المساعد الشخصي الرقمي

مشاهدة النسخة كاملة : ودي احول الباترول من بخاخ الى كربريتر ، شوركم


sgl2002
02/04/2013, 06:08 PM
السلام عليكم ورحمة الله

عندي الباترول 98 بخاخ 4500

لايعاني من اي مشاكل والحمد لله وصافي جدا

لكن خطر ببالي اني اغيره الى كربريتر ، لانه انشط واخف حرارة ومافيه حساسات وكمبيوتر وكلام فاضي ، وهذي عن تجربة لكن وشي الحاجات المطلوبة غير :

ثلاجة المكينة - كربريتر - قربة الهواء بالخرطوش - طرمبة بانزين عادية - شكمان من عند الدبة الاخير اللي اخر شي


وقلت مانستغني عن شور النشاما
باترول88
02/04/2013, 06:23 PM
هلابك اخوي
كان معي باترول سلق اربع ابواب 2003 مكينته 4500 كربريتر
الصراحه المكينه نشيطه جدا يعني مافيها اي فاصل
كان يجب تحت 200 بالراحه وايضا كنت اقوم على البخاخات وصوته يطربك وايضا يتفتف بس على خفيف
وطرنبه البنزيل كهرب بعكس مكينه 4200 والكلبريتر يختلف
والحراره كنت فاك البلف ومركب مراوح سوباروا ودائما على c واذا دخلت البر وجلدته ترتفع الى الربع
و

عيوبه الكربريتر غثيث جدا وماشاكله واجده صح انه مستحيل يطفى عليك او ينكبك بالبراو سفر بس التقطيع وصرفيه البنزيل تبهذلك

بس بالنسبه لك اتوقع ماينفع راح تلعب بالموتر كثثير وايضا المساله ماتسوى يعني خساير على الفاضي

اتوقع بسعر موترك يجيبلك 2003 سلق وكلبريتر بالراحه
قبل سنه تقريبا شريته ماشي 200 الف 40 الف فقط
اعذري طولت كلام
وبالتوفيق
sgl2002
02/04/2013, 06:52 PM
انا لو حصلت سلق نظيف ماشاورت لكن كلها معدومة
أحمد محمد1429
02/04/2013, 09:58 PM
نصيحه لوجه الله لاتحوس في الموتر خله على ماهو مالك فيه بعه وأشتر اللي في بالك
لاتقرب الترهيم ولا يقربك
إلا إذا كنت مدمن ورش
سفاري سوبر
02/04/2013, 10:50 PM
نصيحه خله على شغل اللي صنعها
صدى الاطلال
02/04/2013, 11:25 PM
والله ارى ان تتركه على ماهو
شكرا
no fear 78
03/04/2013, 12:20 PM
على قولة اهل مصر (ابعد عن الشر و غنيلو)
MSAN
04/04/2013, 03:40 AM
هلا بك عزيزي..

بشكل عام الفرق بين البخاخ والكاربريتر في نظام الوقود هو الضغط والكمية.. البخاخ يحتاج ضغط عالي بين 50 و 60 بي اس اي في كمية قليلة(مواصير صغيرة)
وأغلب الكاربريترات تحتاج ضغط بنزين من 7 إلى 9 بي اس اي فقط..!


أتمنى لك التوفيق.. ولاتنسى أهم شي ان الكاربريتر يكون أوف رود..
أنا شخصيا مجرب كاربريتر هولي Truck Avenger في البر والطلعات والمنحدرات.. والنطلات أحيانا :D ولم أواجه فيه أي مشكلة تشريق أو انقطاع بنزين..


بالتوفيق مرة أخرى
You Like Me
04/04/2013, 10:50 AM
وعليكم السلام والرحمه

انا رأيي من رأي الجماعه اشتر راحتك وفك نفسك

والشغله حوسه وغثيثه

يبي لك بعد ماتغير الثلاجه مخرطه
تقفل فتحات الانجكترات
وتوسع فتحه الثروتل وفتح سنن جديده
لقاعده الكاربريتر
وديلكو
واعتقد والله اعلم إن ضفيره البخاخ تختلف
ومن بعدها ترتيب الضفيره وعزل الوايرات
وإلغاء حساسات
يعني بيني وبينك ماتسوى تعبها
وانت في غنى عن ذلك مدام انك ما شاء الله ما تشتكي من شي

والله يكتب لك اللي فيه الخير
ر ق ط 518
04/04/2013, 07:57 PM
صادز انت تحول من بخاخ الى كلبليتر
البخخاخ انشط من الكلبليتر وصوته طرب عند التفتفه

خلهه على مكينتهه ازين لكك وتسانكك تبي تبيع المككينه علمممن (:
شحرور الدهنا
05/04/2013, 12:30 AM
غلطان وانا اخوك
sgl2002
05/04/2013, 01:13 AM
شوركم وهداية الله


انا كنت احسب الشغله بدون مايتدخلون بالظفيره

لكن مادام فيها حوسة كهرباء اجل لا
ls1.5700
05/04/2013, 07:36 PM
الحمدلله انك استخرت
موترك احسن من مليون كبليتر
الناس ترهم من كبليتر الا بخاخ وانت العكس الله يهديك بس
sgl2002
05/04/2013, 09:38 PM
^^^

والله ياخوك اني احب الترهيم واختراع اشياء جديدة والتجربة


والظاهر بشتري باترول قديم واقعد اعدل عليه
You Like Me
05/04/2013, 09:40 PM
الحمدلله انك استخرت
موترك احسن من مليون كبليتر
الناس ترهم من كبليتر الا بخاخ وانت العكس الله يهديك بس

صدقت والله
والمشكله مو هنا
المشكله ماراح يلقى
احد اساسً يضبط له الشغل
والله العظيم مابعد سمعت احد حول سيارته
ومرتاح ومبسوط من الشغل الكل يشتكي ومتحسف
بس كويس انك هونت:good2:
والله يبارك لك في حلالك ومالك
MSAN
06/04/2013, 03:31 PM
صدقت والله
والمشكله مو هنا
المشكله ماراح يلقى
احد اساسً يضبط له الشغل
والله العظيم مابعد سمعت احد حول سيارته
ومرتاح ومبسوط من الشغل الكل يشتكي ومتحسف
بس كويس انك هونت:good2:
والله يبارك لك في حلالك ومالك





عندي جمس حولته من حلاب لكارب.. وزي اللوز ماشاء الله تبارك الله :D