

أضحك الله سنك أبا عدنان
ما شاء الله ، عقب ما بديت تنزل ألغاز أشوف تعليقاتك قوية يا ذيب الفقارة.
كفوك الطيب يالغالي منكم نستفيد لا عدمناكم.

[عطري]

صح لسانك ملايين يابوماجد وتسلم ياغالي

لغز متعوب عليه لكن ذكاه القناص ماشاء الله تبارك الله
كفوووووووووووووو ياعطرنا الفواح
كفوووووووووووووو ياقناص الصباح
كفوووووووووووو كفووووووووووووو كفووووووووووووو

بيض الله وجيهكم جميعاً


كفوك الطيب قناص الليل
و وجهك الأبيض يالواصل.

[عطري]

الله الله يا ابو ماجد



لغز ولا في الاحلام


ورمعه ولا في الخيال


الله يعطيكم العافيه


وكفو عطرنا الرائع



تحياتي


كفوك الطيب مشرفنا الغالي
أنت الأروع جعلك سالم غانم .

[عطري]

كفووووووووووو اخوي عطري وبيض الله وجهك انا اشهد انك قناص ولاغرابه

ياسلام ياسلام ياسلام ياابوماجد تسلم على اللغز الرائع بكل ماتعنيه الكلمة



كفوك الطيب أخوي القناص سام

و ببيض الله وجهك دنيا و آخرة

شهادتك شرف لي شرفك الله بالجنة و جميع الاخوان....آمين.

[عطري]

كفوووووووووووو والله يالعطر الفواح

وصح لسانك يازعييييييييييييييييييييييم على هاللغز
صراحه هذا السهل الممتنع ورمعتة صعبه تجي على البال
لكن ما شاء الله على العطر الفواح سدحه

بيض الله وجيهكم جميع


كفوك الطيب أبا سالم
ما شاء الله عليك يا د . ، ياما سدحت و ذبحت
خل هالمرة لي :D

و شكراً لمرورك و إطرائك ، لا عدمناك يالغالي.

[ابو ماجد 2]

كفوووووووووووووووو كفووووووووووووووووو كفووووووووووووووووووووو



عطرنا الفواح


وصح لسانك أبو ماجد


واللغز ما فيه كلام أبد


لكن العباة كانت ضافية


ياخوي كاسة وتطير ولها جنحان ......... الخ


كذا الغطو والا بلاشي


تحياتي


هلا بك يابو عدنان
وكلامك تاج على راسي
وشهادة من هو مثلك رفعت معنوياتي حيال هاللغز بعد مااحسست بالاحباط نتيجة طول بقائه
يالغالي انا ماقلت يطير ولو قلت يطير اعتقد خطأ باللغز ولكن سياق الكلام يوحي بذلك وهذه خدعة الالغاز
من هو اللي لانفرّد فيه الجناح... شوف عيني من بعدها يعتلي
فيعتلي بعد فرد الجناح يوحي بالطيران
والكاس بالفعل تفرد جناحينه ويبعد عن جسمه وبالتالي يرفعه صاحبه ليشرب منه
هلابك وشرفتنا

[ابو ماجد 2]

صح لسانك ملايين يابوماجد وتسلم ياغالي
لغز متعوب عليه لكن ذكاه القناص ماشاء الله تبارك الله
كفوووووووووووووو ياعطرنا الفواح
كفوووووووووووووو ياقناص الصباح
كفوووووووووووو كفووووووووووووو كفووووووووووووو
بيض الله وجيهكم جميعاً


هلا بقناص الليل
شرفتنا بكلماتك الطيبه
وبالفعل عطري قناص صبح الله يزيده

[ابو ماجد 2]

ابو ماجد
كيف الحال

ههههههههههههه
بخير يامال الخير
هلا بك يابو مهند
ذكرتني بيوسف الثنيان ايام مااصر عليه المذيع بطلبه تغليط دفاع السعوديه بالهدف فقال كيف الحال ومشى تاركا المذيع لوحده

[صقر السديرات]

أشهد بالله انك لغاز ماهر وصدق من لقبك فارس الالغاز
وكفو يا عطري
بيض الله وجوه الجميع على المشاركة
دمتم بخير

[ابو ماجد 2]

الله الله يا ابو ماجد



لغز ولا في الاحلام


ورمعه ولا في الخيال


الله يعطيكم العافيه


وكفو عطرنا الرائع



تحياتي


هلا بك يابو اسامه
شرفتنا ومن حينك مشرفنا
كلماتك الطيبه انعشت مااحسست به من احباط تجاه هاللغز

[ابو ماجد 2]

كفووووووووووو اخوي عطري وبيض الله وجهك انا اشهد انك قناص ولاغرابه

ياسلام ياسلام ياسلام ياابوماجد تسلم على اللغز الرائع بكل ماتعنيه الكلمة

هلا بالغالي
سلمت من الشر
والروعه في تواصلكم وتحفيزكم لاعدمناكم

[ابو ماجد 2]

كفوووووووووووو والله يالعطر الفواح

وصح لسانك يازعييييييييييييييييييييييم على هاللغز
صراحه هذا السهل الممتنع ورمعتة صعبه تجي على البال
لكن ما شاء الله على العطر الفواح سدحه

بيض الله وجيهكم جميع


هلا ومليون هلا
هلابك يابو سالم
صح بدنك
شرفتنا يالغالي ودائما مشرفنا

[ابو ماجد 2]

كفوك الطيب يا أبا ماجد
و صح لسانك على هاللغز الممتع
الذي حلق بالجميع ليروا كل جميل مع مرور الوقت
و ليته طال أكثر :D
نعم أبو علي ما قصر قرب من الحل كثيراً ، لكن يظهر أنه انشغل و الا كان ذكاه .
و الاخوان ما قصروا ، و الرمعة تغيب و تحضر.


متعك الله و والديك و ذريتك و من تحب في الجنة.


هلا بالغالي
هلا بالعطر الفواح
وماشاء الله انت اكثر واحد كنت تطلب بقائه والحمدلله رمعته اتت على يدك
وابو على الله يذكره بالخير ويرد لنا بالسلامه وما اقول الا
ان غاب عنــــــــــنا ذابحٍ للغطاوي ... يظهر لنا بين الطحاطيح ذباح
وهذا مااثبته انت وابو ماريا هاليومين الفائتين

[ابو ماجد 2]

أشهد بالله انك لغاز ماهر وصدق من لقبك فارس الالغاز
وكفو يا عطري
بيض الله وجوه الجميع على المشاركة
دمتم بخير

هلا بك يابو فيصل
والف الف شكر على كلماتك الطيبه
وكلام من هو مثلك فخرلي لاعدمناك

[عطري]

هلا بالغالي

هلا بالعطر الفواح
وماشاء الله انت اكثر واحد كنت تطلب بقائه والحمدلله رمعته اتت على يدك
وابو على الله يذكره بالخير ويرد لنا بالسلامه وما اقول الا
ان غاب عنــــــــــنا ذابحٍ للغطاوي ... يظهر لنا بين الطحاطيح ذباح

وهذا مااثبته انت وابو ماريا هاليومين الفائتين

هلا بك أبي ماجد
و صبحك الله بالخير و العافية
كنت أشعر أن الحل قريب منا ، لكن المطلوب غائب عن الذهن.
لذا طلبت بقاءه ، و الحمد لله و فقت فيه.
و الصبر زين .

[ال-رايق]

ابوماجد
الله حيه
ياخي كتبت كلمة كيف الحال والله مادريت انه انحل
وكان قصدي تعرفه(الفريزر):D يعني اللغز طووووول على غير عوايدك هههههه
وبعدها سير علي ضيف ونسيت بعدها اواصل
حتى اني مارديت على عطري
اما حكاية الثنيان قويه مدري كيف طرت

[ال-رايق]

صح لسانك يابوماجد على اللغز الجبار
وكفو ياعطري وعوايدك
تحياتي للجميع
الله لايهينكم

[ابو ماجد 2]

ابوماجد
الله حيه
ياخي كتبت كلمة كيف الحال والله مادريت انه انحل
وكان قصدي تعرفه(الفريزر):D يعني اللغز طووووول على غير عوايدك هههههه
وبعدها سير علي ضيف ونسيت بعدها اواصل
حتى اني مارديت على عطري
اما حكاية الثنيان قويه مدري كيف طرت

هلا بك يابو مهند
انا ظننتك تنتقد اللغز على نهج الثنيان ولا فيها شيء من حقك النقد يالغالي
وانت تعرف اللغز طول لذلك كنت حريص على التماس اسباب اطالته الى هالدرجه
وحكاية الثنيان حلوه ولكن حكاية الفريزر احلى
هههههههههههههههه
ماتخلي عنك القفشات

[ابو ماجد 2]

صح لسانك يابوماجد على اللغز الجبار
وكفو ياعطري وعوايدك
تحياتي للجميع
الله لايهينكم

صح بدنك يالغالي
والف شكر لكلماتك الطيبه
ولكن لعله لن يتكرر معي من هالنمونه
وانا ماعندي الا فريزر واحد يالله يالله لشئون البيت

[ال-رايق]

صح بدنك يالغالي
والف شكر لكلماتك الطيبه
ولكن لعله لن يتكرر معي من هالنمونه
وانا ماعندي الا فريزر واحد يالله يالله لشئون البيت


حياك رب العالمين
ابوماجد ترى ان بغيت الجد كرهت الرمعه تدري ليه؟
والله السالفه صحيحه كالتالي
رحت ليله ابحضر زواج واحد من زملائي مطيري الله يوفقه ومحرص على حضوري الحاصل كنت مرهق وتاخرت قلت اباخذ كاس شاهي الورق الاقشر على بال ماوصلت القاعه---ابغاه يبرد وانا افك جناحينه على قولك=ومع الربشه ونزلتي من السيارة ما انفكت زين وتليتها وجبت العيد على الثوب ولا توقعت اللي بيصير لاني يوم نزلت للجماعه داخلين صالة الطعام وباقي هو وابوه ومعهم مجموعه-واقفين- والكاميرا اتصور وانا جاي ادرعم ويركزون الكاميرا علي وهو يرحب بصوت عالي ==امحق ترحيب خلاهم يناظرون'''''''وش يناظرون كاني مسويها على المنطقه الاماميه والثوب ابيض والله واسلم وللخلف در:D:j:j

[عطري]

صح لسانك يابوماجد على اللغز الجبار
وكفو ياعطري وعوايدك
تحياتي للجميع
الله لايهينكم

كفوك الطيب يا مكحل الألغاز

شكراً لمرورك اللطيف أبا مهند،،،

[أبوصقرالشمالي]

كفو ياعطرى
لغز صعب بكل ماتعنى كلمة صعب
والدليل وابل الرمعات اللي ماصابت
وكفو يابوماجد

[ابو ماجد 2]

حياك رب العالمين
ابوماجد ترى ان بغيت الجد كرهت الرمعه تدري ليه؟
والله السالفه صحيحه كالتالي
رحت ليله ابحضر زواج واحد من زملائي مطيري الله يوفقه ومحرص على حضوري الحاصل كنت مرهق وتاخرت قلت اباخذ كاس شاهي الورق الاقشر على بال ماوصلت القاعه---ابغاه يبرد وانا افك جناحينه على قولك=ومع الربشه ونزلتي من السيارة ما انفكت زين وتليتها وجبت العيد على الثوب ولا توقعت اللي بيصير لاني يوم نزلت للجماعه داخلين صالة الطعام وباقي هو وابوه ومعهم مجموعه-واقفين- والكاميرا اتصور وانا جاي ادرعم ويركزون الكاميرا علي وهو يرحب بصوت عالي ==امحق ترحيب خلاهم يناظرون'''''''وش يناظرون كاني مسويها على المنطقه الاماميه والثوب ابيض والله واسلم وللخلف در:D:j:j

ههههههههههههههههههههههههه
ههههههههههههههههههههه
وسعت صدري مع هالصبحيه
تدري ويش اللي خلان اضحك زياده
تذكرت يوم اقول لك اول مره اشوف واحد يلبس سروال السنه وتحته سروال البجامه ولكن هالمره هقيته حماك والا كان علوم
والظاهر من بعدها بدأت تاخذ احتياطاتك

[ابو ماجد 2]

كفو ياعطرى
لغز صعب بكل ماتعنى كلمة صعب
والدليل وابل الرمعات اللي ماصابت
وكفو يابوماجد


كفوك الطيب يامال الطيب
والرمعه تحضر وتغيب وحسب رايي هناك ماهو اصعب منه ولم ياخذ كل هالوقت

[عطري]

كفو ياعطرى

لغز صعب بكل ماتعنى كلمة صعب
والدليل وابل الرمعات اللي ماصابت

وكفو يابوماجد


كفوك الطيب يا أبا صقر الشمالي
ماشاء الله عليك أشوفك قنصت اللغز الجديد والله العالم

بالنسب للغز محبوك بالحيل و ما هو صعب
و مثل ما قال فارس الألغاز : الرمعة تحضر و تغيب.

و التوفيق من الله.