كيف اسوي وكر من صنعي حتى لو اي كلام

[بحر المقناص]

السلام عليكم
كيف حالكم انشاء الله طيبين:good2:
المهم.....انا ابي اعرف كيف اسوي وكر اي كلام
وارجوا ان تفيدوني..:)

[بحر المقناص]

طبعا انا قلت احط خيشة رز تحت الشبوط قال اخوي لا بيقطعها

[بحر المقناص]

وين الي يعرف بالشيء ذا

[رحال القرية]

حط كم بلوك داخل خيشه و تأكد انك تشق حفرتين تربط السبق بها

[بحر المقناص]

مشكور اخوي رحال القرية

[بحر المقناص]

طيب اذا تقدر تفيدني بصور.لو سمحت

[صقار الهدادي]

اخوي على حسب الوكر الي انت تبيه . سواء كان وكر رمل او عشب

وفي كلا الحالتين ينفع انك تجيب علبة (مثل علبة النيدو ) وتحط بداخلها اسمنت ، ولما يجف الاسمنت عاد بكيفك كانك بغيت تحط رمل أو ترتان (عشب صناعي) ولا تنسى اتسوي فتحه على طرف العلبه (عشان السبق)

ارجو اني اكون افدتك

[بحر المقناص]

مشكور يا صقار الهدادي وجزاك الله خير انت و رحال القرية

[صقار الهدادي]

مشكور يا صقار الهدادي وجزاك الله خير انت و رحال القرية

ما عليك زود

[عبدالله بن الشيخ]

اسلام عليكم ,, أولا أحيي فيك هذي الروح العالية والعزيمة على صنع الشيء بمفردك

وبإذن الله ستستطيع مع الأيام أن تحقق العديد من الأشياء التي تحتاجها للمقناص والطير

هي شرارة البداية فقط ومن ثم ستنطلق انشالله , وكما قالوا ( الحاجة أم الاختراع )

المهم ياخوي ركز وياي وحاول تفهمني :

1) خذلك سطل ماي صغير , اللي ارتفاعه شبر ونص تقريبا , ولازم يكون قعره أصغر من فتحته , يعني يكون هرمي الشكل .
2)اشترلك اسمنت وجبس ورمل , وينفع لو كان بدل الجبس اسمنت ابيض . طبعا فايدة الجبس او الاسمنت الابيض هي سرعة الجفاف واعطاء الوكر اللون الابيض الجميل , وهذا افضل من الصبغ الابيض بكثير , وممكن تستغني عنهم.
3) اخلط في وعاء آخر الاسمنت مع الرمل والجبس
ملعقة الاسمنت = ثلاث ملاعق رمل = نص ملعقة جبس , أضف ذلك حسب الحاجة واخلطهم جيدا قبل الماء
4) أضف الماي وامزج جيدا جيدا
5) اسكب الخليط في السطل الصغير وضعه في الخارج حتى يجف , من يوم الى يومين
6) افسخ الوعاء وسيخرج لك قالب الوكر
7) صمغ على رأسه العشب الصناعي وقص زوائده
8) اخرق الوكر بالدريل من الجنب لوضع البرغي ذو الحلقة المعروف

وماعندي صور الله يحفظك , واذا سويت بصورلك , والسلام

[بحر المقناص]

جزاك الله خير ياعبدالله بن الشيخ و انشاء الله بسوي الحركه هاذي.

[بحر المقناص]

شكرا لكم جميعا على الافادة