منظم الغاز

[شمالي و الهوا غربي]

تكفون يالربع نبي فزعتكم
واحد له سنة عجز يازن منظم الغاز في اابيكال .
كل المعلومات اللي فهمناها فر الغاز يمين ويسار فقط
مع العلم ان مافيه رقم او علامة تاقف عندها لكي تكون البنق مثل وزنة بلدها.
وتكون المكينة مرتاحة.
تحياتي

[براوننق ماكسس]

اخوي شف هالرابط وان شاء الله يفيدك
http://www.mekshat.com/vb/showthread...42#post6288742 (http://www.mekshat.com/vb/showthread.php?p=6288742#post6288742)

[شمالي و الهوا غربي]

برا نج ماكسس
ماقصرت في جلب الرابط. ولكن لم يتم استيعابه بالشكل الصحيج..
يقول لا تعدى لفتين يمين او يسار. ولا قال ايهم افضل للبندق.او من وين يبدا
يدخل الصامولة في حجرة الغاز.
يخرج الصامولة من حجرة الغاز؟؟ تكفون اللي فهم شرح الربط ينورناا
او يضيف لنا من معلوماته الله لا يهينه .

المخ مازال محجر.... بلانتظاااار

[براوننق ماكسس]

وزن غاز البيكال تشوفه الخط اللي بالصوره يكون حد المنظم اللي في الداخل على حد الفتحه هذا اذا كنت منت رامي بضغوط عالية يعني ترمي الى ضغط 40 واذا تبي ترمي ضغوط عاليه تفره لكلمة هفي بالانقليزي ولاتفره اكثر من دورتين هذا قصده يعني اذا كان المنظم الداخلي على حد الفتحه وهذي وزنه شد البلد لاتفره اكثر من لفتين يمين او لفتين يسار
ارجو اني استطعت اني اوصل المعلومه واذا ماوصلت علمني

[ابو فزاع.]

زي ما قال اخوي براونق

ونصيحة من محب

لا ترفة ولا تحركة ولا تفكر تحركة وتبلش وتوسوس مع شي ما تعرفله

رميت لين ضغط 50 او 52
وكمان 32

ولا حركته في الحالتين

الله يرحمك يا البيكال < زمان يا فن :) :)

بالتوفيق

[شمالي و الهوا غربي]

مو طالع عندي صورة . ولكن بديت افهم من الشرح
وهالحتسي هو ملفوف عشر مرات .
واللي فهمته ان السنة تتساوا مع فتحت الغاز من عند محل المفتاح.
علىٰ العموم ماقصرتوا بيض الله وجيهكم.
ونبي نحاول نطبق اللي فهمناه.

تقديري لكم

[براوننق ماكسس]

http://im40.gulfup.com/GiPZK.bmphttp://www.gulfup.com/?1Rjv6S
ارجو انها تكون وضحت الفكره

[شمالي و الهوا غربي]

واضح بس ودي بالمزيد من الايضاح.
مثل لو شديدت اكثر من مرة وش يصير وايهم احسن للمكينة
وكذلك المسافة بالسوق هل له دور . والشد هل يخفف خروج الغاز على الاجزاء

[براوننق ماكسس]

شف يابعدي على الوزنه اللي قلت لك تقدر ترمي الى ضغط اربعين .
الوزنية السليمة تحذف الفارغ من 2 الى 3 متر
اذا كانت أبعد من 3 متر فالغاز قوي ويجب ادارة القرص (عكس عقارب الساعة)
وإذا كانت إقل من 2 متر فالغاز ضعيف ويجب ادارة القرص (مع عقارب الساعة)
ومعنى لاتتعدا لفتين يمين او يسار يعني جرب اذا الفارغ صار اقل من مترين مثلا ابد بالتدوير ربع لفه وجرب ارم وشوف الفارغ كم صار من متر اذا هو مازال قليل برضه لفه بنفس الاتجاه ربع لفه
وهكذا الين توصل لوزنتك اللي تبي سواء رمي الضغوط العاليه او الضغوط العاديه
طبعا بالوزنه اللي قلنا لك عليها لو رميت ضغط اكثر من اربعين وش يبي يصير اللي يبي يصير طال عمرك ان الفارغ راح يكون ابعد من ثلاث متر وبكذا لازم تفتح الغاز شوي زي ماقلت لك مثلا ربع لفه او نص لفه الين تشوف الفارغ صار من مترين الى ثلاثه متر
وبالنسبه للمكينه طبعا راح تتأثر اذا ماوزنت الغاز على الضغط اللي انت ترمي به
وبالنسبه للسوق اكيد له تأثير فمثلا وازن الغاز على ضغوط عاليه ورميت بضغط خفيف مثلا 32 اللي يبي يصير ان الغاز مفتوح زياده فماراح تحذف الفارغ وماراح تسوق رميتك راح تكون ضعيفه والعكس لو رميت بضغط عالي وانت وازنها على ضغط خفيف راح يأثر على البندق على المكينة وعلى الماصوره خاصه اذا كان التشك ضيق بعد

ارجو اني ماطولت عليك ويكون شرحي واضح ان شاء الله